KIRIN688

先講杜拜世界盃嗰場 上場沙特杯本初之海一放到底 但隻馬兩場中東贏馬都係千八僅僅頂到 再增程二百由轉一個彎嘅千八排一檔變成轉兩個彎嘅二千排最外檔分別好大 唔睇好追寶尾 正路上年盟主一出成名今年依樣畫葫蘆 場地有證明而FRANKIE最後一次以騎師身份參予杜拜世界盃必然搏盡 半冷心水喺沙特杯跑過幾隻日本馬之中揀 計上場表現法老茶座本來有諗但二千米跑兩次都唔得 改要地標圖形 嗰場係佢第一次跑泥地 跑到第四無俾頭三馬拋離已經好好 可能泥地能力更高 九檔以一隻中置後追馬嚟講可以避免食沙 李幕華有上場經驗應知點發揮 不明份子就係年頭已經到杜拜備戰 跑兩輪麥通挑戰賽全勝嘅阿爾及爾 雖然對手好水但兩場都贏成條街 可能啱美丹啲泥地 杜俊誠又係實而不華嘅騎師未敢忽視

重心場次司馬經典賽哩半 雖然得十隻但好好睇 除左FRANKIE騎嗰隻多巴先生級數輸哂同蘇仔騎嘅閃灰未有哩半證明機會差啲外其他八隻都幾接近 高多芬兩隻計卡士桀驁之戀一定比植物科研高一截但月頭預賽黃金之都錦標小傷退出 連熱身都無就跑呢場硬仗 話無影響一定呃人 初次喺美丹作賽而抽最外檔焗留後面始終被動 拖腳還可但膽就無謂 日本隊三隻春秋分上年贏天秋同有馬氣勢如虹 但遠征能力到底係點又唔知 跑出水準當然掃但跑唔出水準隨時步上年速度大師後塵影都無 寧願揀返另外兩隻 大帝始終係上年冠軍遠征有證明 今年部署同舊年一樣日本杯跑完就抖直指司馬經典 繼續杜滿樂跑三甲必有 另一隻瑪蓮必勝上年贏香港瓶同樣有遠征證明 連達文又係夾開點可能唔要 餘下三隻咸頓酋長集團瞄得對馬fit但因為要就同馬房諾斯勳爵跑草地大賽所以就轉呢場司馬經典 哩半未有證明係勝在可擺前 但返嚟仲有幾多未知數 上年愛爾蘭打比盟主韋氏搵到莫雅但又係未有遠征證明 一檔估計守中間去爆 至於將王應該係香港另一隻遠征希望 似乎中東氣候幾啱佢 上場熱身跑嫌短嘅傑貝哈特錦標被阻完仲可以撲返上嚟第五係驚喜 抽三檔而今場得十隻走位易得多 當然對手強一大截但投注上一定預佢一票

[ 本帖最後由 KIRIN688 於 2023-3-25 04:34 編輯 ]

KIRIN688

星期日預有雨 仍然揀三場單棍
第八場得呢場係直路賽 仍然優先揀貼看台嗰啲 怡心聲繼續準繩 上場望空跑其實唔算係最好跑法都贏 評分仲有水位 13檔更有利走無乜踩過嘅跑綫 Q腳常常有餘上場初跑同程入位 靠千二級數嚟蝦弱旅 變化地方面上季尾場谷千二後上如箭證明合跑 布文雖然唔騎但換蘇兆輝無損戰力
第九場四平八穩晴王 上場同程孭輕磅贏得輕鬆 加左分都係124磅 抽四檔有利佢前置跑法 Q腳桃花雲上場一換阿仔幾乎劏人得手 貴為應屆大不列顛錦標第四名能力上唔會太差 預測場地有雨對佢可能更合發揮
尾場無時間打 天天得樂搭銀進算數

[ 本帖最後由 KIRIN688 於 2023-3-26 01:21 編輯 ]

鴻略

引用:

原帖由 KIRIN688 於 2023-3-24 03:16 PM 發表
星期日預有雨 仍然揀三場單棍
第八場得呢場係直路賽 仍然優先揀貼看台嗰啲 怡心聲繼續準繩 上場望空跑其實唔算係最好跑法都贏 評分仲有水位 13檔更有利走無乜踩過嘅跑綫 Q腳常常有餘上場初跑同程入位 靠千二級數嚟蝦 ...

尾場銀進後上馬過來田草千四，千二千六皆入Q，可能更合發揮，亦有分頭。天天得樂目前評分則覺谷草千六內檔才夠競爭力。我反而較喜歡楊另一匹騎開的皇帝金，上次好檔跟得太前，敗不足據，前次季軍外檔則追得不俗，至少壓倒今次同場的將俠，再有好檔，汲取教訓後可中置，好過前次已足一Q。


另講兩場。頭場水準不高，福國寶上次初出熱倒，今次增程無好檔續熱亦放棄。奮鬥雄才早前回升四班亦入Q，上次路長，前次則留放欠順，今次好檔對手速度一般，守到好位應是前列份子，首選。上校早前在此班不過不失兼入過Q，上次落五班重磅外檔贏馬，時間相當好，比經典之光上仗季軍還快，態起回到此班此組兼好檔亦有力爭勝，次選。經典之光及金運來上次分別久休及初出而分列三五，相距一馬位，今次檔位變化可預期加大差距，前者水準或已夠爭一席，保險腳。


第五場一舖縱橫早前排好檔贏同程，上次一檔直路一度坐包廂而追得不俗，今次仍排好檔，是此組唯一有近績支持的千四專家，可望再贏。質新馬加非凡連續兩場入Q包括上次外檔，今增程到千四雖有難度，但同場有能力對手不多，有力一爭。威武勇駒雖令人失望，但亦續有進，前仗同程追到接近金鼓齊昇及日日友，今預期有快步速利追，在此組已夠闖入前列，第三選。艾莉奧前仗同程第三，可用第二的霹靂神龍作參考，在此弱組可捱一席，檔位好過前仗，有賠率可拖一票。

KIRIN688

星期三晚全泥戰又三場單棍
第六場三班85分1650都無乜懸念 爽快跑返泥地又一檔好難唔揀 單Q又係同程好手皮具之星 繼續輕磅換返田雞點都好過波仔之流
第七場醒臣喺三班孭中磅頗有利 上場谷千二當試閘 返嚟首本路程先揀 另一隻文明之星似乎負重能力同樣差 今場同樣磅位有利又一檔 三班泥地千二已經編排唔多必然好好把握
尾場正路嘉應精英又好檔負磅唔重 馬膽不作他想 Q腳方面再搏星耀王者 348場次同程大漏閘已經知輸得 但返嚟都大幅收窄頭馬距離唔算太差 巴度繼續騎只要起步順利唔係無得爭

[ 本帖最後由 KIRIN688 於 2023-3-29 02:11 編輯 ]

鴻略

引用:

原帖由 KIRIN688 於 2023-3-27 04:52 PM 發表
星期三晚全泥戰又三場單棍
第六場三班85分1650都無乜懸念 爽快跑返泥地又一檔好難唔揀 單Q又係同程好手皮具之星 繼續輕磅換返田雞點都好過波仔之流
第七場醒臣喺三班孭中磅頗有利 上場谷千二當試閘 返嚟首本路程先揀 ...

尾場嘉應精英入Q一役強手不在，今次是對手的蹄下敗將，可近而不易突破。星耀王者大漏閘一場追勢勁，肯定擅泥，問題是其後贏馬加9分屬偏多，上仗雖路短但若追近些會較好。我較喜歡時時滿意，泥比草好，此程能手，排檔佳貼欄順放或跟第二位，能追越的對手估計不多。緊張大師泥地試閘高速完成，放頭馬合泥機會大，田草能力在此可佔優，次選。超霸勝上仗贏來超級，現棄田草轉泥避強手，外地主力跑膠地，預期擅泥，有力後上殺晒。

KIRIN688

引用:

原帖由 鴻略 於 2023-3-29 22:45 發表

尾場嘉應精英入Q一役強手不在，今次是對手的蹄下敗將，可近而不易突破。星耀王者大漏閘一場追勢勁，肯定擅泥，問題是其後贏馬加9分屬偏多，上仗雖路短但若追近些會較好。我較喜歡時時滿意，泥比草好，此程能手，排檔佳貼欄順放或跟 ...

超霸勝下場跑乜嘢場地都肯定熱門 呢個馬房嗰隻受人注視嘅卓諾人生星期日出直路賽 一如所料俾何堯 分數跌到嚟52分而馬房近期咁積極 好難再燉落去 最強對手必然係腎虧潘搶嚟騎嘅時時好運同廢柴七磅嘅勝利才子 睇飛做人
第六場四班二千米 本來都唔想揀廢柴七磅 但九龍神駒換佢減七磅個助力好大 加埋一檔又實在不得不揀 Q腳縱橫十六啱田雞騎法 抽外檔都係一條心入直路大外一氣全力衝刺

第九場三班千二 告仔出一對見到連連有盈呢隻放頭水馬梗係買後追馬勇敢夢想 有自己人開路好跑 對手嚟講傑出漢子質新 之前兩場都前置上名但本身可以拉後一格 6檔算好跑
尾場三班千八 打比日中波爾多但今場再出加十磅外檔換嘉里 呢幾個因素已經揀唔落 四平八穩都係翔龍再現 上場跟前效果未如理想 睇落立心從後追係最好跑法 換何堯深慶得人 配腳就係今季反彈嘅悅風雲 雖然上返三班但本身插班嗰陣評分85 以依家不過64分嚟睇肯定仲有水位 阿仔騎開知點跑

越洋賽事春古馬三冠頭關 G1大阪杯阪神馬場內彎二千米玩鐵角 先要上年日本女皇杯盟主吉典娜 有馬記念嗰場杜滿樂發揮其實係差 浪費左個五檔咁好位 即使未必贏到春秋分都唔應該輸四個馬位咁遠 岩田阿仔難得攞到帥權有埋一檔 仲有埋馬女受讓五磅想唔揀都唔得 次選方面就係前年香港杯第二嘅滂薄無比 雖然七歲但實際只跑16場搏得少 上年只跑大阪杯同寶塚後就抖到個幾月前中山記念復出一樣輕勝 阪神內彎跑法同中山差唔多而松山弘平繼續騎 係14檔被動估計縮後追睇追得幾多 三選上年日本杯第三嘅寰宇旅者 本身個績都係二千至二千二馬 之後跑G2讓磅日經新春杯雖然孭130磅都贏盡顯級數 川田大哥啱啱贏杜拜世界杯手風順 6檔都唔差要入三甲非難事

[ 本帖最後由 KIRIN688 於 2023-4-2 03:54 編輯 ]

鴻略

引用:

原帖由 KIRIN688 於 2023-3-29 11:19 PM 發表
超霸勝下場跑乜嘢場地都肯定熱門 呢個馬房嗰隻受人注視嘅卓諾人生星期日出直路賽 一如所料俾何堯 分數跌到嚟52分而馬房近期咁積極 好難再燉落去 最強對手必然係腎虧潘搶嚟騎嘅時時好運同廢柴七磅嘅勝利才子 睇飛做人 ...

卓諾人生發揮縮程威力，熱門大勝，估計要上三班了，儘管看奮鬥雄才會否縮程爭取馬房達標，暫時我仍看肥葉收信機會相當高。


即場天外飛天在同程中上組別排好檔都有好表現，今次有好檔而對手普遍不強，有力重敲勝門。駿行星兩次千二追得好，上千四雖無保證但似更合，前駒勁敵。保險Q腳或T腳就揀領航神駒，上仗外檔負於天外飛天不遠，今次檔位好得多，會更近。


第八場潮州精神及四季喜上仗同程入Q而今次檔位差不多，預期有相若表現，但賠率太熱，可考慮前者做T膽，另拖翡翠鳳凰及金佰令，此場無快馬，翡翠鳳凰放頭馬用七磅仔甚有利。

KIRIN688

引用:

原帖由 鴻略 於 2023-4-2 16:01 發表

卓諾人生發揮縮程威力，熱門大勝，估計要上三班了，儘管看奮鬥雄才會否縮程爭取馬房達標，暫時我仍看肥葉收信機會相當高。


即場天外飛天在同程中上組別排好檔都有好表現，今次有好檔而對手普遍不強，有力重敲勝門。駿行星兩次 ...

翡翠鳳凰抵你中 嗰隻潮州精神估計輸場地同磅位
星期三清明紅日所以跑星期四

心水五六七場
第五場包裝全承上三班輕磅好跑 本場水準唔算高俾返火車潘跑有突擊之力 Q腳方面百勝名駒上場479場次初出因為排檔關係前段留唔到望空跟前但返嚟都係輸兩個幾馬位唔算太差 今場四檔好好跑 希威森連同場幸福老撾操過試閘都唔騎應有見地
第六場再追特攻 上場轉倉初出谷一千真係短 跑返千二抽十檔焗住縮喺後面追 Q腳方面揀同樣轉倉初出必先生 兩場三班同程追得唔錯 轉柒頭叻倉做哂嘢嚟 小疑點係之前腎虧潘試過大閘但最後條友騎萬衆開心 不過換返蘇兆輝都無礙戰力
第七場喜蓮勇感上場諗住腎虧潘未摸過睇一場結果走雞 睇走勢增程更合腳法 可能係谷戰能手 Q腳方面呢場有幾隻季內揀過 但最後要龍來了 抖完第一場就大勝雖然對手水但姿態計實在輕鬆 上返三班孭輕磅仲要拆組拉低水準有力一戰

[ 本帖最後由 KIRIN688 於 2023-4-5 18:44 編輯 ]

鴻略

引用:

原帖由 KIRIN688 於 2023-4-4 02:17 AM 發表
翡翠鳳凰抵你中 嗰隻潮州精神估計輸場地同磅位
星期三清明紅日所以跑星期四

心水五六七場
第五場包裝全承上三班輕磅好跑 本場水準唔算高俾返火車潘跑有突擊之力 Q腳方面百勝名駒上場479場次初出因為排檔關係前段留 ...

翡翠鳳凰前仗同程指標賽事輸得近，我只是期望爬得一席位置，其他馬真覺得毫無爭位能力。

第六場特攻過去谷一千比千二好，增程檔位轉差，不看好入Q機會。萬衆開心上仗檔劣留後，取位不順，走勢不規矩而洶湧，轉好檔已夠贏。必先生落四班首仗田草檔佳有得追但稍失望，減兩分轉谷草換蘇兆輝則可跟多一次，我的保險腳，次選覺國士無雙最實在，上仗檔位普通仍追得不俗，檔位好更基本都有好表現。


另講兩場，第二場，駿爵士又落五班，上次首落五班同程用嘉熙排劣檔僅追不及，今次檔位較好，用愛徒有心一擊即中，首選。精算赤焰當銳進步，前仗路短狂追得亞，加分後有好檔仍是前列份子，次選。保險腳取豹子膽，近仗見狀態從低位上揚，今次肯定天然貼欄順放，亦無有態快馬同場，能威脅前兩駒最有資格。


第六場，競駿翩翩上仗劣檔改留後贏同程，今次檔佳且對手似轉弱，可連捷。團結一心也是上仗劣檔留後，追入一位，我仍估計前領更好，不管前後跑法，在此有力爭勝，次選。保險腳取星運明爵，上兩仗千四名次後而輸得近，狀態仍在，早前田草千六留後表現竟然不差，今次跑谷草對手弱有一檔，中置內欄甚有利，不難剷入一席，有分頭的一匹。

KIRIN688

引用:

原帖由 鴻略 於 2023-4-5 22:32 發表

翡翠鳳凰前仗同程指標賽事輸得近，我只是期望爬得一席位置，其他馬真覺得毫無爭位能力。

第六場特攻過去谷一千比千二好，增程檔位轉差，不看好入Q機會。萬衆開心上仗檔劣留後，取位不順，走勢不規矩而洶湧，轉好檔已夠贏。必先生 ...

事後孔明 包裝全承睇漏左休息時間短而上場用力多 該死

星期日雖然話有兩場G2但都係留返女皇杯日先入場 魔頭退休後除國際賽呢啲有外隊嚟之外都無乜動力影馬 短途錦標全無賭頭 反而主席錦標嗰場加州星球感覺有危機 一於搏佢無Q 要左美麗同享先 上場女皇銀禧杯跑前被發現心律不正退出但好快復操影響睇嚟唔大 難得今場條件平磅非常有利 今季仲未交代肯定盡砌 Q腳稍後補上

第四場四班泥地千八 535場次有三隻今場再碰頭就係安耀 樂捉鳥同華卓晴 但相隔時間短仲keep唔keep到有疑問 全數放棄 揀紅粉豐彩 跑過兩場泥地孭重磅返嚟表現唔差至少證明合跑泥地 之後幾場草地跑嚟跑去不外如是但換嚟7分減幅 孭中磅抽一檔好好跑 另一隻就係前廄友發財秘笈 逐漸適應水土445場次第二次跑泥地用賈傑美從後冚上僅敗可見份量 上場縮返千四始終嫌短用到莫雅都鞭長莫及 上返泥地千八合腳法隨時回馬槍
第六場獅子會杯三班85分直路賽馬膽一定係英雄豪傑 抖到夠一心等呢場三班突分賽事先出嚟 之前趁布文未返澳洲嗰陣仲安排個閘跟跑一場磨好 呢場睇落快馬唔多加埋貼看台11檔可以跟前啲 唔塞車應該穩勝 Q腳方面搏下加州系另一隻得力 跑法被動多少但實有段追下 上場算有籍口個廢柴七磅根本搞唔掂 呢場搵何堯雖然排一檔但易走生位 要贏當起英雄豪傑應該好難但入Q唔難做到

[ 本帖最後由 KIRIN688 於 2023-4-7 20:18 編輯 ]