啤酒妹妹
擁有著迷人又懂男人心的人妻Cherry，同時還和善解人意的女下屬Bella一起，有什麼比現在更滿足的呢?說坦白，其實女人佔我時間比例並不多，如果有空餘時間，其實我係會揀做自己喜歡的事情，多於男女之事，無他，這個世代太多好玩又有挑戰性既事情，詠春、跆拳、健身、羽毛球、比賽、股票、甜品、紅酒等等等等，已令我忙得不可開交，還有什麼呢?我自小宅的最愛一面--打機，我的興趣往往和女生尤如一條平衡線，永不相交，那麼如果在我嗜好上有女生踏進，那感覺就實在是美妙，我說的不是女生坐在一旁看我操拳健身，我說的，是女生有能力有興趣的一同參與，她參加並不是單單討好我，其實是她本身都喜歡又或可能比我更投入時，其實這樣的女生是份外吸引的。
Margaux: 無口齒咸濕仔。
我: 咩野啊?咩無口齒先?
Margaux: 有人講有Game打，但遲遲未有囉。
我: 我買左妳係咪黎打先? ( 我剛同小師妹一齊行旺角時就係去左買Game，準備約Margaux既，點知被佢先出口。 )
Margaux: 你買左先講。
我: 如果我買左，係咪點都得先?
Margaux: 你講左買足足3年零8個月喇，都未買，如果買左，你話點就點。
我: 真係?哈哈，妳大件事喇，我真係買左喎。
Margaux: 真係? ( 電話中的Margaux有點懷疑，也有點遲疑，皆因她講左句我想點就點。 )
我: 真架，等我諗下可以點先得。
Margaux: 唔信，你而家扮去買都得架啦。
我: Haha……..無聊，如果妳唔信，妳講，幾時黎打機，今晚?
Margaux: 今晚唔得啊，開工啊。
我: 夜晚OT?妳好勤力遮…………
Margaux: 聽晚啦，聽晚你得嗎?去你度打。 ( Margaux約我時我無諗衰野，事後當然有啦。 )
我: Of course. 但妳唔好賴貓講我扮而家去買喎。
Margaux: 唓，上得黎都信你啦已經，你屋企有無野食架，食完飯打機我仲要食野架，我好大食架喎。
我: 吓，妳想食咩啊…………..?
Margaux: 唔係啦，都係等我自備先。
我: 夜晚都食，唔怕變肥婆咩??
Margaux: 肥你個頭，乜你唔知靚女係無呢個問題架。
我: 係係係，知妳後生女添啦。
Margaux: 咁約你聽晚，係中環OOO等，OK? ( 老蘭既某某酒吧。 )
我: OKOK。妳係果度返工架?
Margaux: 我係附近啦，你想接我放工添?好喎。
我: 哦?真架~~~~
Margaux: 講笑喳，你就想，你都係去附近接我好啦。
我: 哦，無問題。
Margaux: 係喎，上次你講你同表弟既艷遇，有無下文呢? ( Margaux提緊既係，我早兩回提起我靚仔表弟將要結婚了，難得一聚，所以係酒吧傾計吹水，估唔到都可以見識到佢撩妹技巧，佢更因而識左兩位分別大波同長腿既女生。 )
我: 好似無喎，人地好靚女架，應該好忙，唔記得左我地囉。
Margaux: 可能只係唔記得你呢。
我: 唓，點會，果日都有個四眼妹，好似陳茵微既女仔眼定定望住我架。妳知嘞，我上次都講左啦。
Margaux: 有咁既事?好靚架?
我: 都靚架，陳茵微喎，可惜我地無傾過計。
Margaux: 咁佢又有無搵你呢?
我: 無喎……. 都成個月，我電話都未響過。
Margaux: HAHA.......即人地唔so你啦。
我: 頂妳啦，唔俾佢搵我我唔得閒既。 ( 呢D時間當然要死撐啦。 )
Margaux: 一定啦，一定啦。 ( 我地最後係互相頂頂聲之下收線，收線後，我就已在遐想，係網上成日睇D師兄既post講咩野約女仔去自己屋企，而女生又願意去時，已等如咩咩咩，又或可以發生D咩事時，我已在幻想同樣事情會唔會發生係我身上，當然，呢個低能行為唔係維持左好耐。因為我醒起，其實我地大家係未見過對方。我唔怕佢生得醜樣，建基於佢講既係真話，反而到時可能係佢嫌我樣衰走人就搞笑了。 )
而呢個世界真係有樣野叫一講曹操，曹操就到，又或日頭唔好講人既現象，講緊咩?就係同Margaux傾完電話後無耐，我手機響起，傳來陌生的來電，由於工作性質，陌生電話我都會照接的，而呢個時侯，傳來了嬌嗲又陌生的聲線。
陌生女: Hello?知唔知我係邊個啊? ( 當年還未興猜猜我是誰。 )
我: Sorry，真係唔知。
陌生女: 好靚，果日你眼甘甘望住果個呢~~~~
我: 唔好意思，無印象，如果妳再唔講，咁就算架喇。 ( 我認我既客氣從來都只係熟人限定，陌生人無份。 )
陌生人: Okok……. 你都唔好玩既，我係Kate啊，果晚我地係XX吧見過既呢，我想搵Stephen啊~~~~ ( 當晚同我表弟Stephen一齊飲野，途中認識3個女生的其中一位，事後表弟同我講，有個心口好澎湃好正既，即阿Kate就係佢。 )
我: 哦，我而家無同佢一齊喎，妳搵佢有事?
陌生人Kate: 有事啊，好大件事添啊，我地想搵你地聽晚食飯啊，賞唔賞面先?
我: 聽晚?
陌生人Kate: 係啊，去中環果間OOO度等，好無先? ( Kate講既地方，正正就係Margaux約我既同一地點，乜中環咁少選擇架咩? )
我: 但聽日我約左人喎。
陌生人Kate: 推左佢啦，我地3個女仔都到架，你上次眼定定望果個女仔都會黎喎，你唔想識人咩?搞錯呀，要我地女仔講到出口。 ( 即翻版陳茵微?正喎，我心想……. )
我: 唔係唔想見妳地啊，Stephen去左台灣比賽，最快都要下星期才返呢。斷估妳主要都唔係想見我一個掛? ( 要比賽呢個係真，但其實Stephen係下星期才出發。主要係因為我飛快地想，陳茵微再正，但我既然已約左Margaux，都唔應該推人而去應約。 )
陌生人Kate: 搞錯啊，咁掃興架，咁無辦法啦，下次再約啦。 ( Kate有胸，另一位有長腿，加埋翻版陳茵微，這個組合其實幾誘人，唔止，係無得輸就真，所以我對Margaux真係太好了。 )
就咁樣我就推左阿Kate既約會，還記得當時我有講俾Margaux知，佢好有面，我為左見佢，第二日有3條女約我都推左，連我有好感心儀既四眼翻版陳茵微都可以唔見，點知俾佢反串，人地都唔係為左見我而搵我……………… 真係頂，佢幾時都咁串既。而講真，為免會係OOO見到Kate既可能性，所以我買多個保險，同Margaux提議轉場，我地由中環，轉左係灣仔某酒吧接佢。當然，呢個地點都係Margaux決定既。
到當晚於放工前，收到了Margaux的message，大致意思係，客戶未放人，她會晚一點點才到，叫我先入酒吧內等，而且佢叫左外賣，一陣我係酒吧度拎埋走就可以。那好，也沒什麼問題。當我開車到灣仔後，大家都應該知，灣仔的夜晚其實是和白天一樣精彩，她也是一個酒吧林立的地方，不同的是，你有無因緣去遇上她的迷人處，而Margaux約我的酒吧算是夾在金鐘和灣仔之間，走幽靜一點的路線，人不多，客人都較斯文，因為我不知我坐多久，所以我就坐在較近門口一點的位置，今晚我有開車，所以我無飲酒，卻也識趣地點了飲品在等。通常約人我到目的地都好，都不會催人，差不多到約會時間時………
此時電話傳來message說: 等等我，就快到，溝住女先。
這麼抵打的留言，當然就是Margaux了，我也回她: 快點來吧，等妳溝啊。
我當然沒有真的走去溝女，反之然我盡量在望街外風景，好迴避不必要的eye contact，我不是說自己吸引所以怕什麼，只是不想給人錯signal就是了，因為回想當晚表弟就是和Kate在酒吧內對望，有了eye contact後亦同時有下文。而就在這時，一把既陌生又似曾相識的聲音從我背後出現了，她的第一句就是………
Hi，Dragon係你嗎? ( 我回頭望，有點驚訝，心裡同時說起: 不是嘛……… )
打機?睇戲?還是上床make love呢?就要下次再說大家知了。
