引用:
原帖由 鴻略 於 2024-12-18 23:07 發表 
金駒永騰和開心之旅兩匹都極失望,包裝伯樂上仗僅僅先過兩駒過終點捱個第四,今日竟然又贏到,離奇
全晚大利放頭跟前 競駿光輝前三段開得快都捱到 玩死人
22/12
麥道朗暫別戰都繼續追佢嗰啲馬
尾場先 二班千二 氣勢同天天同樂估計大熱Q但就偏向虎山行搏兩隻一齊唔喺度 揀102場次佢地包Q而嗰場第三嘅華麗再勝 近兩場谷千二形勢差但輸唔遠 實際上跑沙田同程11次得一次唔上名準到不知 102場次由受讓氣勢三磅變10磅而檔位差唔多 投注價值梗係揀呢隻 Q選神仙另一隻精算暴雪 上場初跑泥地千二際遇差返嚟都輸唔遠 負磅有利而賀銘年難得有呢隻實力座騎必砌
第六場四班二千米 215場次谷二千二有七隻今場再對碰 嗰場包Q嘅亞福得寶同管之友經過磅同檔調整後仍然處有利水平 亞福得寶算叫做上升緊 雖然麥道朗騎盈益善但換貝知仁都唔差 抽十二檔都預留後跑 至於管之友同程成績唔差 俾返徒弟騎繼續輕磅有威脅
第七場三班千二第二組杯仔賽事 愛馬善同糖不甩上場買一齊叮唔服氣 愛馬善換麥道朗又一檔睇著競駿先鋒嚟跑相當有利 而糖不甩同樣檔位內移好跑 追多次
第九場玩笑加同樣美麗又同場 排檔又一次不相上下而分別在玩笑換麥道朗 上場居然起步被夾留後結果返到嚟第四 呢次希望起步順利跟好位 同樣美麗路程準繼續跟
秋古馬三冠尾關有馬記念跑二千五米 擂台躉勝局在望腳傷退出變群龍無首 但賽前走位預計佢都係排乜檔都縮後跑 所以步速形勢無左佢其實無乜大變化 佢退出最大受益者肯定係兩隻本年三歲世代經典賽盟主 贏次關東京優駿嘅野田分位同尾關菊花賞嘅名城潮流 當中野田分位輸菊花賞雖然係下半季第一場出無熱身但橫山阿伯喺頭哩半完全發夢係事實 跟下留下跌落尾四五位最後追返第六 呢次縮返二千五有埋一檔同東京優駿形勢一樣 有埋阿仔橫山和生嘅寶徠歌劇開路更好跑 希望橫山阿伯好自為之 名城潮流算四平八穩而李慕華跑有馬成績不俗 QT唔可能唔揀 三選方面喺SUNDAY RACING 嗰幾隻揀返利森名園 上場走去美國跑BC草地不被睇好之下幾乎殺低桀驁之戀有驚喜 返嚟五戰三勝嘅中山馬場抽好檔換更硬淨嘅馬昆係黑馬
[
本帖最後由 KIRIN688 於 2024-12-21 06:17 編輯 ]