dragonbone

引用:

原帖由 andy1805 於 2022-10-31 19:06 發表
我支持你呀!我哋操得甘辛苦，同D女一樣show off

所以男人比女生好既係，男人操得有成績，show出黎一定多數羨慕又讚下，人地可能仲會請教一下點keep。
但女生就唔同嘞，HAHA.......
尤其女生望住身邊果件望第2條女果時.......

師兄都有keep開啦~~~~
而家天氣夠涼，份外好玩。

dragonbone

尋日8號波，大家估到嗎??中午先掛，其實.....會意外嗎?
睇新聞，有人炒蝦拆蟹，有人神態自若，同一件事，分別就係呢度。
炒果位，講天文台應該早3個鐘講俾大家知，中午掛8號，太突然......
自若果位，佢好開心地講，放呢個時間，仲可以同女友行街街，very good。

我無打算講邊個啱邊個錯，我只想講，其實每樣野都有潛台詞，你聽得懂，你會識點部署安排，講唔上快其他人一步，但......當事情發生事，你唔會好似如夢初醒，咩都唔知囉。

女生都有潛台詞，你聽得懂，你可能已可以同佢行街街，而唔係埋怨對方講得唔清唔楚又或知道得太突如其來，究其實，唔使太聰明，肯用心，已經可以聽得出，聽得明。

dragonbone

呢個話題之前講過，但不妨再提。
最近經濟麻麻，好多舖頭都無人行，唔使迫，所以我都去睇下。
講既就係香水，大家知道嘛，一隻吸引既香水，未開口，其實都已經增加魅力，而小弟因為操拳後總感覺臭臭的，執乾淨後總覺得要噴一噴會好D。
但咩野香味先係最吸引呢，我都仲搵緊，咁可以講，一隻吸引既香水，係會令女人想親近，呢樣係真既。

dragonbone

引用:

原帖由 Katrinacat 於 2022-11-9 06:52 發表

Well said. 吸引嘅香水味，令人有種想親近嘅感覺。

一隻獨特嘅香水，其香味真係會喚醒記憶。曾經聽過，香水被形容為隱形的飾物，噴上適合自己性格嘅香水，可以令個人形象更鮮明，亦令別人更易記得你。香水呢啲嘢，好難介紹，因為香 ...

係架，男人，到左中年，30、40就係其中兩個分野，keep，唔keep，未必即時睇到，但多年無見既朋友聚會，同學會再見時，高低就一目了然，再黎見番ex-gf, ex-sl, ex-sp, ex-somebody，就係zoom見得多，但終於見番既客，對方既眼神反應都可知一二。

除了外表，我覺得香水記憶都好緊要，正既香味，會令女生更性感，我鐘意洗頭水髮香同埋體香，所以以前都唔識分，究竟係佢沖完涼香，定還是噴既香水味吸引自己，但日後再係街聞到，自然就會腦裡畫面出現果個人，萬試萬靈。

我用緊 Jo Malone，以前會單一隻味，但佢教可以試下mix多一隻，因為唔重，化學作用更吸引，咁樣，就俾佢成功氹我買唔止2隻嘞。師妹又用緊邊隻呢?

dragonbone

引用:

原帖由 degree06 於 2022-11-9 14:53 發表
香係一種美味

HAHA....... 其實我都只係無研究的咩都試下。
但有時取向真的會隨年齡改變，最近才又再心思思想睇邊隻味最啱自己。
啱自己既香味，不論男女，都會問會讚，好感度大增呢師兄。

dragonbone

引用:

原帖由 Katrinacat 於 2022-11-9 22:49 發表

嘩！個sales 姐姐咁絕，教客mix 香水，開多張單👍🏻

我？梗係喜歡能勾住男人魂魄嘅香水

其實個客想買，要成事已不難，但一個好既sales，係會令客人成為回頭客，多D資訊，多D技巧教下，我要再買都搵佢啦。
一來我係皮膚易敏感之人，我唔會隨便買香水，真係要夾，買啱已唔輕易轉。
二來，呢隻brand原來幾多唔同既味，玩配搭我覺得都幾唔錯，所以佢係成功架，HAHA......

乜有D咁正既香水架咩??勾得住男人咁堅??咁人妻聞得出又吸引到佢，係唔係代表我果隻都得得地先??

dragonbone

引用:

原帖由 Katrinacat 於 2022-11-10 16:44 發表

好明顯你個case 唔關香水事，一定係龍兄夠堅夠掂

你唔用香水都爆….係爆晒分

師妹，又咁講，最近小弟去左增值自己，好搞笑，明明我見果行好多都係男人做，但我今次去讀，果度係全女班，得我一個男人，我第一日因為唔舒服，睇完醫生先去上堂，一入去時所有女生都望住我，幸好教果個係阿sir，但佢都正啦，我見除左佢，佢D同事都係女人，咁所以未必係我堅，亦唔知關唔關香水事，可能係當時根本無其他男人，佢地無得揀。

dragonbone

引用:

原帖由 GiveUpme 於 2022-11-10 18:26 發表


我其實都好鐘意噴香水，以前每日都會噴，唔會噴死同一款，因為我都有好幾支香水㗎，我係會根據我當日著咩衫去決定噴咩香水，即係我嗰日係casual ，斯文，中性，女性化等等。我個人本身好鍾意white musk。我成日都會諗點解啲人噴嘅 ...

無錯，其實我成日都覺人地果D比自己香。
我就會諗，係我噴唔啱位??定佢地噴得好多呢??HAHA.....
後黎我知道，我有香味已經夠，因為等佢攬埋身先聞到，其他企太遠既女人，唔使咁易聞到就得嘞。

dragonbone

引用:

原帖由 star_platina 於 2022-11-10 18:35 發表


曾幾何時，阿星同朋友兩個麻甩行入銅鑼灣某百貨公司地庫度啲香水櫃位，兩個麻甩左望右望，睇呢樣睇果樣，然後行到去親奴嘅櫃檯睇，睇睇下，有個美麗動人嘅香水售貨員小姐，行埋嚟問阿星地要買嚟自用定係買俾女士，阿星同友人兩個對 ...

睇師兄既回覆，我挑戰自己，心裡默念sales姐姐個朵，到最後先可以無錯字咁念出喳，HAHA......
賣香水，都真係要異性，易成事好多。
仲有，師兄分析得好好，小弟果日買左4枝另加lotion.......................
咁你話果個sales靚唔靚嘞，嗱，我只可以講佢口技好好，打錯，口材好好。

dragonbone

引用:

原帖由 degree06 於 2022-11-10 18:38 發表
試到啱先買啦

師兄，男人無目的唔行，有目標要買野就好快買到，係咪咁講。
尤其我D皮膚咁渣，夾到我就入手架喇。