鴻略

引用:

原帖由 KIRIN688 於 2021-7-12 11:32 AM 發表
21年馬季本地最後一戰

最後四場心水

先講第八場 勝賢報名後已經mark住 最近兩場走位不如人意 尤其上一場咁樣塞一塞  今場抽十檔 有趣在方仔明明有契弟豐可以用 反而用今季合作得個位數嘅涼瓜 老香港要準備向方仔開 ...

第八場正路就是這三匹，剛好排最差檔位，勝賢檔位相對較好兼前速較快，較易入二疊，跑出就保證有分頭，配搭就有交換意味，方仔徒弟騎1。

第九場較複雜，因為加入幾匹田草上風馬，除了你提到的紅旺及佐治勇駒，還有賽績更硬淨的牛角仔及志力同心，看臨場情況。

第七場智醒財星三歲馬搏兩場後散咗，連續失準，繼續失準或恢復水準難以計算，精彩勇士相對較似樣。

另外我講第三場，水準不高賽事，多多歡笑田草級數轉谷草的前跟馬得排好檔，冰雪奇遇穩定馬由薛恩換雷神，一對熱門先選，歡樂好友此程不及一千，與其熱到乏味，不如博進優自在入一席較好分頭，田草千二屢追近入前列，若能適應谷草兼有步速便有機會。

KIRIN688

引用:

原帖由 鴻略 於 2021-7-14 17:42 發表

第八場正路就是這三匹，剛好排最差檔位，勝賢檔位相對較好兼前速較快，較易入二疊，跑出就保證有分頭，配搭就有交換意味，方仔徒弟騎1。

第九場較複雜，因為加入幾匹田草上風馬，除了你提到的紅旺及佐治勇駒，還有賽績更硬淨的牛角仔 ...

賽後檢討 臨場加埋牛角仔搏三四重彩就跑個包尾 谷戰完全唔掂 紅旺早喺隔離馬彼德兄個帖已經批死 佐治勇駒極度失望 都唔知搞乜 另外想講旗幟輝煌 走位全無誠意 早知係咁要返喜蓮慧星就算 但郭能騎瞳矓光彩又係唔知騎乜

KIRIN688

下星期開始又有越洋馬播 頭炮英皇錦標 到時都會有心水
另一邊廂魔頭繼續贏馬

[ 本帖最後由 KIRIN688 於 2021-7-17 17:24 編輯 ]

KIRIN688

今晚英皇錦標日 揀返出馬少嘅場合
先講兩場讓磅賽 第三場讓磅一哩直路 先選布宜學騎嘅最新一代 六戰只有兩場不入前三 一場二千路程不合 另一場變化地唔得 應該係少數歐洲馬應付到跑好地 另一隻好近績係今年跑草地直落贏三場嘅卡伊海島 上次贏同場轉彎一哩可能個磅影響 所以贏少少 升班減9磅好跑 再選就係上次輸俾卡伊海島嘅真大師 同樣負磅有利加强配搭換莫艾誠 三甲份子

尾場讓磅哩半雖然路遙知馬力 但曾經跑跳欄賽嘅馬跑哩半多數嫌短 所以上次跑跳欄嘅動漫獅子第一隻唔會考慮 首選幻旅途 雖然未勝但喺哩半賽事上名長力有證明 挑剔係最近兩場騎佢嘅杜漢培今天改騎闖南域 初跑哩半但似乎呢位騎師對闖南域更有信心 單Q

戲肉英皇錦標 六隻跑 場地持續偏好嘅話歡暢今宵呢隻爛地王第一隻飛得 另外萬勝飛上次跑日蝕大失所望 好懷疑年初嗰兩場沙特杯同司馬經典已經用哂 分齡讓磅個負磅更不利 古摩兩隻擺明心之所慕主力所在 本來想三歲馬仔Q但心之所慕機動跑法 要佢無Q又好似難度太高 計埋跑法比較偏向孤傲飛鷹為串Q對象 FRANKIE繼續肯騎必有見地

[ 本帖最後由 KIRIN688 於 2021-7-24 10:04 編輯 ]

KIRIN688

幻旅途退出 無乜馬可揀唯有改要女將嘅星照耀

鴻略

引用:

原帖由 KIRIN688 於 2021-7-17 05:22 PM 發表
下星期開始又有越洋馬播 頭炮英皇錦標 到時都會有心水
另一邊廂魔頭繼續贏馬

今晚看看

每到英皇錦標就想起爆冷

鴻略

引用:

原帖由 KIRIN688 於 2021-7-15 08:14 PM 發表
賽後檢討 臨場加埋牛角仔搏三四重彩就跑個包尾 谷戰完全唔掂 紅旺早喺隔離馬彼德兄個帖已經批死 佐治勇駒極度失望 都唔知搞乜 另外想講旗幟輝煌 走位全無誠意 早知係咁要返喜蓮慧星就算 但郭能騎瞳矓光彩又係唔知騎 ...

郭能兩場的其他騎師發揮更離奇，郭能贏馬，看賠率似乎有堆人知道向來放頭的盛大光輝讓路，但方仔應該不獲通知。

瞳矓光彩不是早一季那一匹，莫浪求亦然，告東尼搏一季散了的不少，勇敢皇者更要退役。

預期紅旺縮程會留後衝，若跟前就不對路。

[ 本帖最後由 鴻略 於 2021-7-24 18:51 編輯 ]

KIRIN688

引用:

原帖由 鴻略 於 2021-7-24 18:15 發表

今晚看看

每到英皇錦標就想起爆冷

爆冷如果當年馬主係李醫生 遠征跑英皇一啲都唔奇

另外依家有啲雨 英皇錦標三重彩加返歡暢今宵

[ 本帖最後由 KIRIN688 於 2021-7-24 20:51 編輯 ]

KIRIN688

古活賽期第一日 戲肉兩哩大長途古活杯
弦樂器爭取五連霸好老實講 上次雅士谷金杯就算輸都無理由輸得咁難睇 嚟到呢個年紀能力只會有跌無升 搏其他馬 首選上年冠軍長途杯盟主真章 擺明爛地性能突出 今日如果場地持續偏軟加上平磅角逐更有利 古摩軍團四隻之中要左阿細仔訓練嘅日光天子同老豆嘅士兵之歌 兩隻同樣喺雅士谷金杯輸條街返嚟明顯無四千米氣量 落返嚟兩哩必然好跑 再加上主帥騎蛇紋石更加放心落注喺呢兩隻度

[ 本帖最後由 KIRIN688 於 2021-7-27 15:33 編輯 ]

KIRIN688

古活賽期第二日 戲肉G1薩色士錦標 千六米
第一次聽呢個名已經好耐之前 香港國際賽升格G2後第一隻以黑體G1頭馬身份贏就係出自呢場一哩G1嘅第一島嶼
今場嚟睇年長馬嗰幾隻嚴格嚟講未到馬王級數 而當中兩隻古摩馬喺變化地已經證明唔得 睇嚟佢地想贏G1要寄望聽日蘭秀錦標嘅法國橡樹盟主貞德女傑 心水都係屬意三隻三歲馬 詩情綻放  滴酒不沾同白雪燈 單計分齡讓磅已經大利 再加上變化地有根據 頭馬應該係呢三隻其中之一莫屬

[ 本帖最後由 KIRIN688 於 2021-7-28 14:11 編輯 ]