KIRIN688

最高榮譽總獎金三千四百萬港紙香港杯 單係日本軍團都有五隻嚟跑 同主隊實力相比唔需要多講 主隊係得浪漫勇士以主場同fit兩樣優勢嚟撼 唔懷疑戰意但始終第一次撼外隊馬 過份捧熱嘅話寧願睇住日本軍團 五隻之中出名單後第一隻劃走係麗冠花環 今年個form雖然都有一個位置但同前一年比真係跌得快 雖然搵返拉哥騎但拉哥係咪fit只有佢本人先知 咁多不明因素如果入到嚟當抽水 另一隻用鬼佬騎師布宜學嘅地標圖形打比後傷過 復出跑天秋已經扯個咁快步速而表現只係不過不失無威脅 難相信隔六星期過嚟香港跑會係蟲變龍 所以都係向另外三隻用哂土砲嘅日本隊做重心 本初之海都唔駛點講佢嘅大逃威力相當勁 如果呢場跑千八贏面極大 但可惜二千米始差少少 不過年頭贏嘅中山記念同杜拜草地 同埋上場天秋入Q的確無花無假 東京上斜二千都幾乎得米咁沙田二千對佢根本難唔到 吉田豐同佢夾到熟哂知點發揮 佢嘅冤家金積驥睇上場天秋咁樣輸法難怪做老豆嘅都幫理不幫親 飛起阿仔搵豐哥呢位跑放頭前置有一手嘅老將押陣 個人覺得可能比天秋再進取啲守本初之海後面主馬群一二位 呢場馬單係睇呢對冤家點互動已經值回票價 三選野田小子 到依家仲未摸索到係千六最好定二千最好 但明顯最好跑法係留後爆一段 本初之海預計放頭步速一定唔荒慢拉散馬群而今場得12隻跑 搵位上相對比較易 練馬師喺香港贏過國際賽都知點部署隻馬遠征香港 QT呢一注又係唔慳得

[ 本帖最後由 KIRIN688 於 2022-12-10 19:08 編輯 ]

鴻略

引用:

原帖由 KIRIN688 於 2022-12-9 07:54 PM 發表
https://asianracingreport.com/%e ... %e7%94%9f%e6%b6%af/

前大機構特約寫手莫瑾賢訪問大魔頭 就被迫退休嗰單嘢同神仙練到75歲條例炮轟夏定安
另外摩仔同告女應該成婚 有報道話告女已經有左幾個月 恭喜😆 ...

如非新來者失敗，未必會有神仙條例，時運也......

摩仔一把年紀，要生就要快啦

明日多明星馬，多場大熱Q只得4至5倍，不必討論，只講第一場。桃花多上仗排外檔改為留後仍追得不俗，前仗前領得亞軍而蹄下敗將多有好表現，組別級數高，今次抽好檔可期跑出水準，首選。閃得快及紅運泰斗一對上仗降班馬亦因排外檔而跑法混吉，試過一仗，在四班之能力應心中有數，過去排外檔根本可以跟前守好位，今次分別換上好手出戰，會打真軍，一併兼顧。綫路神驊上仗遇弱旅兼得檔位之利恰如其分地勝出，加分後轉排從未跑得好過的外檔，形勢大為不同，放棄。

[ 本帖最後由 鴻略 於 2022-12-11 02:43 編輯 ]

鴻略

引用:

原帖由 KIRIN688 於 2022-12-10 06:43 PM 發表
最高榮譽總獎金三千四百萬港紙香港杯 單係日本軍團都有五隻嚟跑 同主隊實力相比唔需要多講 主隊係得浪漫勇士以主場同fit兩樣優勢嚟撼 唔懷疑戰意但始終第一次撼外隊馬 過份捧熱嘅話寧願睇住日本軍團 五隻之中出名單 ...

浪漫勇士雖云第一次撼外隊馬，但女皇盃拋開贏飛輪閃耀及將王，後兩者上季在香港盃負於唯獨愛你不多，間接證明實力，能跟擅鬥之馬，只忌上仗遲復出而狀態未夠下打過硬仗未復元，若狀態十足，不懼任何對手，情理上仍看好。

KIRIN688

引用:

原帖由 鴻略 於 2022-12-11 02:55 發表

浪漫勇士雖云第一次撼外隊馬，但女皇盃拋開贏飛輪閃耀及將王，後兩者上季在香港盃負於唯獨愛你不多，間接證明實力，能跟擅鬥之馬，只忌上仗遲復出而狀態未夠下打過硬仗未復元，若狀態十足，不懼任何對手，情理上仍看好。 ...

贏都唔奇 但贏甩成條街真係無諗過😑加州梁整定無緣馬王寶座 除非加州星球遠征贏啦
聽晚繼續三場 第六場再追躡景追飛同馬主星輝 當中馬主星輝上場騎落衝刺普通可能俾135磅責死 上返四班跑會好啲 躡景追飛俾布文贏馬後腎虧潘攞嚟騎 唔係磅位問題嘅話布文根本無可能放手  只可以講腎虧潘依家呢幾年要風得風 但級數始終同布文莫雅仲有差距

尾場美麗笑聲同銀進控制大半彩池 計磅位始終銀進有利 呢條Q無肉食 所以扭一扭 搏多利神駒殺入嚟 單係檔位同換布文呢兩樣已經值得一搏

第八場無時間打 揀獎星搭大力猴王

[ 本帖最後由 KIRIN688 於 2022-12-14 17:25 編輯 ]

鴻略

引用:

原帖由 KIRIN688 於 2022-12-13 06:59 AM 發表
贏都唔奇 但贏甩成條街真係無諗過😑加州梁整定無緣馬王寶座 除非加州星球遠征贏啦
聽晚繼續三場 第六場再追躡景追飛同馬主星輝 當中馬主星輝上場騎落衝刺普通可能俾135磅責死 上返四班跑會好啲 躡景追飛俾布文贏馬後 ...

加州星球及金鎗六十贏季軍不多，浪漫勇士下次董事盃有機一併擊敗兩駒；金鎗六十輸走位(又棄內欄)及次仗後遺症(首仗搏後未全復元氣)，下仗狀態會較好兼走位包袱較小，有力反先加州星球。


尾場Q一定要扭一扭才有肉食，但兩馬皆有好檔就不想挑戰，打算轉賭F4，美麗笑聲同銀進雙膽當Q賭，多利神駒正路腳選擇，另外拖鴻運飛鷹同有主意，三匹都是長期跑此程近之馬。

第八場頗混亂，獎星晨操見好，疑問是蘇兆輝揀騎安遇，大力猴王上仗不俗，有點進步加上過谷草已有力突圍，另外喜譽寶上仗檔劣留後輸近，今轉好檔有機。兩匹熱門增程未知數，齊齊敗陣亦正常。


我另講第五場。駿寶熱身後的上仗即變身一放到底，今抽一檔更添贏面。配腳博一對田轉谷冷門，皇帝英明及威武勇駒前仗分列五六，前者負於新力高升及同友友個多馬位，今排檔不俗，有望穩守二疊甚至貼欄，在此已夠爭一席。後者檔位更佳，前速則較慢，會守在較後的貼欄位置。拖兩馬位置Q比拖其他熱門Q還好分頭。


頭場跑完，雨下貼欄仍有優勢。

goal老師

分析準確😍😍😍

鴻略

引用:

原帖由 goal老師 於 2022-12-14 11:15 PM 發表
分析準確😍😍😍

謝謝。第五場Q被打劫，另外預不到駿寶會讓出放頭位置給喜駿之星，後者因而大幅提升機會，賭T其實可以兼顧後者保險一票，我就漏了。

KIRIN688

引用:

原帖由 鴻略 於 2022-12-15 00:04 發表

謝謝。第五場Q被打劫，另外預不到駿寶會讓出放頭位置給喜駿之星，後者因而大幅提升機會，賭T其實可以兼顧後者保險一票，我就漏了。

家陣大機構都係投注額至上 如果羅拔摩亞仲健在可能仲狼死
星期日只賭兩場算
第九場火鑽今季直落贏三場越贏越易 上場更得人驚係一檔索性放頭就此大勝 評分肯定仲有水位 Q腳方面年少有威上三班而上場只贏天足貓似乎未夠說服力 倒不如要返同程唔差而繼續有磅位之利嘅合衷共濟

第八場二班直路賽 正路之選電源之駒 上場失驚無神走去跑泥地千二而弱配但都有段追下當試閘 直路賽跑過兩次未甩過即靠千二級數縮落嚟都勝任 用埋蘇兆輝又抽埋貼看台檔位 首選 Q腳方面又見狀元及第但呢隻馬似乎跑谷一千跑高好多 四戰未輸過 返嚟直路賽又無乜優勢 寧願要返跑近期一千特佳嘅艮志騰雲 反正呢場有幾隻馬放頭有步速就好追 俾返嘉里必有分頭 另一選就係比卡超杯不幸爆缸被迫休息嘅必長勝 重新做功夫後一早俾布文整兩個大閘跟跑 呢啲馬無得保留 135磅係麻煩勝在布文孭少啲死鉛 抽埋貼看台11檔更有利
PS：明年2月19日CCTVB杯又翻生 乜阿曾生家陣仲有米去贊助賽日？？又睇下搵邊個嚟做騷😆

[ 本帖最後由 KIRIN688 於 2022-12-17 16:39 編輯 ]

鴻略

引用:

原帖由 KIRIN688 於 2022-12-16 07:53 AM 發表
家陣大機構都係投注額至上 如果羅拔摩亞仲健在可能仲狼死
星期日只賭兩場算
第九場火鑽今季直落贏三場越贏越易 上場更得人驚係一檔索性放頭就此大勝 評分肯定仲有水位 Q腳方面年少有威上三班而上場只贏天足貓似乎未 ...

贊助盃賽算是搞下動作的市場策略

我講三場。頭場喜悅精靈及合夥贛勁一對降班馬，前者四班入Q入位，後者更贏過，今季亦不太差，上仗皆路程不合，輸遠志在減分，今落班有明顯優勢，一併選擇，平均水平則覺前者較佳。原班馬乏善足陳，最好的似乎已經是今季失望的創高峰，但不覺得有力贏前兩駒，保險腳因此揀另一降班馬天使獵人，三班千二追近，四班千四重磅亦算不過不失，其後下沉，減分已多，因傷腳，現在才今季初出，試閘似有點起色，可博跑出原有水準。

第四場精彩生活上仗短距離負於綫路神驊，後者我跌眼鏡其後再勝，反映前者該仗水準相當，今次同檔位同跑法有力補中。勝利才子上次轉倉首仗跑千二復見生機，前後對手多駒再出贏馬，賽事水準高，今増程跑千四，上季此程失望但高峰時最合此程，轉倉有望回正軌，兼顧。佐治勇駒屬長期失望之馬，上仗第三落後精彩生活兩個馬位算有點距離，檔位及騎師同上仗差不多，不排除三三四四，但保險腳寧選喜蓮慧星，上仗首降四班，追入第三，前仗三班千四追近，在此夠水準爭Q，今有快馬拉開馬群，較易讓見習生取位，可博闖入一席。

第五場志友盈上仗不特別出色，不過大部份對手相同而冠亞軍不在，在此就夠贏，首選，該仗果然駿在3/4馬位後而檔位稍轉好，兼顧。眾歡笑前仗形勢大好失Q而上仗落第，評分似差不多，成熱就放棄；翔龍再現上仗亦再失望。保險腳選遨遊之星，前仗千四跑第二，狀態一直正常，上季千六跑第六一仗頗有水準，估計今次可慢放操控步速，可博一放到底。

KIRIN688

睇世界盃睇到幾乎爆血管 雖然唔係美斯死忠但都戥佢開心 35歲之齡終於登頂
星期三繼續三場心水 2,3,9場
第2場三班二千二都係要返上場沙田二千居然塞車嘅錶之五知 蔡仔傷左改用全港韁繩最好嘅布文更好 戰意無疑問 最強對手越長越好嘅安帥 周仔搞唔掂換返徒弟火車潘必拼 三重彩再追多次幸福老撾 三周前213場次1650都唔知跑乜 之前喺告仔跑皇太后杯倒唔差 跌到嚟69分差唔多反彈
第3場勇眼光繼續留四班跑仍然有利 嘉里少有包哂快跳相當重視 Q腳進力之城 係有啲老退但季內初出同程唔差 上場千四遊馬河 隔左兩個月操夠用到布文又好檔 加埋又拆組 係今季最好贏馬機會
尾場雪勇神駒上次中 無疑贏得輕鬆但上三班檔位外移仲係2.幾W呢個賠率明顯唔值搏 最多三重彩腳 要返今季大熟大勇紫雲冰 上場轉泥地千二都幾乎得米可想而知fit得交關 返嚟谷千二好難飛 另一隻揀就係擺明要跑形勢就係幸運旅程 有好檔一配合到形勢就有三甲機會

[ 本帖最後由 KIRIN688 於 2022-12-21 09:41 編輯 ]