KIRIN688

引用:

原帖由 鴻略 於 2021-12-8 01:15 發表

加州一寶出戰，不排除幕後想重要日子威威，同場1-2-7-9-10有機會，賠率不吸引，僅觀賞。


尾場更接近，2-4-6-8-10上仗分別在兩場近距離決勝負，再加俏芳華如日中天，難賭，可以提下電訊巴打外地贏過千八，北極光則上仗落飛變大熱但走 ...

尾場係幾難搞 俏芳華整定大熱 但初上二班又增程 值搏分頭欠奉 向冷門埋手 玖寶整定得谷戰係出路 一早再搵莫雅跑又一檔分頭上必然好過俏芳華 冷門星運子爵 跑法多變而孭磅算有利 方仔呢場兩隻都搵外援必有所圖 計埋檔位同騎師功力信馬昆 至於北極光 上場落重飛失手 再上千八理應更合 不過呢場亂局 難言有信心
PS：四場國際賽心水已定 就算未排位都係圍著外隊馬嚟買 主隊係得支鎗撐起 如果佢都輸埋真係搵窿捐

[ 本帖最後由 KIRIN688 於 2021-12-8 09:58 編輯 ]

KIRIN688

全年戲肉香港國際賽 四場心水
香港瓶先劃走三隻主隊馬對比外隊明顯長力欠奉 五隻外隊之中再劃走日本其中一隻輸卡士嘅愚者眼界 而衛冕重臨業界巨頭今年大走樣劃走埋 得返耀滿瓶 致勝一擊同倚蓬萊呢三隻 講真耀滿瓶上年肯嚟衛冕根本贏硬 依家年紀再大啲戰力走下坡仲有幾多唔知 頂盡T腳 致勝一擊贏加冕杯後小傷索性抖 早部署呢場而上個月復出跑場膠沙地熱身 跑出水準呢組掃哂 倚蓬萊有馬女受讓之利 練馬師之前曾經憑自豪揚威香港杯 退休在即呢場必然好好把握
短途錦標
正宗港日大戰 老實講主隊今年短途整體水平比之前幾年下跌唔少 睇賽前外界評價都無乜邊個話呢個杯主隊一定食硬 主隊計機會最大本來係福逸 但以隻馬目前嚟睇係差一場熱身 錶之未來算係今季新勢力不過由九月開季連打四場硬仗 呢舖仲係咪頂到難講 顯心星忠心但感覺唔係最頂級 加上抽一檔喺A欄千二算危險 以各隻馬跑得小心翼翼情況下隨時塞車 日軍三隻野田重擊走下坡應該難再創奇蹟 拉丁城市同妙發靈機呢對冤家又見面 計埋檔位騎師跑法後秤先拉丁城市 蘇銘倫始終係信心保證 妙發靈機就要睇福永走位能否埋嚟前置二疊有COVER

[ 本帖最後由 KIRIN688 於 2021-12-10 08:34 編輯 ]

KIRIN688

一哩錦標
金鎗六十對著本地呢批無乜懸念 係睇今次嚟五隻外隊會俾到幾多壓力 呢五隻外隊之中古摩嘅后土賺磅但今年計實在跑得太多 日本隊四隻計往績陳年美酒輸級數 俾田雞更難有信心 冠軍車手已經六歲 能力上比起兩年前落左唔少 焦點之一野田賢君跑法多變 今年只跑兩場賺體力 跑完每日王冠後早已決定直接過嚟跑呢場誠意滿分 呢場睇落無步速 如果肯採取主動搏走甩支鎗就麻煩 另一隻戰舞者上場一哩冠軍錦標沿途望空留唔到返嚟輸三個馬位俾放聲歡呼又唔算太差 抽一檔搵返夾過嘅連達文 唔該呢條友跑得好好睇睇

最高榮譽香港杯 六隻主隊對日本大軍三隻加英愛三隻三歲馬 跑到二千米主隊馬自從魔頭退休後水準一年不如一年 連先前馬會杯俾精神威偷襲得手可見斷層情況非常嚴重 抽埋檔位後唯獨愛你同麗冠花環機會進一步提升 尤其麗冠花環一早搵定蘇銘倫跑 上年不幸中招搞到樸素無華益左腎虧潘 今次返嚟肯定場場搏盡 唯獨愛你個檔抽得好川田必會小心行事 日軍另一隻滂薄無比計喺秋季天皇賞輸俾樂透心跑第五嚟睇 級數比勝出光采更高 拉哥幾經辛苦攞到帥權相信唔會整古做怪 12檔係麻煩睇轉第一個彎能否盡快攝埋嚟二疊有COVER 三隻歐洲馬之中揀隻四重彩腳最後要馬昆押陣譽滿杜拜 場地啱跑嘅話入前四非難事

[ 本帖最後由 KIRIN688 於 2021-12-10 15:43 編輯 ]

鴻略

引用:

原帖由 KIRIN688 於 2021-12-10 11:57 AM 發表
一哩錦標
金鎗六十對著本地呢批無乜懸念 係睇今次嚟五隻外隊會俾到幾多壓力 呢五隻外隊之中古摩嘅后土賺磅但今年計實在跑得太多 日本隊四隻計往績陳年美酒輸級數 俾田雞更難有信心 冠軍車手已經六歲 能力上比起兩年 ...

金鎗六十排2檔可算最佳檔位，順勢按韁不內移中置便守5-6位，上季排一檔起步移出二疊後便如此，贏得最輕鬆，連慣常的蝕位也慳了，最強對手野田賢君贏安田紀念賽時以留後跑法有突破表現，排9檔需要留得較後便不易挑戰金鎗六十，但若跟前則未必有贏安田的水準。

另外講兩場本地，先講第九場，表面1-4-6-7-13五匹，逆市奇爸、佐治勇駒、總理三匹今季都已在三班同程出賽，非勝則近，狀態及實力有依據，機會較高，其中逆市奇爸上仗形勢不利仍係威係勢，今仗跑法相對有利，較有贏面。莫浪求上季失望，面對較弱對手仍未能一勝，告東尼放棄，不看好可突破上季演出。幸運有您目前大熱，上季贏馬一仗算進步，但該仗對手非常弱，今次面對三班實力馬，可以是另一世界，加上早前不良於行退出，不如飛起。

第二場形勢類似，表面1-4-6-13四匹，仲得威試短試長，上仗試到中間落墨的千四最好，負於好拍檔不多，實力有證明，先選。極速奔馳上季尾贏同程，今季首仗操練有阻滯趕工夫仍能入位，預期今次再跑同程已可跑出贏馬水準，亦有贏面，上仗轉泥地搏輸可以抹去。餘下兩匹，鑽飛龍季初首仗表現可人但之後兩仗算失望，再跑贏馬路程，未可看死但難言把握；跑得好上仗千二追入第二表現不俗，同場對手有其後增程的醉眼光贏但其他對手全負，今次增程，長力欠把握，潘頓騎賀賢馬則較可靠。兩者賠率差很遠，臨場再決定，初步就博鑽飛龍。

KIRIN688

引用:

原帖由 鴻略 於 2021-12-12 03:44 發表

金鎗六十排2檔可算最佳檔位，順勢按韁不內移中置便守5-6位，上季排一檔起步移出二疊後便如此，贏得最輕鬆，連慣常的蝕位也慳了，最強對手野田賢君贏安田紀念賽時以留後跑法有突破表現，排9檔需要留得較後便不易挑戰金鎗六十，但若 ...

希斯贏返幸運有您叫執返個桔 國際賽後一節淡三墟 星期三玩條三串七單棍QPQ 心水2,3,7場
第2場五班二千二 上次中嘅成功星駒跑千八都幾遲撻上嚟 增程四百合理 本身得九百六十幾磅擺明係中長途馬應有身形 雖然檔好似差啲但易走生位 單Q行樂之光 季初千四上名直到前一場跳程二千二上名不過係兩個月之內嘅事反映評分有利 171場次跑返千八明顯落腳慢左 返嚟輸四個幾馬位唔算太差 換田雞更合騎法
第3場御風超影今季又反彈 連續兩場同程追得勁 相信聽晚應該無之前咁好分 但同場好多馬揀唔落手焗住都要 爆谷換拉哥擺明想交代但隻馬跑呢個路程似會嫌短 上千八二千先考慮 都係要返上次輕鬆取勝嘅怡昌勇士 加分仲喺四班仍然有利 腎虧潘傷左換何堯影響唔大

PS：想問下鴻兄 點睇尋日蘇仔發揮麗冠花環 另外 想講返國際賽神仙幾隻 旺蝦王退化 速遞奇兵一打又閃 唔係墮馬單嘢冚哂必定有人講返呢隻 大機構唔罰拉哥無天理 一哩錦標勁搏同幸運快車留返讓磅G3 反而夏威夷呢場保留置評 全場得佢被頂出三疊望空返嚟唔散得哂 支鎗唔出嘅話今季應該會有一場W

[ 本帖最後由 KIRIN688 於 2021-12-14 13:58 編輯 ]

鴻略

引用:

原帖由 KIRIN688 於 2021-12-13 11:28 AM 發表
希斯贏返幸運有您叫執返個桔 國際賽後一節淡三墟 星期三玩條三串七單棍QPQ 心水2,3,7場
第2場五班二千二 上次中嘅成功星駒跑千八都幾遲撻上嚟 增程四百合理 本身得九百六十幾磅擺明係中長途馬應有身形 雖然檔好似差 ...

麗冠花環起步後按住，應該是台前幕後都同意留前鬥後，沿途守在算有利位置，入直路欠瞬間加速力，以蘇銘倫硬功若稍有亦不可能兩度被封，末段幾經艱苦仍得與柏林探戈影相，欠衝刺力。疑問是早段，後面沒有問題。

兩次低估幸運有您，服。

星期三差不多場場聚飛於三四匹馬，希望找到一兩場有得博的場合。

KIRIN688

引用:

原帖由 鴻略 於 2021-12-14 16:26 發表

麗冠花環起步後按住，應該是台前幕後都同意留前鬥後，沿途守在算有利位置，入直路欠瞬間加速力，以蘇銘倫硬功若稍有亦不可能兩度被封，末段幾經艱苦仍得與柏林探戈影相，欠衝刺力。疑問是早段，後面沒有問題。

兩次低估幸運有您， ...

第7場 友港友笑夠主動但睇落無乜殺著 一連五個第二買W嘅就算呢場贏都翻唔到先前輸嘅本 搏扭一扭要返大衆開心 上場個11檔第一個彎四疊 轉養和院彎仲要三疊踩上去唔大敗先奇 呢次個2檔好跑好多 俾多次機會佢 單Q要返讓愛高飛 澳洲嗰邊嘅績早跑到千六 上場千二已經路短後追不及 增程換周仔磅位有利

鴻略

引用:

原帖由 KIRIN688 於 2021-12-14 08:50 PM 發表
第7場 友港友笑夠主動但睇落無乜殺著 一連五個第二買W嘅就算呢場贏都翻唔到先前輸嘅本 搏扭一扭要返大衆開心 上場個11檔第一個彎四疊 轉養和院彎仲要三疊踩上去唔大敗先奇 呢次個2檔好跑好多 俾多次機會佢 單Q要返讓 ...

就是四匹馬了，友港友笑勝在必守好位兼不怕檔位，上次只負於俏芳華，以入前兩名機會計就惡，讓愛高飛次次前列質新可進，超好日子正處巔峰，蹄下敗將再出補中，兩匹都是後上跑法，機會相若，大衆開心吸引有好檔，上仗當可抹去，疑問是前仗第四的對手有再出的都潰敗，邊線。

第八場較有近績支持是1-4-6-8-11五匹，頭四匹上次都贏馬而中間三匹都在四班上來，勇創派對上次憑較利形勢贏戰熊三千，銘記知心第三，以戰熊三千在三班的戰績計，兩者需要頗大進步才可征服三班，銘記知心輸後補中上來就更吃虧。正本歡心上次有好檔兼好形勢便擊敗加州一寶贏馬，同場且有銀河飛馬及天祿，加州一寶再出補中而贏銀河飛馬、張燈結綵及天祿，後兩者上星期又跑第一及第三，反映正本歡心夠硬淨，今次檔位及形勢相若，仍可再贏。銀河飛馬上仗不管該第二抑或第三亦證明此班實力，仍冷，兼顧。善傳萬里上仗可能檔位差而贏得不似預期輕易，但加分不多兼今次抽一檔，推敲目前實力及賠率皆比另外兩匹升班馬優勝。1-4-11鐵角。

KIRIN688

引用:

原帖由 鴻略 於 2021-12-15 17:59 發表

就是四匹馬了，友港友笑勝在必守好位兼不怕檔位，上次只負於俏芳華，以入前兩名機會計就惡，讓愛高飛次次前列質新可進，超好日子正處巔峰，蹄下敗將再出補中，兩匹都是後上跑法，機會相若，大衆開心吸引有好檔，上仗當可抹去，疑問是前仗 ...

神仙真係好嘢 咁樣食舖全中大三元
跑星期六 戲肉二班千四杯賽場合 正路風火戰駒同勝利威龍控制大局 T腳冷門搏威利系新貨 紐西蘭打比盟主黑桃火箭 喺嗰邊搏左十場算唔少 呢啲馬運過嚟肯定係以明年打比為目標 里程未必好長 威利系俾得方仔練肯定想盡快交代

[ 本帖最後由 KIRIN688 於 2021-12-17 18:15 編輯 ]

鴻略

引用:

原帖由 KIRIN688 於 2021-12-17 06:13 PM 發表
神仙真係好嘢 咁樣食舖全中大三元
跑星期六 戲肉二班千四杯賽場合 正路風火戰駒同勝利威龍控制大局 T腳冷門搏威利系新貨 紐西蘭打比盟主黑桃火箭 喺嗰邊搏左十場算唔少 呢啲馬運過嚟肯定係以明年打比為目標 里程未必 ...

今日我也有看好的神仙馬。第二場迎彩繽紛降班，格局似當家信心，四班稍有追勢之馬，在五班有力突圍，對比在四班的表現，較雷神騎的神朗金剛好。極爽亦是降班，雖退步但近期開始輸得近，落五班有得鬥。龍鳳情祥前仗千二入Q，上仗千四路長第四，今回到擅長的路程，前列份子。