KIRIN688

皇家雅士谷賽期第二日戲肉 G1威爾斯親王錦標跑二千 古摩隻多產巨匠唔懷疑能力但失準成性 贏可以好勁但輸隨時一棟都無 所以投注上唔考慮 至於高仕登嘅旋進軌跡就揀呢場唔跑前一日嘅女皇安妮錦標 雖然上場樂景傑錦標係熱身但個第四有啲失望 FRANKIE今年長守美國所以高仕登搵定SHOEMARK嚟主㘘 不過呢條友跑大賽能力仲未證明太多 感覺上都係位置馬 搏好分就要咸頓陣營千夜傳說 歐洲馬嚟講呢隻算少有跑到乾快地 上場愛爾蘭冠軍錦標跑得唔差 呢場執埋二檔有利前跟守好位

[ 本帖最後由 KIRIN688 於 2024-6-19 19:41 編輯 ]

KIRIN688

皇家雅士谷賽期第三日 第三場三歲馬女G2列普谷錦標哩半 朱德望陣營兩隻要包義定拍莫艾誠嘅幻夢逸想 上場美寶莉錦標雖然得第二但彈甩後面主馬群 增程上哩半更合腳法 抽埋一檔更有利佢前置守好位主動跑法 Q方面葉森橡樹第四嘅觸動心扉之前一場橡樹預賽贏馬就係乾快場地至少證明合跑 人馬夾到熟哂要防
戲肉G1雅士谷金杯 四千米大長途 前年冠軍饒舌達人上年不幸受傷結果無緣衛冕 季尾復出兩場交出應有水準 今年嘅備戰程序正常 兩戰都算贏得輕鬆 估計交出水準嘅話呢場可以贏佢可能得一兩隻 就係高仕登三雄其中之一 不過個人傾向貼心威廉多啲 主因係另外兩隻同馬房嘅漁利盡收同貴格兒之前嘅績最長都係跑兩哩 四千米擺明跑路遙知馬力 貼心威廉之前跑唐加士打杯三千六米都入Q 增程上四百嘅問題相信不大

[ 本帖最後由 KIRIN688 於 2024-6-20 17:48 編輯 ]

KIRIN688

星期日本地賽事重開
兩場G3當中精英杯加州星球再出但頂磅 投注角度要返伍仔兩隻神虎龍駒同綠族無限算數

第六場四班千四第二組 勝利神駒同新力好兩隻放頭馬在陣步速至少正常 揀兩隻季內搏得少嘅馬 錶系嘅錶之將來上年元旦爆完傷肌腱抖足年半 月頭復出跑千二居然有追勢 喺四班始終有利 丁仔差三場就上岸 出得到就當然搏 Q方面揀智智多寶 季中爆缸後上個月復出千二跑得唔錯 之後上從化試埋大閘 抽三檔形勢大利 健康唔出問題嘅話呢組要贏難度未算好高


第九場今季最後一場級際賽G3精英碟千八 三週前獅子山錦標錶之銀河同禪勝輝煌要影相分勝負 但同時兩隻都用力唔少 隔得三星期休息未知係咪夠 搏下喺嗰場無跑嘅 第一隻今季大熟越駿歡欣 女皇杯對著浪漫勇士同先見不過輸三個馬位算唔差 磅位不變而對手比上場差一截 首選 遮打杯第二嘅錶之五知雖然告仔話千八嫌短但其實都唔失禮 四戰得一場唔入前三但都輸得近 呢場有步速啱佢發揮 搏多隻常拼常勇 同樣抖左兩個月但功夫做足 孭最輕磅又一檔難以忽視

[ 本帖最後由 KIRIN688 於 2024-6-22 17:30 編輯 ]

鴻略

引用:

原帖由 KIRIN688 於 2024-6-21 06:22 AM 發表
星期日本地賽事重開
兩場G3當中精英杯加州星球再出但頂磅 投注角度要返伍仔兩隻神虎龍駒同綠族無限算數

第六場四班千四第二組 勝利神駒同新力好兩隻放頭馬在陣步速至少正常 揀兩隻季內搏得少嘅馬 錶系嘅錶之將來上 ...

第六場四班千四我也揀了錶之將來及智智多寶。新力好屬後上馬，前仗偶然地遇慢步速自放贏馬，上仗矯枉過正放得太快，今仗排一檔不必再搶，守好位鬥後勁預期有不同表現，兼顧。

第三場四班泥地千六，前仗同程走勢最吸引是年年友福及妙算歡騰，上仗千八則縱橫大進與勇晉當銳包Q，感覺四駒較佳。縱橫大進換布文稍留跑法贏得出奇地易似再進，勇晉當銳縮程或較促但有一檔；前兩駒上仗稍有追近算失望，或步速及場地不利後追，重回千六或可見真章。若互串犯本剔一匹就放棄妙算歡騰，往往要大後上取位蝕。

第四場四班千八，春風萬里表現穩中有進，上仗同程第二，正路選擇。八駿笑昇近期亦連貫好表現，上季田草早有好走勢，後上跑法會更合田草，有同程及近績馬不多，夠爭。威武勇駒上仗泥地第四正是縱橫大進贏馬一仗，不利後追場合，第三的慶萬家再出從包尾後上補中，今次威武勇駒再減兩分又適應負重，亦可爭勝。

月影偷情

R 9 告厩出四隻可見重視,本人愛駒 8 禪勝輝煌
試下四重彩買五隻互串 或  2,8 膽 拖告厩 果三隻博下😉

KIRIN688

星期三只講3,4,8呢三場
第三場四班1650第一組 燊榮之星兩星期前布文贏馬但今場布文就接騎赤馬雄風 加磅換腎虧潘檔位外移 赤馬雄風三班遊馬河輸幾場又落返四班上從化 季尾仲要拆埋組水準更低 信布文 Q方面川河冠駒開刀後復出三場開始接近 抽一檔更好跑
第四場四班千二第二組 燉馬馬房嘅精益大師又抽二檔天都幫埋 雖然執左兩劑但啲操練功夫無放緩過 似係搏埋呢場先抖暑 成熱門都要揀 Q方面吼下逐漸上力嘅夢幻駿駒 近三場跑谷戰開始接近 而上場726場次同程雖然話場地有變但跑得唔差 埋門整課彈閘算係方仔少有咁安排 贏就未必但求位置應該唔難做到
第八場無時間打 繼續追喜蓮勇略同浪漫老撾

[ 本帖最後由 KIRIN688 於 2024-6-26 16:22 編輯 ]

鴻略

引用:

原帖由 KIRIN688 於 2024-6-24 07:20 PM 發表
星期三只講3,4,8呢三場
第三場四班1650第一組 燊榮之星兩星期前布文贏馬但今場布文就接騎赤馬雄風 加磅換腎虧潘檔位外移 赤馬雄風三班遊馬河輸幾場又落返四班上從化 季尾仲要拆埋組水準更低 信布文 Q方面川河冠駒開 ...

第三場四班1650看法一樣，赤馬雄風較超，主要測試希斯撳制能力，季中贏過較易「煲起」，贏面最高。川河冠駒跑近後抽一檔再回配贏馬拍檔，爭勝份子。如多揀一駒，取從田草轉來的手錶之星，增程未知，但其他馬實在不吸引。


另外第五場四班另一組1650，正路揀我做到及獎星，前者前仗好而上仗似輸地濕。冷門博抽一檔的快快盈，田草千四已有相當競爭力，泥地千六亦近，傷後試閘不差。

KIRIN688

71星期一

第四場本季最後一場直路賽 三隻初出馬全部前置放頭而舊馬之中連連有盈又係放頭 買一對檔位貼看台嘅後上馬英雄豪傑同萬里飛至算數


第六場杯仔場合 一個月前713場次同班同程前四再碰頭 明眼人都睇出嗰場係大龍鳳 威哥兩隻尤其傑出漢子8應放唔放居然留 主力原來係巴閉哥用超慢步速放頭但被瑪瑙所擒奸有奸輸 呢次三檔就睇佢玩乜出樣 嗰場頭二馬擺明賺形勢 呢條翻版Q勢必變雞肋唔值追寶尾 反而喺三班成日重磅接近嘅潮州精神上場加一分終於可以升二班孭輕磅好好跑 雖然13戰只贏一場但上名率唔差 算係忠心 抽最外檔可謀定而動


第九場四班千四第二組 近績嚟睇應該係時間寶 堅闖同河好運三雄之爭 Q就選擇時間寶搭河好運

第十場腎虧潘同布文揸住天天同樂開心寶寶仲要排正一二檔 條Q想唔熱都難但並非全無隱憂 天天同樂初跑轉彎千二仲要係跑嗰陣開哂燈未知晚間出賽適應性 開心寶寶前一場起步慢左守好位爆落去唔多 搏下兩隻同樣排內檔但相對好分嘅實力派同多利彩駒

[ 本帖最後由 KIRIN688 於 2024-6-30 21:38 編輯 ]

鴻略

引用:

原帖由 KIRIN688 於 2024-6-28 07:12 AM 發表
71星期一

第四場本季最後一場直路賽 三隻初出馬全部前置放頭而舊馬之中連連有盈又係放頭 買一對檔位貼看台嘅後上馬英雄豪傑同萬里飛至算數


第六場杯仔場合 一個月前713場次同班同程前四再碰頭 明眼人都睇出嗰場係 ...

你中第四場冷Q有斬獲

講下尾場三班千六，獨步天下千二起家上到千六成大熱，照常飛起。十八掌門放棄早前二千而縮程跑千六，近戰穩定而操練正常，贏馬前跑千六已追得不俗，用艾兆禮亦是強配，遇上對手普通有機會爆。金陽飛駒亦早見好追勁但換上潘頓幾場表現反退，上次多血而今次休足再跑亦縮回千六，星期三有類似賽績的爭金奪冠換走潘頓即勝，金陽飛駒配巴度有好檔，夠爭。第三選取回光明傳承，上仗不知所謂，儘管當作路長，肥葉馬亦慣性失準，前仗同程頂磅壓倒早在三班追近兼近期三班補中的精英雄心，表現無花假，今次回到贏馬路程，或重見真身，兼顧。

KIRIN688

引用:

原帖由 鴻略 於 2024-7-1 20:41 發表

你中第四場冷Q有斬獲

講下尾場三班千六，獨步天下千二起家上到千六成大熱，照常飛起。十八掌門放棄早前二千而縮程跑千六，近戰穩定而操練正常，贏馬前跑千六已追得不俗，用艾兆禮亦是強配，遇上對手普通有機會爆。金陽飛駒 ...

張福元話過佢最like賭直路賽 夠公平
跑星期四

第二場二班一千都唔駛點諗 美麗第一對水晶酒杯單挑 攞嚟過關
第三場四班一千大多數馬似是而非 唔見得會爆 極光彗星同鴻圖新星呢雙星控制大局

第八場三班1650又見赤兔猴王但今次檔位大幅外移 加埋135頂磅 仲要今季搏左唔少硬仗 隨時臨門幾十米可能腳軟 簡單啲飛漲搭唯美主義

重心場次第四場四班千二第一組 形勢混亂 預計成熱門不外乎初跑谷戰嘅晨曦麗人同金匯昇昇但各有隱憂 晨曦麗人連谷閘都無試過仲要整個10檔跑法上必然被動 金匯昇昇同程四戰就三個第四 質素似未係想像中咁高而上場同程無乜點錯情況下連必先生呢隻四班中游分子都贏唔到 當然向好檔位馬埋手 首先揀精明勇駿 擺明跑際遇 今年對上同程五戰雖然未勝但全入前四 抽三檔好跑 另一隻伶俐驫駒上場前置三疊望空都力保有P 今場個一檔又係大大有利 不明就係日頌月讚 初出泥地遊馬河而上場初跑谷戰換腎虧潘起步大慢閘唔見幾個馬位 返到嚟腎虧潘求其撩幾鞭都有個第六 今場腎虧潘停賽換霍阿仔相信火燒唔熱 抽四檔只要起步順利以呢組水準三甲應有

[ 本帖最後由 KIRIN688 於 2024-7-3 20:45 編輯 ]