KIRIN688

22/9

戲肉G3慶典杯就單Q中華盛景搭潮州精神算數
頭場泥地四班跑1650 好多馬似是而非 要返近績叫似樣嘅年年友福 泥地中距離賽程已經唔多 出得到要好好把握 之前泥閘千二走勢吸引 呢場得十隻跑走位上有更大彈性 Q方面揀發財秘笈 變數在轉馬房同埋跑返早有證明但差唔多成年無跑嘅泥地 田雞一早仄好有埋個一檔天然包廂 趁季初對手唔多先下手為強

第六場三班千六 先揀燉馬馬房嘅光明傳承 暫時千六最好而煞科無影可歸咎之前一場硬拼抖得兩星期回氣不及 暑假返從化做功夫又試埋大閘 蔡仔攞返嚟騎知點跑 Q方面揀明亮天下 勝在六月尾已經抖暑休息期夠 一早搵布文過檔而有一檔 睇能否跟前啲


尾場二班千二 表面睇係合夥奔馳同競駿輝煌單挑但合夥奔馳要讓九磅有危機 搏佢唔入Q只拖三重彩腳 除先要競駿輝煌外扒冷要凱旋時光 嚟香港第一季頭幾場都係跑草地而嗰季最後一場後上如箭僅敗 反映根本可以跑後追 係上季大多數時間跑泥地俾人覺得係泥地馬 但個人認為隻馬草地能力唔會差得過泥地 抽十檔肯定被動但換嚟分頭而受讓合夥奔馳16磅有利 如果臨場有雨利外面追肯定更好

[ 本帖最後由 KIRIN688 於 2024-9-22 05:26 編輯 ]

KIRIN688

25/9

第五場三班1650 希斯兩隻建測羣英俾腎虧潘但檔位外移 個九檔極考際遇 要返跑法簡單嘅赤馬雄風 上返三班輕磅而四眼綸又贏過 呢啲老馬唔會保留 Q方面揀有路程根據嘅爭金奪冠 一早開操又有大閘 田雞去日本前要壯下行色
第六場要返有好檔嘅江南勇士同得意佳作算數
尾場三班跑一千 上季819場次前三再碰頭正路計 巴薩諾瓦加磅應該機會差多少但腎虧潘隻年少多好孭134磅唔好得幾多 巴薩搭返紅逸舍呢條翻版Q算

[ 本帖最後由 KIRIN688 於 2024-9-25 02:29 編輯 ]

鴻略

引用:

原帖由 KIRIN688 於 2024-9-23 07:19 PM 發表
25/9

第五場三班1650 希斯兩隻建測羣英俾腎虧潘但檔位外移 個九檔極考際遇 要返跑法簡單嘅赤馬雄風 上返三班輕磅而四眼綸又贏過 呢啲老馬唔會保留 Q方面揀有路程根據嘅爭金奪冠 一早開操又有大閘 田雞去日本前要壯 ...

近兩期都事忙兼值博馬少，仍在觀察。原想追下寶尾賭第四場旋風傳奇，及再跟一次轉好檔的君智盛，可惜前者剛剛退出，後者搭第三選領創動力目前只得13倍又偏低，單Q欠信心，始終君智盛上次快放輸得遠，而跑第五那仗的前列馬包括和平波及光明傳承其後三班都落第，「優點」是目前票數硬朗，餘下馬匹亦不大吸引。

第六場江南勇士當起，好檔夠抵消加分，仍可勝。得意佳作準繩而覺評分緊，預期前列三四但Q有壓力，分頭尚可。我博黑桃火箭，馬正退步但三班尚有衝刺力，一下子減六分降班用布文，有頂磅入Q紀錄，有力衝擊前駒。保險腳就勁好運，過去有好檔就有不俗表現，田轉草，對手減弱，前列份子。

KIRIN688

28/9 星期六
第七場三班千二杯仔場合 天天同樂估計1.幾W大熱無分頭 135頂磅搏唔入Q 先揀操足嘅球星 成個暑假留喺從化做功夫 做埋大閘返落嚟 雖然要孭132磅但布文孭少好多死鉛 有埋好檔跑出水準應入Q 扭一扭要埋同樣從化做嘢又有好檔嘅超霸勝

第九場上季表現穩定嘅遨遊武士加到130磅再抽11檔又初出千六 睇一場先 兩星期前中將義結果腎虧潘條仆街即刻搶嚟騎 中開唯有照跟 半冷風火恆雲 雖然係季初但操練功夫顯示有一出即拼意 上三班輕磅有利


尾場腎虧潘老早搶騎盈研威楓 暑假開操前後試三個大閘做哂嘢先出嚟 伍仔呢啲上季無乜用過嘅馬睇嚟會打快攻  不明就係富國兄弟 上季尾最後一場後追第五雖然對手機錶霸無威脅但證明開始上力 暑假返從化雖然快跳唔算多但個大閘走勢唔差 韋賊呢日手馬都有動靜 趁有分頭拖一票

PS：前南早寫手MICHEAL COX早兩日喺自家網媒出左篇魔頭訪問 相關連結

https://idolhorse.com/zh-hant/horse-racing-news/hong-kong/john-moore-is-back-as-an-owner/

[ 本帖最後由 KIRIN688 於 2024-9-28 04:48 編輯 ]

月影偷情

R 7：死Q 1 、2

KIRIN688

星期日嘅日本賽事戰線
第五場藏紅花賞 兩歲馬女跑草地千六 李慕華喺呢啲場合大把馬揀 結果都係要上場喺新潟一騎就大勝 出自頌讚火星嘅絲綢會名下巧繡生花 小休復出跑呢場對手無多 首選 單Q要同樣上場新潟大勝嘅尚麗海兵 有一檔可以守好位好跑

第六場櫻花進王杯 三歲以上兩勝賽跑草地千八 絲綢會又有隻牌面馬繁華古街 跑同場同程四戰全部入Q 今場有一檔又有拉哥點都要揀 Q方面出自金之霸嘅治世王爵今年下半年復出兩戰全勝 同樣勝在可跟前而石川裕紀人又騎開 單Q

尾場外房錦標 三歲以上三勝賽跑泥地千二 又係向李慕華埋手 姬驪姐姐出道六戰其中四場跑泥地三勝一位 擺明泥地王又機動跑法先揀 單Q玉藻蓬壼 近三場阪神同東京泥地千四都後追接近 縮返嚟跑一戰上名嘅中山泥地千二雖然換坂井難忽視

戲肉G1中山短途馬錦標跑草地千二 日本短途大賽近咁多年除左一隻龍王獨大外向來出現輪流贏大混戰 今年就有隻冒起新星里見夢境 出道九戰七勝而近兩勝G3函館短途錦標同堅蘭杯贏得輕鬆 雖然排12檔但前速夠快可以咬好位 連達文雖然有兩日客串牌但都係只接呢隻馬連其他場次都唔接可見重視 先揀 其他腳方面大海女神 消暑樂祭同奈村佳盈雖然叫做近年日本短途馬嚟講比較似樣但都無當年龍王霸氣 反正無分頭就向冷門埋手 第一隻就係未贏G1但近期喺G2G3有馬贏嘅出奇致勝 今年係佢連續第三年跑呢場 前年第二 上年雖然第六但輸唔夠三個馬位 足證中山千二合發揮 松山弘平騎開而三檔好好跑 另一隻冷門就係上場堅蘭杯一換拉哥就入Q輸俾里見夢境嘅榮進瞭望 雖然拉哥接騎維港智能但換騎後上馬硬淨嘅德國冠軍薛達祺未損戰力 要得里見夢境無理由唔揀呢隻 至於香港隊兩隻維港智能抽14檔未跑判死刑 而綠族無限跑後追就睇下步速幫到佢幾多 三重彩腳

[ 本帖最後由 KIRIN688 於 2024-9-29 03:38 編輯 ]

月影偷情

引用:

原帖由 月影偷情 於 2024-9-28 09:06 發表
R 7：死Q 1 、2

真係中$33.

KIRIN688

十一賽事
第八場唔駛點睇 手機錶霸同陽光勇士單打獨鬥局面

尾場金勝名駒上季五月後一早抖暑 復課後積極打磨 董明朗今季支持唔多 出得到梗砌 Q腳之一紅愛舍 變數在轉韋賊初出重頭做起 暑假再減4分嚟到71分有反彈餘地 只係二檔未必好跑但肯定火燒唔熱 另一隻腳星運少爵 整體演出算準 兩星期前同程喺直路初對著魅力知遇大紅袍攞位唔順 到真正望空衝刺人地將義已經開行turbo 佢就啱啱撻著 結果輸個幾身位俾將義跑第七 呢個名次反映唔到真實情況 兩星期後再戰換霍阿仔如果際遇好啲有權入P


戲肉G3直路賽 焦點之一應該係上場中嘅魔術控制 但由三班賽一下子上嚟G3 而本場又要緊張大師 狀元及第放頭 隨時燒乾 買返上季尾一Q返嚟又可以咬好位嘅龍之輝同美麗第一 三重彩加返勝不驕

[ 本帖最後由 KIRIN688 於 2024-9-30 02:01 編輯 ]

鴻略

引用:

原帖由 KIRIN688 於 2024-9-29 03:12 PM 發表
十一賽事
第八場唔駛點睇 手機錶霸同陽光勇士單打獨鬥局面

尾場金勝名駒上季五月後一早抖暑 復課後積極打磨 董明朗今季支持唔多 出得到梗砌 Q腳之一紅愛舍 變數在轉韋賊初出重頭做起 暑假再減4分嚟到71分有反彈餘地 ...

尾場金勝名駒四班贏馬姿態好，升班仍有可為，要揀。紅愛舍上次不差現亦減夠分，轉倉應有鬥志，檔好不必留得太後，有力重敲勝門。 星運少爵準而不進步，千二較好，千四入Q一次而水準一般，保險腳，我較屬意勁進駒，上次與星運少爵同場，檔劣留在尾而追得極勁，熱身過後可再進，呂廄馬給人信心，檔位亦轉好，亦可爭勝。

G3次次結果不同，魔術控制上仗贏得不輕鬆，上一班而與已證明實力的例如狀元及第及緊張大師同磅，我看難有一席，其他除了水晶酒杯較低，揀哪一匹都沒有所謂，勝不驕上季贏同程而狀元及第接近第四，目前負磅再拉開，兩匹都有機會。


另講第五場，添喜運上仗同程檔劣卻大變身，沿途大外疊仍贏實力指標馬匹，伍廄馬好開會好，仍檔劣但形勢難差過上仗，有分頭可追寶尾。連連歡呼上季尾入Q證明減夠分兼復起，轉新倉操好才跑，跑最佳路程而抽好檔，爭勝份子。保險腳博元朗精英，上仗千二表現不過不失，幸兩匹前列馬再出獲勝，增程上千四而檔好，可再上。

月影偷情

引用:

原帖由 鴻略 於 2024-10-1 00:26 發表

尾場金勝名駒四班贏馬姿態好，升班仍有可為，要揀。紅愛舍上次不差現亦減夠分，轉倉應有鬥志，檔好不必留得太後，有力重敲勝門。 星運少爵準而不進步，千二較好，千四入Q一次而水準一般，保險腳，我較屬意勁進駒，上次與星運少爵同場，檔 ...

R 7 ： 8 魔術控制 睇好佢🏇🏻😌繼續win ....