晚間粗俗的馬

引用:

原帖由 KIRIN688 於 2021-4-25 09:12 發表
韋小寶孭133有戒心 第三隻冷門心水決定搏天祿 轉丁仔後第一場跑同程後上如箭輸個幾馬位唔差 今次個一檔當然睇波仔走位 即尾場鐵角就係錶之未來 疾風勁草同天祿 ...

。。。追左成季，隻韋小寶終于苦戰在泥地不用負重加上好檔，再交出頭馬，咁啱又係三月尾，咁啱同翻周俊樂串Q。
好采今日冇漏閘！

KIRIN688

引用:

原帖由 鴻略 於 2022-3-30 18:12 發表

第五場略嫌賠率太低，其他馬如暖在你心又有攻擊力，單棍少注最簡單

第七場好好心得正路，上次贏千六將皇帝金越拋越遠，外公乃灌木叢，多一百五十米應非問題。其他前列選擇則很多，皇帝金及浪漫組合極接近，早前包Q證明千八勝千 ...

肥航單嘢點睇 官方講到好似幾嚴重咁 唔通想玩當年旦哥嗰招暫時釘牌？
星期日兩場G2 主席錦標要將王同幸福笑容睇馬算
短途錦標當家猴王同福逸今年贏G1要加五磅 操練正常睇嚟QT難飛 加多隻喺神仙三隻之中點都要返旺蝦王 條件平磅賽制只孭123磅比上場少十磅好好跑 戰力無疑下跌但今季嚟睇又唔算跌得好勁 相信今年係最後一年服役 上場一班普通讓磅孭133遊馬河但都係輸三個馬位而贏馬係自己友好眼光 腎虧潘繼續騎未敢劃死

之後講尾場

[ 本帖最後由 KIRIN688 於 2022-4-1 03:31 編輯 ]

KIRIN688

引用:

原帖由 晚間粗俗的馬 於 2022-3-31 01:52 發表



。。。追左成季，隻韋小寶終于苦戰在泥地不用負重加上好檔，再交出頭馬，咁啱又係三月尾，咁啱同翻周俊樂串Q。
好采今日冇漏閘！

贏埋呢場應該坐馬監 計漏左好好學習燒精靈勇士呢個可能結果益哂後上馬😑

晚間粗俗的馬

係，如果草地都收手了

鴻略

引用:

原帖由 KIRIN688 於 2022-3-31 02:51 PM 發表
肥航單嘢點睇 官方講到好似幾嚴重咁 唔通想玩當年旦哥嗰招暫時釘牌？
星期日兩場G2 主席錦標要將王同幸福笑容睇馬算
短途錦標當家猴王同福逸今年贏G1要加五磅 操練正常睇嚟QT難飛 加多隻喺神仙三隻之中點都要返旺蝦王 ...

肥航晨操犯規事件，我在對面留了言，似乎最可能就是停牌一段時間：
https://www.discuss.com.hk/viewthread.php?tid=30494196&page=4&pid=547071515#pid547071515

主席錦標始終看好金鎗，一檔根本就有利，只是騎練不懂利用而已，較低壓力下估計不會走錯位，Q就大賽翻版要幸福笑容，檔位形勢較似該仗。

還在歐洲嗎？能在此時工作中抽空一遊挺好。

KIRIN688

引用:

原帖由 鴻略 於 2022-4-2 22:17 發表

肥航晨操犯規事件，我在對面留了言，似乎最可能就是停牌一段時間：
https://www.discuss.com.hk/viewthread.php?tid=30494196&page=4&pid=547071515#pid547071515

主席錦標始終看好金鎗，一檔根本就有利，只是騎練不懂利用而 ...

起碼用盡歐盟90日配額 反正都係打散工 駛費計去超市買嘢做晚餐消費其實唔高 可惜自己能力有限 走得到梗想走 返嚟香港又捱過
講返金鎗六十 老實講我好想佢再輸一次 今次一檔係咪又想玩大外一氣唔知 但輸得第二第三次 必然有第四次 佢嘅高峰無可否認係過左

尾場方面又見連連有盈但得一招放頭 一檔又成大熱門 寧願要返跑法彈性又好檔嘅心之行同增有 三重彩腳加五門齊
日本大阪杯 樂透心衆矢之的 買條三重彩就要多兩隻上年跑香港杯嘅麗冠花環同滂薄無比

[ 本帖最後由 KIRIN688 於 2022-4-3 03:48 編輯 ]

鴻略

引用:

原帖由 KIRIN688 於 2022-4-3 01:47 AM 發表
起碼用盡歐盟90日配額 反正都係打散工 駛費計去超市買嘢做晚餐消費其實唔高 可惜自己能力有限 走得到梗想走 返嚟香港又捱過 金鎗六十老實講想佢再輸一次 今次一檔係咪又想玩大外一氣唔知 但輸得第二第三次 必然有第 ...

我另外簡單講幾場。

頭場錶之科學在此屬穩紮穩打，前列份子，能否開齋要看潛龍伏虎。木火兄弟進展快，試閘見出閘敏捷而留後追勁好，前駒大敵，有頭馬相。可單Q，嫌熱博冷就兼顧尊才，必須留前鬥後之馬，有好檔穩守內欄會與上次不同，肥葉此刻也盡搏。

第二場仲得威四班屢入位，同程入Q甚有水準，上仗路短有追勢，狀態已在，今降班有內檔見優勢，頭馬之選，有分頭作Q膽。天意前仗排內檔壓倒指標馬堅有料，雖稍退步但只要有內檔則是前列份子，兼顧。功夫茶早前沉下來而在復起中，有望狀態再進闖入前列。育成精彩四班同程近過，又是肥葉馬，排內檔作保險腳。

第六場臨場在一舖縱橫、爆騷、鎂之妙、開心蔬菜之間揀。一舖縱橫降班即有好檔，早前贏馬如斬瓜切菜，如跑出水準贏面高，用班德禮棄減磅贏馬配搭陳嘉熙，肥葉似求勝心切但重磅反添變數。爆騷有班底，上仗是唯一從後追上之馬。鎂之妙趨穩定。開心蔬菜上仗衝過隨後此程入Q的精明勇駿。

KIRIN688

星期三晚有幾場出馬少 真懷念舊快活谷嘅日子 可惜小弟有錢賭嗰陣已經係重建後 就要返出馬少嗰四場
第二場求其望兩眼要返升班輕磅好跑嘅奇妙年華同埋近績好雖然換馬雅都未可忽視嘅香港精神


第六場睇又爆唔出樣 先要好檔焱焱元帥 另外本想要另一隻好檔嘅總理但上兩場實在失望 似係狀態下滑 都係要返天寅合一 上場際遇差  今場換拉哥雖然8檔但馬少相信夠前速可以守好位

第四場打比季軍發財先鋒連中兩次 今次轉谷千八終於變熱門 反正都係均速擺前走 呢場出馬少 跑啱自我節奏就可 最大強敵自然係師父神仙隻喜駿駒

聽晚啲馬好多揀神仙 頭場又要隻飛凡 同程準繩又腎虧潘 睇個陣似大搏殺 半冷對象又係徒弟隻大紅袍 兩場千四排外檔焗住自己放返嚟但都係去到拉士百幾米先腳軟表現唔算太差 縮落嚟谷一千有狀元及第呢啲開路好好跑

[ 本帖最後由 KIRIN688 於 2022-4-6 00:50 編輯 ]

鴻略

引用:

原帖由 KIRIN688 於 2022-4-4 08:21 PM 發表
星期三晚有幾場出馬少 真懷念舊快活谷嘅日子 可惜小弟有錢賭嗰陣已經係重建後 就要返出馬少嗰四場
第二場求其望兩眼要返升班輕磅好跑嘅奇妙年華同埋近績好雖然換馬雅都未可忽視嘅香港精神


第六場睇又爆唔出樣 先要 ...

舊快活谷少馬不論草沙都好賭，死馬多仍好分頭，鄧兄話齋有數圍；現在大熱Q得幾十，還要潘頓停手輸埋，再加三四匹馬邊線仍派彩低。今晚幾場如是，第二場你揀奇妙年華同香港精神，殺完雷神大熱的自然力量也只得11倍。

我先講尾場，三班賽但似三四混合，自然輝煌連續接近，亦試過不同跑法，上仗搶頭意圖克服外檔，僅輸頸位得第三，今排一檔易跑，順勢跟紅酒之寶後突圍，贏面高。勇趣早前好檔一亞一季，最近三仗檔劣減分，今有三檔而對手減弱，跑出水準屬前列份子。紅衣火旺適應三班，近三仗有Q有位，今排中檔不佔利也不吃虧，位置馬，保險腳。天行健仍檔劣，步速亦多數中等非偏快，放棄。

第六場焱焱元帥上仗首增程到千八入Q，是進步抑或路程更合適？今又回到三班無威脅的千六而變成熱門，我博上仗屬後者，繼續放棄。天寅合一、總理、有何不可三匹上次甚接近，前者跟得太急，今次跟隨慢放的變數，形勢應好過上次一截，要揀。總理表現反覆，最大問題似畏群，一冠兩亞皆早得望空；有能力而不超級，不宜常走外疊，希望今次在步速不快下稍跟前及早望空，可跟多一次。冷門博下多利神駒，兩仗不合的短途後追不俗，在巴西第三仗兩歲一級賽得亞軍已跑1500米，增程可敲。

KIRIN688

星期日心水 頭場同最尾三場
尾場應該係中華盛景 旭日昇同少爺仔呢三隻控制大局 中華盛景上場拉哥騎騎下收工屌哂鬼 換周仔必然拼個明白 旭日昇放棄打比集中跑千四明智 少爺仔始終千四首本 分數估計仲有水位

頭場方仔新貨神彩勇士做哂嘢出嚟跑 排埋11檔更有利 首選 Q腳本來諗鑽石寶寶但上場對著老傢伙連利福將都過得幾辛苦 得兩個可能 一係增程一係就質素唔高 寧願要返指標馬連利福將
第九場四平八穩遨遊氣泡 一檔好跑 Q腳方面包裝必勝同時時歡呼抽最外兩檔睇個款都係搶 扭一扭似乎勝得出色有值搏率
第八場無乜時間打 要合夥精英 隱形翅膀同勝利猴王鐵角

[ 本帖最後由 KIRIN688 於 2022-4-10 03:47 編輯 ]