分享單野，話說打風嘛，我去左跑步，之後去左書局，係唔係好Q有書卷味又陽光呢??打風都做埋D咁既野喎~~~~~ 其實唔係，如果我係後生仔就正遮，一想起我呢D老坑就唔同感覺架啦。
咁講番正題，我揀緊書時，對面有一對鬼妹都係度揀緊書，其中一位吊帶牛仔布背心加短牛褲，上圍非常不得了，另一個就斯文保守得多。咁我無理啦，我有我睇佢有佢揀，到我去俾錢時，斯文果位就企我前面俾緊錢，我其實有時都好奇怪，明明去得俾錢，點解D錢唔會準備好既呢??阿斯文妹妹到俾果一刻先係度左摷右摷，咁OK啦，我都無咩所謂，咁我快眼望佢買咩啦，好有趣，我第一次見，原因係佢買左本大概類似係:如何學好廣東話既書，我即時心諗，咁搞笑既，而家會有人買書學，但學廣東話既?我再望望個女仔，咦，其實佢幾靚架喎，我就心諗: 都傻既，學廣東話最好既方式就係識條本地仔啦，包咩廣東話都學識晒。
當佢俾完錢人地又找左錢之後，佢就走，走時點知佢唔記得拎本書走，嘩.....呢D情況，如果換以前既我，我會拎住本野追出去搵佢。
但今時今日，我居然只係大叫: Miss....... your book.
佢即時擰轉面對住我笑，thank you thank you.佢個性感朋友都行埋黎橋住佢手一齊走。
我就諗咁鬼正，真係唔止.... miss your book, 仲miss you every thing呢.........
分享完。
