KIRIN688

引用:

原帖由 鴻略 於 2023-6-25 15:05 發表

攝了另一匹跑第二。春秋分整個彎位八疊照贏，不過二三四名都飛到好出，似香港跑爛地。

速講第一場。只有善傳萬里及星河小子有近績支持，Q亦一面倒，太熱就作膽賭T。難贏馬世澤歆星勝後加分已欠競爭力，博其他冷門，一是星洲之 ...

近兩年入親場都輸 都唔知係咪自己黑過墨斗
星期三只賭兩場算
第五場四班1650第二組 英資老牌怡和杯上次買嘅飛來勁一起步同對手撞完就墮馬算黑仔還好無乜用力 之後整多個泥閘 千二根本係短當然無嘢睇 今次排個一檔老天俾多個機會 Q腳樂捉鳥跑谷戰原來都得 咁就唔愁無出路但明顯唔係放頭馬 俾返騎兩次都入Q嘅周仔要防

第八場忠誠駒又有好檔先揀 本來有諗無心睡眠但130磅係最大阻力 就算腎虧潘騎都唔睇好 如果真係贏到上岸唯有當抽水 至於兩個星期前748場次開始接近嘅大學生證明個分已經減過籠 嗰場其實隻馬內閃無法全力衝刺 換霍阿仔又睇搞成點

[ 本帖最後由 KIRIN688 於 2023-6-27 17:32 編輯 ]

月影偷情

睇好班德禮1200米 嘅1檔 R 4,R 6.膽材😉☕😁

[ 本帖最後由 月影偷情 於 2023-6-27 18:37 編輯 ]

鴻略

引用:

原帖由 KIRIN688 於 2023-6-25 08:11 PM 發表

近兩年入親場都輸 都唔知係咪自己黑過墨斗
星期三只賭兩場算
第五場四班1650第二組 英資老牌怡和杯上次買嘅飛來勁一起步同對手撞完就墮馬算黑仔還好無乜用力 之後整多個泥閘 千二根本係短當然無嘢睇 今次排個一檔老 ...

你入場是否要兼顧拍照？選馬時間或不及留在家多。

第五場仍覺飛來勁不夠班，當然排一檔而大冷則一拖無妨。樂捉鳥上次輸外檔而前次中上級別內檔入Q，今次中檔屬前列份子，際遇好則有機爭勝。同場最看好金德義，田草千六屢有好表現，轉谷草賺級數，排內檔易守好位，有力開勝門。包裝全承不夠三班但亦不太差，回到四班亦可一爭，升班前壓倒機緣巧俠入Q雖不算出色，但該仗外檔而今次內檔，可以比該仗更好，馬房要搏命，兼顧。

第八場無心睡眠前仗田草入位已經是130磅，鄭廄贏馬上岸縱非容易但亦非絕難，季初二班同程僅負半馬位亦顯示實力，最大阻力是檔位，同場幾匹輕磅馬會拉快步速，有助其取位，目前Q賠率有合理分頭。

鴻略

引用:

原帖由 月影偷情 於 2023-6-27 06:35 PM 發表
睇好班德禮1200米 嘅1檔 R 4,R 6.膽材😉☕😁

第四場三劍俠連場內檔近而無威脅，今次對手未見減弱，這個一檔無幫助。同場看好迎樂，田草千二排外檔追近已證明能力，上兩次千四級數不及對手但輸得不遠，縮回千二，有利情況類似鄭廄的愛馬善，而田轉谷更進一步賺級數，今抽內檔，可期取勝。

KIRIN688

引用:

原帖由 鴻略 於 2023-6-28 01:04 發表

你入場是否要兼顧拍照？選馬時間或不及留在家多。

第五場仍覺飛來勁不夠班，當然排一檔而大冷則一拖無妨。樂捉鳥上次輸外檔而前次中上級別內檔入Q，今次中檔屬前列份子，際遇好則有機爭勝。同場最看好金德義，田草千六屢有好 ...

無乜關係 三星期前入場食餐廳都係輸 無心睡眠睇臨場飛數先決定係咪加埋

月影偷情

同意👍🏻😌班德禮 1200米嘅 1檔入圍準D。

鴻略

引用:

原帖由 KIRIN688 於 2023-6-28 11:42 AM 發表
無乜關係 三星期前入場食餐廳都係輸 無心睡眠睇臨場飛數先決定係咪加埋

我每當入場餐廳吃自助餐都顧不及落注。無心睡眠今日Q賠率就熱很多，WP亦更熱，變成超買，論機會則不俗。另一場另文再說。

遊

引用:

原帖由 鴻略 於 2023-6-28 18:27 發表

我每當入場餐廳吃自助餐都顧不及落注。無心睡眠今日Q賠率就熱很多，WP亦更熱，變成超買，論機會則不俗。另一場另文再說。

我也看好心睡眠
老鄭畢業讓給大潘出手

明正言順騎多季
Q腳  大學生及盛世

鴻略

引用:

原帖由 月影偷情 於 2023-6-28 12:37 PM 發表
同意👍🏻😌班德禮 1200米嘅 1檔入圍準D。

第四場首選的迎樂，今日落飛甚多，但仍超值。配腳揀三匹，勇眼光及勇威神駒近仗連番外檔都有兩仗後上入Q，跑出相若水準都屬前列份子，另外再跟星際精英，前仗檔劣甚有水準但上仗檔佳反而沿途人馬角力大敗，今次縮程而同場有快馬拉步速，中檔不難取中置二疊較好位置，田草千四級數在此有權殺入一席。

第六場班德禮一檔的祥華孝寬較第四場似樣，兩仗低組別排中檔走二疊或三疊入Q，轉一檔則有力挑戰較高級數對手，機會馬。好好彩彩上仗轉倉搞好狀態即見真身一放到底輕勝，有班底之馬預期繼續好，仍屬贏面較高的一匹。小刺蛋賽績亦類似迎樂，上仗縮回千二追得勁但輸12檔，今次好檔不必留得太後，亦有力爭勝，次選。

KIRIN688

引用:

原帖由 鴻略 於 2023-6-28 19:59 發表

第四場首選的迎樂，今日落飛甚多，但仍超值。配腳揀三匹，勇眼光及勇威神駒近仗連番外檔都有兩仗後上入Q，跑出相若水準都屬前列份子，另外再跟星際精英，前仗檔劣甚有水準但上仗檔佳反而沿途人馬角力大敗，今次縮程而同場有快馬拉 ...

勇威神駒真係超 又有排贏
賽事頻密 71只賭三場
第四場爛杯仔二班二千米 第一隻劃走一定係晴王 上二班 千六跳程二千 仲要整個14檔 雪茄鄭要上岸睇怕要等愛馬善跑星期一晚嗰場先有機會 首選當然係遮打杯輸俾將王同浪漫勇士跑第三嘅錶之五知 G1降格跑二班只孭多四磅著數到暈 12檔反正縮後追問題不大 Q腳方面百勝名駒呢個分本來可以報谷戰煞科場1650但就決定跑呢場 差唔多兩季無跑沙田但其實初嚟香港跑幾場沙田都唔差 喺愛爾蘭贏千六估計香港跑二千應合 2檔啱哂佢守好位 黑馬 補充返T腳勇猛神駒 上場落完雨完全無得追難作準 沙田二千跑七場雖然未贏但都有三場入Q 換布文未可忽視

第八場本季最後一場直路賽焦點必然係實現夢想 初出靠天生速度已經贏到甩哂 到上場刻意教馬留都照贏 呢場幾隻快馬開路佢就好跑 雖然加到132磅但影響估計不大 相信都無乜邊隻贏到佢 Q腳都係呢個路程準又好檔 上場輸變化地嘅不可擋 雖然呢場有輗多福喺度但馬本身只要跑啱自我節奏足以入位 當然要贏實現夢想應該好難
第五場四班直路賽 步速應該幾快下 要兩隻貼看台檔位嘅 第一隻精英至尊 以485場次嗰場三班被夾跑第五計呢度根本超級 貼看台14檔睇希威森係咪兵行險著跟前啲咬住放頭嗰幾隻 高佬新就88點都要搵水尾 另一隻就係近期馬房好手風嘅添開心 上場有飛無影後上從化 周仔連從化個大閘都照上去試幾有誠意 11檔十分好跑 本來計近績善財童子喺呢組係機會馬可惜執個1檔難跑 焗住縮後面太被動 成熱放棄

[ 本帖最後由 KIRIN688 於 2023-7-1 10:23 編輯 ]