幪面超人

睇過大家咁多經歷，我又分享下我個啲，不過無你地個啲咁激嘅，可以當笑話聽下 。

話說有一次放工，我自己一個人走，係公司不遠處，突然有個男人截停我，佢問我，先生而家幾多點鐘？跟住對話如下：

我：我望一望隻手，醒起今日無戴錶，我同佢講，我無戴錶唔知幾多點喎，跟住想轉身走。
他：但佢叫住我(佢立即轉話題)你個樣好似我細佬喎！
我：我無出聲心諗，你咁樣衰，有乜可能有個細佬似我咁靚仔。我無出聲佢繼續講。
他：你叫乜嘢名（佢問我）
我：我唔想話個真名佢知,我作個名答佢我叫jacky。
他：我細佬而家係外國讀緊書，你咁似佢，可唔可以同你影張相我寄俾佢睇？
我：佢咁講我先為意到佢托住部相機係身，覺得有點怪，佢唔似遊客，拖住部相機做乜！
當時條街好多人，我猶豫咗幾秒話唔好啦！
他：跟住佢突然捉實我隻手，係我手指同手指中間係咁摔。佢話我隻手好“鞋”，沖涼時要用手捽下佢嘛。
跟住嚇到我立即縮手走人，返屋企洗手。

俾人非禮原來係咁，非常驚恐，俾佢嚇親

諗番好彩無應承條友影相，我九成佢係想影低返屋企打飛機

幪面超人

你好醒目，唔會色迷心竅

引用:

原帖由 花郎 於 2020-9-22 20:23 發表
有次夜晚係街,微信有人用附近的人加我.睇頭像無樣但係著黑絲.我同佢傾左一輪.佢話佢來旅遊家下好悶..又問我睇佢頭像有咩感覺.
咁講我即時起戒心,事關我從來唔信飛來艷福哩樣野.咁試探咁同佢傾落去,最後揭左底牌原來 ...

幪面超人

其實香港有好多同志係大家身邊，只係唔知啫。
我之前有份工，同個男同事都幾傾得埋，個人幾純品個種，做咗都差不多6年同事到，一直唔見佢追女仔或拍拖，無理佢啦，諗住佢要求高啫。
但後其份工大家無做亦少來往，間中出黎食下飯，忍唔住問佢拍拖未，佢之吾以對好尷尬咁，我大膽問佢係咪其實鍾意男人，佢答係，個刻先知佢性取向。