國內短篇集(4)
太耐無update，快快手不如又分享下一樣我覺得幾有趣既經歷，以前返回國內，我地有船、直通巴、飛機同埋私家車，係而家有埋高鐵，就多選擇囉~~~~ 咁我多數都係直通巴同埋船返國內既多，久而久之，如前言，就識到不少朋友和工作單位既人。而係船方面，值得一提既係佢地既禮儀小姐，真心有高度有樣貌，而且禮儀小姐負責接待同回答問題，英文還是可以的，後生有禮就更加需要，而且多多少少都叫門面擔當，樣子就總不能太差。
我唔知其他航道係點，好記得我坐開果條line，係會有兩三架船每日負責往來香港，而每架船好多時都有2、3個女仔輪更，咁簡單計大約就有8、9個女生在船上負責幫忙。( 記錯當然唔出奇 )
咁係船上，我好多時都會同船員打交道，因為同佢地熟，可以知道好多有趣既事，有時知佢地想買一些香港產品又或煙酒，我都會幫手，我同佢地熟稔程度，以前試過自己出入駕駛室同休息室添，當然，這個是秘密啦。咁同禮儀小姐呢?我反而唔會太主動去結識，我個人好怪，太多蜜蜂纏繞住既花，我都唔鐘意埋去睇，有點姿色的禮儀小姐，單次來回的乘客好，因工幹每天都上落來回的常客都好，都很討人親近。點解??你諗下，佢地唔太高既人工，但後生有禮有樣仲要有一定高度而且識英文，真係追呢D女仔就好似本身已印上基本優質既指標性，我聽講好多女仔好快會俾人溝左追左，如果係老闆出手，仲會請佢地入自己公司做私有化秘書既都唔出奇，咁當然仲有好多不為所動既。
今次想講既，係其中幾有印象既兩個，一個叫嵐嵐，身形高佻有點cool，佢做野認真，不苟言笑，年齡才廿歲出頭，身材樣貌有D似女優相澤南，事事執正黎做既佢聽講其實仲想讀書，只係而家出黎做野賺錢賺經驗，所以經由親戚關係既船員大叔黎做禮儀小姐。另一個就係細細粒好雙乳既芯芯，樣貌普通但佢精靈鬼馬，做野大意但識笑識氹人，所以好多時做錯都唔會有事，而且佢身材好又活潑，好多麻甩佬都好buy，外型有D似TBB既波波。而日子耐左，好記得同大家相處得多，接觸機會總會有。
話說有日船員大叔知我果日將會上船返國內，就message我，想我上船之前幫手買D野，佢搵我，係因為佢地唔係香港人，照理唔可以因工作之便而貿貿然入境香港，所以有時如果唔係太麻煩我都會幫手，而果次幫完大叔同船員A、B、C之後，就大件事嘞…… 因為班友知我肯幫，居然多左搵我，正當我係想推唔推之際，佢地就好客氣咁叫我坐貴賓位，即好似去澳門船果種咁上下。我其實麻麻地呢種便宜，但我同事就講不要白不要，幫左手嘞呢D方便絕對有權享受，OK，咁我地就上左上層既貴賓位坐。咁有趣既時刻黎嘞，貴賓位係貴D既收費，嵐嵐身為禮儀小姐，佢需要逐位向客人對票，到我時，佢居然講我同同事都係普通位，要加錢，尷尬得黎正當想解釋之際，船員大叔就上黎打完場，當時既我實在有點沒好氣，就落返去普通位坐兼嬲嬲地。船員大叔當然好唔好意思啦，但嵐嵐以不知情而無道歉，我因為唔想日後幫佢地買野當然扮下嬲先啦。但大叔同芯芯都好識做，我亦唔好意思小事化大，所以過左無耐，大家就有講有笑，而間唔中幫手買野既情況亦時有發生。
而搭船既就真係咩人都會有，唔好講以前，就算而家都係，總有D人唔識尊重人，間唔中就會有D口花花既友仔係度撩禮儀小姐，平時既我好少理，因為船員A、B、C或大叔佢地會處理，但果日唔知咩事，班友忙緊，而有條唔識死既友係度問嵐嵐呢樣果樣，又行得超埋去佢度想抽水，我無諗太多就埋去趕左條友走，呢個時候芯芯先走到過黎問嵐嵐點，又單晒眼讚我型要一陣去雪櫃請我飲汽水，我講笑妳唔好請我去坐貴賓位就得嘞，而嵐嵐就尷尬又微笑地講唔該晒。芯芯原本想再有野講，但應該係亂講野多，所以我截住佢再同佢講亂講野就唔幫佢買野，佢就即時收口。咁買D咩…..?
當年，就好興某品牌新手機一出就要盡快入手，但國內往往就係遲果一頭半個月先有，大家都應該尤記得，手機係要越快到手先叫威，雖然我無呢D觀念，但國內流行咩我都要知，而動輒6千以上既手機其實唔係人人買得起，果時船員好芯芯好都託我想幫手買，而國內一D銀行經理又或政府部門既人如果有就更加係型既表現時，大家就明果個氣氛係幾熾熱。我記得果時我已幫船員大叔買到一部，芯芯一部，原來嵐嵐佢好想買一部給她屋企人，佢好想拜託我幫手，只係同我唔熟而唔敢出聲要求，我見咁樣，就將手上原本買俾銀行家既果一部俾佢先。而雞脾打贏牙骹軟係真既，自此之後，嵐嵐對我既態度都好左好多。
芯芯多人追，其實嵐嵐都係，但佢一直都係單身，我以為因為佢只不過係度做唔長遲D會返去讀書所以索性唔拍拖，直到有日我上船時，船員大叔見我好少提起女人，問我結婚未?當時既我又真係未結婚，佢就問我對嵐嵐有無興趣，講真，我係有少少突然既，我就問佢做咩咁問，大叔講如果有興趣，我同嵐嵐可以發展下，雖然大叔有點含糊其詞，但其實呢個暗示都已好清晰，而對於好女仔而我又無福消受既，我一貫做法都係乾淨俐落即時婉拒，大叔有點錯愕我會拒絕，佢仲講嵐嵐係好女仔，又乖又靚，做女友一流，但我當時亦坦白講已有女友，( 有女友同時國內有女人，大家都知某程度係無衝突，而我亦照講時。 ) 大叔亦只好作罷，好記得，兩星期後嵐嵐就唔見左了，原因?聽芯芯講佢去左讀書，呢個原本就係佢既計劃，而事實係點，我就不得而知了…… 只知道，以前的禮儀小姐，水平不錯，而家呢?就要睇大家的際遇了~~~~ 分享完畢。
