鴻略

引用:

原帖由 KIRIN688 於 2023-3-3 04:23 PM 發表
頭盤超級星期六 多巴先生同將王再戰 當中將王已經有司馬經典邀請卡 出路程嫌短嘅傑貝哈特錦標志在熟悉場地 反而多巴先生如果呢場黃金之都錦標都無嘢睇基本上旅程完結 兩場賽事都係圍著高多芬馬海嚟買 當然係主副帥布 ...

第八場我較喜歡駿馬快車，輕磅馬之一，贏二班谷草千八姿態好，上仗千六路短後上不俗，回到千八兼田草長直路更好追，有贏面。

尾場三班千六晴王及日日美麗比較正路，Q大熱但仍有分頭，換布文預期回復首仗留前鬥後跑法，檔佳中置不必太後。另外提提敏捷神駒，上次算追得勁，不過黎昭昇至今未有一匹在千六或以上入Q，星期三兩熱門仍不破數據，而且陸知一如廄中過往增程就亂搶的跑法，可以猜猜敏捷神駒會否「照舊」亂搶。

另外講第四場五班千二，喜盈於心上仗大外檔跑第五，跑三四六的三匹都是實力指標，四降五換布文，夠贏。耀力之城是另一匹四降五馬，上仗谷草大外檔留後，追勢不比正氣青驅及亞洲籐王差，今轉排內檔，亦有力爭勝。保險腳勉強揀劍在九天，早前同程檔好第三影輸給美滿將來，今次形勢差不多，可爭一席。考慮過夢幻紀錄，可惜檔差，落地第一場好檔表現其實不差。

[ 本帖最後由 鴻略 於 2023-3-5 03:32 編輯 ]

KIRIN688

引用:

原帖由 鴻略 於 2023-3-5 03:30 發表



第八場我較喜歡駿馬快車，輕磅馬之一，贏二班谷草千八姿態好，上仗千六路短後上不俗，回到千八兼田草長直路更好追，有贏面。

尾場三班千六晴王及日日美麗比較正路，Q大熱但仍有分頭，換布文預期回復首仗留前鬥後跑法，檔佳中置不 ...

本來有諗駿馬快車 但上星期跑完匆匆再戰 有啲補鑊味道 同埋涼瓜跑幾次都唔上名 隻馬啲內閃問題無乜改善 日日美麗睇布文點教馬 但好明顯嘉里呢條友絕對唔係可靠投注對象 另外講返尋晚杜拜 多巴先生呢啲澳洲馬跑二千以上遠征真係唔夠揪 反而將王有啲驚喜 千八咁短又有意外咁都有第五 司馬經典對手好強如果有獎金已經有交代 而好眼光喺阿喬斯短途搵莫雅跑 呢隻都有啲期待

KIRIN688

星期三心水最後四場
第6場都係黑桃火箭 布文繼續騎開一定合拍 唯一擔心係上場傾盡全力都要輸俾波爾多 希望頂埋呢場 Q腳百勝名駒 兩週前大傷復出買左注結果跑到中途墮馬取消 反而因禍得福當熱左場身 今場上千八留得好有權一網打盡
第7場又向輕磅馬埋手 奇寶今季搏得少而上場跑同程唔知點解腎虧潘拎條鞭出嚟成9日亂哂籠 上返三班輕磅用賀銘年係奇兵一路 另一隻友心友型跑咁耐贏得一場同程但上名比率唔差 不明係馬雅呢場可以騎反而俾班德禮
第8場方仔拍布文另一隻紫雲冰又係準開 抽四檔好跑 而之前騎開紫雲冰嘅阿仔去騎順勢贏呢隻其實唔敢低估 今季轉白頭佬後遲復出熱身兩場 之後366場次跑得唔差 雖然輸五個幾馬位但實際同第二嗰隻動感先鋒都係差個幾馬位證明仲有啲戰力 上場轉跑無根據泥地千二當試閘遊馬河 返嚟谷千二終於等到個一檔 希望靠形勢同埋評分跌到新低突擊

尾場二班一千相當亂 無乜邊隻話一定有三甲 但始終都有馬跑一二三返嚟 照追嗰隻賺步速有形勢之利電源之駒 係估唔到今季喺神仙度有馬贏而371場次輸完就即轉肥文 似乎係馬主唔多滿意幾場重飛都失手 仲要係其中兩場跑出同馬房嘅馬 肥文接手後當然唔敢怠慢係咁力磨 大細閘樣樣齊 3檔好跑只要唔慢閘守二疊45位已經有勝算 Q腳諗一大輪本來想要一檔好跑艮志騰雲但134磅係一大阻力 都係要同程兩戰都入Q嘅心之行 同友心友型一樣勝出率低但入位率唔差 買QT唔揀都唔得

[ 本帖最後由 KIRIN688 於 2023-3-7 17:44 編輯 ]

鴻略

引用:

原帖由 KIRIN688 於 2023-3-6 10:39 AM 發表
星期三心水最後四場
第6場都係黑桃火箭 布文繼續騎開一定合拍 唯一擔心係上場傾盡全力都要輸俾波爾多 希望頂埋呢場 Q腳百勝名駒 兩週前大傷復出買左注結果跑到中途墮馬取消 反而因禍得福當熱左場身 今場上千八留得好 ...

第六及七場看近績似有5-6匹很接近，第八場則聚飛太熱，我都避開。

尾場二班一千則相同對手再跑，負磅及檔位有些變化，我也認為電源之駒及心之行最似樣，負磅條件最有利而檔位不差；保險腳就狀元及第，路程專家，上次同程輸大外檔，今次則必然貼欄，加上2及3已贏馬加分，有得爭。


頭場四班千二水準不高，過半馬近況成疑。神舟時代上次在千四弱組首次贏四班，如跑千四可放棄，但有速度及爆炸力之馬縮程轉谷草估計可賺級數，本身新馬落地52分兩場田草千二亦上名，今次有好檔，預期貼欄跟隨皇龍帝國後直路有望一攻而破，首選。小霸王穩定進步，上次對手普通且賺慢步速，但贏得清脆，今次走位形勢差不多，加7分雖稍多但仍是爭勝份子。保險腳自然在1及2之間揀，國士無雙近戰表現較佳，稍吃虧是很倚靠檔位而今次稍差，在對衡之星外面，但後者連番近而無威脅，稍覺前者較好。


第四場亦是蜀中無大將之局，功夫茶及旅英福星近戰最似樣兼抽好檔，目前Q賠率略嫌低，但可博有另一冷腳剷入。合夥年代近五次同程有Q亦有三次不遠地落敗，整體稍失望，評分比較緊，今次勝在換嘉熙減5磅兼抽好檔，對手弱則有冷門機會。藍海鐵騎上次好檔闖入Q腳，今次檔差，估計爭三四。

KIRIN688

跑星期六 最高班第七場嗰場千四買告仔Q算 廢柴十磅仔距離升格好似差三兩場 中華盛景跑返二班賽再減十磅 理論上機會大過綫路之星 呢條廢柴騎過兩次都前列返嚟 唔存在騎唔起嘅問題
第四場四班千四第一組 廢柴十磅仔騎兩次健康之星非W即Q 跑法簡單又好檔 唔該好自為之 414場次馬主雄風贏馬而快錢就大熱死火 兩隻今場再碰頭 快錢繼續孭重磅就唔睇好 馬主雄風加磅但有好檔 如果出彎拎到生位掟出去追仍有再捷機會

第五場樂善堂杯四班千八 前置馬少 搏有形勢之利金德義 老苗可以用嘅馬少而布文又肯繼續騎 上場輸俾勤德威力而負磅差距拉開 11檔如果盡早殺到埋欄控制步速就好跑 Q腳縱橫十六 轉肥文後有進步 以前一場五班同程大勝嚟計返四班唔蝕底 今場前置馬少又睇田雞走位 但計馬係FIT
第九場三班千四 腎虧潘騎返紅運帝王點都要搭返票 始終跑千二嫌短 跑千四均速前置應該係佢家陣最好跑法 四檔好跑 半冷心水馬爾代夫 66分孭123磅明顯有利 上場後去從化做嘢 阿仔繼續騎而十檔更好追

[ 本帖最後由 KIRIN688 於 2023-3-10 19:25 編輯 ]

KIRIN688

星期三賽事又四條單棍
第三場四班千二第二組 正路都係能文能武 擺明跑形勢又有一檔 上場381場次跑1650竟然被捧成熱門根本唔合理 抖個半月落返千二好難唔揀 至於Q腳 燉馬馬房嗰隻旅遊高球兩星期前同程走光 黃俊仲要被問話告誡 爆冷不成索性搵布文 抽十檔希望分多幾蚊
第五場四班一千 愛爾蘭錦標杯仔場合 幾隻快馬喺度必然有步速 對同程三戰未甩Q嘅育成精彩有利 反正都係留後爆一段 Q腳之中就搏仲未贏過嘅特攻 希斯轉白頭佬係一大變數 換另一套手法操馬希望帶嚟新鮮感 喺希斯嗰陣成績最好都係谷一千 抽三檔更好跑 希斯隨時又一次被爆樽
第七場嫡愛心基本上穩膽 係睇搵邊隻串Q 都係要好檔初跑谷戰嘅步履如風 204場次入Q之後接連三場都係輸際遇但又所負不遠 初跑谷戰終於排返個好位 以入Q嗰場級數 換埋更硬淨嘅涼瓜 加埋馬房聽晚個陣 要串Q非難事 至於喜蓮系新貨喜蓮勇感個績兩歲已經跑六場擺明跑早熟 喺葉森呢個急彎馬場跑落斜千四贏馬睇嚟獵人成對佢一出就跑谷戰幾有信心 只係之前布文操開但最後磅位問題換腎虧潘 人馬仲未溝通未知效果如何 Q腳唔揀就係呢個原因
尾場信心之選係將王嗰類要偏軟場地先發揮真正實力 沙田場長期地快相當蝕底 轉谷戰靠級數換腎虧潘又好檔 三甲份子 銀鎚仔逐漸上力上場已經有提供 墮馬取消當試閘 今場再抽三檔好跑 呢個時候高佬新點都要交成績出嚟 連星期日隻福逸都換埋莫雅跑肯定有壓力 銀鎚仔家陣個分未必等到落四班先搏

[ 本帖最後由 KIRIN688 於 2023-3-15 06:53 編輯 ]

鴻略

引用:

原帖由 KIRIN688 於 2023-3-13 08:02 PM 發表
星期三賽事又四條單棍
第三場四班千二第二組 正路都係能文能武 擺明跑形勢又有一檔 上場381場次跑1650竟然被捧成熱門根本唔合理 抖個半月落返千二好難唔揀 至於Q腳 燉馬馬房嗰隻旅遊高球兩星期前同程走光 黃俊仲要被 ...

今日第三五七場都有正路膽，惟第三場略嫌配腳機會馬頗多。我講另外兩場。


頭場博兩匹降班馬博愛之光及傲龍駒，兩匹近戰雖無威脅但所負不多，減夠分亦見換前列騎師有出擊意，前者檔佳兼較有路程根據，評分減幅亦較多，首選。保險腳揀勝出魅力，同程表現較幾匹熱門馬為佳，赤子雄心欠十磅仔打折扣，慶萬家及帥男路短。


第六場，團結一心連續兩場田草千六輸得不遠，尤其是上仗14檔搶放只負兩個半馬匹於強手，今次縱使排12檔仍可沿用相同跑法，對手不同，預期不易有幾多馬超越，何揀騎，首選。星河小子趨穩定，近兩仗一追一放有水準，上仗入Q更稍拋開三至八名一堆，今次檔位不差，放頭或守在前列均可，爭勝份子，次選。保險腳揀赤火驍龍，今季穩定，上仗中段突圍非最佳跑法仍先於星河小子，期間曾不良於行退出但休息兩日便復課，相信問題不大。其餘有考慮超威力及怡昌勇士，前者贏過千二輸千四，第三仗再上千六有大疑問兼熱門，後者減夠分而對狀態有懷疑，檔位亦稍差，但重回谷千六而不跑其他路程再減分落班確似想出擊。

KIRIN688

星期日大賽日 但女皇銀禧杯得五隻跑好睇唔好賭 主力睇兩場三班賽同打比
第六場三班85分二千米 錶之五知上場跑二班同程雖然慢步速但負磅咁有利都俾健康快駒一嘢過哂算失望 今次85分賽事布文騎返上去發揮有保證 Q腳波爾多 今季遲復出但一場比一場好 跑法可以跟前啲其實452場次千八唔係有塞車可以有爭位置機會 上場轉谷千八外檔焗留喺尾有追勢 再加程二百理應更合 負磅有利 又好檔 換埋連達文呢幾個利好因素實在不能不揀
尾場步大威猛上場全面優勢都要輸俾吉龍 似乎依家跑千二略為短 加程二百合理 布文再騎無乜死磅仍然首選 腎虧潘隻色種笑上場四班贏嘅姿態比預期吃力 嚟到三班唔同環境再成熱門就唔值搏 半冷份子宜春火力 睇嚟隻馬同希威森唔夾 騎五次全輸 反而俾布文同賀銘年都贏 上場雖然贏嘅距離少但當時困到最後百幾米望空一爆就有 嗰種短程爆發唔係講笑 抽11檔仲好留後追問題不大
戲肉打比二千米 焦點梗係喺新力高升同永遠美麗 但預無錢分 二揀一就揀永遠美麗 近幾場越贏越輕鬆 神仙對上兩次贏打比都係隻馬連千八都未跑過就上二千 練馬功力點都比大賽隱形嘅光頭蘇更可靠 腎虧潘嚟到呢啲場合諒佢唔敢玩嘢 至於新力高升上場經典杯係贏左 但考慮到嗰場咁快步速都係贏前置蝕哂形勢嘅知足常樂少少 嚟到打比抽九檔 仲有無咁好際遇？加埋嗰條仆街香土小雲貼佢擺明想登隻馬 我就一定唔揀 Q腳方面當然要返知足常樂 經典杯快步速前置幾乎得米可見隻馬能力唔簡單 抽六檔而型佬全喺四歲賽成績唔輸蝕比師父 永遠美麗有閃失呢隻可取而代之 三選諗左兩晚後信神仙加莫雅嘅自勝者強 上場經典杯檔位跟前但快步速 返到嚟第四算唔差 神仙呢場賽前功夫似乎幾有信心 就算永遠美麗失手都有plan B 又即管睇下郭家能否一嘗心願贏打比

[ 本帖最後由 KIRIN688 於 2023-3-19 01:19 編輯 ]

鴻略

引用:

原帖由 KIRIN688 於 2023-3-16 07:57 AM 發表
星期日大賽日 但女皇銀禧杯得五隻跑好睇唔好賭 主力睇兩場三班賽同打比
第六場三班85分二千米 錶之五知上場跑二班同程雖然慢步速但負磅咁有利都俾健康快駒一嘢過哂算失望 今次85分賽事布文騎返上去發揮有保證 Q腳波 ...

今年打比，維持上仗評價，暫時只是二班水準，新力高升循序漸進，連贏四場，光頭蘇不必再谷就不會錯，狀態不用擔心，上仗早段三疊，快步速遲追上，更有信心應付二千米，預期走位與上仗相若，與永遠美麗是實力與長力的比試，永遠美麗上仗輕取二班，賽績上比新力高升就更惡，與加州星球同父而母系更有長力，確值得看高一線。知足常樂上仗檔差跟前負於新力高升，今次檔好可留後一些，未嘗不可反先，但個人仍較秤先新力高升。自勝者強千四強而千八勉強，上仗與前兩匹有距離，再上二千，不看好。直線力山是另一黑馬，上仗轉倉即脫胎換骨，贏馬姿態不下於知足常樂贏三班，估計實力亦接近。


尾場多實力馬，步大威猛似強但增程有變數。宜春火力上仗贏馬屬中級組別一堆馬回來，今仗亦有部份馬在此，加分後相當接近。想博紅愛舍，早前二班千六追得不俗，上仗落三班千四14檔留後追勁接近再出入Ｑ的潮州精神，今次檔位大幅內移，已有力爭勝。


另外第二場是低水準組別，較喜歡亞洲籐王，過去以千四表現最佳，千六一仗放頭亦不俗。千二路短憑質贏，加分後需回到正宗路程，對手普通，有分頭值博。發財秘笈上仗泥地一哩入Q，血統確是較合，跑田草千四只是是必飛飛級數，要待對手失準。健康第一跑出水準在此組是前列份子，檔位則稍差。

只說地不談天

引用:

原帖由 鴻略 於 2023-3-19 03:21 發表

今年打比，維持上仗評價，暫時只是二班水準，新力高升循序漸進，連贏四場，光頭蘇不必再谷就不會錯，狀態不用擔心，上仗早段三疊，快步速遲追上，更有信心應付二千米，預期走位與上仗相若，與永遠美麗是實力與長力的比試，永遠美麗上仗輕取 ...

情意結一定係想新力高升贏，始終係以前有性格家族成員