KIRIN688

呢排追布文唔會點死錯人 星期三嘅三場心水其中兩場都要左布文
第四場躡景追飛四班近左兩場落到五班增程強配布文 先揀 馬主星輝去光頭蘇後近期持續反彈 隔七星期休息所以整個千二泥地閘跟跑 雖然孭到135磅但排一檔難飛
第五場預計大熱係腎虧潘拍黎昭昇嘅亞洲藤王 唔懷疑馬房戰意但見佢啲馬差起嚟係差得好交關 又搏左兩舖 仲有貨賣唯有當抽水 四平八穩一定係紅衣火旺 執一檔又布文 馬本身唔會有乜嘢進步靠形勢搭夠 Q腳都係買檔位嘅南莊加好 兩星期前同程檔差但所負不遠 執二檔上名機會提升
尾場繼續追上場買燊榮之星 幸福老撾 獵人成搵鍾仔騎燊榮之星都係貪有十磅減 唔通貪騎功好咩 咁120磅係好跑 之但係呢位細路睇左咁多場 可能比廢柴騎師更廢柴 幸福老撾上場名次雖然第九但實際輸個幾馬位又唔可以話差 增程雖然11檔但C加3飛出去追可能仲好追

[ 本帖最後由 KIRIN688 於 2022-11-29 22:31 編輯 ]

月影偷情

引用:

原帖由 KIRIN688 於 2022-11-28 20:40 發表
呢排追布文唔會點死錯人 星期三嘅三場心水其中兩場都要左布文

嗯👍🏻有知覺喎!😌

鴻略

引用:

原帖由 KIRIN688 於 2022-11-28 08:40 PM 發表
呢排追布文唔會點死錯人 星期三嘅三場心水其中兩場都要左布文
第四場躡景追飛四班近左兩場落到五班增程強配布文 先揀 馬主星輝去光頭蘇後近期持續反彈 隔七星期休息所以整個千二泥地閘跟跑 雖然孭到135磅但排一檔難 ...

第四場看起來比較均勢，躡景追飛及馬主星輝是自然選擇，而近戰與馬主星輝有勝有負的就有有力及成功星駒，兩匹有態時都有穩定表現，再加上剛突如其來贏泥地千八的慶萬家，未證明是草地不及泥地之馬。幾匹都有機會，檔位就躡景追飛、馬主星輝及成功星駒較好，賠率亦較熱。

第五場熱門天下不吸引。你選的兩匹是前列份子，但也預期亞洲藤王仍會好開就好，該馬房暫時算「穩定」，未有失準亦未有先差後變身。

尾場我個人看好回到首本路程的天池怪俠，上仗千六後上甚佳，狀態到位，上季尾在相若評分欠好檔下輕勝同程，今次形勢差不多，有贏面。燊榮之星及幸福老撾有近續支持，寶賢得得則前仗輕取燊榮之星，今次負磅來回13磅，機會接近。上仗得步速之利的同程三甲馬，當然不敢說沒有機會。


另外講頭兩場。第一場嘭嘭聲上仗僅負失P，放頭馬不需幾多騎功，換十磅仔夠贏。各取所需近戰四班偶有入Q入位，回到五班亦有優勢，一千近季少跑，計遠續未必路短，前駒勁敵。保險腳揀安田之寶，同程兩入Q，包括大外檔，跑法簡單又跑慣谷草，雖12檔亦有機。第二場跟第一場類似，先選降班兩匹，紅酒之寶及高明駿將，頭馬看好前者，亦是放頭馬加十磅仔。保險腳取勇眼光，今季稍進，上仗檔劣追得不俗，今次有好檔，會守到好位，是庸中佼佼。

KIRIN688

國際賽前夕都係編泥多過草 集中除左兩場五班外其他四場泥地賽
第四場四班千二形勢幾亂 腎虧潘揀萬市之光試幾個泥閘表面係幾好 但出賽用唔用到前速實在難講 唔排除開氣為之後1650泥地做目標 扒下冷再追美麗喝采 以上季獵人成嗰陣跑三班同程起步慢閘但所負不遠計泥地性能應該唔差 今次隔一個月而韋賊喺晨課連續摸兩課快跳都係草地似到位 今場估計有啲分頭下希望起步順利霸到好位就有機 Q腳冰雪奇遇 後追型嘅馬喺128場次同程排內檔後追走入面始終蝕底 今次變日馬光線夠而本場快馬多雖然排外檔但形勢有利可以飛出去冚 涼瓜交出水準嘅話有權一網打盡
第五場四班千八揀番兩隻喺162場次包Q嘅大道至正同日就月將 計檔日就月將好跑 但大道至正難得有第二春 雖然12檔係麻煩但預計有步速希望攝到好位 馬房要爭取頭馬護級實搏盡
第七場三班1650亂局就係最佳扒冷場合 先要皇帝金 上場谷千八咁樣俾巴度一夾大力一抽撞欄就索性跟跑而回 返嚟有根據泥地仍然有投注價值 蕭家新貨爽快睇績贏三場千四似會係一哩至二千射程 雖然排外檔但兩個泥地短途閘留前後追效果唔差 以蕭家呢啲唔冷唔去嘅作風 今場買返注應該無死錯人
尾場二班千二獵人成再整隻上駿之星俾布文 早前試閘考驗反應相當好 有時時滿意開路好跑 唯一缺點係呢場開跑時間已經入夜開哂燈未知有無影響馬匹展步 唯有信布文 Q腳之中時時滿意得一招放頭無殺著 嘉應精英個檔抽得麻麻 勝意龍計路程同狀態本應最好但對手比上場三班強一大截 不如信何堯揀騎上去嘅喜旺駒 季內兩場同班千四跑得好但一上千六就威力大減 方仔向現實低頭縮程跑泥地千二搏賺田草級數同步速

[ 本帖最後由 KIRIN688 於 2022-12-4 06:57 編輯 ]

KIRIN688

國際賽週 頭盤騎師賽都係最後三場心水 都有麥道朗
第七場嘅第三關三班1650 今季70場次中過嘅斛斗雲搭川河冠駒呢條Q今次再跟 當中斛斗雲上場137場次賽前已經講加132磅係阻力所以無買 反而係中段隻馬搶口返到嚟梗無 隔五個星期休息耐啲功夫係咁磨又草閘 抽二檔又麥道朗好好跑 至於川河冠駒實力未算高但三班企得穩 未贏過但跑同程上名率高 雖然抽12檔但A欄影響唔大 呢隻馬跑後追明顯比前置更有威力 抽到蘇兆輝更合大鞭大鞭殺落去硬朗騎法
第八場騎師賽尾關三班千二 搏少少夏主席隻紅運帝王 以呢隻馬喺大不列顛錦標跑第七水準71分有啲利 三星期前175場次初出同程又外檔 焗搶擺前返嚟都有第四表現好過預期 上星期知道正選即刻整多個閘 抽到賈傑美呢位女將希望之前場次跑幾場後知道點跑 Q腳都幾亂 再信麥道朗嘅怡心聲 十檔幾難搞但96場次贏直路賽係從後爆上 證明唔一定前置守好位 今場如果肯留住七八位SET得好未必無機
尾場無時間打 同舟共濟 駿馬快車 無心睡眠鐵角算

[ 本帖最後由 KIRIN688 於 2022-12-7 17:18 編輯 ]

鴻略

引用:

原帖由 KIRIN688 於 2022-12-5 08:11 PM 發表
國際賽週 頭盤騎師賽都係最後三場心水 都有麥道朗
第七場嘅第三關三班1650 今季70場次中過嘅斛斗雲搭川河冠駒呢條Q今次再跟 當中斛斗雲上場137場次賽前已經講加132磅係阻力所以無買 反而係中段隻馬搶口返到嚟梗無 隔 ...

上次無快速心水，追看世界盃，體力及時間不能支持出文


今晚最後三場似多暗湧。第八場有點奇怪是金爵士相當冷，雖排12檔但上仗贏馬姿態非常好，如非極不利後上，應該仍是前列份子。另講兩場。


頭場在2-3-7-12之間揀。都靈勇士仍如上兩次排劣檔，前仗很快守到好位，追過又享耆成而力迫水準不高的頭馬，上仗則改以放頭克服形勢而失敗落第，應是需留後之馬，今次中檔馬多中置，預期形勢不會如前仗，若留得更後未必可追及，反之又享耆成該仗不夠內檔馬快要留後兩卡，今次轉排一檔必守好位，應可反先。鋒芒勁露上季一落四班即勝，上仗有強手在而追得不俗，上季三班同程不過不失，落到四班就夠份量。勇進齊心上季一近就翌仗贏同程，前仗遠離水準而上仗輸近，跑法簡單之耿今次檔位內移，跑出贏馬水準亦有得爭。考慮檔位及賠率，賭2-7-12。

鴻略

第三場誠心所願及豹子膽上仗在較快時間組別跑入前列，一併選擇，前者檔位轉佳不必急搶，會比上仗好。再兼顧當家信心，五班兩戰後上全勝，前仗追近，狀態已在，待落班出擊，亦有贏面。

KIRIN688

四場國際賽重心場合揀瓶同杯 一哩同短途簡單講下算數
短途嗰場金鑽貴人必然係衆矢之的 三檔算有利 唔會話贏硬但三甲一席應有 老對手福逸都唔知係咪精英碗嗰場新鮮感太勁 居然上場預賽一棟都無 雖然話之後賽後報告不良於行但抖一日就復課 似乎唔係好大關係 十檔就麻煩 搏冷嘅話想試下今年高松宮盟主日照飛駿 當然級數同龍王差得遠而日本短途水準始終低 之不過今年呢場馬主隊嘅其實大多都見哂而呢隻馬近一年喺千二米成績未甩過前三算穩定 預計搭金鑽貴人條Q會好分
一哩錦標金鎗同加州個個都扑住買 主隊其他四隻基本上唔駛睇 外隊之中隻指數定律又係愛爾蘭賣俾澳洲貨源 唯一一場G1勝利仲要係水準唔高嘅莊柏德大賽 去澳洲後都係平平無奇 上年第三嘅戰舞者本場本應係告別戰但腳傷退出埋咁就安安全全返屋企打種  另外兩隻日本隊嘅起碼實力未盡見 速度大師上場同戰舞者一齊跑俾李慕華激到嘔血 呢場難得保住帥權肯定砌硬 唯一擔心係一檔未必好 如果華dee起步後立心唔要欄走二疊唔係無機 最大變數外隊就係野田赤蠍 同樣跑一哩冠軍錦標而川田全程三疊望空跑法毫無誠意 今場換硬淨得多嘅布宜學又六檔 之前富士錦標已經證明同年長馬有得撼 既然頌讚火星可以同年包辦NHK一哩杯同香港一哩錦標呢個壯舉 咁呢隻投注上又無奶油飛嘅

[ 本帖最後由 KIRIN688 於 2022-12-10 13:46 編輯 ]

KIRIN688

https://asianracingreport.com/%e ... %e7%94%9f%e6%b6%af/

前大機構特約寫手莫瑾賢訪問大魔頭 就被迫退休嗰單嘢同神仙練到75歲條例炮轟夏定安
另外摩仔同告女應該成婚 有報道話告女已經有左幾個月 恭喜😆

[ 本帖最後由 KIRIN688 於 2022-12-10 08:12 編輯 ]

KIRIN688

香港瓶基本上無視主隊馬 日本隊兩隻 耀滿瓶今場告別戰 場地熟哂 但再大一歲而今年表現普通 札幌記念連瑪蓮必勝都跑唔贏 止於接近 瑪蓮必勝初初刨其實無揀佢 但再睇績原來年頭贏G2 二千五米日經賞 路程適性比耀滿瓶強 上場女皇杯換連達文就現真身入Q 而今場繼續用原班配搭加埋馬女受讓四磅 足以同歐洲隊一戰 歐洲隊方面高多芬隻植物科研喺多維爾錦標贏愚者眼界睇嗰場咁均速似乎要二千八以上係最好 山海小區喺巴登大賽贏驚世詩才純粹形勢有利而對方跑錯先偷到 至於法國馬重禮係老巫基本座騎但老巫又唔嚟係咪覺得機會唔大又唔知 但啲績又未跑過乾快石頭地 最後古摩嗰對就好明顯 波爾明見哂嚟香港估計護航性質 主帥親征石器時代必然係主力所在 上場跑BC草啲地硬到咁都入Q似係跑呢啲地最好 最大優勢就係北三賺分齡讓磅只孭121磅著數到暈 而古摩喺呢場賽事往績突出 搏W都係呢隻

[ 本帖最後由 KIRIN688 於 2022-12-10 13:44 編輯 ]