醜小鴨艷遇回憶 , update #10，#27
大家好，我都做左Cd-rom都有一段時間，因為係188依度，某日見到一個師兄打既文章，佢既內容唔係甜既部份吸引到我，而係佢同異性相識既過程，攪到我都想分享下我既經歷，第一次打文，如果文筆唔好，唔夠不吸引，各位請見諒。我會由我第一次發生既艷遇直到今日為止，都同大家分享，如果我有心機打落去，應該都有排打😂不過由於太多年前，我都係靠我腦海既記憶打返岀黎，可能會有d位唔記得。
漏左要介紹下自己先，我係一個mix黎，香港mix新界(攪下爛gag)，就黎3字頭，身高係香港男仔黎講係算高既，身材就ok la(有去健身室打下卡，平時岀街男女經過都會望下咁囉)，著衫就好普通，有咁簡單得咁簡單，最緊要舒適。(諗唔到仲有咩要介紹，如果有咩想知可以再問我😌)
入正題，係我中一既時候，發生我既初戀，佢係中一既級花，可惜，10日，只係10日，依段戀情就告吹了☹️而期間只係一大班岀去MK行過街，我連拖隻手都要掙扎左大半日先夠膽拖既𡃁仔🤦🏿♂️我只係同佢錫過一啖，仲要係佢叫我合埋眼，佢錫我😂所以初戀無咩好講
而第一次既艷遇，係中學，仲要係中二，當時我既外表係同一般中學生無分別，唔係特別岀眾，唔知咩原因令佢會揀我，先介紹下佢，佢係一個大我兩級既師姐，高就16x，長直頭髮，黑黑地膚色，因為佢有做開運動，身材好fit，目測上圍應該係C(個陣年紀細，唔太識分)，一到午飯時間，差唔多全個球場都係男仔，就係睇佢打波，因為我地套校服係白色，一岀汗就會好透😛，所以次次都坐無虛席。之後我簡稱佢做Y啦。
我中學個個年代無智能電話，係屋企就用電腦既MSN or ICQ😂，而學校就用只可以用電話既SMS傾計，而我同Y，就係透過MSN認識既(仲要係佢加我😌)，就係某日，如常放學返屋企打機既時候，MSN突然響起，頭像係女仔黎(我唔記得MSN加人洗唔洗另一方接受你)，當時青春期既我已經好開心，再加有少少好奇係邊個(初時以為係同班既同學)，所以就開始左同佢傾計。以下係MSN既對話。
Y : hi，你係咪中二個個S呀？
我 : 係呀，你係？(佢頭像得側面，唔太認到樣，但係從佢頭像著住件黑色吊帶背心，加埋身材同髮型，我大約估到佢係Y)
Y : 我係你師姐呀，高你兩級既
我 : 你好呀師姐，做咩你會有我MSN既？(我都唔明點解我會問咁6UO既問題🤦🏿♂️)
Y : 梗係問你個班d同事拎架啦，無呀，想同你做個朋友ja
我 : 當然無問題，但係點解你會想識我既？(我都唔明點解我會問咁6UO既問題🤦🏿♂️ x 2)
Y : 你唔想呀？我只係覺得你幾得意，想同你傾下計，我讀理科架，如果你有咩唔識都可以問我(後尾大個左發現，依個故仔好似睇日本嗰啲愛情動作片咁🙂)
我 : 當然好啦，我有咩唔識會問你架啦(其實我都唔知幾興奮，不過我唔係行可愛路線囉😫)
Y : 係呢，你有無女朋友架？
我 : 無呀，邊有人會中意我依d男仔，咁你呢，同你bf點呀？(我中一拍過一次，初戀黎，有拖過手仔同錫過一啖，不過個陣太kai，所以好快就分開左😭，而Y既bf係中學黎講都算型仔黎，都係打波)
Y : 梗然無拍拖，睇唔岀喎。我？唔好提，散左啦
我 : 點解既？(我心諗唔通佢想溝我？但另一方面又諗，我有咩吸引到佢，係無😑)
Y : 唔夾咪散囉，唔好講佢啦，不如講下你啦，你拍過幾多次拖
我 : 一次咋，仲要得2個星期(正確黎講係10日，點解咁清楚，因為初戀呀嗎)
Y : 下，2星期咁快？點解既？
我 : 可能我吸引唔到佢(其實我知道咩原因，因為我太kai，一來唔識打扮，二來又唔識點樣同女仔溝通)
Y : 唔緊要啦，雖然初戀係難忘嘅，不過已經過去左，你依家咪吸引到我囉。
我 : 我無事啦都過左成年，多謝你哄我開心😃
Y : 講真架，如果唔係咁多人唔add，做咩要add你
我 : 多謝你Y，你係我第一個識到既高from師姐，我地聽日再傾，要訓教聽日返學(我中學好早訓，12點零1點就要訓教)
Y : 好啦，早抖，聽日見
我 : 早抖，聽日見啦
...打到依到先，睇下有咩反應再打落去😎
[ 本帖最後由 fatfathc 於 2020-8-11 13:11 編輯 ]
