星期4 -- 無思分享。
男女，幾時都係一樣好有趣既互動關係。
而家打拳，開始漸漸上手，同教練有來有往，以前Sparring好快俾佢放乾，最近都開始可以打足3 round，(打3 round係香港標準，但我仲未撐到5 round，聽佢講，係泰國，打5 round係家常便飯。 ) 唔講笑，我當成就解鎖，Sparring 足round數，係體能，技巧，耐力同集中力既大挑戰。我唔係有被虐基因，但我叫佢當我準備出賽咁練只不過全數份量打個discount，
同教練熟，開始傾多左野，佢有女友，香港人，聽佢講都好打得，只係無參賽。但個衰仔會成日分享女學員同佢單對單練拳既片我睇，原來女學生好鐘意拍片，因為事後可以檢討下個姿勢做得好唔好，因為個姿勢好，出果野會出得好順，出既力亦係最好最應既，HAHA...... 我講緊打拳呀下。
最近熟，個衰仔影我相，我問佢做咩，佢講我大隻左，要俾師傅睇我進度，我問佢，唔係..... 俾佢既女學生睇掛，佢係度笑笑口，大家熟，玩野係必然。
記得有次同佢Sparring完飲水時，係樓下街度佢見到4個女生行，好大聲叫: my girlfd，我行埋去望問邊個，但佢即時走開，我回唔過神黎，果4個女生同時回頭向上望住我，我走唔切而果刻我就同時同4個女生對望，果下我先知道被人玩，仲大家一齊笑，但係尷尬既笑。
