依刻我完全被眼前依位西褲女人既眼神震懾,實在太令人心寒,完全不敢直視,而且說話時每隻字充滿爆炸性。
但阿倩突然走到我身前,隨即大聲地向著對方,大聲地講「佢係我男朋友!Ok?麻煩縮開你隻手!」
此話一出,依個女人眼神變得更加可怕,從電梯外直接走進來,隨即左手高高舉起,直接往阿倩臉上摑了一巴,然後狠狠地盯著阿倩講「你依種勾引人地男朋友既賤人,無資格係我面前講野,仲有我唔係問你!係問你!到底佢係你邊個!」當講到最後時,眼神再次轉移到我身上。
其實我一直拖著阿倩既小手,明眼人一看就知男女朋友關係,擺明就知道我偷食,完全唔明白依個女人何解苦苦相逼,明知故問!
所以我並無任何回應,而係關心阿倩臉上情況,當我發現臉上出現一個大大既紅色掌印時,感到非常心痛,剛才果一巴掌完全毫無留情,出盡全力摑落去!
我立即向著依個女人咆哮地大聲講「喂!你痴線嫁!毛啦啦做乜打人呀!」
但依個女人神色自若,態度囂張地回應「打人?我有咩?我打隻狐狸精咋嘛!你都未答我,佢!係!你!邊!個!」
於是我當著眾人面前將阿倩攬緊,然後霸氣地回應「佢!係!我!女!朋!友!得未?仲有我根本就唔識得你!麻煩你出番去!」
但依個女人忽然間臉紅耳赤,向著我咆哮大聲講「你⋯⋯居然我話唔識我?你⋯⋯你!你個賤人,當日我就應該報警拉左你個人渣!」講完隨即再次高高提起左手,正當我準備提手擋格時,阿倩忽然閃到我身前,一手將對方既撥開,接著更一掌打落對方胸部,隨即對方猶如炮彈般一樣,飛出電梯外。
當我目睹此情況時,雙眼瞬間呆滯!
明明果一掌力度非常普通,何解整個人彈出去?
似曾相識既畫面曾經出現過一次,當晚譚伯亦曾經將喪強打飛出電梯外,但分別在於譚伯用腿,而阿倩用掌!
當我見到依個女人躺在電梯外既空地上時,表情相當痛苦,右手一直按著胸部,我並無感到任何痛快感覺,反而有點尷尬,內疚。
另一個穿著職業女裝既女人,立即蹲在身旁,關心地問「Boss!你⋯⋯你點呀,有無事呀!」
當我仔細觀察另一位穿著職業女裝既女人時,與西褲女人有明顯大落差,同樣職業女裝,但並非西褲,而是穿著一套緊身既OL套裙,將身材完美地勾搭出來,前凸後翹S形身材,特別係胸部位置,絕對稱得上豪乳!可以與我未來外母鍾太一較高下。
正當依位豪乳OL蹲在地上時,突然向著後方大聲講「喂!你地盲左呀?仲唔保護Boss?」
此話一出,四位戴著墨鏡,黑色西裝,身高接近一米八既男人,怒氣沖沖地向著電梯,走向我同阿倩二人。
依刻我知道今次大獲!目標絕對係阿倩,但對方係保鏢,相信受過專業訓練,而且身高比我高,一對一未必贏,更何況一對四,不過斷估對方大不了教訓一下我,所以鼓起勇氣走到阿倩身前,阻擋著四人進入電梯,同時不斷按關門按鈕。
可惜電梯根本無可能關上,其中一人已經一手按著電梯大門,另一人已經出現在我眼前,面無表情,我知道一切已經太遲啦!吞了一下口水,隨即慌張地講「拿拿拿!打還打!千其唔好打臉!」
但語音未落,對方已經抬起右腿,突然出現一下殘影後,我整個人秒彈到電梯裡牆角,隨即腹部出現強烈既抽畜感覺。
不過幸好阿倩避開,否則阿倩絕對被我體重壓向牆上。
忽然間阿倩居然走到我身前,氣憤地講「你條蛋散呀!😡豈有此理!打我條仔!」
但黑色西裝再次重施故技,抬起右腿,準備往阿倩身上踢去時,我已經彷彿見到阿倩被踢死既畫面,隨即歇斯底里地嗌出一聲!「喂!!唔好呀!阿倩!快D避開呀!」
但結果居然出乎意料,阿倩居然一手抱著對方既右腿,身體向後退,令到對方瞬間失去平衡,擺出一字碼姿勢,隨即右腿抬高屈曲,使出與對方同樣既腿法,直接向對方臉部來個親密式接觸,瞬間KO左對方。
與此同時,按著電梯門既另一個黑色西裝見狀,立即上前,準備抬腿時忽然又收起,好像知道出腳不利,握著拳頭,直接向著阿倩胸部打出。
正當我擔心之際,阿倩居然緩慢地伸出小手,將對手沙煲大既拳頭包著,似撥非撥,似推非推,兩人既手猶如黐著一樣,忽然之間阿倩用力一推,對方猶如炮彈一般,飛出電梯外,比起剛才飛出電梯外既女人,飛到更遠既地方。
依刻我坐在電梯牆角,完全陷入呆滯,震驚既狀態,功夫?阿倩居然識功夫?完全不敢相信!但震撼既畫面一幕又一幕出現我眼前。
當最遠兩位保鏢見頭兩位被阿倩壓倒性KO後,二人迅速地走到阿倩面前,二人居然同步攻擊阿倩,一人出拳,一人起腳,
正當我氣憤地大罵時「你們知唔知醜嫁!兩個大男人打一個女仔⋯⋯!」
但劇情再次出神逆轉!阿倩不但處變不驚,反應迅速,雙手及時作出擋格,右手擋腿,左手擋拳,再一次巧妙地運用力學,將二人既身體互相碰撞,二人碰撞後情況猶如漫畫人物一樣,頭暈目眩滿天星,於是阿倩趁著二人暈眩時,雙手一推,二人同步地飛出電梯外。
但我仍然處於震驚狀態,目定口呆,電梯外亦有人與我同樣情況,正是穿西褲既豪乳OL女人,嘴巴大大地張開,目定口呆望著阿倩。
唯獨穿西褲既女人,雖然已經站立起來,但右手一直掩著胸部,而且表情尚算淡定,用著奇怪既眼神開始在阿倩身上打量。
與此同時,商場裡既不少途人目睹整個過程,但臉上並無出現震驚表情,反而眾人開始大聲討論。
「嘩!拍戲呀!」
「攝影機係邊呀!」
「條𡃁妹好生面口喎!新人黎喎!」
「咦⋯⋯著西裙果件身材一流喎!」
「咦!係喎!尤其是對奶呀!成對木瓜咁款喎!」
我絕對明白在場所有途人既心態,一個年紀輕輕身高一米六,弱質纖纖既少女,居然以一人之力KO四位身高米八男人,而且出手過程猶如流水行雲,清脆利落,歷時更加不超過一分鐘,若然四個男人唔係演員,事前配合,絕對無可能發生。