2001crazyjar

要解讀「到底自己有無感染機會？」呢樣嘢，首先您知道自己個定位係邊，發生過嘅行為又係啲乜嘢。要有機會透過性接觸而感染愛滋病，第一個先決條件係：「您有無發生過無套性交/肛交行為？」如果您曾經發生無套性交/肛交，咁您就中咗第一個「高」啦：「高風險性行為」。

但係，發生過「高風險性行為」是否就等如「高感染機會」呢？是否無套過一次就一定會中呢？是否穿過一次套就會感染呢？呢個就要再去解讀第二個「高」啦﹗

附圖就係解釋緊一個「高」、「低」感染密度嘅概念。同樣都係唔用套高風險性行為，如果您係高感染密度嘅地方發生，您嘅感染機會係會高過低感染密度嘅地方N倍，但係唔代表您唔會係低感染密度地方感染，只要您唔同套嘅話。即係話，您係高感染密度地方遇到10個性對手，可能第2、4、6、8、10個已經係HIV感染者；但如果您係低感染密度地方遇到10個性對手，您可能做晒10個都無遇上一個感染者，咁樣感染嘅機會自然係細啦﹗

因此：
高風險性行為 + 高感染密度地方 = 高HIV感染機會；
高風險性行為 + 低感染密度地方 = 相對地HIV感染機會無咁高；
安全性行為 + 高感染密度地方 = 有效預防愛滋病及性病感染；
安全性行為 + 低感染密度地方 = 有效預防愛滋病及性病感染；

您知道您下一個性對手有無感染嗎？唔知，都係正確地戴返個套啦﹗