矮佬

賀年被報紙唱到一啲都唔值可取全季牌喎!

取自東方報.

近排跌Watt跌得最勁，已經數唔到雷神、周俊樂，肯定係呢位剛攞到下季全季牌照嘅法國仔賀銘年，早幾期已經有幾隻「喜盈運」、「天地同心」、「水箭龜」等跑得衰，今日更係變本加厲，「葵涌精英」又慢閘、「惜多福」又唔放頂響三疊，「電訊火箭」直路係度跳cha cha，仲有隻「各取所需」又前又後好似唔想贏咁...莫非一落到腳，後勁年即刻變軟腳年？

賀銘年近期熱倒事件簿
667場-「傑彩繽紛」跑二班千八步速快都照早踩油，但上到一半又停，頂響外面唔知想點，最終大敗呀...

691場-「喜盈運」起步慢一慢，全程走規唔順愈騎愈墮，大敗33個馬位返來，6.5倍熱門輸到不明不白。

700場-「天地同心」臨入彎前脫口，人哋上緊佢就反而墮後，車前倒後下呢隻熱門失Q呀。

710場-「水箭龜」八隻少馬場合留到包尾飛出八疊追，蝕位蝕到暈，呢場仲要慢步速，唔明賀銘年步速智慧點解咁差？

今日
719場第一場-「葵涌精英」起步慢一慢，比之前幾位留後一截，最終力拚影相僅僅得第二，差啲連Q都撻埋畀「友盈有款」。

721場第三場-騎有前速的「惜多福」又唔放，最終頂響三疊，結果只得一席遙遙落後嘅第三名。

723場第五場-賀銘年騎熱門「電訊火箭」直路片出又片入，如果唔係發揮咁差，點會輸畀慳盡位僅勝嘅「凌駕」？

724場第六場-騎住「保羅承傳」全程走三疊，冇眼睇！

725場第七場-呢場發揮真係全日最衰，賀銘年本來騎住「各取所需」響前面第三位，但就一路退到後面，終點前又撲番上嚟跑第4，車前倒後到咁...唔通後勁年真係要夾硬留番去後面追先得？

馬會是否要跟進一吓呢? 叫啲員工比番抲打佢啦!

[ 本帖最後由 矮佬 於 2020-6-8 08:28 AM 編輯 ]

劍山白

引用:

原帖由 矮佬 於 2020-6-8 08:27 AM 發表
賀年被報紙唱到一啲都唔值可取全季牌喎!

取自東方報.

近排跌Watt跌得最勁，已經數唔到雷神、周俊樂，肯定係呢位剛攞到下季全季牌照嘅法國仔賀銘年，早幾期已經有幾隻「喜盈運」、「天地同心」、「水箭龜」等跑得衰，今日更 ...

通常鬧完先嚟真波！

矮佬

引用:

原帖由 劍山白 於 2020-6-8 10:36 AM 發表



通常鬧完先嚟真波！

最好就係咁樣啦! 好似南區寶馬會都要回應一吓先. 全世界人都睇得到有出入, 馬會都係要死雞撐.

[ 本帖最後由 矮佬 於 2020-6-8 10:53 AM 編輯 ]