KIRIN688

星期三心水3,6,7,8場

鴻略

引用:

原帖由 KIRIN688 於 2022-3-10 03:25 PM 發表
闖一呢場恰如其分 不過希斯啲手法 如果無乜進步睇怕都係三班貨色
跑星期六 嗰兩場一班讓磅賽又唔知爆乜嘢出樣 頭場千六買少少玖寶搭超好日子算 第七場千二繼續向輕磅馬埋手 韋小寶同必長勝喺二班孭重磅成日接近 今次 ...

前天自己擺烏龍，臨到尾場才知跑星期六，但亦慶幸不必輸錢，跑一三或二三盞嬲

馬後炮一下。星期三闖一一場有些犯錯，箭意、大師級、桃花盛、鴻圖巨星與自來金幾匹之間確以桃花盛有兩腳，應該可以賭T來作對沖，一隻搞死比較慘。另外皇寶前後兩三次形勢造就就好似贏得易兼低水，對手認真就輸到好似好水皮，有類似場合宜避開。

前日添有運上次一籌莫展我輸了錢今次回馬槍就算有賭都難中。樂天派班利都跑包尾，希斯養馬幾駭人。順帶一提原來威闖週前已退役。

魅影揚飛與狀元及第上次兩馬同場，都是田雷騎，前者讓6磅贏半個馬位，今次更縮到讓1磅，狀元及第要進步多少才可反先？狀元及第的進程屬逐漸進步但非躍進，賽績上是必敗之馬，但離奇是1.6倍，亦好在輸，證明並非造馬

KIRIN688

引用:

原帖由 鴻略 於 2022-3-14 17:59 發表

前天自己擺烏龍，臨到尾場才知跑星期六，但亦慶幸不必輸錢，跑一三或二三盞嬲

馬後炮一下。星期三闖一一場有些犯錯，箭意、大師級、桃花盛、鴻圖巨星與自來金幾匹之間確以桃花盛有兩腳，應該可以賭T來作對沖，一隻 ...

第三場鴻兄之前有提過瑪神滿紛 今場降班 增程 換埋腎虧潘似係想搏殺 但呢場睇落無乜馬放頭 佢排最外檔好大可能選擇放 如果係咁都唔奇 照跟 心水另一隻係自然力量 開始上力而始終跑千八首本 正如之前講本場無步速 而呢隻馬證明跟前守好位一樣得 佢同瑪神滿紛如果擺到前控制步速 有機會包Q
第六場睇檔做人 本來比較睇好董大 但莫丹尼停賽換何堯即刻打退堂鼓 呢條友自從金槍六十連輸兩場後都唔知搞乜撚嘢 加埋負磅無利 要返快一步同王者奇兵呢兩隻排好檔算數
第七場四平八穩當然係伊臣 Q腳方面搏下金莊令 谷戰跑過場1650而嗰場係騎師賽 尾二返嚟難以作準係咪谷戰不合 初跑谷千二以呢隻馬咁有前速又有田千四級數 呢度要謀一席未嘗不可
第八場穿甲鷹預計成大熱但驟加11磅檔位外移 對賭攻擊 半冷追返木火同明 季初搏完回氣幾場 兩週前同程後上第四又見回起 排返三檔理應位置穩入 另一隻天行健始終有田千四級數而上場初跑同程只係輸條毛 11檔反正都係後追影響不大

[ 本帖最後由 KIRIN688 於 2022-3-15 20:53 編輯 ]

鴻略

引用:

原帖由 KIRIN688 於 2022-3-14 06:13 PM 發表
第三場鴻兄之前有提過瑪神滿紛 今場降班 增程 換埋腎虧潘似係想搏殺 但呢場睇落無乜馬放頭 佢排最外檔好大可能選擇放 如果係咁都唔奇 照跟 心水另一隻係自然力量 開始上力而始終跑千八首本 正如之前講本場無步速 而 ...

今晚你講幾場都合心水，兩場五班反而比較平均而賠率不吸引。


第三場瑪神滿紛同自然力量班利，前者均速增程似更好，後者開始復甦，都是正路選擇。勁力威龍上仗負於強手跑第三，有好檔就形勢教騎師騎馬，不怕，剷入來較有分頭，兼顧；何澤堯近期屢抽劣檔，不知是巧合抑或安排。


第六場快一步及王者奇兵都是劣檔輸近轉好檔，都上風，快一步養起長力，強組輸得少，王者奇兵上仗則相對弱組，感覺前者實力較強。萬眾力得四班未輸過而三班常近，實力較高而檔位稍差，我看仍有機會切入二疊，亦有贏面，賭Q三匹互串。董大上仗形勢不差負於快一步，喜悅精靈對手增多，形勢會差於上仗，兩匹屬邊線。


第七場用四平八穩形容伊臣甚合，上風又不算超級，首選但望揀中其他冷馬將之殺低。其他馬我喜歡團結精神，上仗田草跑第六而實際只負半馬位，往績顯示是形勢比檔位重要之馬，今次谷草換上較弱對手亦較少快馬，伊臣多數會讓其從容領放，不難入Q甚至一放到底，次選。金莊令是熟透而有爆發力的千四馬，此類馬多數有力憑底質縮程，檔位不差，若能二疊置中，亦可一網打盡，同意兼顧。股票傳奇近兩仗有回落感，有一檔亦寧可放棄。鋒芒勁露上仗降班突如其來贏馬，對手則普通，未證明多少，有好檔，邊線馬。


另外第四場先揀人和家盛及騰飛塔，在四班千二實力稍佔先而檔位不差，再兼顧上仗初出劣檔追得甚勁的得意佳作。

KIRIN688

星期日打比遲少少先寫
簡單講兩場先 威仔讓賽三班千六 金杯日同班同程賽前貼飛漲結果俾天寅合一殺左 呢兩隻再碰頭負磅檔位同騎師調整後似乎飛漲行情睇高啲 但又未敢抹殺兩隻再包Q嘅可能

尾場佳龍駒讓賽風火戰駒上場揼心口 錯過贏大錢嘅機會 再跑千二拉哥騎返上去 咪撚又玩出彎發力 唔係隻隻馬受得住佢啲騎法 另一隻縮程而臨少爺仔上場初上千六反而令人失望 高佬新似係向現實低頭 抽14檔而本場估計步速快 全闊A欄縮程爆一段睇追得幾多

主題戲肉打比 真正喺呢場有競爭力個人覺得會係經典杯前五名嗰五隻 形勢上加州星球再跑多二百而抽十檔 論機會已經比上場大大削弱 腎虧潘跑完上場後放哂風話對隻馬係咪到二千有懷疑 決定劃走 論嗰場表現浪漫勇士估唔到幾有驚喜 四疊望空形勢差無可差都撲上嚟有第四 今場抽八檔相信獵人成都唔敢叫田雞守中間寧願再留後啲入直路嚟大外一氣 嗰場第二都靈太陽相信韋賊會沿用同樣留後戰略 長力肯定比加州星球優勝 馬房踏入今季啲大賽運相當唔錯點都要拖 三選經典杯第三發財先鋒 上次一著夾中同樣越長越好 抽九檔而隔離就係加州星球估計起步後百幾米睇著加州星球順勢切入埋嚟前置 以隻馬咁好前速如果搵到cover佢就賺跑法 方仔兩隻同系人馬點都係多巴先生最好 嗰場傷後復出hea騎第五算唔錯 之後同黑桃火箭一齊試閘而火箭居然放頭 方仔係咪打算安排火箭去負責燒加州星球實屬難料 只係兩隻喺咁重要場合加眼罩效果係好係差唔知 頂盡三四重彩配腳

[ 本帖最後由 KIRIN688 於 2022-3-19 15:51 編輯 ]

鴻略

引用:

原帖由 KIRIN688 於 2022-3-18 02:48 PM 發表
星期日打比遲少少先寫
簡單講兩場先 威仔讓賽三班千六 金杯日同班同程賽前貼飛漲結果俾天寅合一殺左 呢兩隻再碰頭負磅檔位同騎師調整後似乎飛漲行情睇高啲 但又未敢抹殺兩隻再包Q嘅可能

尾場佳龍駒讓賽風火戰駒上場 ...

打比一場，加州星球上仗唯一好檔賺形勢有皇寶贏馬感，再跑多二百而對手打真軍就未必可以複製，賭錢確可放棄一博。多巴先生前仗贏馬熱得過份，上仗傷後復出則票數冷落，如果幕後今次有信心復元，相信臨場票數會反應，贏馬的姿態好，仍覺實力上風。


另講幾場。第一場，蕭家馬烈風惹飛，試閘前跟力普通，加上目前位置票數冷落不似樣，對賭對象。勝利之皇前仗強組同程衝得勁，已在勝利邊緣而得降班之利，排檔不差易守中間位置，可期憑後勁開齋。鼓浪精綵上仗突然進步僅敗頸位於包裝必勝，今次仍有好檔，跑法穩陣，如再進亦可勝，次選。運來福星狀態復甦，上仗在不可能位置衝過幾匹有能力質新馬入位，始終是四班頂馬，今次檔位稍差，怕性能變會早段慢而形勢差，對手弱過上次，若狀態再進能克服形勢亦有勝機，兼顧。

鴻略

第三場久久為攻平穩漸進，上仗同程第二，似已排到贏馬隊頭，正路之選。美麗精神季初同程一亞一冠，贏確認眼神，實力在此組最惡，唯狀態與馬房作風反覆，之前用陳嘉熙而今次換上贏馬拍檔巴度則似到時候，次選。保險腳在都市神話、玩具達人、蟲草老爺之間選，都市神話近兩仗同程平穩，對手轉弱，有好檔有望一席。玩具達人檔差，似不及前者。蟲草老爺失驚無神贏連連行運似水準高但隨即大敗，肥葉練馬駭人，不否定機會，有本錢可買保險，本錢少就算把。

第四場健康第一降班同程兩度入Q，有好檔預期可跑出水準，首選。志友盈上仗千二一直在後守內欄衝一段頗勁，增程似會好，雷神搶騎有期望。縱橫天下上仗與志友盈同場，雖然衝刺不如志友盈但沿途外疊蝕位甚多而接近同到，增程未必吃虧，一併兼顧。元朗之星退步，對衡之星千四衝勢不夠勁，似是爭三三四四之馬。同場最麻煩繼續是肥葉馬，大紅心前仗贏馬及早前同程輸近已展現實力，上仗好檔跟前大敗，整體是需要有形勢及好留放之馬，排中檔走位難料，亦是有本錢可買保險。

KIRIN688

引用:

原帖由 鴻略 於 2022-3-20 01:44 發表
第三場久久為攻平穩漸進，上仗同程第二，似已排到贏馬隊頭，正路之選。美麗精神季初同程一亞一冠，贏確認眼神，實力在此組最惡，唯狀態與馬房作風反覆，之前用陳嘉熙而今次換上贏馬拍檔巴度則似到時候，次選。保險腳在都市神話、玩具 ...

你話肥航水 希斯都唔好得去邊 買希斯就真係要衡量風險 睇嚟打比應該睇唔到 唯有睇重播 尋日去睇呢條友 有人話佢好似央黨某位高官 鴻兄你覺得似邊個😇

[ 本帖最後由 KIRIN688 於 2022-3-20 14:27 編輯 ]

鴻略

引用:

原帖由 KIRIN688 於 2022-3-20 02:25 PM 發表
你話肥航水 希斯都唔好得去邊 買希斯就真係要衡量風險 睇嚟打比應該睇唔到 唯有睇重播 尋日去睇呢條友 有人話佢好似央黨某位高官 鴻兄你覺得似邊個😇 ...

似誰？想不到

打比等你看完才說，算緊張。第二場正路首次就是日日型及喜報，但還有一埋有能力邊線馬，觀望就走雞了。

KIRIN688

引用:

原帖由 鴻略 於 2022-3-21 00:14 發表

似誰？想不到

打比等你看完才說，算緊張。第二場正路首次就是日日型及喜報，但還有一埋有能力邊線馬，觀望就走雞了。

有人話當年東德總理昂立克似保安局局長喎😇
睇完片 輸得服啦 加州星球咁樣俾幾隻輪流搞都係輸少少 至怕佢同浪漫勇士呢場咁砌可能兩敗俱傷 最失望係都靈太陽 話跑錯又唔覺得係 都係跟多巴先生上但打落係無 真係唔知乜事 發財先鋒步步尺七 佢同多巴先生皇太后杯見