引用:
原帖由 vanillasky 於 2023-6-8 18:45 發表
堅想玩!但點解當初揀泰拳既?
而家好多拳館,設備已經好唔錯,其實好多人放工又或星期日都會去玩添,師兄真係要試下。
我不嬲都鐘意同人對打,之前已經學詠春,但可以用齊晒拳肘膝腳仲要夠侵略性,應該算係泰拳,我地中國功夫點到即止,我欣賞,但如果討論到體重而分制分級,泰拳呢方面已好成熟,而且泰拳講求反應體能耐力等等,打完就知自己仲欠缺D咩。講真,健身無目標呢,純講要fit呢個term個動力我真係唔夠,但為左打拳方面達到我要求,有呢個出發點,我又好有心機會健身喎反而。
就係一個簡單既出直拳為例,點樣用全身既力去打出而中中芯點,中果下既聲可以完全唔同,我為打得更靈活同拳更重,同以前玩負重果下訓練又好唔同。