dragonbone

天氣熱熱地，又等小弟分享搞笑野下。

話說小弟去左打針，大家都知啦，打肩膀位，我唔知其他人係點，但我估我個經歷同其他人有少少唔同。
去到現場，當我坐低，如常的講個人資料後，果位姑娘就在準備中。嗱，睇之前我必須講，我唔大隻，而因為我亦好奇，我會習慣睇住姑娘同我打針時既情況，我知多數人都會擰轉面唔望，但我呢，就好鐘意望。我好想知，點解枝針咁長，可以插晒入去架，HAHA......

當時情況:

姑娘: 放鬆D。
我: 好。

姑娘: 唔..... ( 此時我望住佢插我肩對落的手臂位，半秒後再抽起，姑娘眼神有少少......緊張。 )
我: 咦? ( 佢未注射喎，咁快抽起?? )

姑娘: 好硬，放鬆下~~
我: 哦。
姑娘: 唔? ( 佢又再插.......點知又再抽起。佢在旁的男同事望住，我都望住，但好快佢又講...... )
姑娘: 放鬆D喎。 ( 此時我在想，其實佢係唔係叫自己放鬆呢?? )
我: 我...... 都好放架啦喎。 ( 我一講完。 )
姑娘: 係嘞。 ( 姑娘再插........ 即我想講既係，姑娘插左我3次.......... 而今次佢終於注射入去。我忍唔住問..... )
我: 姑娘妳係唔係好少做，今日第一次啊?
姑娘: 吓? ( 我睇得出佢好投入好緊張，聽唔清楚我講咩，但我都無再問。 )
我: 都係無野喇..........

最記得姑娘有問我，第一次打時有無唔舒服，我講可能我之後有舉啞鈴，我打左針既肩臂位有D痛，佢既答覆係: 咁你預左今次都會一樣痛都得嘞，到時記得用毛巾包冰整住針位就會舒服好多架啦。

我事後諗番，今次應該唔舉鐵都痛啦...

dragonbone

引用:

原帖由 alexyclam 於 2021-6-1 12:07 發表


正如d女人化啲妝化到馬騮屎忽咁。。你話系靚定係唔靚。。咁就真係個人見解啊，儍豹紅撞瑩光黃點撞呀撞到想死啊。。。我真係當佢人妖咁打。。潮人喎😂😂 ...

HAHA，所以我好鐘意睇架雜誌架，我又真係會覺得行catwalk既model係著得靚既，只不過件衫去到普通人身上時，就會唔同效果囉。

dragonbone

引用:

原帖由 alexyclam 於 2021-6-2 13:13 發表


所以時裝雜誌嗰啲衫唔係畀你著去街著嘅嘛。。嗰啲人就睇完就跟住去買。。買完就要跟住嚟著，噉你喺條街度真係五顏六色。

同埋catwalk嗰啲真係身形行得著得靚。。你香港嗰啲買咗返嚟又要放腰，又要改短。😂😂 ...

自問年紀大，我已回歸簡單，衫褲已好樸素，係間唔中先會配搭下。
當然仲會買英雄角色既衫，真係玩味feel好正。

dragonbone

引用:

原帖由 hongkongboy2046 於 2021-6-3 09:05 發表

要買啱衫就要花時間。

2個mode。
買優閑既一款，
買健身要show off既另一款。
HAHA.....師兄，夏天黎緊嘛。

dragonbone

引用:

原帖由 hongkongboy2046 於 2021-6-3 13:45 發表
我最近試下訂造裇衫西褲，睇下係咪著得舒服又型啲…

師兄，最緊要你Carry得起件衫之餘，佢又襯得起你更型仔，係咪咁講。

dragonbone

引用:

原帖由 hongkongboy2046 於 2021-6-4 13:28 發表
哈哈。我冇試過裇衫收腰。不過師傅話我身型可以試下。我都期待緊。

真喎，男人其實線條仲講究，我覺得男人無女人身材咁前突後翹，咩都要要操爛操又keep返黎。
如果西裝係修身個型就真係會好好睇好理想。
其實我仲覺得男士既馬甲係好有型添，唔知師兄知唔知我講邊款呢?

dragonbone

引用:

原帖由 天剎沽星 於 2021-6-4 13:50 發表

訂造真係唔同
我都係訂造,叫佢做可以用袖口鈕(好似叫珍雙袖) ,做開佢已經default已經會有
西褲最好夾返你現有西裝既色,到時一set咁
宜家天氣熱就用止汗香體好D,天氣涼或凍用男仕香水
自然會吸引人好多 ...

師兄，想問問，止汗果D香體，係會好香，定只係微香呢?
我想試，有無好介紹??

dragonbone

引用:

原帖由 hongkongboy2046 於 2021-6-4 17:00 發表

係咪三件頭裡面那件？我怕夏天會熱…

有馬甲通常外邊果件會除左多咁先睇出型。
3件著晒要fit或瘦底先夠好睇。

dragonbone

引用:

原帖由 史隆教練 於 2021-6-7 16:17 發表

名牌著出bossini味道😝

有無咁抵死先~~~~ 好難架喎。
我今日都出左戶外成日......... 真係唔著衫都出汗，真係唔好講老西戶外係點下場。

dragonbone

引用:

原帖由 Katrinacat 於 2021-6-6 02:14 發表

仲要高大呀！

有個friend 鐘意馬甲，做gym 只做上身，谷胸，以為自己好形，成日著馬甲，覺得有style , 可惜得五尺2、3.....所以得個橫字，又唔靚仔。

反晒效果🙄🙄🙄🙄
唔好搞咁多嘢喺身仲好啦😖 ...

其實你位朋友，反而唔好太著重外表，平實D，再充實自己既內涵，可能仲好。
一個人有自信同學識修養，真係肥矮又或瘦底都會俾人感覺值得尊重同親和既~~~~