大結局(二)#867-874
其實照片中仍有多個名字未調查,不過其他地方比較遙遠,時間緊迫,唯有留待下次,而且照片上有一個名字令我非常緊張!擔心!
『發記茶餐廳 樓面柔姐 35D 25 35 好砌分數:9分 。』
當我進入鋪頭,瞬間感到一股殺氣,如果眼神可以殺死人,我相信依刻我已經被阿媽殺左幾十次。
「有無搞錯呀!家下幾點呀!」阿媽站在收銀櫃裡用著凌厲既眼神講
於是我將阿媽摯愛既「黃金脆皮八寶鴨」送到阿媽面前,隨即傻笑著「唔係呀阿媽,我買左你最鍾意食既八寶鴨咪遲左少少囉。」
但阿媽見到外賣袋上寫著龍華飯店後,臉上不但無任何喜悅,反而眼神憎恨,表情嫌惡,更質問我「你毛啦啦去龍華做乜呀!我幾時話過我最鍾意食呀?你唔好呃我呀!你好講你去龍華做乜!」
依刻我完全無意料到May姐見到八寶鴨會出現如此可怕既反應,簡直就束手無策,到底發生乜事?點解May姐好像已經睇穿我既想法?
「吓!我⋯⋯邊有做乜啫,咪買鴨囉!可以做乜喎!」我望著阿媽緩慢地解釋
「買鴨?家下十點半喎!有人九點就見到你落樓!你買鴨買個半鐘?」May姐既凌厲眼神繼續質問我
當我聽見依句時,驚慌地吞了一下口水,今次大獲!難怪阿媽火山爆發,原來有人報串發現我九點就出門,實在太大意。
不過仔細一想,就算買隻鴨買個半小時又如何呢,阿媽今次既反應未必太大吧!
忽然間想到尋晚阿媽與譚伯對話時,無意中透露了自己知道龍太接客既事,莫非阿媽誤會我去龍華飯店嫖娼!可能性非常大!
於是我靈機一觸,雖然剛才楊Sir既說話可信性非常高,但我仍然存有疑問,於是將遇見楊Sir既事告訴阿媽,順便觀察一下阿媽既反應。
正當我想說話時,發現剛才阿媽責罵我時,聲音太大,令到旁邊客人一直盯著我倆,於是我拉著阿媽手臂,然後細聲地講「媽⋯你過黎我同你講D緊要野!」
於是我拉著May姐到士多房卡位,隨即緊張地講「媽!頭先我見到楊Sir呀!」
May姐皺著眉問「楊Sir?乜楊Sir呀?」
「咪以前做我班主任果個楊Sir囉,後尾無啦啦辭職果個呢!」我立即解釋
當阿媽聽見我解釋後,心情明顯平伏下來,凌厲既眼神亦都變得溫柔起來,隨即疑惑地問「吓!咁點呀?」
「本來無乜野!但我見佢同龍華個龍太好親密呀,我覺得有古怪,咪跟蹤佢地入飯店囉,於是咪是但買D野囉!」我繼續假出一副好緊張既表情回應
「是但買D野?你都唔洗買最貴果樣呀嘛!半隻鴨成五百蚊嫁!」
當我發現阿媽居然唔將重點放在楊Sir龍太身上,反而在意價錢問題,我瞬間無語!
但我仍然努力平伏阿媽既心情。
「媽呀!咁還點都買啦,梗係買阿媽你最愛既八寶鴨啦,我都係一片孝心啫,你唔好咁惡啦,同埋依個都唔係重點。」
阿媽白了一眼後,幾秒後,再次講「得啦得啦,咁之後點呀?見到佢地點呀?」
當我發現阿媽情緒再次平伏後,隨即開始加鹽加醋地講「我呀,跟蹤佢地上二樓個貴賓室,之後仲見到佢地又攬又錫,好似情侶咁呀!媽⋯⋯乜龍太離左婚咩!」
當我以為講得激動又生動,會令阿媽感到驚訝,但發現阿媽聽見後,臉上並無任何激動反應,只不過平淡地回應「唉!我一早知你個班主任唔方好人啦,仲有呀個龍太都係衰女人黎嫁!你以後咪再去果度呀,人地既事,你咪理咁多呀!」
為左令阿媽透露更多關於楊Sir既事,我繼續假裝無知地問「媽!點會呀?楊Sir點會係衰人呀!佢以前對我好好嫁!阿媽你都知嫁!只係唔知點解突然間辭職啫!」
忽然間阿媽搖著頭,擺出一副無你咁氣既表情講「好你個頭,你知唔知佢係學校亂搞D女學生呀!」
於是我立即假裝一副難以置信既表情回應「吓!點會呀!阿媽你有無搞錯呀!你都無親眼見到,你唔好屈楊Sir啦!」
但阿媽忽然間胸部起伏,更加激動回應我「我⋯屈佢?我何止親眼見過呀!我⋯⋯我⋯⋯仲⋯⋯」
忽然間阿媽欲言又止,我隨即緊張地講「媽⋯⋯你⋯⋯仲咩呀」雙眼一直盯著阿媽微表情。
「我咪第二日就話俾你校長知囉,唔係佢點會無端百事辭職呀!」
完全無預料阿媽居然直接將答案講出,雖然將複雜既過程刪去,但同時我終於知道剛才龍太對於楊Sir被解僱既事情,忽然欲言又止,眉頭緊皺,原來早就覺得事有蹊蹺,果然女人既第六感非常準確!
但若然校長既出現係阿媽暗中安排,阿媽所做既事豈不是太偉大?為了正義,為了校園既風氣,為了解僱楊Sir依種禽獸教師,不惜犧牲自己肉體,更與楊Sir接吻,實在太偉大啦!
我擺出一副恍然大悟既表情回應「原來係咁,唔怪得佢突然辭職啦,豈有此理!搞到我仲以為佢好好人,原來係個咸濕佬!」
「家下你知就好啦,以後咪再去龍華呀!咪理人地D野呀!知無!記住!閒地莫企!」阿媽盯著我等待我回應
「知啦⋯⋯閒事莫理呀嘛⋯⋯」我敷衍地回應
於是阿媽準備離開士多房卡位。
[ 本帖最後由 BABE阿心 於 2021-3-21 20:07 編輯 ]