引用:
原帖由 Caasi 於 2020-2-3 16:54 發表
支持一下 真係少左人出文
多謝支持。
第二集嚟喇。
* * *
二(上)
我留喺舖頭同Mable傾偈,佢問我以前做精神科啲嘢。
我話我處理過性沉溺患者,男女都有。
佢感興趣,我講好多個案佢知。
有冇試過女病人嘍你?
咪就攪到我被吊銷執業資格嗰個囉。
你愛佢?
係吖,我哋真心相愛。佢有老公嘅,佢老公一直唔知佢有呢個病,周圍同男人玩。後來,佢老公有個同事睇上佢,就不停撩佢。初初佢好抗拒,因為畢竟係老公嘅同事,唔想同呢個人做。但係嗰個人起勢撩佢,佢抵擋唔住,終於同嗰個人做咗,開始頻密偷食。
佢哋淨係偷食?有冇愛?
冇。男嘅係食家,女嘅有病,佢哋都只係為性而做。
點樣分食家同有病?
主要睇控唔控制到自己,同埋有冇嚴重影響生活。例如有啲人日日叫雞叫哂啲錢。
哦,咁跟住呢?
佢老公發現咗之後好傷心,但係佢老公仲好愛佢,於是捉佢嚟睇醫生。
你同女病人攪上,佢好靚嘅咩?
我遇過啲更靚、更索添,相比之下,佢唔係最靚。我哋有專業守則,就算幾正、幾想,都要忍。但係呢個女仔有種氣質好吸引我,佢講嘅說話令我對佢有莫名嘅好感,就開始踩界。
點樣踩?
約出去飲嘢。我哋唔可以同病人私下接觸,佢都知道我哋嘅行規,所以約嗰吓大家都知道有啲嘢。第一次約會,我哋冇嘢,但佢已經好直接話,佢有呢個病反正會想搵人做,佢會想同我做。我話我哋唔可以同病人有呢啲關係,佢話佢知道,所以會盡量忍,唔想累我冇咗份工。
咁之後呢?
之後佢嚟覆診,話又同人做咗,而且仲需要過未睇我之前。我話妳之前有好轉嗰喎,而家又番轉頭?佢話好想同我做,但又唔可以,唯有死忍,點知越忍越想要,就喺IG開個帳號做援交,求其是旦邊個狗公約佢就出去,順便每次賺千零蚊。
我話我好唔開心。
佢話,點解?你冧我?
我唔答佢。
佢話,你想睇住我咁?你寧願我俾啲三九唔識七嘅狗公屌?
妳要自制,想唔想好返要睇妳自己。
我本來冇諗過想好,只不過老公捉我嚟睇醫生。係遇到你之後,先至搵到想好嘅理由。如果你同我做,我就可以唔再同其他人做。
所以你哋就開始咗?
冇錯。不過我哋係真心相愛嘅,佢有打算離婚同我一齊,但我哋仲未行動之前,佢老公發現咗…
所以你就俾人告,仲攪到停牌?
冇錯。但係最傷嘅係,我知道咗佢同我一齊嘅時候,仲有做援交。佢喊住同我講對唔住,佢真係控制唔到想做愛,但佢對我係真心嘅、係真愛…但呢個時候,我哋已經唔可以喺番一齊。
好慘…Mable話。
差不多晚飯時間,Mabel話收一收舖出去買嘢食。我話妳唔怕我哋只係第一次見面的話,不如我幫妳睇一陣間舖,妳去買嘢食。
好,你食乜嘢?我買埋你份?
是旦啦,你揀。
佢買咗兩份餐番嚟,我哋撈亂食。
杯檸茶太甜,你唔介意我飲過兩啖嘅話可唔可以幫我飲咗佢?我想要你杯齋啡。
妳唔介意我飲過的話。
唔介意呀。
於是我哋交換嘢飲。
要你喺度陪我添。
妳唔介意嘅話我可以陪妳睇舖陪到妳收舖。
咁點係呀?
反正而家無業遊民。
一路食飯一路傾偈,間中有客入嚟打斷一陣又食過。
食完飯,一邊傾偈一邊睇舖,一對男女入嚟買情趣內衣。
佢哋俾錢走後,Mabel話,好多人買呢啲嘢做結婚賀禮。
收舖囉,佢話。
咁早?
係呀,你陪咗我大半日,喺舖頭傾陣偈先走吖。
好吖。
落咗閘,Mabel喺雪櫃攞咗兩罐佢老細嘅墨西哥啤酒出嚟,然後我哋坐喺舖頭裏面張屄形梳化上面傾偈。
我啲性專欄,喺你面前簡直班門弄斧,你呢啲先係專業…係呢,你有睇我個blog,俾啲專業意見吖。
妳嗰啲係女生嘅親身體驗。
我驚我唔識嘢俾人恥笑。
點會呢?
例如我話男仔最少要有10分鐘以上,會唔會好見笑?
正常。根據世界統計,男人由插入到射精,平均7.4分鐘。女人一般要求稍耐,妳絕對正常。
有啲男人話自己可以做超過半個鐘,又有啲女話佢哋條仔可以咗半個鐘…?
的確係有啲男人可以做半個鐘都唔射,但其實做到三、四個字已經算耐。太耐的話,一般女人會頂唔順,當然亦有啲女人冇半個鐘都嫌冇癮。
男人做得耐,同體質有冇關?
好多因素嘅,例如男人碌嘢太敏感,就會快射;亦有啲人長期暴露喺性刺激底下,神經系統續漸麻木,就會唔起頭、或唔夠硬、或易軟。所以唔一定同體能呀呢啲有關係。
哦…
好奇問吓,妳喺個blog度講過以前條仔…
係,佢幾好嘅,每次我都好夠…但係,條仆街呃我,佢偷食…
男人係咁㗎喇。
即係…你都會…?
只能夠講係男人嘅天性,同男性賀爾蒙有關。
真係…?
係呀,做為女朋友,妳體諒吓佢吖嘛。
點得㗎,佢唔只一鑊㗎喇。
佢媾女?
唔係吖,一夜情。俾我發現嘅都有兩鑊,我唔知道嘅肯定數不勝數…呀,呢啲係咪病?
佢可能識妳之前已經上咗癮。
咁你有冇試過一夜情?
有,但係唔係一夜。
即係點?
Fwb,有冇聽過?
有…得嘅咩?做得點解唔拍埋拖?
好多原因嘅,例如,是旦一方唔想commit。
開放式關係?
可以咁講。
但係,兩個人做得呢啲嘢,可以唔愛上嘅咩?
會呀,但係對方唔想拍拖,都冇計…
你愛呢個friend?
係呀…拖咗三、四年…都幾攰。
嘩,乜原來你咁多女,又女病人、又呢個fwb。
佢講到明我唔係佢男朋友,叫我唔好愛佢,我可以點呀?寂寞起嚟,遇到個人對我好,就會感動㗎啦。
你同時愛佢兩個?
係吖…
乜原來你咁花心…
(未完待續)
[
本帖最後由 dcat20 於 2020-2-4 13:19 編輯 ]