鴻略

引用:

原帖由 KIRIN688 於 2024-3-3 08:19 PM 發表
大至尊一出就贏二千真係夠黐線 難怪老香港係咁吹奏😆

沒有看內文，但老香港吹十匹博贏一匹耀武揚威乃慣常動作，加了「並非貼馬」一頂頭盔更不必認真；外地贏馬姿態好就大家知，最關鍵是潘頓一手操練顯著緊兼屢試中長途閘，跑來亦有胸有成竹之感，沿途輕鬆，有內欄好位亦不等待而很早拉出外疊，二三班中長途差距少，確會是驕陽明駒的打比勁敵，要肥葉捱一兩場未必有問題，次仗後遺症就每個馬房都有機會。回說經典盃，禪勝輝煌稍可惜，若僅糾正及不轉鞭繼續讓座騎輕微外閃，應該贏到。

昨晚喝酒今日日間一直不適，否則應該至少中十二神將搭今朝更好的超賠率熱Q，今朝更好賭過，上仗輸近而轉好檔就必追，十二神將表現穩定向上上仗同一場入Q出色兼潘頓搶騎竟然有五倍而非兩倍則離奇，冷落但輕勝，反而三班要靠形勢才有前列機會的愛馬善就兩倍，位置1.1倍(閞閘前1.0倍)，可謂「恭喜晒」。

月影偷情

禪勝輝煌😌如果Win嘅話,孖寶正獎就好分頭😌....

[ 本帖最後由 月影偷情 於 2024-3-3 22:43 編輯 ]

KIRIN688

星期三賽事下半場無賭頭 集中睇三四五場
第三場四班千八 呢排天氣潮濕場地肯定偏慢 對家樂飛駒呢啲擅跑濕地嘅馬嚟講有利 先揀 Q方面神仙隻華卓晴今季兩場谷戰都入Q 似乎比泥地跑高一班 七檔如果守中後六七位有cover唔係無機
第四場三班千二第一組 巴薩諾瓦喺一月復出後跑幾場上力 又係同家樂飛駒一樣谷戰偏慢場地無咁硬會好跑 而且呢場得九隻跑更易攞位 Q揀純跑際遇有一檔利守好位嘅幸運旅程
第五場三班1650 兩星期前443場次三班突分同程中告仔三重彩 又龍串鳳同赤兔猴王今場又出但嗰場撼得咁勁 尤其又龍串鳳今場跑返80分正常三班變相雙重加磅孭多11磅又檔位排最外 第一隻劃走 至於赤兔猴王頂多三重彩腳 向兩隻一二檔馬埋手 勝益善雖然上場喺四班贏 今場返三班但同初出插班評分仲有距離 谷戰偏淋場地又啱晒呢啲英愛馬 另一隻排好檔嘅美麗滿滿今季無乜抽檔命 次次都係排中外檔但成日例衝一段 今場終於求仁得仁有二檔係黃金機會

[ 本帖最後由 KIRIN688 於 2024-3-5 15:50 編輯 ]

KIRIN688

引用:

原帖由 鴻略 於 2024-3-3 22:17 發表

沒有看內文，但老香港吹十匹博贏一匹耀武揚威乃慣常動作，加了「並非貼馬」一頂頭盔更不必認真；外地贏馬姿態好就大家知，最關鍵是潘頓一手操練顯著緊兼屢試中長途閘，跑來亦有胸有成竹之感，沿途輕鬆，有內欄好位亦不等待而很早 ...

目標係打比嘅話當然問題不大 但一出就跑二千如果隻馬俾魔頭練十成搵千六嚟開氣 至於經典杯 驕陽同禪勝咁樣撼法 三星期後嘅打比仲係咪會keep到？尤其驕陽 個處境極似當年首飾太陽 到打比就無以為繼

[ 本帖最後由 KIRIN688 於 2024-3-4 12:44 編輯 ]

月影偷情

驕陽....冇乜落鞭喎!

KIRIN688

引用:

原帖由 月影偷情 於 2024-3-4 13:48 發表
驕陽....冇乜落鞭喎!

就算無落鞭 平磅對著比自己低廿幾分禪勝輝煌都係贏少少 打比再跑長二百有無咁嘅能耐

[ 本帖最後由 KIRIN688 於 2024-3-4 17:13 編輯 ]

鴻略

引用:

原帖由 KIRIN688 於 2024-3-4 12:34 PM 發表
星期三賽事下半場無賭頭 集中睇三四五場
第三場四班千八 呢排天氣潮濕場地肯定偏慢 對家樂飛駒呢啲擅跑濕地嘅馬嚟講有利 先揀 Q方面神仙隻華卓晴今季兩場谷戰都入Q 似乎比泥地跑高一班 七檔如果守中後六七位有cover ...

第三場四班千八，家樂飛駒及華卓晴是正路馬，目前大熱Q。華卓晴原泥地起家而草地欠佳，今季卻忽然性能變，谷草千六強組負於赤兔猴王而壓倒上星期再贏的建測羣英，目前實力似乎比家樂飛駒更高。另兼顧得勝多，上仗田草入Q衝得勁，狀態復起在此班惡，有一檔好跑，爭勝份子。


第四場三班千二，巴薩諾瓦、幸運旅程及顏色大皇又再同場，結合檔位改變，同意前兩者較好，而且有分頭，另兼顧人和家興，上兩仗俱佳，組別級數或比前三駒一組更強，現在不必放頭，排二檔可跟隨幸運旅程，會有一鬥。


另外第八場四班千六，正路揀健康之星及武林至尊，前者上仗慢閘衝刺佳，落四班稍超，後者則此班中堅。冷門博先到先得，千四千八近而未有威脅，千六合，神仙馬會續進，望闖入一席。

KIRIN688

引用:

原帖由 鴻略 於 2024-3-6 19:16 發表

第三場四班千八，家樂飛駒及華卓晴是正路馬，目前大熱Q。華卓晴原泥地起家而草地欠佳，今季卻忽然性能變，谷草千六強組負於赤兔猴王而壓倒上星期再贏的建測羣英，目前實力似乎比家樂飛駒更高。另兼顧得勝多，上仗田草入Q衝得勁， ...

服哂告仔 今次唔敢買馬房Q 雖然話魔頭入場都唔敢臨場買😑

鴻略

引用:

原帖由 KIRIN688 於 2024-3-6 08:51 PM 發表
服哂告仔 今次唔敢買馬房Q 雖然話魔頭入場都唔敢臨場買😑

我也後悔，看好較冷的華卓晴，應該做膽拖回上仗總算贏的八駿笑昇。


剛才一場欠信心，忌了不明物體就不賭，直覺就太陽拍檔與南區旺一對，有遠績根據。

KIRIN688

星期日女皇銀禧杯主力講第九場
六七同八場係咁意講幾句
戲肉嗰場金鑽貴人俾張生噏中千四最好 抽埋八檔更好跑 除非馬又有內部問題咁無得講 Q腳方面布文揀神虎龍駒放棄加州星球應有見地 上場田雞係跑得差 三重彩要返準繩嘅永遠美麗

第八場直路賽就係占士德同星際快車單挑格局


第六場 上次中遨遊武士今場雖然加磅但隻馬超過千二磅咁大份應該問題不大 對手當然係金匯昇昇同手機錶霸 單Q就要手機錶霸 主因係除檔位差唔多外 金匯昇昇得一千磅多啲 負重能力打折扣 手機錶霸一連幾場啲後勁非一般四班馬可比 同樣信布文


第九場二班突分千八 傳統上呢場係打比最後搶分機會但今場無四歲馬 高班馬青黃不接嘅現象 集中睇告仔四隻同馬王輝三隻 首選仍然係桃花雲 始終呢啲高班中距離賽事磅位行先 二班輕磅好過三班重磅 執最外檔更好免受塞車之苦 次選馬王輝嘅常拼常勇 明顯留住衝更合 今季兩勝同程都贏得輕易 雖然麥道朗做唔到磅但換班德禮影響唔大 三選告仔另一隻錶之五知 布文跑四場全數入圍 雖然孭133磅都難以捨棄

PS：老魔頭年代攞到一次冠軍練馬師嘅飛機陳終於仙遊 活到98歲呢個年紀真係唔容易 RIP

[ 本帖最後由 KIRIN688 於 2024-3-9 17:04 編輯 ]