dragonbone

引用:

原帖由 degree06 於 2024-3-22 02:40 發表
我信水晶有能量~師兄有冇睇熱辣滾湯呢套戲?

對，好有趣，以前我又唔係好覺，但最近工作上好多挑戰時，有水晶感覺好似件事順左。
套戲我未睇，好睇?我見個女瘦左好多，仲同個真的拳手上擂台喎。

dragonbone

無思分享 -- 男人世界存在的女生

我不嬲都覺得，男人世界既遊戲，有女生出現，係一件幾有趣既事，就例如:
打機，市場上打機大多數都係男人，但如果有女生加入而技術不錯既，受歡迎同FF指數簡直就係滿分。
再黎就係打bowling，羽毛球，桌球，我覺得女生同男人既距離可以好接近。
再另一樣就係睇波，tennis好，籃球足球好，女生識，直接加bonus分。

試想下成個場都係麻甩佬，當中有幾個索索女生存在，wow wow，個化學作用真係可以好有趣。我想講既係，如果落場鬥既遊戲時，男人可能會斯文左，係較勁既時候又落力左，係真唔係?真係信不信由你。

HAHA......而最近除左忙，其實去左玩新野，玩咩?就係IPSC，即實戰射擊，非常之好玩，又夠挑戰性，interesting，呢個遊戲要帶住認真又輕鬆既心情去玩先會打得好，點樣最短時間內打得最高分，講體力更講用腦。我初接觸已好喜歡，教練講，近年又無咩槍戲，但多左女生黎玩，我果日上堂，就已經有4,5個女生相約上堂，睇黎如果日後再上去練槍，都會有機會見到。

死火，可能人大左，貪玩新鮮野，今回又無咩講兩性，但我覺得，玩IPSC，都係冷靜與挑戰性既表現，都算係性，有機會再同大家分享。

dragonbone

最近同個朋友傾計，點樣做一樣野，另一半未必想做，而又可以氹得佢做到呢?


以上情況，應該看似簡單吧?但日子久了的情侶，夫妻應該明白，越耐對對方越不忍耐，以前後生會:好啦，陪你癲下啦。呢樣心態會無左，而換黎既係拒絕，同你有你玩，我仲反而可以有me time。


所以原來其實點樣令另一半都同自己一齊呢度去果度去，都唔係簡單，難起上黎時，兩個人慢慢好容易關係疏遠添。

dragonbone

引用:

原帖由 sam7211 於 2024-3-28 08:29 發表

我啱啱相反，老婆完全係貼身膏藥，無論我去邊佢都會去，但有時都會唔建議我去。不過我和老婆的興趣大部份都很相同。

師兄，兩公婆可以形影不離，一條心呢度去果度去，又可以有共同興趣得黎唔厭對方煩，你已經贏左好多人你知嘛?
即我敢講，係引區講自己幾咁男神，幾咁索女既大部份人都係自己身邊果件自己再吸引唔到佢，先外求又或認威架喳。
師兄你已令人好羨慕，因為兩個人可以同步係最難。

dragonbone

無思分享 -- 實戰射擊

早幾日同教練吹水，佢講，近年多左女生黎學槍，講時，就真係剛剛有2個女生黎學，我地玩槍，有套rule要遵守，我成日都講，有D運動，男人玩係型，但女人都認真投入時，份外又吸引，佢地可能無我地男人既衝勁，但就有樣絕對既冷靜。我覺得近年吸引既女生，大路既，露下心口俾你睇下蘿柚，咁太應該，反而佢某樣野勁，而因為果樣野大家係度較勁，而你比佢表現更出色而互相吸引，仲黎得好玩同埋有挑戰性。至少鬥下咀時，大家可以講句: 不如下次落場鬥番場，睇下最短時間內邊個攞最多既Alpha(即中靶最高分既A)，輸左請對方XXX。

講真，咁樣贏對方，interesting。



[ 本帖最後由 dragonbone 於 2024-3-28 15:33 編輯 ]

dragonbone

引用:

原帖由 degree06 於 2024-4-2 02:57 發表
師兄好多興趣喎～

HAHA...... 師兄，你會邊度識女生?
咁我答案又係咩?
我答案就係邊度都可以識到女生，但識女仔，最終目的係咩?唔會純情到做朋友掛?來來去去都係得一個最終站時，我不如搵D仲有趣既黎玩，係唔係咁講，HAHA.....

熟我既都知我有打開泰拳，但今次玩呢個IPSC，真心男人可以一試，玩射擊，風格同泰拳完全唔一樣，泰拳講求體能耐力，反應擊力，我操體能操到死死下，但又好enjoy喎，咁IPSC呢?體能唔係首要，反而係速度眼界需要之外，其實係射擊標靶策略，要最短時間內打最高分，同一套靶，我以為咁樣已經最好，但教練打既時間更短，雖然可能佢中Alpha唔夠我多，但總分係我之上，我好鐘意呢種策略性既攻堅遊戲，真心正同型。

咁我做乜春提女生呢?因為女生都鐘意玩，玩實戰射擊最型係每個由計時開始拔槍，到收槍都要好專心嚴謹，我地有拍片，過程堅勁型，就算女生都好吸引，大家仲會因為一齊玩，會一齊傾一齊講應該點快點好，女生打得好，我見過比男人仲高分既比比皆是，真心講，我沉左係呢隻game多過溝女........

所以搞到近期無咩點提女女遮.......HAHA

dragonbone

唔知有無師兄師妹會?我就睇見都心思思想入手，真心..........型爆。

?w=723

?w=723

dragonbone

引用:

原帖由 degree06 於 2024-4-2 18:55 發表
女人係好吸引男人,hahaha

係架，識人邊度都識到～

師兄，唔同地方識，就有唔同既性格女生添喎，你有無遇番幾個?

呢幾日假期，唔知大家有無行開下，Easter再連埋清明，小弟攰到爆，有機會再同大家Update。

dragonbone

引用:

原帖由 mui1892 於 2024-4-7 12:37 發表
師兄，我又跑完小丸子跑

師妹有料到，我欣賞。今次好似已經係第2?定第3年玩小丸子跑呢?
聽完妳講，好，我都開始跑番先，雖然唔敢講參賽，但我都會以此為目標。
師妹有下一個target跑，記得講我知。

dragonbone

引用:

原帖由 degree06 於 2024-4-6 02:34 發表


我識女好渣架~師兄咁忙都學咁多野,勁~

我同師兄一樣識女好渣喎，識女點為之勁，HAHA...... 我都唔敢講喎，如果有得揀勁，可唔可以唔係溝女，係其他方面?
學野好玩，小弟鐘意玩，溝女都係為玩遮，我係另一個區度同人傾緊玩槍，都識到好多高手架，HAHA....... 但放心，我都唔敢係呢度講太多，費事悶親大家啦，不如講另一樣，最近同教練係戶外操拳，條死仔包，一有人望，就會叫我打拳靶，因為可以嘭嘭聲，通常咁樣九成九都會吸引途人，最近幾次操，都吸引到個跑步既女仔，目的為咩?好明顯個教練想藉住我打擊聲，吸引個女仔黎練啦，唔係講衰野既，主要係想賺多個錢。呢招work唔work?都得架，我地戶外打，好多時D一家大細係公園玩時，個爸爸就會帶住個小朋友係旁邊睇我地操，係我飲水時，就試玩兩手，咁樣，好易就有生意架啦，男既有，女既都易有，點解呀?夏天喇，想keep fit囉，又想打得，同人講練泰拳囉。