KIRIN688

引用:

原帖由 鴻略 於 2024-2-18 07:01 發表

第八場盃賽紅愛舍前後減三分就回到千四，應有出擊意，機會馬之中較有分頭的一匹，朗朗乾坤及巴閉哥仍在升軌，當然分頭就欠奉。第九場木火兄弟及精算謀略最熱，值博率就稍低，因有極速奇兵做攔路虎。

另講第三場四班千四，先揀展 ...

又噏中 朗朗又唔肯出閘 係咪要強制退役

鴻略

引用:

原帖由 KIRIN688 於 2024-2-18 04:49 PM 發表
又噏中 朗朗又唔肯出閘 係咪要強制退役

估計有多一次機會，林醫生突然好運轉惡運，另一匹上星期流鼻血......

KIRIN688

引用:

原帖由 鴻略 於 2024-2-18 16:55 發表

估計有多一次機會，林醫生突然好運轉惡運，另一匹上星期流鼻血......

賽後報告話除暫時唔俾報名 連試閘都唔得 雖然無明言強制退役但暗示想馬主識做 當然啦 尋日單係WP投注佢度都二千幾萬
星期三挑戰杯煞科
第二場嘅一班110分1650隻越駿歡欣上場真係塞車 跑呢場有補飛味道但134磅係一大難題 嗰場跑第四嘅當年情由前一場一月杯平磅115到今場受讓十磅足以反先 係路程有啲短但谷戰跑高啲 對手之中著褲城隻舞林密碼雖然初跑此程但前一場沙田千六走入馬林都有段追唔算太差 上場千四所見騎落較均速 呢場得七隻跑走位上易搞得多
第四場嘅一班110分千二都唔駛點諗 呢個路程六W嘅小霸王必然係大熱門 上場越級挑戰G1百周年紀念杯走位失誤都有第四係驚喜 呢場仲抽埋二檔更好跑 Q方面魅力寶駒不足三星期內就跑第三場 符合神仙當初嚟香港學簡SIR嗰招密密跑作風 已經證明留後一格守中間都得點都要拖
第七場唔少馬唔係無態就重磅 索性告仔三隻鐵角算數
尾場三班85分跑一千快鬥快場合 346場次同程包Q嘅萬眾開心英雄豪邁又碰頭 檔位跑法上萬眾開心仲係有利嘅一方 英雄豪邁之後跑場盲門千二當快操 三重彩仍要拖不過今場能否構成翻版Q就要睇埋黎昭昇另一隻 上場有追但腎虧潘跑得求求其其嘅極光彗星 今場條友停賽換短途搶閘有一手嘅希威森 擺得到前置三四位隨時馬房Q返嚟唔意外

[ 本帖最後由 KIRIN688 於 2024-2-20 16:16 編輯 ]

鴻略

引用:

原帖由 KIRIN688 於 2024-2-19 01:39 PM 發表
賽後報告話除暫時唔俾報名 連試閘都唔得 雖然無明言強制退役但暗示想馬主識做 當然啦 尋日單係WP投注佢度都二千幾萬
星期三挑戰杯煞科
第二場嘅一班110分1650隻越駿歡欣上場真係塞車 跑呢場有補飛味道但134磅係一大 ...

報道謂希斯會建議馬主將朗朗乾坤運返澳洲復役，如日方中之馬突然出問題，離奇又可惜。


今晚，第二場的舞林密碼，千四前後比較，現在必須放棄頭段，上仗迫前就欠後，千六慢步速鬥爆一段可當千四跑。

第七場開心勇駒上仗贏來比預期少，可能檔位稍差令早段用得多，今次檔位較好，總的來說就有機會而欠信心。冷門可考慮發財大師，現在早段夠快，應可切入二疊，預期能克服外檔，憑田草級數，有爭勝機會。



另講第六場，剛好揀了1-2-3檔。將俠上仗大外檔急搶大敗不作準，今次排內檔預期順利慢慢貼欄留守放頭馬後或領放都可以，跑出前仗水準屬爭勝要角。一絕是另一田草馬，上兩仗千四路短都追得好包括一次入Q，已在爭勝狀態，早前谷草同程太早外疊發力輸近，今次檔好留到直路才衝，會是前駒最強對手。加非凡上仗初跑同程直路有勢，但又是過早外疊發力而差埋門幾步，今次一檔兼換人，若正常掌握好發力點，應反先威威鬥士，第三選。威威鬥士與鐵三角互有勝負甚接近，對比前三駒應屬四四五五之馬。

鴻略

引用:

原帖由 KIRIN688 於 2024-2-19 01:39 PM 發表
賽後報告話除暫時唔俾報名 連試閘都唔得 雖然無明言強制退役但暗示想馬主識做 當然啦 尋日單係WP投注佢度都二千幾萬
星期三挑戰杯煞科
第二場嘅一班110分1650隻越駿歡欣上場真係塞車 跑呢場有補飛味道但134磅係一大 ...

你最簡單的一句就有冷QT；非級際賽串T，絕無僅有，甚至可能唯一一次。

KIRIN688

引用:

原帖由 鴻略 於 2024-2-21 21:57 發表

你最簡單的一句就有冷QT；非級際賽串T，絕無僅有，甚至可能唯一一次。

又龍上場檔差放得太快 換艾道拿又好檔所以一定保險要埋 張生嗰啲延期報名加入可以唔駛睇理論已經outc不過話返轉頭 就算魔頭年代同馬房包T都係明顯勝負已分 好似頭先咁告仔自己友三隻鍊到最後一步分勝負睇怕絕無僅有

KIRIN688

星期日戲肉三冠次關香港金杯浪漫勇士唔跑董事杯根本係應該 連打覺士盾同香港杯兩場硬仗用力唔少 抖兩個月時間夠 操練正常而雖然抽最外檔但平磅始終有利 麥道朗夾到熟哂點都要返 至於董事杯盟主遨遊氣泡今場跑二千就點都唔信 打比一場真係形勢使然 腎虧潘騎仲好對賭攻擊 而三週前G3讓磅百週年紀念瓶前三馬就要返直線力山作為Q腳 平磅賽同讓磅賽係兩回事 布文貴為大賽騎師發揮有保證 至於三重彩方面安遇有好檔負磅大減 二二三三唔係無可能
尾場鐵角 明亮天下同競駿輝煌又同場上陣 兩隻嘅外地賽績明顯加程上千四更合 初出喺嫌短嘅千二包Q睇嚟係恃質凌人 雖然排檔比上次更外但另一角度睇縮後啲隨時衝得仲勁 至於第三勢力方面堅又威同縱橫天下喺378場次交手 堅又威跑啱哂都係贏少少 加磅後贏面無上場咁高 相反縱橫天下就塞車塞到傻撲返上嚟第四 唔塞車係有權入P 今場換布文孭少啲死磅 論餐士唔會低得過明亮天下同競駿輝煌
第八場三班千六 又係亂局 係最好扒冷場合 獵人成全日屯重兵 呢場擺隻質新份子十八掌門 喺上場年初三415場次同程內欄後追接近 跑完兩場上力繼續有內檔 上名機會比之前高啲 而初三同十八掌門同場跑後一個名次嘅太陽勇士論表現全程望空返嚟輸唔夠三個馬位係唔差 今場排12檔 如果田雞立心將隻馬縮後入直路跑後追 剷入一席唔意外

[ 本帖最後由 KIRIN688 於 2024-2-24 18:27 編輯 ]

KIRIN688

越洋直播只講沙特杯最後嗰三場
新未來城草地杯 平磅G2跑二千一 衆矢之的一定係古摩嘅盧森堡 上場香港杯個第二整個兩段衝程盡顯級數 唔係俾浪漫勇士走甩早已經贏左 稍為要彈就係古摩啲馬抖一輪狀態唔會十足 頂多八至九成 係跑卡士 至於其他馬好多似是而非 連上年跑朱德望錦標包尾而回嘅勇狐隊都搏大霧過嚟 呢場整體水準唔高 日本三隻最似樣肯定係強配拉哥嘅上年東京優駿第三心曲 九戰贏得一場唔荒勁得去邊但係又可歸咎一路都用松山弘平 今場首度俾拉哥出戰睇幫得到幾多

紅海草地讓賽 G3讓磅跑大長途三千 又係亂局一場 日本四隻又唔算突出 今場搏歐洲嗰批馬 首選蘇仔嘅亮采 二千八米以上嘅長途賽績有證明 今年休後復出就喺杜拜跑場二千八熱身入Q 睇嚟乾快地對佢影響有限 跑完呢場估計杜拜金杯係目標所在 Q腳方面搏重大決定 最近跑嗰幾場係除左雅士谷金杯四千米太長大敗外其他跑哩半到三千米都有P算穩定 忽然問高多芬借主帥布宜學唔似陪襯

戲肉沙特杯泥地千八米 只轉一個彎等同沙田千八嘅左轉版本 應該係日本同美國之爭 喺BC經典賽一Q返嚟嘅小村白馬同取勝秘技再碰頭 首選就取勝秘技主因就係遠征有證明而上年呢日嘅沙特打比跑P 再嚟沙特跑首本路程秤先 至於小村白馬勝在主動而同奧天信合拍 如果遠征無問題肯定再同取勝秘技又激戰一場 三選都係要返盈寶奇嶽 話哂贏上年杜拜世界盃 上年跑BC經典其實唔差 可能中東氣候更啱佢發揮

[ 本帖最後由 KIRIN688 於 2024-2-24 09:22 編輯 ]

KIRIN688

引用:

原帖由 鴻略 於 2024-2-21 21:57 發表

你最簡單的一句就有冷QT；非級際賽串T，絕無僅有，甚至可能唯一一次。

咁肯定唔止一次班際賽串T嘅 步步友喺二班貝湯美贏條街嗰場就係其一

月影偷情

聽日我買😌😝連捷🤭....😌司長出馬🗣️全部讓路!

[ 本帖最後由 月影偷情 於 2024-2-24 16:10 編輯 ]