星期四 -- 無思分享
近日睇左唔少戲,譯戰同盟,good,唔錯既一套戲,講真,我鐘意睇戰爭片,男人嘛,大部份都鐘意槍械,我地打機,war game野戰都玩唔少啦,何況呢套戲再深入D,講美國點樣過橋抽板呢........令當日幫佢地既翻譯員面臨被追殺......
但呢套係好睇,個人感情下感覺另一套舊片仲好睇,The tomorrow war,故事講係我地30年後將會被外星生物消滅,剩餘既人類由未來黎到我地現在,叫我地去幫手。(現在我地有過10億人,未來只得番50萬)
當中有幾個位有趣既係,唔係人人可以穿梭現在未來,要通過體檢,通左,硬性一定要去,唔係就當叛國罪,男主當然中獎要去,其實為30年後既未來,動力真係未必夠,你我他30年後仲係唔係度都唔知嘛,所以故事就講男主係有家庭有個女,佢就要為未來而奮戰,真心講,為左家人,人真係會多左份動力,打高幾皮,故事亦因此而好睇左合理性高左,即男主份外搏命,而接住落黎其實都有唔少有趣點,我就唔講太多了,我想講既係,人,要自律自理,其實係應該,為自己好身體好,但除左自己,為家人,又可以去幾盡呢?我覺得再盡D都可以,中國人有句: 修身,齊家,治國,平天下,巧合地,呢套戲某程度都用得上。當然呢套係美國大主義片,ending係點?你懂的........