[原創作品] 日本女鄰居原來係收山女優

收藏 | 訂閱

169 145.1k

dcat20

高級會員

Rank: 4

dcat20

發短訊

加為好友

1^# 大中小發表於 2020-2-18 只看該作者

日本女鄰居原來係收山女優

一

屋企嘅大厦最近大半年見到一個日本住客。

好鄰居少婦look、撲素，樣子幾好嘅。

最初只覺得佢唔多打扮都比一般港女企理，冇諗到佢係日本妹。直到有次見到佢喺大堂講電話，聽到佢講流利日文，加埋佢個樣同本地人有啲唔同，就知道佢係日本人。

佢一個人住。

有時搭𨋢見到佢攞住一袋二袋，我會專登hold住架𨋢等佢，佢好有禮貌講唔該。

我試吓同佢打招呼，佢好有禮貌咁回應。於是，見多幾次，我就試吓撩佢講嘢。

佢叫Mei。

我哋有時喺大厦遇到，佢會問我嘢，邊度有呢樣賣、邊度有嗰樣賣之類。我見佢幾靚，就盡量搵機會同佢多啲接觸。

我話，不如我帶妳去。

佢笑住話咁點好意思。

帶佢去過幾次地方，漸漸，我借頭借路話，不如去飲杯咖啡？

好呀。

可以約到日本妹一齊飲嘢，我好興奮。

知道咗佢喺香港一間中資企業做秘書，另外自己攪一檔網店。

好多喺香港嘅日本人都打日資機構工嘅，我奇怪點解佢會喺間中資機構做。

妳間網店賣乜㗎？

女裝。

哦…妳做代購嗰類？

我設計，喺大陸搵生產商生產。我份工同大陸有聯繫，所以我識得一啲廠，如果唔係，都未必會攪呢檔生意。有時你見到我攞住一袋二袋，就係貨。

哦，做少量嘅？

係呀。

咁樣好貴嗰喎。

係，我走限量、精美路線。

同佢飲過幾次嘢、食過兩次飯，我俾佢深深吸引到，決定媾佢。

佢係靚，不過有啲矮同埋少少肥。

但係我鍾意。

同公司條死仔阿僑講起，屋企大厦有個日本妹，好靚。

佢話，係咪呀？等我睇吓，我一睇就知啲女係咪姣底。

我唔想佢見到Mei，因為條友周圍媾女，食女無數。

有日，係星期四。上午出外面做嘢，我係部門主管，冇人知我做乜嘅，諗住買飯返屋企食，下晝借頭借路唔返公司。

點知一返到屋企樓下就見到Mei好緊張咁正準備出去。

我問佢，冇返工咩？妳睇嚟好緊張，咩事？

佢話批貨出咗問題，好擔心，上去睇吓。

我問有冇嘢幫到手？

佢望住我諗咗兩、三秒，話，唔好意思嘅。

我問咩事，即管講嚟聽吓。

佢話因為要找數至可以運貨，佢尋日明明過咗數。今早見少少唔舒服，請病假喺屋企休息順便跟吓單嘢，點知間廠話收唔到數唔肯交貨。但同買家簽咗約，合約講明唔可以遲…

我話，妳過咗數有過數紙證明㗎嘛，佢哋送住貨先都得啫。

佢哋話事實真係收唔到，批貨佢哋已經生產咗出嚟，安排貨運的話佢哋就要找數俾人，所以未收到尾數唔可以郁。

佢講講吓喊。

我心諗網店最多賣嗰幾件貨仔，俾妳貴極兩千蚊一件，最多咪幾皮嘢。

佢話難得有間連鎖店睇中佢啲設計，俾機會佢，落好大訂單，係佢咁耐以嚟最大單生意，攞咗好多積蓄嚟做貨…

我話人客冇理由遲一日半日都唔收貨啫。

佢話因為跟住係假期，miss咗聽日就會遲幾日至送到。人客要收到批貨至安排呢批款做show。個show定咗日子，唔淨得我。我唔係出名designer，唔做喺show推銷的話未必會有好多人買…

原來係咁…

啲積蓄我辛苦搵番嚟…

要找幾多數？

廿五萬…

我諗咗陣，就話，如果我借住俾妳先，等廠即刻安排送貨，之後妳同銀行攪清楚妳筆錢之後還返俾我得嘛？

可以，我俾過數紙你睇…

佢俾埋間廠張單我睇。

我一睇，妳寫錯咗人哋個名。係Manufacturer，唔係Factory…仲有，個名叫Aiwei，唔係Aimei…

係喎…

妳第一次同佢哋交易咩，咁都錯。

之前細生意，銀碼好細，唔使咁樣…

我喺網上轉數俾妳。

你轉俾間廠啦，我打俾佢哋。

Mei上我屋企，我喺網上過廿五萬俾廠。佢即刻打電話confirm。

我之前俾咗廿五，交貨前俾廿五，如果交唔到貨，我總共蝕五十萬…啲錢我好辛苦搵…

佢講講吓喊。

我話，已經冇事喇。

乘機掃吓佢背脊。

佢伏喺我膊頭喊。

五十萬對一個普通人嚟講，唔可以講係細嘅數目，可以理解佢嘅擔心。

我詐詐諦諦抱住佢，繼續掃佢背脊，等佢喊完。

Mei話，我上去睇睇啲貨，你可以陪我一齊嘛？

好呀。

同Mei一齊搭東鐵上深圳。沿途佢唔舒服，喺車上瞓咗陣。我哋冇講嘢，但感覺已經同佢邁進一大步。佢瞓瞓吓突然清醒，發現自己挨咗落我膊頭度，話唔好意思。
我話唔緊要，就索性搭住佢膊頭將佢攬埋嚟。

手搭住喺Mei呢個的式、嬌小嘅靚靚日本女仔嘅膊頭，好興奮、好爽。

過咗關，Mei上的士，佢用唔鹹唔淡嘅廣東話同司機講去邊。

管工帶Mei去睇辦。

見到啲貨，原來係內衣。

Mei攞上手驗貨，驗得好細緻。

好好，佢話。

我見到啲宣傳單張，上面有相，models着咗佢啲底衫影。啲女仔好大對奶，俾兩條繩咁幼嘅帶僅僅遮住兩粒的，然後兜落下底將個gap界開兩邊，條罅㘉出嚟，非常噴血。

我對Mei設計呢種內衣感到奇怪，Mei睇嚟好簡單嘅鄰家女人。雖然生得靚，但冇乜妝扮之下，令佢睇落平平凡凡。

呢種style嘅內衣同Mei咁素嘅風格一啲都唔襯。

Mei話，呢啲係我設計嘅。

我對佢嘅背景好好奇，到底，佢以前讀乜嘢、嚟香港之前做過咩？

我問，呢啲模特兒，妳請番嚟嘅？

佢支吾以對，話，朋友嚟…

我心諗佢點識得呢啲身材咁噴血又咁開放嘅女仔？但我唔知點樣問佢。

返咗香港之後好快又淡忘咗呢件事。

幫咗Mei之後，我哋聯絡多咗。佢收到人客找數之後，請我食餐好嘅。

我哋多計傾起嚟。

阿僑條友周時問起我個日本妹鄰居，我唔想理佢。一次，佢嚟我屋企，喺𨋢遇到Mei。

Mei同我打招呼，阿僑色迷迷咁起勢睇住Mei，睇到Mei周身唔自然，然後喺我冇介紹之下撩Mei講嘢。

Mei出𨋢，僑同佢講sayonara。

一次，Mei訊息我，問，有冇煮飯？不如落我屋企食。

我都想探吓香閨，梗話好。

搭𨋢落去，滿腦諗住佢着住性感睡衣等我，然後我就攬住佢，同佢錫咀，跟住除佢啲衫侵犯佢…

落到去，撳鐘，Mei開門。

佢仲着住返工衫，恤衫、西褲，未換，我好失望。

同Mei撑枱腳感覺好親密，好似夫婦，又似情侶。

食完飯，我哋傾偈傾得幾開心。我想知佢以前喺日本做乜嘢同埋點解自己一個女仔過嚟香港做工。

佢面有少難色，話想改變吓生活。

我話，好多時啲人失戀就去第二度…

佢望住我好似有難言之隱。我就話，如果我問咗啲唔啱嘅問題，請見諒。

冇嘢。

我好少追女仔，從來都係感覺到女仔對我有些少好感就試吓來往，跟住自自然然開始，冇乜點試過要追。

我試吓問，我好喜歡妳，唔知道有冇機會同妳交往？

佢望住我大概兩、三秒，我估佢諗緊啲客套話打發我。佢話，你想點樣同我交往呢？我哋而家咁唔好咩？

哦…心諗，冇嘢喇，即係話拖住先睇吓點嗰隻。

佢見我靜咗，望住我一陣，忽然問，你係想同我做愛？男人同女人來往，都係為咗呢樣嘢？

自問真係喜歡佢嘅，我亦唔係嗰啲出嚟玩嘅人。於是我話，我想認真拍拖嘅。

你俾啲時間我，我對你有好感，但係…

唔緊要，順其自然。

嗰晚之後，我當正已經同Mei表白咗，就擺明居馬媾佢。

妳今日點？食飯未？做嘢忙嘛？放工一齊去食飯好冇？

Mei冇抗拒我，我問佢，佢必覆。

佢亦都會問番我，星期六帶我去啲我冇去過嘅地方行吓。

好。

好快，我拖到佢手。

嗰日去離島，喺船度試拖佢。

佢冇甩開我，仲挨喺我膊頭度。

之後每次出街，都順理成章拖手。我哋一直冇確認關係，但發展到呢個地步，我覺得已經唔使講到明。

當然我一路好想同佢做愛，但我唔想好似只係為咗呢回事咁。

有段時期，Mei神不守舍。我問佢咩事，佢話冇嘢。

我由12月借錢俾佢，到2月表白，同佢幾乎日日聯繫、見面，轉眼已經5月。

天氣開始熱。

我幫佢屋企攪些少維修，攪到身水身汗。

整完嘢，佢叫我沖涼。

我話返上我屋企先沖都得。

Mei話，你唔食飯咩？我哋落樓食，你沖個涼先落去。

心諗咁麻煩，我就咁落去食，食完飯返屋企沖都得啫。

但我無謂逆靚女意，就話好。

Mei定咗咁望住我，然後唔理我身水身汗，突然哄過嚟捉住我衫腳。

迅息間，感覺佢呢個動作好奇怪。

佢一扯，扯起我件T-shirt。

心諗，唔係下話？

然後佢再幫我除褲。

喺佢面前裸體，我個腦一片雜亂，完全唔知點反應。我唔係嗰啲周圍玩嘅人，係有過幾個女朋友，但從來拍拖就拍拖，好固定。同我有親密接觸嘅女仔，冇幾多個。

雖然之前一路都有幻想，但忽然喺Mei面前露械，一時間唔識點反應。

（未完待續）

[ 本帖最後由 dcat20 於 2020-5-6 08:37 編輯 ]