KIRIN688

光榮古活賽期最後一日 心水第三同四呢兩場分級賽

第三場 三歲G3 哥頓錦標哩半 鐵角心水第一隻揀藍營高多芬嘅伊比爾族 上次新市場輕勝G3嘅二千六米賽事似係越長越好 高多芬近排喺大賽成日有佳作 呢隻馬即使質素不及雅大爺但擺呢度有力一戰 對頭古摩兩隻秤先主帥出戰啟導浪漫 連續兩場哩半G1愛爾蘭打比同巴黎大賽都入P 再對同齡馬點都要拖 三選就係三界 葉森打比似乎對場地唔適應但都追返個第五 古活馬場哩半無葉森馬場咁難跑 要剷入一席非難事

戲肉馬女G1 蘭秀錦標 二千米 六隻角逐 反而心水同尋晚嘅薩色士錦標相反 要兩隻年長馬女 慷慨寛宏近績奇準 今年只跑過場威爾斯親王錦標賺體力 計往績嚟到呢場馬女G1應該讓得起三歲馬女嗰九磅嘅差距 古摩嘅貞德女傑呢隻法國橡樹冠軍略嫌近兩場用力唔少 而之前跑嘅馬場卻拉 李奧柏同尚蒂伊呢三個場算平坦 初跑古活呢個落坡馬場到底能否適應打問號 倒不如要返作戰經驗豐富嘅寶索夫人 一哩本來就係短所以成日後上不及 今年初出就贏新市場G3千八米早證明有長力支持 騎師熟哂隻馬 呢條年長馬女Q搏得過

[ 本帖最後由 KIRIN688 於 2021-7-29 18:35 編輯 ]

KIRIN688

星期二直播羅斯齊爾德大賽日 有隻前魔頭馬出賽 就係壯思飛 跑尾場三班膠沙地千三米 騎師當然係老巫 返法國後呢隻馬跑三場都無嘢睇

主題賽事跑馬女一哩直路 睇落1至6號年長馬女無邊隻突出 要讓三歲馬女七磅處下風 三隻心水都係三歲馬女 首選當然係古摩陣營嘅后土 雖然勝出率唔高但好準 話哂係英國一千堅尼盟主實力有返咁上下 上次跑新市場法爾曼斯錦標同佢一齊返嚟嘅白雪燈加滴酒不沾喺之後薩色士錦標分別跑一三 個formline强勁 莫雅終於過返嚟法國跑想唔搏都難 個人認為最大對手會係日本吉田家族雙雄 心起舞喺法國一千堅尼殺低后土 證明一哩能力同后土不相上下 上次跑法國橡樹大敗睇嚟氣量唔到二千一 杜滿樂見大勢已去都無點用力 跑返一哩現真身 同主緹麗驥今年直落贏三場銳氣正盛 無跑堅尼同橡樹到底仲有幾多喺手唔知 可惜蘇仔要騎返波士阿加汗啲馬被迫換雷哥 但雷哥跑大賽同老巫一樣特別醒神 連贏三重彩要預一席

[ 本帖最後由 KIRIN688 於 2021-8-3 15:12 編輯 ]

KIRIN688

8月8日主題賽事紀爾斯大賽 千三米直路
兩隻預期熱門星光俠同鈴兒花應該控制大局 尤其鈴兒花早已習慣東征西討 而呢個多維爾馬場舊年已經跑過仲贏出 場地不成疑問 星光俠啱啱贏新市場七月杯而對手正是英聯邦杯先鈴兒花過終點但被告甩嘅龍圖騰 賽績六戰五勝非常硬淨 多維爾馬場無乜上斜應該更合發揮 三重彩要返見水即生嘅塞爾河谷

PS：多維爾馬場嘅直路賽事排位號碼同香港英國有分別 細號碼係由貼看台嗰邊數起

[ 本帖最後由 KIRIN688 於 2021-8-8 15:23 編輯 ]

KIRIN688

8月15日多維爾馬場主題賽事 G1傑克莫華大賽
八隻跑一哩直路 照睇都係秤先上年呢場馬嘅翻版Q 海上宮殿因為血液不正常退出薩色士錦標 變相多兩星期休息 蓄銳之下可能更好 星耀峻嶺今年上半年完全唔出 上個月約克復出跑場十化郎表列賽擺明熱身 但一樣入位 八戰未失前三實在準 詩情綻放勝在主動 但感覺今年搏得太多 一於搏唔喺度 三重彩同四重彩可以諗下藍營高多芬一對嘅總冠軍同中城

[ 本帖最後由 KIRIN688 於 2021-8-15 15:03 編輯 ]

KIRIN688

8月18日約克伊波賽期第一日主題賽事
G1 朱德望國際錦標 2051米

三隻年長馬對四隻三歲馬 第一隻劃走阿倫克爾 喺巴黎大賽雖然第三但輸條街 級數上似乎比同場另外幾隻三歲低  無懈駒上次同今場其中一隻馬大航海家喺前哨戰約克錦標碰頭 有受讓之利同無乜跑錯之下竟然齊齊輸俾二線馬曼谷市 實力要重新估計 滴酒不沾上次薩色士錦標賽前貼左結果表現出色 但今次包義定又嚟上年佳明驥翻版增程上二千多啲打問號 三四重彩可以考慮但W唔值捧 愛爾蘭二千堅尼冠軍文政兼從增程上哩半失敗 落返嚟二千多啲應該好少少 勝在有戰意但無冠軍相 睇嚟都係萬勝飛同心之所慕兩隻之爭 萬勝飛留後威力始終比望空走更好 心之所慕唔知係咪初出用力多 到英皇錦標表現令人失望 金教堂避戰古摩就推呢隻上去 頭馬非此即彼

[ 本帖最後由 KIRIN688 於 2021-8-18 09:45 編輯 ]

KIRIN688

8月19日約克主題賽事
G1 約克郡橡樹 年長馬女撼三歲馬女跑哩半
表面睇係歡暢今宵單挑古摩今年英愛橡樹盟主雪霸天 但兩隻各有隱患 歡暢今宵呢隻典型爛地王 太受場地限制 上次出戰英皇錦標個地唔啱心水結果唔跑 尋日朱德望錦標跑出兩分鐘內時間根本係石頭地 今日個地仲係咁嘅話又可以選擇唔玩

雪霸天兩場橡樹大炒對手包括今場兩隻自己友 但呢兩場嘅對手之後無一能勝 水準打問號 反而係另外兩隻喺列普谷錦標串Q嘅馬濃情滿夢同宜先動未曾同雪霸天交手 尤其係咸頓酋長陣營嘅宜先動 到底仲有幾多暗牌在手未知數 濃情滿夢勝在跑法主動啱哂FRANKIE胃口  今場古摩出動兩隻電兔護駕雪霸天其實對高仕登嚟講可能仲好 小缺點係約克馬場最後直路足足900米能否頂到宜先動同雪霸天嘅後勁

[ 本帖最後由 KIRIN688 於 2021-8-19 08:59 編輯 ]

KIRIN688

8月20日約克主題賽事

其中一場G2 倫斯度杯 大長途三千二
12隻報名最後得返5隻出賽
基本上係弦樂器 真章同傳教團呢三傑之爭 勝負睇天氣 真章同歡暢今宵一樣 場地越爛越啱跑 弦樂器啱啱相反 個地越好就越有利 無嘢可評
戲肉G1楠索普錦標 一千米直路

指標性賽事就係上月尾喺古活上演嘅英皇佐治錦標呢場G2 一千米 上年盟主巴特殊都係有贏呢場 包Q嘅兩隻爽颯同龍圖騰喺之前英聯邦杯交過手 爽颯似係完全唔適應雅士谷上斜結果大敗 上次跑古活落斜即刻現真身 約克直路賽同尚蒂伊一樣平坦理應無礙發揮 龍圖騰八戰無甩Q但極失運 英聯邦杯贏馬結果被告甩 今年如果無場G1落袋又係講唔通 至於FRANKIE騎嘅美國馬友情比金睇賽績似係典型子彈快放馬 但約克馬場直路賽普遍對放頭馬唔多著數 能否一啖氣放返嚟實在有懷疑 加上未曾孭到135磅咁重磅 搏三甲不入 三重彩冷門考慮莫斯吉爾 純粹買佢約克同程好準 6戰全入前三 加上本身跑法後追 呢場咁多快馬對佢有利

[ 本帖最後由 KIRIN688 於 2021-8-20 09:13 編輯 ]

KIRIN688

8月22日多維爾馬場主題賽事

G1 尚羅萬尼錦標 馬女跑二千

八隻參賽馬可能會有一兩隻會嚟跑國際賽絕對唔奇

睇落算壁壘分明 寶索夫人一上到二千就喺蘭秀錦標贏得清脆利落 依家跑呢個路程威力仲强過一哩 頭號勁敵必然係蘇仔嘅倚蓬萊 賽績準繩但同尋晚龍圖騰一樣仲未贏G1 呢場要贏係要過寶索夫人呢關 上年盟主慷慨寬宏喺蘭秀錦標居然大敗唔知乜事 換返文迪沙寶正路俾多次機會 不過呢啲馬投注上點都有戒心

如果計賽績硬淨隻雷鳴夜都唔差 唔計初出之外 跑十場得上年場冠軍馬女不入前四 似係哩半唔到 跑二千米能力相信唔差得過2同3 三選揀呢隻

[ 本帖最後由 KIRIN688 於 2021-8-21 21:05 編輯 ]

KIRIN688

咁就一季 星期日開爐
全日戲肉淋病市長杯
希斯隻肥仔叻叻殺聲震天咁喎😆

[ 本帖最後由 KIRIN688 於 2021-8-30 16:51 編輯 ]

鴻略

引用:

原帖由 KIRIN688 於 2021-8-30 04:49 PM 發表
咁就一季 星期日開爐
全日戲肉淋病市長杯
希斯隻肥仔叻叻殺聲震天咁喎😆

錶之未來已補中，叻叻升班補加3磅(配明綸？)仍是最惡一匹。

今日831。