引用:
原帖由 star_platina 於 2022-3-31 18:25 發表
鹹濕係男人嘅天性啦嘛😬
星期5搞笑野~~~~
大家都知,而家寄野都幾麻煩,話說小弟有份文件急寄回國內,唔等出門收件,就坐巴士出發啦,唔知大家巴士會坐咩位,我就鐘意下層既對頭位,闊落D嘛,通常小弟都會聽住歌坐窗口位望街,呢個時候,斜對面坐左一位熱褲後生女,再加上短到露腰既T-恤,真心我係望得咁多,唔係想唔想望既問題,而係我同佢太近,我望,佢一定會知道,我唔想成為咸濕阿伯,所以都只係佢坐低時又或郁身郁勢望佢搞乜鬼而scan出佢確實都應該係正。
呢個時候,大家會做咩呢?
我白痴地居然坐直個人,當我正正經經時,我見佢原來放左2本書係大脾,咁我都好奇係咩書,就不期然定神去望,什麼........咩野文....40個方式咁上下,因為巴士搖書又倒向我,我花左5秒都未看到,仲皺起眉望,呢個時候,我發現有人望住我,我向上睇番,原來個女仔望住我,我好想講...... 我想知本書係咩書,但我估......佢應該以為我望緊佢對白滑長腿,之後我就燶爆望返向窗。
個女仔有幾正?上親巴士既後生又或大叔,都不停勁昅佢,最誇既係,佢落車時,有個阿叔轉位都要望住個女生行去邊,呢個時候,我認我都有認真望,啊......唔怪得之啦,原來個女生真係幾正,腰幼長腿,眼大大,唔怪之得睇唔到咀型鼻仔都已殺晒啦~~~~