鴻略

引用:

原帖由 KIRIN688 於 2023-4-17 05:58 PM 發表
又嚟到星期三 幾場出馬都唔滿額 四條單棍
尾場講先 型仔美滿退出埋少有得九隻跑尾場 睇落都係爆唔出樣 搵嚟射過關最啱 一二檔Q 雅典武士搭運高八斗

頭場方面上場549場次谷二千二米熱門死火嘅帥男嗰場俾慶萬家中途上 ...

停雨半日，如果臨場未再下雨，場地有可能乾得快。

第六場駿行星上仗增程衝刺減弱，再增程排中檔，成熱確不如放棄。勁叻仔抽內檔會兼顧，46分普通組別一檔入Q一次，目前評分不算有利但仍有機會。爆谷上仗檔劣輸留放，前仗排中檔入Q與今次形勢類同，相比只加一分，前列份子。另加一匹全民佳知，年長馬狀態提升慢但表現逐漸轉好，有班底，今次似可操控步速，有力走入前列。


第四場，高明駿將三班有競爭力，季初落四班一戰即勝，今次又落四班，可照辦煮碗。佳運發上仗田草反勝遨遊天下入Q，今轉谷更有優勢，兼顧。伶俐驫駒贏得辛苦而變重磅，但勝在也是田轉谷及贏過，保險腳。雲行駿起則屢在普通組別近而無威脅，有一檔不否定機會但從賠率考慮就揀另外三匹。時時好運有實力但上仗表現反覆，狀態似不易維持，上季亦類似。

KIRIN688

星期日又四場
第二場華卓晴搭發財秘笈呢條翻版Q 應該四平八穩
頭場方面爽快跑泥地係高一皮 呢場對手比上場差唔多係有隻同主嘅烈風為不明份子 上星期跑千四有貼但騎落失望 草地評分似乎飽和 延遲報名跑呢場真係估估下 睇血統係典型泥地馬 又睇呢條同主Q係咪會跑出嚟

第六場三班85分泥地千二杯仔場合 537場次同班同程前三再碰頭 反而今次揀跑第三表面無乜威脅嘅閃電 主因係嗰場外疊望空返嚟都有P算唔差而今次檔位變一檔好好跑 前中段咬住四五位有勝算 嗰場頭二馬年少有威同晶晶日上彈甩後面略嫌各自用力唔少 所以Q腳揀本來可以跑呢場但最後唔跑留待今場嘅魅影獵飛 休息時間比起其他三隻長係有利條件 四檔又好跑不得不考慮呢隻
尾場二班千八 之前嘅打比跑完已經話mark住知足常樂同直線力山呢兩隻 知足常樂嗰場布文跑法備受抨擊 連早已掛靴嘅勝哥都屌埋一份 備戰程序無話因為跑返普通二班賽有鬆懈 直線力山嗰場步速太慢而造全場最快尾段跑第五 呢場估計龍船狀元均速放頭走對直線力山點都有利 至於三重彩腳都係要返主動跑法嘅龍船狀元

[ 本帖最後由 KIRIN688 於 2023-4-22 19:50 編輯 ]

鴻略

引用:

原帖由 KIRIN688 於 2023-4-20 05:20 PM 發表
星期日又四場
第二場華卓晴搭發財秘笈呢條翻版Q 應該四平八穩
頭場方面爽快跑泥地係高一皮 呢場對手比上場差唔多係有隻同主嘅烈風為不明份子 上星期跑千四有貼但騎落失望 草地評分似乎飽和 延遲報名跑呢場真係估估下 ...

這幾日又病了

尾場一對機會看俏，略嫌賠率低。

第七場，滿歡笑上次檔劣仍贏得有說服力，今次有大勢至富快放，外檔不太吃虧，仍有勝望。大勢至富回到四班具惡氣，兼顧。健康之星前仗偶然失準，上仗正常入Q，前置馬檔劣未必太差但換回賠率，保險腳。加非凡上仗增程衝刺便減弱，檔位轉佳兼多一次經驗，未可看死，但賠率低至不合理，值博率還不如上次接近佐治勇駒的勝利神駒。

KIRIN688

早知買蕭家Q射美麗Q就肥
星期三又嚟四條單棍 集中下半場
第六場三班千八杯仔場合 上次買嘅悅風雲其實嗰場跑法有啲疑問 明明可以守中間偏偏留包尾 衝落其實係有 跑返谷千八繼續好檔有權回馬槍 Q腳方面追多次躡景追飛 四班孭135磅始終比起五班135磅有難度  上三班孭最輕磅113好跑得多 而今場三班水準又唔高 剷入一席唔難做到
第七場三班千二當然首選直落連掃三場同程嘅小霸王 贏三場四班先升班真係服左鵬哥部署 三星期前贏同程嗰晚落雨一樣輕勝似乎隻馬係再進一步 再排四檔好位孭少12磅 熱都要揀 Q腳方面搏下綠茵神駒 同程四戰反而係前仗499場次個一檔跑得最差 睇落係中置後追會更好 之後整場泥地千二洗底當試閘 呢場有幾隻前置馬例如精彩勇士 八心之威 美麗邂逅應該有步速幾好跑
第八場三班一千 預期大熱加州得力正路本來係選擇但跑法實在被動 更攞命係加到135磅百上加斤 睇怕又一次鞭長莫及 單Q兩隻都係擺明睇檔做人跑形勢 天火同人係其一 上場461場次整個12檔未跑已經判死刑 結果一如所料三疊望空 返嚟只輸三個幾馬位算唔差 呢次一檔好跑得多 另一隻又係跑形勢就係小小超隻飛凡 二班唔夠跑三班等抽檔運 三檔又係可以跟守好位 重配布文當然更有信心 唔通又用嘉里波仔呢啲遊魂咩
尾場一見時時滿意喺度必有步速 估計好難爆冷 應該熱門Q收場 繼續揀嫡愛心 十日前初跑沙田表現合格 不過睇落隻馬跑谷戰係再高啲 5檔好跑 Q腳當然係有1檔心之行 勝在忠心例追一段 隻馬幾易跑 唔好話因為換細巫睇小佢

[ 本帖最後由 KIRIN688 於 2023-4-25 20:55 編輯 ]

鴻略

引用:

原帖由 KIRIN688 於 2023-4-24 06:35 PM 發表
早知買蕭家Q射美麗Q就肥
星期三又嚟四條單棍 集中下半場
第六場三班千八杯仔場合 上次買嘅悅風雲其實嗰場跑法有啲疑問 明明可以守中間偏偏留包尾 衝落其實係有 跑返谷千八繼續好檔有權回馬槍 Q腳方面追多次躡景追飛  ...

後面好幾場都是同一堆馬短距離分勝負後換檔位再鬥，太緊湊。

第六場悅風雲本身一直留後，上次早段受當年情跑法影響，雖有推騎亦難以中置，直路衝刺普通，負於競駿光輝實在遠，一五群友對後者看得高，上仗二疊且走勢不規矩仍可入Q而拋開三四名，前領馬過谷草易適應，走光後仍有分頭，肥葉真棋子不多，要爭取成績，此駒相信會搏命。

另講第二場，一至三檔表面有較好賽績。必先生降班後算失望，與三班負輕磅有距離，上仗雖檔劣但後上未曾追近評分稍盡的對衡之星，田草一仗排好檔亦未能跟到好位兼負於今次又同場亦有好檔的錢多多，預期前者一檔只能貼欄而難跟前，不易反先錢多多，成大熱不如放棄。錢多多及福滿寶擅同程，一併選擇。冷門博初出有分頭的飛躍精英，試閘出閘快亦見貫注，檔劣但同場快馬不多，有機早段切入埋欄，未嘗不可一放到底。

KIRIN688

引用:

原帖由 鴻略 於 2023-4-26 18:44 發表

後面好幾場都是同一堆馬短距離分勝負後換檔位再鬥，太緊湊。

第六場悅風雲本身一直留後，上次早段受當年情跑法影響，雖有推騎亦難以中置，直路衝刺普通，負於競駿光輝實在遠，一五群友對後者看得高，上仗二疊且走勢不規矩仍可入Q ...

一五老哥睇競駿光輝係唔差 但馬房實在俾唔到信心 有人問點睇都話任何情況都唔應該搵佢膽 一隻競駿光輝一隻卓諾人生 敢講如果肯拉走必有一番作為

[ 本帖最後由 KIRIN688 於 2023-4-26 20:57 編輯 ]

KIRIN688

星期日大賽 三場G1得女皇杯有賭頭 主力拆呢場 主席獎同冠軍一哩睇馬算數 另外兩場心水第六同十場
第六場三班千六 雪茄鄭今季救命馬晴王上場贏得比預期辛苦 呢場加到133磅有危機 反而同場跑第五嘅桃花雲明顯受騎 磅位一來一回已經係兩回事 隱形翅膀上場食正形勢而開齋但同樣131磅14檔又係難題 寧願揀返上三班輕磅好跑嘅馬主雄風
尾場二班千四神仙三隻其中兩隻喺打比撼完 兩隻都賺哂步速而輸擺明二千唔到 分數調整後永遠美麗加到133磅幾蝕底 真係要揀必然係仍有磅位檔位之利加埋杜滿樂押陣嘅自勝者強 至於三星期前同程貼中嗰兩隻紅運帝王同九五赤兔睇飛做人 計嗰場表現其實不相上下
戲肉G1女皇杯二千米 七隻跑 頭兩隻劃走一定係發財先鋒同飛輪閃耀 基本上無乜機會 至於浪漫勇士站在賭仔立場不諱言想飛走埋 香港杯嗰場咁樣大勝一場係咪隻馬競賽生涯頂峯？三冠頭兩關雖然田雞發揮係差 但整體計點都失望 外隊四隻之中除野田小子外 其他三隻都有共通點 就係未曾同浪漫勇士同場間過 未知實力差距 形勢上野田小子抽最外檔唔算有利隨時留無可留拍住發財先鋒 首選嘅話必然揀吉典娜呢隻馬女 有馬記念輸俾春秋分可見實力 今年復出跑大阪杯擺明輸人 換返熟手杜滿樂加埋馬女受讓4磅孭122磅十分有利 另一隻大馬主社台集團嘅先見搵得腎虧潘跑肯定有誠意 贏金虎賞後連大阪杯都唔跑而選擇跑呢場變相休息時間多左 腎虧潘跑外隊馬諒佢唔敢玩嘢 至於譽滿杜拜上季嚟跑香港杯當時隻馬未大熟又陣中攞位唔順都有第四 至少證明沙田場啱跑 落澳洲兩場G1大勝反映隻馬FIT 反正隻馬無J部署上當然無顧忌集中向高獎金大賽 戰意無可懷疑 女皇杯鐵角就呢三隻 吉典娜 先見 譽滿杜拜
PS：告仔同魔頭個孫順利出世 告仔心情大好 受訪問話英文名已經有 ENZO CRUZ MOORE 恭喜哂

[ 本帖最後由 KIRIN688 於 2023-4-29 13:11 編輯 ]

鴻略

引用:

原帖由 KIRIN688 於 2023-4-27 06:12 PM 發表
星期日大賽 三場G1得女皇杯有賭頭 主力拆呢場 主席獎同冠軍一哩睇馬算數 另外兩場心水第六同十場
第六場三班千六 雪茄鄭今季救命馬晴王上場贏得比預期辛苦 呢場加到133磅有危機 反而同場跑第五嘅桃花雲明顯受騎 磅位 ...

浪漫勇士上仗或許是狀態稍變偶然失準，國際賽一場不似是仙鶴神針式的突變。

今日難賭，博下第四場，赤兔猴王正路選擇，川河冠駒上仗雖失望，今日由陳嘉熙換上雷神，期待發揮出三班尾能力，另揀神魔金剛，上仗初見好，近期試閘有好走勢，似有出擊意，增程有難度，幸對手不強，有分頭可博。

對面麻麻煩煩，我也沒有時間留言。

KIRIN688

引用:

原帖由 鴻略 於 2023-4-30 13:55 發表

浪漫勇士上仗或許是狀態稍變偶然失準，國際賽一場不似是仙鶴神針式的突變。

今日難賭，博下第四場，赤兔猴王正路選擇，川河冠駒上仗雖失望，今日由陳嘉熙換上雷神，期待發揮出三班尾能力，另揀神魔金剛，上仗初見好，近期試閘有好走 ...

浪漫勇士一俾麥道朗完全係第二隻馬 田雞都算黑 但麥道朗沿途留隻馬真係一流 就到終點嗰份自信 田雞係學唔到
星期三又最後四場單棍
第六場四平八穩必然係木火同明 抽好檔馬房護級 熱食都要砌 Q腳樂加福上場贏得險但嗰場三疊望空無cover 都贏要調高評價 雖然加磅但都係124磅 再抽四檔起步順利埋嚟二疊三四位嘅話仲有機
第七場注定大熱必然係勝神威 路程係準 557場次撼紫雲冰當晚落雨 腎虧潘最後百幾米連砌十鞭都輸 還好係賽後四日出返嚟 仲整多個閘 睇落黎昭昇真係想用哂佢 Q腳旌鷹今季出賽唔多而近兩場轉跑谷戰又試出彩虹 上場三疊望空返嚟都唔輸得遠 呢次6檔好跑得多 只係蘇兆輝呢排又遊魂
第八場572場次中馬爾代夫同忠誠駒 但今場出馬多左 又見赤馬雄風在陣形勢上對馬爾代夫有利而對忠誠駒似乎不利 唯有搭返新勝同程喜蓮勇感 獵人成啲操馬手法個人覺得越嚟越似當年大魔頭 腎虧潘繼續唔放手諒佢唔敢玩嘢
尾場腎虧潘搶埋燉馬馬房嘅大才嚟操睇嚟真係想盡快交差 577場次初跑谷戰第四表現唔算差 同場其他馬有啲贏馬加分拉開磅位間接提升大才嘅機會 至於596場次雪勇神駒贏馬但磅位由126上調頂磅135爭勝打折扣 同場第三運高八斗繼續有一檔之利賺形勢 Q腳
PS：久違了嘅馬輝

[ 本帖最後由 KIRIN688 於 2023-5-3 18:09 編輯 ]

鴻略

引用:

原帖由 KIRIN688 於 2023-5-1 07:10 PM 發表
浪漫勇士一俾麥道朗完全係第二隻馬 田雞都算黑 但麥道朗沿途留隻馬真係一流 就到終點嗰份自信 田雞係學唔到
星期三又最後四場單棍
第六場四平八穩必然係木火同明 抽好檔馬房護級 熱食都要砌 Q腳樂加福上場贏得險但嗰 ...

後來看報道，沈集成勝後才說浪漫勇士上次賽前曾發燒，解釋了上賽表現稍差的原因，亦可算陷田於不義


另講兩場。第一場，神舟飛駒四班千六連番追近，現降落五班，增程跑外地贏馬路程，僅比原班前列馬多負幾磅，兼抽好檔，可期打開勝利之門。盈嘉輝近仗穩定，前仗僅負其後再贏的極速滿貫兼拋開其他對手，水準高，上仗檔劣兼超慢步速，敗不作準，今次抽一檔，易跑，同程只跑一次，雖落第但僅負半個馬位，候補冠軍之選。赤子雄心及博愛之光上仗二千二包Q，前者同程近無威脅，加磅後會更差，後者則好檔變劣檔，保險腳寧願揀此程穩定的馬主星輝，檔劣，但此場有前領馬拉快步速，有望形勢不太差而闖入一席。


第二場，陽光傳奇上次轉倉稍提升能力即勝，該仗形勢其實一般，早段欠步速留得辛苦，今次除原有的皇龍帝國領放外，還加入天天智庫及驛驛其達搶快步速，形勢更佳，兼排好檔，可期連捷。皇龍帝國檔劣，預期與另兩匹放頭馬同歸於盡。精算赤焰加分後有壓力，上仗一千雖路短但與入Q時有距離，表現明顯不及又同場的旺鋪永勝，後者後來多跑一次千二，因檔劣而沿途四疊遲遲才入三疊，直路騎師推騎欠順，但所負不遠，今次檔位及騎師不同，會有好得多的表現，次選。飛騰騅四班贏過，近仗黃俊騎亦近，今降班極上風，換季中合作近過的嘉熙有搏殺意，只差檔位，希望快步速下攝入二疊，跑出水準亦夠贏，兼顧。