KIRIN688

引用:

原帖由 鴻略 於 2022-5-25 18:02 發表

頭場美麗邂逅只是表面稍好，穩定而無明顯進步，慣常放頭排一檔其實賺不了多少，除非稍留而又有助後勁，近戰其中一場與喜快同場，喜快蝕位多但只輸些少，今次檔位改善，有相當機會反先。此場放頭的多數是合約精神，有千四前速及較佳 ...

又係睇漏合約精神上場個步速😒

星期日心水2,3,5,7場
第三場二班二千米發財先鋒一見換腎虧潘即刻飛 先要老傢伙勤德兼備 同程3戰係前場282場次望空留唔到但輸唔遠 呢次個一檔好好跑 對手方面都靈太陽總係覺得二千更好 打比嗰場巴度唔知跑乜 今次有二檔相信唔敢留咁後

第五場泥地三班千八 無心睡眠再執一檔繼續追 雪茄鄭唔駛諗一定揸盡 Q腳方面想搏下東莞強嘅幸福老撾 上場初跑泥地馬房主力柏林探戈去馬但後上跑得唔差 落返三班對手差一截增程換田雞係時候
第七場戲肉G3獅子山錦標 千六 高分嗰啲馬孭重磅嚟到季尾無乜利 要返跑法機動美麗同享 操練方面快功夫唔多係小疑點 但有做返大閘睇無乜問題 磅位實在有利而美麗系自從馬王美麗傳承退落嚟後無乜大賽運 呢隻算叫似樣 未必係馬王級但要贏G2G3相信唔難 神仙三隻再追多次銀馳 上場千四波仔發揮九流 跑到唔上唔落又無cover返嚟輸唔遠 抽好檔換嘉里呢位新冷殺手必然搏大家唔信

重心場次第二場四班二千米 隔晚大熱仲係健康馬真心唔明  上場648場次無乜跑錯之下又無P 再增程上二千到底長力成疑 都係要返嗰場包Q嘅紅麗舍同平行時空 紅麗舍有檔位之利而此程更有證明 平行時空就擺明越長越好 三重彩要返家樂飛駒 上場谷戰1650爆發力唔算強 增程跑返二千合理 只係薛恩要騎返平行時空換嘉里就打折扣 希望靠檔補救

[ 本帖最後由 KIRIN688 於 2022-5-29 01:34 編輯 ]

遊

感覺蔡約翰今日幾WIN健康快駒,        華卓晴,        風火戰駒

鴻略

引用:

原帖由 遊 於 2022-5-29 12:17 PM 發表
感覺蔡約翰今日幾WIN健康快駒,        華卓晴,        風火戰駒

神仙爭冠不手軟，今日2W3Q包括一場包Q，餘下賽日仍會盡派馬匹爭功。

鴻略

引用:

原帖由 KIRIN688 於 2022-5-27 02:57 AM 發表
又係睇漏合約精神上場個步速😒

星期日心水2,3,5,7場
第三場二班二千米發財先鋒一見換腎虧潘即刻飛 先要老傢伙勤德兼備 同程3戰係前場282場次望空留唔到但輸唔遠 呢次個一檔好好跑 對手方面都靈太陽總係覺得二千更好 ...

凌晨看歐聯決賽，已沒有精力出文，今日亦呆滯

發財先鋒賽績上應該坐穩就贏，此類換人馬匹，我也望其輸，結果今日倒輸給都靈太陽，心涼也

今日有兩匹冷門頭馬，分別是大才及英之星，對上一次同程都有良好表現，應是必揀之馬，前者更是換上潘頓，賠率異常好分。大才同場的美麗笑聲，上仗第四相當普通，反而比較難中。

KIRIN688

引用:

原帖由 鴻略 於 2022-5-29 19:01 發表

凌晨看歐聯決賽，已沒有精力出文，今日亦呆滯

發財先鋒賽績上應該坐穩就贏，此類換人馬匹，我也望其輸，結果今日倒輸給都靈太陽，心涼也

今日有兩匹冷門頭馬，分別是大才及英之星，對上一次同程都有良好表現，應是必揀之馬，前者 ...

手風唔順 賭三條單棍算
第四場首選新威力 今季集中跑谷千二只要檔位唔太差必然接近 抽埋二檔守好位更好跑 單Q搏上場五班居然放頭輕勝而回陽明冠爵 雖然場地可能幫好多但唔排除馬進步 未成熟嗰陣喺四班接近過依家返四班作賽未必蝕底 希威森停賽換馬雅又好檔唔該佢好自為之


第八場要極速奔馳 有千四級數跑呢個路程特別有利 上三班難以輕視 唯一不明係涼瓜做乜唔騎 另一選平海歡星 跑兩場開始上力 上場直路賽主力傍落喺電源之駒 但全程望空只輸一個馬位算唔差 轉返谷千二跟守好位有一爭之力
尾場無時間打 揀威威鬥士同升班嘅觔斗雲
PS：鴻兄有無聽開張福元評馬？佢啱啱開左自家頻道YOUTUBE 嚟緊英愛法大賽轉播啱佢嗰瓣

[ 本帖最後由 KIRIN688 於 2022-6-1 01:10 編輯 ]

鴻略

引用:

原帖由 KIRIN688 於 2022-5-30 06:44 PM 發表
手風唔順 賭三條單棍算
第四場首選新威力 今季集中跑谷千二只要檔位唔太差必然接近 抽埋二檔守好位更好跑 單Q搏上場五班居然放頭輕勝而回陽明冠爵 雖然場地可能幫好多但唔排除馬進步 未成熟嗰陣喺四班接近過依家返四 ...

我未看張福元節目，稍後看；另柏葛逝世，馬會貼出以下影片紀念，片尾有金碧鬥威龍，除了看到柏葛，也可再見識畢奇的騎功：
HKJC Racing on Twitter: "🎥 Tremendous footage. The great Lester Piggott in Hong Kong. 👇 #HKracing [url]https://t.co/fHHo00Rj2J" / Twitter[/url]


第四場我的看法不同。同盟力量上場埋門落飛，估計幕後相信狀態回起，起步反應好但遇實力馬而沿途受壓，最終仍所負不多，今次排3檔更好，內側馬不會搶，可望會較輕鬆放出切入，表現會比上仗好，夠贏。特攻連仗一千後上追得勁，增程無把握但有機會更合，兼顧。保險腳在新威力及紫雲冰中考慮。新威力上仗在普通組別跑，中段移出稍蝕位，跑第三表現不過不失，今仗仍有好檔，預期表現差不多；紫雲冰頭兩仗表現不俗，上仗落敗可能因場地不合或騎師未能發揮，換雷神或會不同，雖檔劣但後上馬影響較小。穩健當選新威力，紫雲冰亦有值博率。陽明冠爵負磅與前面幾匹接近，近期實力雖有進，仍估計實力未及爭Q。


另講第五場，亦是四班千二，奮鬥雄才前仗在田草低組別放入位，上仗對手較強，表現還可以，今仗谷草換一批對手兼得1檔，有力一放而返。怡心聲又是姚梁旺門組合，上仗同程冠亞軍再出都贏馬而負於亞軍不多，今仗對手相當普通而抽好檔，過去已證實四班負重磅實力一般，負磅減至127亦有利發揮，與前駒有得鬥。保險腳在上次埋Q的飛騰騅及明駿福星之間選而屬意前者，飛騰騅加分後換減磅騎師，形勢相若，明駿福星則好檔變劣檔，前中置馬早段內側多馬頂住，相當難跑，估計進度未可彌補。

KIRIN688

引用:

原帖由 鴻略 於 2022-6-1 17:03 發表

我未看張福元節目，稍後看；另柏葛逝世，馬會貼出以下影片紀念，片尾有金碧鬥威龍，除了看到柏葛，也可再見識畢奇的騎功：
HKJC Racing on Twitter: "🎥 Tremendous footage. The great Lester Piggott in Hong Kong. 👇 #HKracin ...

鴻兄提過嘅特攻 星期日有隻馬類似佢嘅馬再出 順勢而飛 仲要換涼瓜 睇嗰場之前試閘放頭 出賽就後追 表現嚟計唔簡單 抽好檔而同場連連有盈同夢巴黎抽最外檔放頭形勢好好跑 Q腳又係師父嗰隻紅運泰斗 同樣好檔賺步速 夏主席已經成年無拉過頭馬 呢隻仲要今季第二次出 賺體力
另外一場心水第八場三班直路賽待續

[ 本帖最後由 KIRIN688 於 2022-6-3 17:07 編輯 ]

鴻略

引用:

原帖由 KIRIN688 於 2022-6-3 01:12 AM 發表
鴻兄提過嘅特攻 星期日有隻馬類似佢嘅馬再出 順勢而飛 仲要換涼瓜 睇嗰場之前試閘放頭 出賽就後追 表現嚟計唔簡單 抽好檔而同場連連有盈同夢巴黎抽最外檔放頭形勢好好跑 Q腳又係師父嗰隻紅運泰斗 同樣好檔賺步速 夏 ...

特攻增程失敗失Q，增程馬有辣有唔辣；順勢而飛在外地亦放頭，上仗初出沒有包袱，因應檔差及快馬多而留後，後追不俗又未算勁，但仍是好開始，會進步，夢巴黎乃騎師師傅馬，紅運泰斗則是練馬師師傅馬，是最強對手，儘管看看此場是否因特別盃賽造就一對本地訓練騎練組合

KIRIN688

引用:

原帖由 鴻略 於 2022-6-4 17:53 發表

特攻增程失敗失Q，增程馬有辣有唔辣；順勢而飛在外地亦放頭，上仗初出沒有包袱，因應檔差及快馬多而留後，後追不俗又未算勁，但仍是好開始，會進步，夢巴黎乃騎師師傅馬，紅運泰斗則是練馬師師傅馬，是最強對手，儘管看看此場是否因特別 ...

第八場85分直路賽 刨左一排同之前選擇有好大出入 日日型因為呢場突五分個磅輕左 仲要抽埋貼看台嘅12檔 機會比上場提升 Q腳方面精彩勇士同日日型一樣受惠呢場突分賽抽埋13檔 條Q不作他想
講埋尾場少爺仔季初贏幾場之後連輸幾場都要換巴度 乜馬主咁無耐性 抽埋一檔估計唔太敢留咁後 Q腳知道再勝計形勢幾好跑 上場搏完田雞即刻拎返嚟操幾課 連寶成智勝一早放手可見機會

兩場海外賽 日本安田本來計國內戰績速度大師證明級數但上場跑杜拜turf實在大失所望 連本初之海都跑唔贏 通常喺杜拜遠征返嚟後第一場難以交出十足水準 形成今場真係大混戰 倒不如喺今年國內戰線冒起嗰批埋手 第一隻係東京馬場連勝四場嘅幻蹤黑豹 喺二月東京新聞杯後等呢場先出 跑法後追而東京今週賽事繼續用C欄估計飛出去追更合 首選 另一隻上位馬就係神志勇進 初出贏完後喺二千以上戰線同泥地五連敗 直到落返草地一哩換濱中俊就直落贏四場 當中上場跑G2讀賣一哩杯因應外檔縮後面追估唔到威力更強 今場抽14檔形勢更合 另一選要左本來李慕華跑開但佢要騎速度大師所以換豐哥嘅煥發嫣紅 計賽績其實好準 九戰係除優駿牝馬路程不合大敗外其他全入前三 雖然喺東京新聞杯輸俾幻蹤黑豹但以隻馬咁忠心 入三甲非難事
法國打比 頭關二千堅尼盟主高多芬陣營嘅現代遊戲計血統應該到二千一但檔位實在差 而大馬房盧傑出四隻 主帥杜滿樂揀返連勝三場嘅神尊全智靠擺前食胡同樣抽11檔 對爭勝機會大打折扣 其他三隻之中決定揀阿加汗嗰隻奮蹈厲 血統雖然偏向一哩但上場喺尚蒂伊嘅G3傑時錦標千八贏得實在輕鬆 增程應該更好檔位又好跑 另一心水為大倉費伯華 今年只派遠古羅馬出戰 二千堅尼嗰場臨尾幾步打返上嚟過終點餘勢幾勁 馬昆騎過呢場後相信心中有數點跑 冷門大馬主wertheimer兩隻其中一隻悅旋律 全場馬之中唯一一隻父系嚟自日本 就係KIZUNA 高情厚意 計血統長力其實哩半更好 上場蘇理斯錦標雖然對神尊全智無威脅但今場檔位唔同左 紀仁安騎返波士馬房同主馬 呢隻換雷哥我覺得可以扒冷

[ 本帖最後由 KIRIN688 於 2022-6-5 04:02 編輯 ]

鴻略

引用:

原帖由 KIRIN688 於 2022-6-5 03:29 AM 發表
第八場85分直路賽 刨左一排同之前選擇有好大出入 日日型因為呢場突五分個磅輕左 仲要抽埋貼看台嘅12檔 機會比上場提升 Q腳方面精彩勇士同日日型一樣受惠呢場突分賽抽埋13檔 條Q不作他想
講埋尾場少爺仔季初贏幾場之 ...

一陣參考你的安田選擇。我簡單講兩場低班。

頭場先選降班的鋼鐵福陞，兩場外檔如願減分，五班應超，晨操見好，預期狀態到位，檔佳，可望守好位一攻而破，頭馬之選。其他降班馬近戰普通，原班馬東龍陣及滿貫摯友上仗分列二四，力迫五班全勝的當家信心，表現殊佳，後者檔位大幅改善，會更進一步，都兼顧。

第二場奮鬥齊心上仗應勝而輸，不必多說，今仗可望補中。 生生勝勝上仗千六不差，今回到首本千四算輕磅加檔好，跑出水準亦有力爭勝，次選。保險腳考慮過繼續精彩，但仍想博潮州大兄，四班表現亦不下於奮鬥齊心，實力在此佔優，但近期反覆，狀態有擔心，用黃俊，幕後心意難猜，減五磅則降低負磅突增程度，檔佳較易發揮，或可撞出彩虹。