KIRIN688

話咁快又開爐  揀四場單棍
第四場比卡超杯 呢啲一班讓磅賽都係向輕磅馬埋手 金鑽貴人以上季煞科日索性自己放頭贏馬姿態嚟睇 今季應繼續向上 肥文練埋今季退休肯定揸盡佢 Q腳方面搏下同倉嘅必長勝 實力見到8899但尚算準 連場抽檔差形勢唔就得個近字 今場終於有一檔 除非內欄場地不利 時時滿意放頭佢同金鑽貴人守好位非常有利 馬房Q 三重彩腳勉強要埋夢想成金

第七場其實評無可評 東方飛影同電源之駒單打獨鬥局面 希斯都係食季初搶攻

第八場四班千四希斯另一隻天外飛天執好檔而腎虧潘一早攞試閘 上季758場次個第三雖然無威脅但純粹係頭馬自勝者強大超班 呢場腎虧潘試過皮具先鋒最後都唔要 傾向相信佢眼光 Q腳方面反而會諗上季812場次贏千六嘅木火兄弟 嗰場檔差前置全無COVER都贏 四班留唔住 今場六檔又係好好跑 睇死隔離老辟嗰邊老香港會揀😏

事頭婆駕崩 RIP 尾場求其噏算 先要轉去韋賊後就上名嘅美麗喝采 另外嗰場贏佢嘅快搏睇功夫幾辣 同主勁搏上季交白卷睇嚟鍾生今季要拉頭馬寄托喺快搏身上

[ 本帖最後由 KIRIN688 於 2022-9-10 14:55 編輯 ]

鴻略

引用:

原帖由 KIRIN688 於 2022-9-7 06:48 PM 發表
話咁快又開爐  揀四場單棍
第四場比卡超杯 呢啲一班讓磅賽都係向輕磅馬埋手 金鑽貴人以上季煞科日索性自己放頭贏馬姿態嚟睇 今季應繼續向上 肥文練埋今季退休肯定揸盡佢 Q腳方面搏下同倉嘅必長勝 實力見到8899但尚算 ...

星期四一直不安而未看排位......


第四場一班讓磅賽通常輕磅馬揸弗，但錶之未來用十磅仔變輕磅就有機，太熱又非單純場合。第八場不否定進步中的木火兄弟，而且有梁家俊押陣，只是增程贏完再縮程於落敗路程，怕路短。我另講前面場次。


頭場摘星光輝近戰同程一冠一亞，已踏入正軌，今兼有十磅仔之助，正路頭馬。上仗同場的廄侶有力直路久坐包廂，望空後追得勁，今次有好檔，若有正常際遇可望進一步威脅前駒，次選。非凡魅力近仗不俗，保險腳。


第二場美滿將來先在路短之一千追近再在千二補中，贏馬姿態好，今次更有好檔，可望連捷。精算其然亦於該仗得第二，之後升班換強手，落敗意料之內，今次回到五班，休足再來兼試閘走勢不俗，上次賽後不良於行的問題不大，次選。佳尊三上仗亦在同場角逐但表現失望，不如四班輕磅時的追勁，但可能受雨中作賽影響，今次賽前試泥閘一放到底，若已改善慢閘問題，亦可一鬥，保險腳。極爽有班利，但操練與配搭不似樣，加上檔劣，只觀望。


第六場博冷門，贏科超影上季多次在此程跑得好包括四班贏同程，今次回到四班而準備正常，可再爆冷。美麗笑聲上季似勝未勝，敗於成熟不足兼檔位不利，今次已相隔近兩個月再跑，可望再成長，檔位亦轉佳，次選。帝豪寶寶上季尾已有復甦表現，今次落四班得班利，可入一席，兼顧。

KIRIN688

引用:

原帖由 鴻略 於 2022-9-11 02:19 發表

星期四一直不安而未看排位......


第四場一班讓磅賽通常輕磅馬揸弗，但錶之未來用十磅仔變輕磅就有機，太熱又非單純場合。第八場不否定進步中的木火兄弟，而且有梁家俊押陣，只是增程贏完再縮程於落敗路程，怕路短。我另講前 ...

錶之未來墮馬後打折 復出後三場有兩場全程望空就無影 今日係靠呢個新十磅仔睇幫到幾多

KIRIN688

星期三嗰三場三班賽 尾場嘅千二無乜好評 常常有餘同天行健排好檔呢條Q打風打唔甩
另外兩場三班值得研究
第三場三班一千 八心之威 輗多福 齊心同行仲有佳運發呢幾隻快馬喺度 搏下啲可以咬好位 小試下肥航隻龍騰飛翔 本來就係跑草地起家 雖然谷戰兩場唔上名但上季484場次同程算追得似模似樣 本場得十隻跑檔位好過嗰場 谷一千水準普遍比起泥地千二更低 搵黃俊肯定無人信  Q腳方面初出旭日光已經喺三月開操 之後上從化 試閘頗有前速而本場快馬多估算腎虧潘都會守好位 血統仲要咁早熟 初出監生吞絕不意外

[ 本帖最後由 KIRIN688 於 2022-9-13 13:14 編輯 ]

鴻略

引用:

原帖由 KIRIN688 於 2022-9-12 08:01 PM 發表
星期三嗰三場三班賽 尾場嘅千二無乜好評 常常有餘同天行健排好檔呢條Q打風打唔甩
另外兩場三班值得研究
第三場三班一千 八心之威 輗多福 齊心同行仲有佳運發呢幾隻快馬喺度 搏下啲可以咬好位 小試下肥航隻龍騰飛翔  ...

常常有餘繼續好檔，正路選擇。天行健狀態仍勇銳，但有常常有餘及五門齊頂住，三檔似是偽好檔，二疊抑或再後一卡一疊難料，之前把握機會贏馬，加分後其實壓力大，需要更大進步。五門齊之前實力肯定在天行健之上，但上仗流鼻血，狀態或實力是否打折扣屬疑問，上季初出跑新鮮則非常好，博冷無妨。美麗邂逅上仗初跑此程劣檔切入前領二疊而入Q，走勢佳，今次檔位轉好，當屬機會馬，賠率則已反映，宜兼顧。


第三場三班一千最有趣是大部份參賽馬上仗跑包尾或尾二。幾匹快馬應是輗多福最快，八心之威及齊心同行都不夠其速度兼會稍留，前者轉倉後找到竅門，上仗泥地路長敗不作準，前仗水準算高，應有一席。肥航的龍騰飛翔過去跑草地不夠快贏一千才增程，恐怕黃俊難迫出速度。初出的旭日光上季尾試閘已如箭在弦，半個月前從化試閘則似未夠銳，但不排除期間再進，潘羅組合的新馬似無寶不落，手法亦有大摩影子，有好檔亦有望一出即勝。佳運發上季外間寄望甚殷，表現算合格有餘，上仗異常冷落而落敗兼賽後要長休，今次操練積極，狀態對辦，可望跑出水準，兼顧。

KIRIN688

引用:

原帖由 鴻略 於 2022-9-14 01:23 發表

常常有餘繼續好檔，正路選擇。天行健狀態仍勇銳，但有常常有餘及五門齊頂住，三檔似是偽好檔，二疊抑或再後一卡一疊難料，之前把握機會贏馬，加分後其實壓力大，需要更大進步。五門齊之前實力肯定在天行健之上，但上仗流鼻血，狀態或 ...

第七場亂局 獵人成出三隻必有所圖 信和系燊榮之星上季初出已經追 之後初跑谷戰幾乎劏人 可見水土適應快 班德禮攞到主戰唔會懷疑戰意 同倉浪漫組合跑返草地又好檔又田雞 要得燊榮之星無理由唔要埋呢隻 第三選喺牽旺加富同二雋之間選 牽旺加富本來跑法變機動理應有利但135磅令人卻步 二雋雖然都孭132磅但上季早喺三月後收工 加上同程六戰全入前四 最後決定搏二雋

鴻略

引用:

原帖由 KIRIN688 於 2022-9-14 07:28 AM 發表
第七場亂局 獵人成出三隻必有所圖 信和系燊榮之星上季初出已經追 之後初跑谷戰幾乎劏人 可見水土適應快 班德禮攞到主戰唔會懷疑戰意 同倉浪漫組合跑返草地又好檔又田雞 要得燊榮之星無理由唔要埋呢隻 第三選喺牽旺加 ...

燊榮之星田草都近，上仗過谷草被另一田草馬劏，今次不見有暗牌對手，可期補中。浪漫組合似之前草地見盡後在泥地兩W加分頗多，回草地有大疑問，勝在同程贏過牽旺加富。二雋上仗表面見差不多，但對手評分亦水漲船高，會有一席。寶賢得得近戰田草見進步，回谷草而有一檔則相當有利，前列份子。但我較喜歡的是最熱三匹，不太想投注。

搭完咀再另講兩場。第四場仍然贏前季首戰五班同程即輕勝，升班後亦屢入Q，上季表現稍遜色但仍不斷跑近，今回到五班，實力超此群，檔位不差，可期取勝。純金酒杯上仗首次落五班改用留後跑法入位，沿途蝕位但追勢相當好，今次得排好檔，可守中置內欄，會有進一步表現，次選。超班今次首次跑五班，上季初出田草一千輸得不算遠，與上仗贏馬的吉利大勝接近，今減16分，兩者磅位亦來回13磅，比較後者，超班在此已夠爭，檔好人強，可博一席。

第六場，請飲茶在四班只是四五份子，創建群英就算有好檔亦只是位置馬，都屬孭飛格。此組中有成才、贏盡天下、鎂之妙及開懷大少屬此程能手，有本錢可互串，分頭夠。若要刪一匹，可大膽棄贏盡天下，之前連續入Q入位而未勝直到上場排一檔，反映其比較尺寸及進步比較少，今次加分又換上劣檔，可博其後上不及三三四四。

KIRIN688

未望星期日排位前睇睇下星期三啲馬 終於有返80 90年代嗰啲出馬八隻九隻嘅feel 出馬成日14隻點叫人玩

星期日最後三場心水

第八場三班泥地千二雪茄鄭早早開齋捧杯減下壓 今場隻牛皇頭再搵蘇兆輝又好檔 有獎金大王放頭好好跑 呢啲死路程馬有得出實搏盡 Q腳搭返同樣泥地有根據嘅勝意龍
尾場三班千四整體水準普通 要返一對季前積極備戰嘅重磅馬駿益善同一先生

重心第九場二班直路賽 帖木兒退出得返十隻 雖然係咁但選馬範圍好廣闊 基本上除谷一千王南區寶同路程不合嘅好好心得比較下風外其他隻隻都有入圍條件 本場幾隻子彈快馬有狀元及第 南區寶 經典之星必有步速 先要嚟到八歲但初跑直路賽嘅艮志騰雲 老一輩認為老馬利季初應該適用喺佢身上 隨著又大一歲路程性能應該係一千最好 抽埋近看台八檔更有利 次選方面要同樣八歲嘅魅影揚飛 轉跑直路賽後三W又幾場入P 今場雖然係二班作賽但水準唔算高 個負磅有利 田雞騎開知點跑 三選幸運有您縮落嚟直路賽抽十檔而腎虧潘唔放手 雖然希斯已經飛去英國參加事頭婆國葬但馬本身早操好必然盡快交代

[ 本帖最後由 KIRIN688 於 2022-9-17 16:41 編輯 ]

鴻略

引用:

原帖由 KIRIN688 於 2022-9-16 07:58 AM 發表
未望星期日排位前睇睇下星期三啲馬 終於有返80 90年代嗰啲出馬八隻九隻嘅feel 出馬成日14隻點叫人玩

星期日最後三場心水

第八場三班泥地千二雪茄鄭早早開齋捧杯減下壓 今場隻牛皇頭再搵蘇兆輝又好檔 有獎金大王放 ...

星期三進退失據，可能受到前面仍然贏同超班不能有其一攝入一席影響，本來三劍俠同包裝風雲都是有賽績根據的博冷佳選，最終觀望收場而走寶。

明天講三場。第二場創高峰同程前季四班贏過，上季五班亦入Q，檔好準備足，前列份子，先揀。晨曦英雄上季四班同程屢近，今落五班佔班利，檔位亦不差，試泥閘一次不展步一次敗得遠確駭人，但翻查上季跑近時試泥閘亦大敗，可見不能作準，有賠率而有雷神騎，寧揀錯也不願走雞，兼顧。生生勝勝上季同程僅敗於奮鬥齊心證明實力仍在，其後輸場地或體力降，休後重新再來，亦有好檔，保險腳。

第四場菲力大帝上季四班同程入位水準不差，今季晨操似有進，檔佳，有力取勝。好友利亦有四班能力，上季馬房遇低潮影響表現，上仗敗於軟顎持續移位，今季重新上路，回到贏馬路程兼有好檔，次選。捷報上季在四班及五班都曾入Q，其中一次在同程，試泥閘亦是慣常敗得遠，不必在意，有雷神發揮，保險腳。


第六場仁仁之寶上季贏同程姿態非常好，但加磅後未能再勝，似乎目前不適應重磅，今次換上十磅仔，試閘見好，可望跑出贏馬水準，首選。八威小子上季同程強組輸近，上星期跑過追得不俗，有熱身之利又有好檔，次選。保險腳可選馬不少，揀勝利之皇，上季同程入位水準似較高。

KIRIN688

引用:

原帖由 鴻略 於 2022-9-18 04:18 發表

星期三進退失據，可能受到前面仍然贏同超班不能有其一攝入一席影響，本來三劍俠同包裝風雲都是有賽績根據的博冷佳選，最終觀望收場而走寶。

明天講三場。第二場創高峰同程前季四班贏過，上季五班亦入Q，檔好準備足，前列份子，先 ...

魅影揚飛退出埋索性就艮志騰雲幸運有您單Q
另外補充尾場加多隻半冷盈嵐 本來都係跑草地起家 季前上左去從化而上季未曾有呢個安排 今場跑無乜績嘅千四必有分頭 謀一席嘅難度唔高