上一頁下一頁
發新話題
打印

[原創作品] 我同珊姨(52頁大結局,後記已完)

 
收藏  |  訂閱
323  422.6k

引用:
原帖由 月影偷情 於 2022-6-28 21:42 發表 👏🏻☕👏🏻☕👏🏻☕👏🏻☕👍🏻😁😁🗣️多謝師兄帶比我哋嘅樂趣👍🏻👍🏻👍🏻🥳🥳🥳
多謝捧場。
引用:
原帖由 lulu1238899 於 2022-6-29 09:12 發表
正👍遇上大食女考驗下耐力
係呀,都幾辛苦㗎。
引用:
原帖由 taiwai2008 於 2022-7-14 10:24 發表 查看引用來源
期待期待........long long time la ////////
嚟喇嚟喇,多謝大家等候。

* * *

3.9.3中

喺Kaka同佢老公張床上,望住床頭枱面上佢同老公啲合照,抱住佢。細佬頭喺咁磨佢塊嫩肉,大家嘅分泌物滋潤下,幼滑無比。

佢一臉恍惚、迷茫咁抱住我。我磨咗陣,爽到癲,好想吼佢唔留神嘅時候一嘢篤入去。

Kaka聲震震咁哀求,好難頂,戴番個套啦,唔係一陣忍唔住插咗入去㗎喇。

唔舒服咩?

好舒服…但好驚。戴套吖,好想試吓你支大嘢。

我唯有去攞套。

佢一路喺旁邊睇住我硬住咁去攞套、拆套、捋上,忍唔住讚嘆,真係好大…

同鬼佬冇得比啦。

算大㗎喇,起碼我見過之中,你最大㗎喇。

唔係化?

你啲女朋友冇話你知嘅咩?

有,我知道自己算大,但我呢種尺碼應該唔難遇到啫。

差唔多大嘅都遇過嘅,但你大啲,而且你個型生得好靚…呀,唔記得咗同你講一樣嘢。

乜嘢?

假如你少過10分鐘就出嘢,你要俾番錢我。

幾錢?

一萬。

嘩,原來妳存心呃錢㗎?

唔好咁講好唔好?我良家婦女嚟㗎,做乜俾你屌?無非為咗滿足。你少過10分鐘就射嘢得你爽我冇得爽,無啦啦益咗你,收番錢都好公道吖。

其實,如果技術好、做得啱,女仔5至10分鐘之內都可以有高潮。

我知,男仔功夫好的話我都可以幾分鐘就高潮,不過我講到明一定要夠耐。得一、兩次細高潮我唔夠喉…喂,你係咪冇信心呀?冇信心就而家停都仲嚟得切。

唔係,不過,妳又話半個鐘以上先至俾錢嘅?

係吖,所以,如果你做到10–30分鐘之間,大家爽過,我當打和,我唔收你、你唔收我。點?有冇信心?

有。

真係咁有信心?咁好吖,唔好講咁多,入嚟吖…

我抱住Kaka豐腴嘅身體,好好攬、好舒服。

喺佢條罅外面來回hi幾吓,慢慢向裏面推。

一頂到盡頭,佢嗌。

…好大……好脹……

佢個肥H好飽滿、好包,我未試過插過包到咁緊嘅窿,驚會舒服得滯忍唔住咇咗嘢咪要俾一皮佢?

於是我先唔抽插住,頂實佢,一邊磨佢出面粒尖端、一邊頂肉窿嘅盡頭。

我鑽探咗一陣,佢嗌,呀…呀……你好犀利…

Kaka抱實我,雙手抓緊我,聲震震咁叫。

我都未郁,咁都話犀利?

你技巧好好。

咁算得上咩技巧?

好少男仔識咁樣㗎,佢哋一味淨係抽插。

好講究喎。

出得嚟玩,都係為咗搵滿足感,唔係做乜要打開下底俾生普人篤?

我一路磨、一路撬,然後漸進變為緩緩進出。

佢露出恍惚嘅神情,開始喘氣、呻吟。

好舒服……

我想錫吓佢,於是哄埋去。碰到咀唇嘅時候,佢合緊。

我有啲啲冇癮,唯有繼續抽插。

由初初悠悠進出,漸漸加速、急激衝擊,抽插一陣就稍微調節吓角度、方向,去試探佢最敏感嘅部位。

從上而下屌、托起佢雙腳從下而上頂貼實鑽探佢深處、大幅度急速鋤…每轉換一種做法,佢都好大反應,令人覺得佢好似扮嘅。

但佢事實冇需要扮嘢取悅我。

佢真係享受。

呀…呀……

佢肉緊咁抱住我。我一路屌,佢一路搖擺下身磨。

好high…佢嗌。

鍾意嘛?

…你好犀利…

我忍唔住,好想咀佢。

佢合實口,我捉實佢,猛力搖動、粗暴咁鋤佢。

佢亢奮,嗌嘅時候咀唇打開咗少少罅,我就乘機頂條脷入去。

唔入侵都入侵咗,佢不單冇抗拒,仲抱實我,用條脷同我探戈。

於是,我就一邊鑽探佢肉洞、一邊享受同佢條脷糾纏。

不斷調整鑽探嘅角度同幅度直至搵到一種佢似乎最享受、陶醉嘅方式,維持呢種方式侵犯佢身體。沉醉喺呢種親蜜中,慢慢感覺到佢個身抽搐、震抖,聽到佢喘氣。

能夠令每位俾我進入身體深處嘅女士獲得性高潮,係我能夠帶俾世人嘅福利、係我服務世間嘅方式。

我專心滿足佢嘅時候,忽然覺得下面咁熱嘅?

我問佢,妳噴嘢?

佢up頭,細細聲咁話,俾你屌到噴水。

我咁大個仔從未試過咁樣,即使珊姨、盈盈戰績豐富,都冇試過噴水。我曾經問過佢哋係咪我唔夠厲害,佢哋都話,你已經好犀利㗎喇,起碼我遇過嘅男人中你已經係最厲害。

珊姨話就算佢俾太子仔班馬仔輪,咁耐以嚟都只係試過兩次噴水。佢一生人中,就係之前養過佢,碌嘢向上彎嗰個裝修佬Raymond試過兩次。

我問過Yoyo做過鴨嗰個男仔有冇試過令佢噴水。

一次,佢話,唔係次次得㗎,呢啲嘢同女仔嘅體質有關㗎,有啲女仔比較易噴嘢,冇呢種功能嘅女仔就算高潮都唔會噴嘢。我同你做基本上次次都有高潮,唔一定噴水先至high㗎。

Kaka叫我繼續屌,唔使理啲水。

但係一世人第一次遇到呢啲場面,我真係好想睇真吓。

於是我出番嚟,見到張床單一灘水漬,佢個妹急速咁震動。

人生第一次見到呢個奇景,好震撼。

我細心欣賞吓我嘅傑作,兩塊瓣喺度張合、張合,見到裏面粉紅色嘅嫩肉。

睇夠未?

好厲害。

入番嚟,好需要。

我心諗呢件肥西好大食。

於是我再插入。

換過好幾種姿勢、位置,睇住Kaka做愛時嗰種投入、渴求,我好奇佢同老公嘅關係。

喺佢身上嘅時候,我高居臨下望住佢,有一種佔有者嘅感覺。佢癡迷咁睇住我,肉緊咁抓我背脊、膊頭、手臂、腰,起勢嗌。

吖…吖……

估唔到嘅係,我接二連三感覺下面熱熱嘅。

又嚟?

係…

嗰次,唔計中間嘅性興奮同小高潮,以我觀察,佢到過4次顛峰。兩次係佢喺上面搖嘅時達到嘅陰蒂高潮;一次係我喺床邊企喺外面從下而上頂佢G點俾佢嘅G點高潮;一次係我跪喺度,佢pad pad枕喺我大髀上面、雙腳抬高放喺我膊頭上,我上下、左右咁深入到盡頭同時磨擦佢陰蒂帶俾佢嘅混合式高潮。

佢一次比一次嗌得淒厲,好似畜牲俾人劏咁樣,身體震動得好厲害。

連續幾次都有噴水,但係一次比一次少水,正如佢講,水都噴乾喇。

做咗9、10個字,佢夠哂皮、榭喇,我仲未射。

你好犀利…我俾你屌到水都乾,你仲未射。

妳周時咁樣嘅?

唔係,用手指攪就容易啲會咁樣,但真正屌就好少,我只係遇過兩個可以令我咁,你係第三個。但係一次過連環噴咁多次水我真係冇試過…你好犀利…

事後,滿足咁攤喺床度休息。

你走咗之後,要換床單喇,佢話。

我心裏盤算,佢應該滿意喇啩,就開口問佢,妳打算點樣幫襯?

逐次計好冇?

俾月費唔好咩?妳逐次俾會好重皮。俾月費我可以無限量滿足妳。

我以前試過俾月費,條友話愛上咗我,好煩。

妳對人冇feel嘅咩?話哂做咁親蜜嘅嘢。

有,佢做得我好high添。但我唔想愛上,好煩。我有老公㗎。

咁妳打算俾幾錢一次?

2千好嘛?

低咗啲啩?如果妳愛我,我可以免費同妳做又或者收妳呢個價嘅一半,妳間中買啲嘢俾我就可以。但係妳講到明唔想愛上,咁我就要同妳講生意喇。

咁你想幾多?

起碼5斤嘢啦。

咩嚟?

5千。

你啲乜嘢術語嚟㗎?黑社會嘅?未聽過喎。

市井術語啫。

我每星期可能搵你3次,真係好掛住嗰陣有可能4、5次,一個月咪要8萬蚊?

妳都收一萬一次啦,我平妳一半喎,妳自己考慮啦。

月費嘅話你想幾多?

3萬可以嘛?但係有時我唔得閒,妳得唔得先?

你會唔會成日都話唔得閒㗎?

我儘量俾時間妳,不過有時好難講。

假如我出多兩萬包起你得唔得?

我吹水,話,試過有人開8萬綁實我,但我冇哂自由,唔制。

係怕到時你成日話冇時間啫。

總之一個星期一定俾到最少3–5次妳啦,放心。

咁…好,不過,你絕對唔可以鍾意我。

咁好難嗰喎,話哂做呢啲嘢,而妳又幾正。

鍾意可以,但唔可以愛上,跟住煩住我、影響我家庭,得嘛?

就咁話。

咁今次點計?

妳俾住一半上期得嘛?

電子支付得唔得?

暫時唔係咁prefer,cash得唔得?

手上唔夠現金,俾住5千?就當淨係呢次?

好。

呀,仲有一件事,要戴套,唔想俾你害、累埋屋企人。

Ok,除非妳自己想唔戴。

我一定唔會,你放心。

好。

(未完待續)

[ 本帖最後由 dcat20 於 2022-7-29 13:30 編輯 ]

引用:
原帖由 jabichan 於 2022-7-19 17:24 發表 查看引用來源
Kaka 都好孤寒喎😅
😅😅😅

3.9.3下一

(呢幾集主要交待事情,會少甜或走甜)

於是,我接受咗Kaka半包養。

我辭咗工程公司份工,日頭好得閒。

同Kaka一齊ok嘅,冇服侍老闆嘅feeling。於是,我儘量每日俾時間佢。

盈姨問我辭咗職做乜,我只講搵到第份工做,唔係工程。

Kaka係大食,但佢話我大同埋耐,每次玩完有啲啲痛要唞一日,只可以隔日做。

我每次好好咁插佢,插到佢夠哂皮就停,自己唔射,留力夜晚如果盈姨搵我嘅話,我可以好好滿足佢。

我想保養吓,唔想玩太多,好少主動搵盈盈,佢搵我我至見佢。

可能因為咁,盈姨覺得我唔係咁愛佢,漸漸少咗俾錢我。

純粹做愛的話,而家有Kaka,間中同盈盈、Rebecca做,都夠嘅。對性愛,我半點厭嘅感覺都冇,每次插入女人個窿裏面,依然覺得陶醉。

但個心一直掛住珊姨。

每次同Kaka玩完,佢要隔日至可以再做。

一個星期7日,周末佢家庭日,淨番5日,佢只能夠做3日。

但佢好似俾咗錢唔想蝕底咁樣,即使唔做愛都要叫我上佢屋企,用口滿足佢。

試過舐舐吓頂唔順做咗,於是連做兩日,佢個妹好攰同痛,點知唞一日又再做兩日,周末佢至休息。

同Kaka開始咗三個禮拜,有次佢提出不如出外面玩吓。我心諗玩野戰咁激?點知佢意思真係去外面玩吓。

佢車我去山頂食晏,行吓。佢着咗條超包嘅瑜伽褲,佢體型本身飽滿,個西俾條瑜伽褲兜住,成條罅現哂型任街上啲麻甩佬喪𥄫。

我哋冇拖手。

另一次佢車我去金鐘香格里拉食tea。

佢話,我未試過同俾錢玩嗰啲男仔出街㗎,你係第一個。

聽到佢用俾錢玩嘅男仔去形容我,有些少唔開心。嗰陣大家開始咗5個星期,每個星期做咁親密嘅嘢,多多少少有啲鍾意嘅。

我問,咁妳同第啲人淨係喺屋入面囉喎?

冇,我亦都冇同過佢哋上過我屋企,而係喺出面開房。

每次都只係做?

梗係,交易就係為咗做,唔係我俾錢佢哋做乜?

我哋而家咁樣,唔通妳鍾意咗我?

一開始就有啲鍾意你,先至俾你試吓,點知你咁厲害,所以同你交易。

哦?

鍾意咋,唔係愛呀,唔好攪錯。

哦。

同佢一齊兩個半月,佢開始信任我,就講佢同老公嘅關係。

佢過嚟臺灣讀書,我喺同學嘅聚會見到佢就俾佢迷到,之後成日見到佢,好鍾意佢。嗰陣我有男朋友,同男朋友感情冇問題,好難先至搵到借口同男朋友嗌咗幾場交分手,之後同佢一齊。一齊咗半年至發生關係先知佢唔係幾得,好多時硬唔起,間中勉強硬起就要即刻插入,做兩做就軟。但我好鍾意佢、佢對我又好好,我唔捨得佢,就忍耐。佢睇過醫生、食過藥,有過一排美好嘅性生活,之後又唔work。我話由佢啦,唔緊要。其實我好鍾意性,思想掙扎咗好耐。有次同公司一個客應酬嗰陣飲醉咗跟住ons,之後佢再約我出去,我同佢再攪,發覺自己真係冇性唔得,於是開始同佢固定攪。佢租咗個單位,有咗個私竇之後就更加成日做,試過有一段時間我幾乎日日借口OT同佢做愛,幽會到9、10點至返屋企。佢好鍾意我,漸漸愛上我,仲成日要我離婚嫁俾佢。我唔愛佢嘅,只係好想要性至同佢做。嗰陣我俾佢唔用套內射,結果攪大咗。因老公偶然硬到,我會俾佢插入嚟做幾吓,每次佢都射入去,而我哋一直都想有BB,所以個肚就入老公數。

妳都幾仆街喎。

我認。

後來呢個男人點樣?

我大肚嗰陣佢成日叫我離婚,同佢結婚,仲出到買屋俾我想綁住我,仲前前後後入咗2百萬落我戶口想侷我。

咁妳都唔肯?

唔肯,我雖然出軌,心底裏好愛我老公。同姦夫一齊只係為咗肉體上嘅歡愉,從來冇愛過佢。就算之後我玩過嘅男仔性方面令我幾陶醉都好,我都從來冇愛上過。我用俾錢去提醒大家只係交易,唔涉及愛。我由臺灣跟老公過嚟香港,睇住佢事業、生意越來越成功。生活上,我亦都依賴佢。我拒絕咗情夫嘅要求,還番啲錢俾佢,佢發嬲,我哋嗌過幾次交就分手。

佢幾有錢嘅?

佢做裝修,我冇問佢有幾錢身家,但好肯定最少有一億港元。比起我老公,好濕碎。我而家每個月家用都有10幾萬港元。

咁呢個男人之後,妳幾耐開始出嚟玩?

我有咗之後冇做嘢,個仔兩歲,入咗幼稚園,我中午有啲時間同一個閨密去消遣。有次按摩嘅時候識咗個男按摩師,靚仔嚟嘅。初初我只係俾佢用手同口服侍,唔做愛。我話俾自己聽呢個係我底線,一定唔可以打破。幫襯咗佢個幾月,有次俾佢攪吓攪吓,個妹好㷫、好脹,我就俾佢好似你第二次咁樣喺外面磨,磨磨吓我頂唔順,俾佢入咗。點知佢比之前個情夫仲厲害,我覺得好正,就再搵佢。有得第二次,就有第三次、第四次…就上咗癮,頻密搵佢。我發覺咁落去條數唔掂,實俾老公發現我fing錢。於是同佢傾條件,每個月2萬蚊,包咗年半。後期佢周時問我要錢、買嘢,我開始吃力。之後我喺酒吧識咗個髮型師,同佢攪上咗,發覺佢性能力同技術都ok嘅,就飛咗個按摩仔。我就咁樣走上呢條包仔玩嘅路。

哦。

Kaka開始留意到我每次插到佢夠哂皮,都唔射,就奇怪。

你係咪食咗啲乜嘢藥?

冇呀。

咁點解你多數都唔射?

可能細佬嘅神經本身唔係咁敏感,加上經驗越多,就需要越大量刺激至會高潮。

唔明。

妳可以話細佬對性刺激唔係咁敏感。

咁照計唔硬㗎?

細佬硬同細佬興奮到高潮嘅原理唔同㗎。只要個腦感覺到興奮,就會send訊息落去細佬度,啟動一氧化氮嘅分泌,令血管放鬆、擴張,細路充血就會硬。然後喺做嘅過程中不斷刺激到細路同埋身體,個腦接受到就會繼續落指令釋放一氧化氮,維持細路硬度。

咁複雜,都唔知你講乜。

總之,我個腦好易躂着,但係細佬唔係咁易去到高潮。

哦,是旦啦,反正唔知你講乜。

一日,我向Kaka攞假去探我親生媽,小S姨。喺媽間公司坐喺度等佢,見到我爸同佢拖住手喺會議房行出嚟。

爸…媽…

老豆好似本來想同媽傾啲嘢,但見我嚟到,就話走先。

小S媽話,同個仔一齊食飯啦,都未試我哋一家齊齊食飯。

我哋有一齊食過呀,老豆話。

你老婆都喺度呢,都冇試過你、我、仔,三個人。

唔喇,今日有嘢做,妳關心吓個仔啦。

好,咁你訊息我,唔好等我掛住。

會。

從佢哋眼角眉睄,我感覺佢哋有啲嘢。

媽帶我飲茶,問我呢輪做乜?

我話辭咗工程公司份工,幫間網店嘅老闆手。

我冇講大話,我的確幫Kaka打工而佢真係有間網店,只不過唔係大到可以請人,但係個個月搵到10萬、8萬,加上老公俾10幾萬家用,包養一個男仔其實綽綽有餘,我收3皮實在好低。

小S媽話,讀工程都唔做番工程走去做網店,不如返媽媽公司做好過啦。

賺人哋錢好過賺自己人錢…唔好講呢啲,老豆上妳公司做乜?

你咪理啦。

你哋仲有嘢?

我同你老豆係你親生父母嚟㗎,有咩出奇呢?

咁多年嚟一路都有?

冇,係三、四個月前開始番嘅。

小S媽就同我講佢、老豆,同予姨以前嘅關係。

你家姐就係當時予姨同周台瑞所生。

我知道呢啲事。

你同你爸爸好似,聽講你有幾個女朋友。

係…不過…

你好繼承唔繼承,繼承咗佢啲衰嘢,傷害女仔。

飲完茶,媽返公司。我上去幫佢攪吓廣告,跟住去尖沙咀行陣。行到天星碼頭,就諗不如搭船過灣仔接Rebecca收工。

(未完待續)

[ 本帖最後由 dcat20 於 2022-8-4 08:35 編輯 ]

3.9.3下二

同媽飲完茶,我上佢公司幫佢攪吓廣告,跟住去尖沙咀行陣,就諗搭船過灣仔接Rebecca收工。

訊息佢。

你過嚟灣仔做乜,不如去你屋企吖?

爸媽返咗香港,唔方便呀。

到而家都仲唔想俾你爸媽知道我哋。

佢哋知道我哋拍拖,我只係唔想返到去俾佢哋問長問短。不如妳而家過嚟尖沙咀食飯吖。

好。

喺間馬來西亞餐廳食飯,佢問我打算幾時同佢結婚。

儲夠錢買樓就結。

你辭咗工程份工,喺間網店賺幾萬蚊個月,儲到幾時至夠錢?

哎吔…得㗎喇。

你到底有冇認真諗過?

俾Rebecca一問,我至意識到,我的確冇認真諗過。我鍾意Rebecca嘅,有時候因為好感動佢幾年嚟守候,同埋做愛嘅時候確實好爽,就有結婚嘅念頭。但認真問自己,我鍾意Rebecca同我鍾意Yoyo、盈姨,甚至Priscilla、Kaka佢哋差不多,未至於想為佢放棄自己嘅自由同埋成個森林,更加唔好講負擔頭家。

我同Rebecca維持每星期做兩次,我依然咁鍾意插佢。

我冇回應佢嘅問題,直接就嘍佢,不如開房囉。

冇心情。

做乜啫?

我為咗你,不斷調低自己做人嘅底線,容忍你同第啲女仔嘅關係咁亂,甚至同你哋一齊玩。我做到咁,都只係想有日同你結婚。但你一啲都唔上進,讀工程唔做工程,去網店做打雜…我忽然覺得人生好無望。

唔好咁啦…我哋一齊唔開心咩?

開心,但我要結婚。

結果嗰餐飯就圍繞住呢個話題,最後不歡而散。

Rebecca話,我自己返屋企。

我送妳啦。

唔使。

目送佢消失喺視線之後,覺得好失落。諗起Priscilla,即管打電話睇吓佢而家點。

做乜?

冇呀,諗起妳,想睇吓妳最近點。

你想我點呢?

想妳好嘅。

Priscilla話佢男朋友想同佢結婚,而家努力儲緊錢。

我話有啲失落。

慳啲啦你,俾你個衰人當性工具玩咗幾年,而家醒覺喇。

唔好講啲咁嘢好冇?我冇鍾意過妳咩?

你只不過想有免費屄屌啫。

唔好咁諗我得嘛?妳同我講話要同而家呢個人一齊嗰陣,妳知唔知我有幾傷心、難過㗎?

唔好呃我啦。

呃妳做乜呢?

珊姨、我、Rebecca 、Yoyo,跟住你個僱主…你少我一個唔少吖,仲走嚟𠱁我做乜呢?嗰陣我就係俾你耐不耐講嗰啲咩「我都有鍾意妳㗎」𠱁到我嘥幾年時間喺你身上。你日頭俾僱主包嗰段日子,夜晚我就好似做雞咁送上門去你屋企同你同其他女仔幾P…而家諗番自己做啲咁嘢都覺得不可思議,網上啲甜故都冇咁荒謬。

咁最少我而家都仲有關心妳先至打俾妳問候吓吖。

我睇透你喇,你啲女唔得閒,你想睇吓有冇機會同我打番場友誼波之嘛。

唔好咁諗我得嘛?

唔係咩?假如我話唔會同你打友誼波,你仲會唔會搵我吖?

點解唔會?妳唔信都好,我有當過妳係女朋友。就算我哋以後唔再做嗰啲嘢,都可以關心吓近況啩?

我就嫁人喇。你想知乜嘢?不外係想知我有冇俾佢屌,係咪?

妳哋都一齊,我預咗你哋有。

咁即係你一啲心痛都冇啦。

有。

呃鬼。

我仲呃妳做乜呢?



冇嘢講?



係咪如果我有心痛,妳會開心少少?

你點會?

我有呀…諗起,妳係我嘅,而家日日俾第個男仔屌…

冇日日…

哦?

佢同我一齊之前仲係處男,冇性經驗,我表現出唔太熱衷,佢就唔好意思勉強…每次都係我主動話要,查實佢都唔知幾想。

咁佢有冇問妳對佢嘅表現有乜評價?

有,我話係咁上下啦,廢事佢唔開心。

咁妳而家開心嘛?

唔開心,真嘅。

佢唔錫妳?

錫…但係,我發覺我唔係咁鍾意佢,只係感恩佢咁愛我、對我咁好…有時諗到呢啲,就同佢做。但係每次都唔享受,好似做雞咁。

佢好粗魯定點?

唔係,佢好溫柔。只係同過你做,就好難遇到能夠滿足到我嘅對手。

兩個人相愛唔淨係為咗呢樣嘢嘅。

一,性愛唔滿足,點都差啲;二,我唔係咁愛佢…我真係怕…

怕咩?

有一日我會出軌…

哦…

我陷入思絮,諗到Kaka就係咁嘅情況。

做咩唔出聲?

冇…

係咪諗住假如有一日我真係出軌會搵你?

唔係…

算啦,我唔會搵你,假如有一日我真係想搵人出軌都唔會再同你,你令我覺得自己好下賤。

咁…一係妳指導吓佢吖嘛,咪唔使出軌囉。

唔想…你個衰人…同你一齊好唔開心,我覺得自己好賤。

唔好咁啦。

你愛過我咩?

有…

算啦。

同Priscilla講完,個腦空白咁喺條街漫無目的咁逛。

諗起都係錢實際,於是打俾盈盈,睇吓佢會唔會俾少少錢我。

我以為你已經唔想理我,佢話。

冇…話哂妳係我老婆…

唔好唔記得我哋離咗婚㗎喇。

係因為老豆叫妳離啫,我哋之間又冇其它問題。

但係你唔聲唔聲辭職,呢排又少搵我,要我搵你你先至見我。

唔係…我有掛住妳,我而家嚟好冇?

好,今晚喺我度瞓,唔返屋企好冇?

咁,我哋做愛做通宵,好唔好?

你得唔得?

妳知道我㗎。

咁好,你嚟。

而家即刻過嚟。

喺邊度嚟?

太子嗰頭。

好,快啲,我等你。

(未完待續)

[ 本帖最後由 dcat20 於 2022-7-30 22:18 編輯 ]

3.9.3下三1

一入盈盈屋企,喺門口抱住就咀。

好掛住你。

我都係。

佢急不及待除我啲衫褲,我除番佢,然後就猴禽咁吐條脷入對方口裏面,一邊攬實對方,一邊亂咁揸、摷對方。

比起豐腴嘅Kaka,盈盈對波更firm,軟熟得嚟有彈性。

喺屋內昏黃嘅燈光底下,我同盈盈邊脷交、揸、摷,邊行埋落地玻璃窗前。面對住窗外嘅夜景,我將佢推埋去窗前,將已經充哂血、木棍咁硬嘅細佬貼實佢條肉縫,上上下下咁兩回摩擦吓,就塞入去佢濕濕嘅肉洞裏面,企喺度緊抱住佢操作起嚟。

呀…呀…

盈姨投入、享受咁嗌。

一邊抽插,一邊細心感受佢濕濕、潤滑嘅通道,好陶醉。

佢抱緊我,聲震震咁嗌。

我發覺自己做愛嗰陣興奮、激動,就控制唔到自己想愛嗰個人。Priscilla係咁、Rebecca係咁、Yoyo係咁、盈盈係咁,仲玩到想結婚,甚至同盈盈真係註冊,維持咗一段唔長嘅婚姻。

更得人驚嘅係,我明知自己係咁,但每次做愛,感覺到兩個人之間嘅親密而激動起嚟,我就有嗰種想大家相愛嘅衝動。

有時候反省,漸漸發現到自己咁樣都係同珊姨嘅關係做成。

於是,我有時諗,假如我本身已經有好多性經歷先至同珊姨一齊,可能我冇咁迷戀佢。正因為我由乜都唔識,俾佢啓蒙,到俾佢漸漸訓練成一個做愛算合格嘅fxxker,我早已經將佢當成心裏嘅唯一、呢生最愛嘅女人、永遠不變。但因為現實,呢幾年佢俾咁多男人包養過、日日同人做最親密嘅嘢,我心理唔平衡,就不斷搵其他女仔補償。

起初只係想藉住屌去洩憤,後來漸漸想喺感情上搵替代。

從Rebecca開始,因為佢嘅奶型,同埋攬住佢喺佢個窿裏面活動嘅感覺,都令我諗起珊姨。

然後係Yoyo嘅性經驗同床上功架。

跟住盈盈嘅熟婦嘅魔力…

漸漸我就發現到,就算屌屄嗰陣幾陶醉、幾想愛上都好,過後,心裏面浮現嘅人,始終係珊姨。

無論屌嗰陣幾鍾意、幾激、幾high,屌完都係空虛㗎。

有時掛住珊姨,想同佢好好哋傾訴吓,佢越來越少回應,令我感到兩人嘅隔閡。

於是我變本加厲咁屌其他人去洩慾,每次high過後都好空虛但之後仍然想要,好似吸毒一樣。

一路抽插盈盈嘅時候,個腦諗起呢啲嘢,諗到出神。

佢到咗,氣若游絲咁問,你係咪想一路喺窗邊做俾對面同埋街啲人睇?

咁樣唔激咩?

唔好啦,一陣俾人影咗擺上網…

我拖佢起身,佢話諗唔到企喺度做都可以高潮。

點解唔會?

因為企喺度冇咁舒服,腳有啲攰。

同佢入房,將佢放喺床邊再屌過。

一路屌一路欣賞佢豐腴嘅體態、成熟嘅韻味。

抬起佢胳肋底,睇到佢冇完全剃淨、稀疏嘅毛毛,我亢奮,個鼻貼埋去吸啜佢嘅費洛蒙。

老公…

老婆…

其實我唔應該同你離婚…

我哋而家咪一樣?

返嚟同我一齊生活吖,我養你吖。

想我日日喺屋企嗎?

你唔係話想食軟飯咩?

唔好…我係男仔,都要有少少尊嚴嘅…

…老公…

咩?

好high…我愛你…

我都愛妳…

我有咩可以為你做?

唔使喇。

你真係愛我?

係。

鍾唔鍾意屌我?

好鍾意…妳個屄好有魔力…

呢個屄,俾你爸爸屌過…

係好多年前嘅事啦。

唔係…

我愕然但繼續郁,問佢咩事。

呢個月…我同佢做過三次…對唔住…因為覺得呢輪你好少搵我,好似唔愛我,我空虛,就搵佢…我同佢做咗三次…

我停低,問,妳仲愛我爸?

我唔知…但你哋好似,唔係樣似,而係做愛嘅感覺好似。

我震驚、失落,就出返嚟。

唔鳩做喇,我話。

唔好咁…

我一直相信妳愛我…

我的確愛妳,只係,呢輪我實在混淆,唔知道你係咪真係愛我,定抑或為咗我照顧…每次,我唔搵你你都唔嚟見我,次次都好似收錢提供服務咁,我冇安全感…

咁妳就搵第個屌?

因為…你同你爸,感覺真係好似…我好模糊。

盈盈望住我,雙眼紅紅,淚水跌落嚟。

我同你爸只係經歷過幾日,呢20幾年一直難忘。見到你嘅時候,因為你有佢影子,所以對你有好感。同你有咗關係之後越來越鍾意你,唔理世俗眼光同你結婚,估唔到攪到咁樣…

(未完待續)

[ 本帖最後由 dcat20 於 2022-7-30 22:25 編輯 ]

3.9.3下三2

(呢幾集主要交待事情,會少甜或走甜)

盈盈伏喺我膊頭,我攬住佢,掃佢背脊。

我問,同爸爸做,滿足嘛?

唔瞞你,好滿足。佢唔年輕㗎喇,我遇到佢嘅時候,佢40幾,而家佢60幾,純講功能,佢冇嗰陣咁犀利,但同佢依然好滿足,因為佢係我咁多年以嚟最掛住嘅人。不過,心裏面覺得好對你唔住,但係又好嬲你。

盈盈…

老公…繼續做吖…

聽到佢同爸爸啲嘢,細佬已經軟咗。

盈盈用手、口幫我攪,但都攪唔起。

係咪聽到我同你爸爸做過就對我冇性慾呀?

唔係,只不過…一時接受唔到,個腦好亂。

於是,我哋就攤喺床度,攬住,互相傾訴。

我問佢關於爸爸嘅事。

佢就細訴20幾年前,我出生之前兩年,佢哋喺成都相遇嘅經歷。

就係由呢集呢集嘅經過。

跟住妳就一路有諗起佢?

我初初諗住同佢只不過係霧水,就算做愛幾陶醉都只係短暫嘅快樂。所以佢走後我並冇刻意諗住佢亦冇特登忘記。之後我同你爸爸微信聯繫,傾得幾開心,我開始憧憬嚟香港同你爸一齊。我問佢同佢女朋友嘅事。佢話我樣子、身材、氣質、做愛嘅反應,甚至際遇,都有啲似佢女朋友。我話等我嚟香港,取代你女朋友,我哋以後一生一世。你爸話期待我嚟。點知我之後換手機入唔番微信個帳戶,就搵唔番你爸。跟住嘅際遇,我都有講過俾你聽,離開咗識你爸嘅時候個僱主之後做過其他人小三。

我記得我哋好初期嗰陣妳講過。

我俾其中一個男人包嘅時候,有另一個男人向我表白好鍾意我。我好老實話佢知我俾人包養嗰喎,佢唔介意,話想同我交往。我提出佢每個月俾錢我,我就同佢交往。佢初初有啲猶豫,話希望我哋係真心相愛,唔想同我之間嘅交往係買賣。我話我對佢有好感嘅,但感情要時間培養,我怕佢知我有人養,當我係隨便嘅女人,就諗住唔使負責任,所以要佢負多少男朋友嘅責任,叫佢自己考慮。佢諗咗兩日,話實在太鍾意我,所以接受我嘅要求,希望我會真正愛上佢。

所以之後妳就同一時間有兩個男人?

冇錯,我同呢個男人維持咗4、5年。佢唔係有錢人,只係間中型民企嘅經理,但佢仍然每個月俾兩萬蚊人民幣我,想打動我。佢俾錢我嗰日喺佢屋企,我一收到錢就即刻同佢上床,係我主動提出嘅,因為唔想欠佢。反而佢有啲唔好意思咁,話覺得好似買賣。我話,老老實實,你俾咗錢我,假如唔做愛的話你會覺得好唔抵,我寧願滿足你慾望。至於感情,你俾啲時間我哋慢慢培養。大家愛撫一下,我就叫佢插入嚟。

佢ok嘛?

我當時嘅感覺係,比我個僱主好。

妳滿足?

都ok嘅。

咁妳有愛上佢嘛?

講唔上好愛。佢對我好好,好關心、照顧。佢雖然做企管,但係國內啲企業工資其實唔係好高,仲要佢做嘢間公司唔係大企。佢照顧咗我年幾兩年,公司俾人收購,佢俾人踢走咗,之後兩年冇正式做過嘢,喺積蓄裏面攞錢俾我,漸漸開始吃力,亦對我哋嘅關係好不安。佢話當初一心想同我好似正常情侶咁拍拖,然後結婚嘅,知道咗我為咗生活俾人包養都唔介意,諗住每個月俾錢我令我慢慢改變主意離開僱主同佢正式一齊,點知道我一直同僱主一齊冇心離開咁。我哋為呢啲事嗌過幾次交,每次我都話如果佢覺得辛苦不如分手。佢問我愛唔愛佢,我話有鍾意你嘅,但肯定唔及你愛我。佢就冇癮,但過多兩、三日,佢都會好唔捨得咁搵番我。於是我同佢最後兩年就咁樣離離合合多次。

我同盈盈結過婚,好歹佢係我正式嘅老婆。我之前一路大概都知道佢有過呢段關係嘅,但到而家至知得咁詳細。我問,點解我哋仲係老公老婆嗰陣冇聽妳講過咁詳細嘅?

個個都有過去㗎啦,最重要係我真係愛你。我冇要你俾錢我不特止,仲養你,明知道會蝕錢都打本俾你開畫廊。咁仲唔係愛你?

咁點解妳次次都肯同佢復合呢?妳又唔係靠佢啲錢生活,佢自己辛苦、妳又煩。

咁…都有少少感情嘅,唔係完全唔愛嘅。但係最後嗰年半,僱主玩厭咗我,識咗新女同我分手,嗰陣我不得不倚靠呢個男人幫補生活。呢個時候,佢諗住終於可以同我正式一齊。但佢冇咗之前份工之後一路冇搵到比較好嘅工,靠積蓄生活同俾錢我。我失去僱主之後佢負擔我全部生活,就更加吃力。我咁多年來俾有錢人包養,習慣咗過好好嘅生活。雖然咁多年嚟養我嘅男人俾錢我我都儘量儲起一啲,但我唔想同佢一齊之後要食大家積蓄、兩個人捱苦,一定要有持續收入。所以我冇明確答應以後同佢正式一齊,留條後路俾自己。

妳俾人養咗咁多年,後來點樣做起嘢上嚟?

慶幸嘅係我俾人包養咁多年一路都有為萬一失去照顧點算做準備,所以一路進修、讀書。失去僱主冇耐,我入到一間工程公司嘅上海辦事處,就係我哋識嗰間公司嘅大陸股東。我喺嗰度遇到嗰度總監,佢對我有性趣,知道我單身,就提出用錢照顧我,開出嘅條件好好,我就接受。收佢錢嗰晚,即晚俾佢屌。之後,喺公司,我係佢秘書,佢教我好多嘢,好耐心咁俾空間去學、去進步;私底下,我另一個身份係佢嘅情婦,每星期俾佢屌三、四晚。

於是妳就同之前一路愛妳嗰個男人分手?

未有咁快,最初我唔想俾佢知咁多,淨係話我有工做喇,你唔使咁辛苦,好好照顧自己啦。我儘量抽時間見吓佢,每一、兩個星期同佢上一次床,佢不斷話搵番份之前咁樣嘅職位,穩定落嚟就娶我。我唔想呃佢,就老實話佢知唔想。佢仲未死心,直至有段時間佢經常搵我我都話要陪老闆應酬,佢就懷疑。有次同佢做完愛,佢吼我沖涼嗰陣偷睇我手機知道哂我同老闆啲事。佢好傷心,喺我面前喊。我未見過男人為我流淚,我都心痛、感動嘅。但一來我嬲佢偷睇我手機、二來我唔想大家一齊辛苦,就忍痛提出分手。

妳跟住就嚟咗香港?

冇錯。上海呢邊收購咗香港合夥人嘅股份,我老闆就落嚟香港,佢特登叫老婆留喺上海,叫我跟佢嚟香港。於是我就做佢嘅小老婆,直至佢受賄俾人拉咗。嗰時我已經喺公司坐穩咗,新上任老闆冇炒我,仲俾我坐咗公司秘書個位。

我一路聽住盈盈講呢啲往事,忽然感覺曾經係我老婆嘅佢好陌生。

但係咁多年嚟,我周不時諗起你爸。識你爸時包我嗰個男人,唔係我愛嘅,性能力又差。之後養我嗰啲,做愛頂多只係中規中矩,我亦唔愛佢哋,只不過生活有個依靠。相比下,我俾之前僱主包嗰時偷偷來往嗰個男人算係我比較有多啲好感,亦係做愛稍為俾到我滿足嘅男人,所以即使同佢一齊中期開始越來越多現實問題,好多次差啲分手,每次佢搵番我,我都同番佢一齊。其實,如果唔係佢冇咗之前份工,一路有收入,我同之前個僱主分手之後,好大可能同咗佢一齊,仲結埋婚。但即使係咁,咁多年來冇一個男人好似你爸咁令我心動。

如果妳遇番我爸之前冇識到我…

我會同你爸一齊,做佢小三,只俾佢屌。我而家唔同以前,我有錢養自己,唔使再為咗生活俾自己唔愛嘅男人屌。但係現實就係我遇見你爸之前就遇到你,仲愛上咗。初初我覺得我哋冇可能,我年紀做得你媽,最初我只因為你有你爸影子對你好奇同有好感,想試吓同你做。做咗之後發覺你好犀利,令我再體會到好多年冇試過嘅高峰,於是包你,純粹想享受吓性愛嘅歡愉。同咗你同居之後越來越愛你,就想完全擁有你,所以同你結婚。

哦…咁…妳諗住以後…

我已經冇咗一定要搵個人結婚終老嘅諗法,如果你願意,我想同你以後一齊。但係我冇信心…我大你20幾歲,而家49,老喇,而你仲好年輕。過多一、兩年你仲會愛我咩?有時諗,你做乜同我一齊?係因為我照顧你?諗到呢點就會好不安。

照顧只係其中一部份,亦都因為妳好優雅,好有女人味。同埋…

乜嘢?

妳對奶好揸、妳個屄好好屌…

你對個個女人都咁講㗎啦。

唔係。

咁你做乜屌屌吓軟落嚟吖?

係因為妳講到我爸,我接受唔到同我爸share女人…我可以接受到我愛嘅女人因為現實原因俾第啲男人屌,但係接受唔到我嘅女人俾我爸屌,又或者我屌我爸嘅女人…

如果你願意以後同我一齊,令我覺得安心、穩定,我唔會俾任何人屌,淨係俾你,好冇?我愛你。

妳唔愛我爸咩?

佢唔同,我同佢冇真正一齊過。只係幾日好難忘嘅性愛,然後我哋透過手機聯繫,憧憬過我嚟香港同佢一齊,但畢竟冇感情基礎。即使最近接觸番,都係起初傾吓你啲事,然後我因為同你好唔開心所以搵佢慰藉過幾次…如果你願意以後同我一齊,咁,我就開間公司俾你養活自己,我哋同居,我唔會俾任何人屌,好嗎?

(未完待續)

[ 本帖最後由 dcat20 於 2022-7-30 22:41 編輯 ]

引用:
原帖由 浪花十三 於 2022-7-30 16:08 發表 查看引用來源
動作場面好看,文戲也好看。
多謝讚賞。

* * *

3.9.3下三2

基於3個原因,我應承咗盈盈俾佢養。

一,我都鍾意佢嘅,雖然佢就快50,但優雅、嫵媚,好有女人味,對奶豐滿而有彈性,個屄好屌。

二,我想多一個人養我。

三,可能因為佢同珊姨都屬於嫵媚、有經歷嘅熟婦,我有少少將對珊姨嘅情感投射咗喺佢身上,想霸佔佢,唔想佢俾第個屌。畢竟同佢做過真正嘅夫婦,對佢有感情嘅,覺得佢屬於我嘅。

我唔同佢講太多條件,只係要求接受佢養之後佢俾我繼續返工。

我嘅諗法係繼續俾Kaka包。佢有老公,夜晚、周末、假日唔用我時間,我好似返工咁,夜晚、周末休息同盈盈一齊。Kaka每月俾3皮,盈盈冇話實會俾幾多,但預計佢每個月俾3–5萬,另外所有支出、使費佢俾,每月淨賺6–8萬,都ok嘅。

都想儘量留住Rebecca。如果有機會再同Yoyo、Priscilla做,我都想嘅。

假如珊姨返嚟,佢絕對係我第一位,我要俾時間佢。

我嘅如意算盤就係咁。

同番盈盈一齊第一個月,每日日頭我好似返工咁陪Kaka。佢唔係日日做愛,每星期做兩、三日,我全個日頭服侍佢,好好咁屌到佢夠。

唔屌屄嗰幾日,佢想去吓街或者出去玩吓。

唔淨係屌,開始有情侶嘅feel。

佢有時會買少少嘢俾我,衫呀、波鞋呀咁。

佢鍾意着瑜伽褲。飽滿嘅肥gap俾條褲緊緊包實,條罅清楚咁現哂形周街走,佢好似有暴露狂咁任由麻甩佬𥄫。

有時,佢知道街上面有核突佬喪𥄫佢下體,就繞住我手等人知道佢有仔,但係依然面向條友任人睇。

事後我哋喺餐廳食嘢,我問佢做乜要咁,佢話好刺激。

妳想俾人姦妳咩?

咦,聽起嚟幾激喎。

咪咁得意,一陣真係俾個核突佬捉咗妳去姦唔好後悔。

唔會嘅,有你喺度,你會保護我㗎嘛。

至怕妳遇着個靚仔又犀利嘅攪㷫妳就就範啫。

做乜呀?着緊我咩?

係呀,愛上妳得唔得?

我知道我正,不過你唔可以愛上我。

我講吓咋,唔使咁認真。

唓。

做乜?知道我冇愛妳有啲啲失望?

有啲…

唔係啩?

少少都想嘅,話哂同你做愛好開心,我從來冇同交易嗰啲男人去街㗎…不過,我哋keep住而家咁樣好喇,唔可以太愛,知嘛?

妳事實好正,同妳做愛我亦都好鍾意,個心有郁到,真嘅。

點樣叫做個心郁?你鍾意我?

一路都鍾意妳㗎啦,妳咁正。

咁咩叫心郁?

妳明知都想我講?講出嚟做乜?

就係想從你口中聽到。

就算我心裏面愛妳,但唔煩住妳、唔騷擾妳屋企,都得嘅啫,何必一定又講?講咗之後會好煩㗎。

有時都想煩吓過…

又話唔想講愛嘅?

咁你有冇吖?

我唔講,除非妳講。

咁我知道喇,唔使問你喇。

有一日,正準備埋牙嘅時候,佢忽然趴低。

0.25秒之間,我即刻意識到佢想點,細佬已經喺佢口裏面,佢好似suen雪條咁suen我。

佢口技麻麻的,估計同佢冇乜點用口服侍男人有關。但正因為佢一直都唔做啲咁嘢,忽然肯同我做咁親密嘅嘢,我驚喜到冇辦法形容。

佢用咀、脷suen咗陣,抬起頭望住我,些微尷尬咁問,點呀?得唔得?

妳肯咁樣,我已經好開心。

即係麻麻哋?唔係好得?

唔緊要啦,妳係我僱主,我點好意思要妳服侍番我?

唔好咁講啦,都想妳high㗎嘛,你幾乎次次都唔射,好似淨係我high咁。

我都high㗎,未去到想射嗰個位之嘛。

你係忍住定點?

本身都耐嘅,戴咗套冇咁敏感就更加難射囉。

哦…你係咪周圍同女仔做都唔戴套㗎?

梗係唔係啦,妳估我唔驚嘅咩?淨係同女朋友至唔戴。佢係乖女仔嚟,我都要保護佢㗎嘛。我吹水。

哦。

跟住佢又再問,你唔戴套做係咪快啲?

坐底都有半個鐘。

咁耐?

係呀。

你真係冇周圍唔戴套屌?

我係有幾個性伴侶,但淨係同女朋友至唔戴。做乜問呢啲嘢?

搵日你去做個測試。

咩測試?

明知故問。

點解?

我想見到你high…

我領會Kaka意思,心裏大喜。但我仍然扮冇嘢,話,妳唔係話俾錢係為咗滿足嘅咩?妳幫襯我,我確保俾到滿足係我嘅職責。妳對我已經好好㗎喇,冇需要太關心我。

但係我想見到你high…我都唔知點解。一路幫襯男仔,我的確淨係想自己high,唔理對手滿唔滿足。之前同其他對手做,就算佢哋幾好,每次做之前我都仲會諗今次會唔會唔夠;但係每次同你做,我都好有信心一定夠。每次你都可以帶我上最少幾轉顛峰,唔計每一轉中間夾雜好幾次細高潮。你好細心探索我身體、觀察我反應調校玩法,仲好有心機試新嘢,攪到我幾乎餐餐都噴水,攪到每次你上嚟之前我都要墊定嘢喺床上,同你玩一日我飽兩、三日,只不過有時候貪心、為食,至會狂食。有時我諗,做你女朋友會係點嘅呢?

喺性方面,妳得到嘅同做我女朋友得到嘅冇唔同,反而佢比妳付出更多。

佢哋唔係俾錢你啩?

唔係錢方面,而係性方面好付出,因為唔講錢就講愛,佢哋愛我就會盡力對我好。

好似我頭先做嗰啲?

嗰啲好皮毛㗎喇。

咁仲有咩?

俾我唔戴套、內射,試過有咗,差啲想生落嚟。

佢想同你結婚?

係,想同我一生一世。

如果我男朋友或者老公有你咁犀利,我或者唔會想去偷食。

或者?

因為你冇錢,我始終都要搵個養得起我嘅老公。

哦。

不如你教我點樣用口?

妳真係想學?

係吖。

學嚟做乜?

你唔想high啲咩?

點解要咁對我呢?妳幫襯我,係我嘅客。

你太專業,每次做愛好似駕輕就熟咁樣滿足我,自己一啲都唔滿足咁。我想睇你high個樣。

都話我滿足,每次抱住妳,條脷喺妳個口裏面,然後我就插入妳裏面,隔住嗰套感覺到好暖、好滑、好包,就好陶醉。

個個女人都咁㗎啦。

唔係,妳個妹寧舍飽滿。仲有,妳識得噴水,每次屌到妳噴水,覺得我帶俾世界上一個人極樂,我好有滿足感。

遲啲…我帶俾你更進一步嘅滿足,你亦再進一步滿足我…你安排,驗身ok就係我哋開心嘅日子。

點解妳要咁做?唔係話唔可以唔戴嘅咩?

我改變主意,想試吓同你碌嘢毫無阻隔接觸,想見到你high個樣。

聽到佢竟然有呢個想法,我好興奮。

懷住期待嘅心情,但唔心急,繼續日頭「返工」,夜晚返屋企——屬於我同盈盈嘅屋企。

我諗辦法瞞住Rebecca同番盈盈一齊嘅事諗到頭爆。初初佢話夜晚搵我,我就搵藉口返爸爸屋企同Rebecca好吓。

但唔可以成日都咁做。

Rebecca有時想去吓街,我唔能夠太夜,最遲10、11點就要返盈盈屋企。

唯有話要開OT推。

但一間網店仔,可以有幾多OT。

有一晚,我叫Rebecca去我爸屋企。

扑完嘢之後,佢問點解我呢排晚晚都話唔得閒,一係就要上嚟屋企,出親街就滾水淥腳,感覺好似我俾人包嗰段時間咁。

佢開始盤我。

我俾佢問到煩,唔想瞞落去,就坦白話接受番僱主嘅照顧。

佢聽到之後就嬲。

我話而家冇咗Priscilla同Yoyo,妳當我多番一個性伴侶,只不過要住係人哋度啫。

唔使問你晚晚同人好似老婆老公咁樣一齊啦。

係…

佢即刻爆喊。

我試圖𠱁吓佢,佢失控,打爛我部電腦。係讀大學嘅時候,我用開部電腦開始唔係幾得,佢買俾我嘅。

跟住赤裸住身體出廳。薇薇當時喺廳,見到Rebecca爆喊住咁出嚟着衫,有啲驚訝。

我想埋去𠱁佢,佢癲咗咁叫我走開。

然後佢喊住離開我屋企,薇薇陪佢落樓。

薇薇份人好公道,唔會偏幫任何一個人。佢由最初覺得Rebecca係心機女,到後來睇住Rebecca多年來低下咁付出感情、肉體,深情咁守候,開始轉為同情Rebecca。

我發覺我真係傷心,唔想失去Rebecca嘅。打電話俾佢,佢唔聽,我就發訊息俾佢。

佢唔覆。

我知佢深愛我,佢一路只得我一個,諗住一生只愛一人嘅。

我諗住可以盡得佢哋幾個嘅如意算盤打唔響。

唯有疊埋心水俾盈盈同Kaka養。

(未完待續)

[ 本帖最後由 dcat20 於 2022-8-3 15:34 編輯 ]

引用:
原帖由 lulu1238899 於 2022-8-3 07:20 發表 查看引用來源
女多都真係幾煩,但又無辦法wo
自己攞嚟,唔怪得人。

***

3.9.4上一

Rebecca喊住走嗰晚,過咗幾日,佢幾乎每日訊息嚟屌我。

我任佢屌,唔反駁。

再過咗2星期,有一日忽然收到佢訊息叫我出去接佢放工。

我大喜,就同Kaka講下午有啲事要早啲走,又同盈盈講我有啲事要夜啲返。

我發覺自己着緊Rebecca嘅。

同佢喺灣仔食下午茶,佢一路屌我。

我咁奉獻俾你你咁樣對我。

我一開始已經講,我鍾意妳,但係妳要接受我同其他女仔㗎啦。

原本我要你承諾、專一,先至同你做愛嘅。你食咗我隻豬,利用我迷戀你、唔捨得離開你,慢慢train到我冇哂底線,俾你同第個玩不特止,仲同你哋玩埋一份,真係講都冇人信。我一心諗住你同我結婚,就算婚後妳繼續同珊姨、Priscilla、Yoyo,甚至其他女仔做,都由你,總之我哋一齊就可以。之前你俾人包,要我同你其他女一齊去你屋企偷食,我已經好唔開心。Priscilla一路比我開通,佢比我更接受唔到,仲早過我退場。當時我諗住少咗一個障礙,一心等你同僱主分手就可以完全擁有你。點知你同佢分開咗都冇打算結婚咁嘅,讀工程唔做工程,走去間網店做打雜。咁都算喇,而家你走番去俾人包條舊路…我徹底失望。

我一路聽佢講呢啲嘢,冇反駁。

識你之前,我好謹慎、底線定咁高,就係想一遇就遇到啱嘅人,可以結婚、一生一世。我發覺自己好似有啲鍾意你嗰陣,已經同自己講要小心你,你係個仆街嚟。點知我越小心,反而越迷戀你,漸漸走入你嘅圈套裏面…

我真係冇妳所諗咁有圈套,我鍾意妳、鍾意同妳做愛,但係我亦都想同第啲女仔做。一開始已經俾妳知道我係咁嘅人,妳願意,我哋就一齊,我都想同妳一生一世嘅;妳唔願意,就唔好同我來往…

咁你即係話我自己攞嚟賤唔怪得你。

唔係咁嘅意思…

唔好唔記得係你詐詐諦諦攞咗我個處,我見反正鍾意你,唔攞都攞咗,就叫你同Priscilla分手,我先至同你一齊,點知你整雞雞同佢仲有做愛。

嗰陣,係,我瞞妳…對唔住。

唔只嗰陣,你到而家都係。

我都係鍾意妳想留住妳啫。

你只不過想多個屄俾你屌。

Rebecca越講越激動、越講越大聲,餐廳啲人望過嚟睇住我哋,氣氛好尷尬。

佢定咗咁望住我,雙眼漸紅,淚水大滴大滴咁跌落嚟。

我過去抱住佢,掃佢背脊安慰佢。

對唔住,妳信唔信我都好,我有愛妳㗎。

你好假。

我做乜要𠱁妳呢?我而家有錢搵、有屄屌,如果唔愛妳,可以唔𠱁妳、唔使日日俾妳訊息屌鳩我、唔使特登嚟接妳放工俾妳大庭廣眾屌鳩我。

你覺得好自豪添,呃鳩咁多少女,仲俾個有錢姨姨照顧。

佢再次大聲起嚟,攪到隔嚟枱都望過嚟睇吓。

佢眼眶泛住淚水,定實咁睇住我。

我做乜會咁鍾意你?你又唔係超級靚仔,搵錢又唔多…好似珊姨、Yoyo佢哋啲男人個個都係有錢人。

我冇答話。

佢忽然有所領悟咁話,想俾你屌,而家去你屋企吖。

而家?

係吖,你係咪要交人唔方便呀?如果係嘅話我憎死你。

我leu飯應,即刻話,得得得,唔好去屋企,就喺附近啦。

食完飯,就拖住佢去附近,見到間百佳,就上去。

我好好心機服侍佢,沖涼、用口招呼佢,用細佬頭rub佢粒核、條罅,佢好快已經漏水、成身抽搐。我好有heart咁抱實佢,咀佢、啜佢條脷,佢本能咁伸手去我背後抱緊我,我就慢慢、慢慢塞碌棍入去佢個窿度,塞到去盡頭,就開始撬。

吖…

我一心俾佢一次高質嘅性愛。

憑我同佢做過咁多次,我對佢身體瞭如指掌。我知道佢嘅敏感點喺邊度,點樣做可以好好刺激呢啲敏感點。

我專心服侍佢,將佢搬來搬去,用唔同姿勢、角度、力度,有猛烈、有溫柔,帶佢登上一個再一個高峰。

喺佢兩褪間進出嘅時候,佢攬實我,話,你今日寧舍俾心機。

我平時都俾心機㗎啦。

你係咪就係咁樣服務你僱主?

我戴套㗎。

我繼續屌。

冇耐,佢喊。

做乜好哋哋又咁呀?

你係我嘅…諗起你而家俾人包,晚晚同人做。

冇呀,邊度會晚晚做㗎?

Rebecca咁樣對我,令我諗起珊姨。我忽然覺得Rebecca好可憐。

我再等你,你搵多啲錢。第日,你再同佢分開,我哋就結婚,好嘛?

好。

我繼續鋤。

你搵幾年錢,就算搵唔多,我哋結婚後,我可以支持你搵份普通工做又好、開間公司仔又好,好冇?

好。

我感動,好專心咁抽插Rebecca個西。

吖…吖…老公…

老婆…

我真係好愛你㗎。

我都愛妳㗎,真㗎,雖然我屌其他女人、為咗錢俾人養…

嗰次之後,我哋不單恢復性關係,喺時間上嘅默契亦都好咗。佢知道我要吼機會至可以出嚟,有時候我呢頭話可以,佢滿心期待去我屋企等我,我臨時先至話嚟唔到。佢會唔開心、都有情緒嘅,但佢接受。我一有機會就同佢一齊,好好滿足佢。

一次,Kaka問,叫你去做驗身做乜咁耐唔見你行動,你唔想同我咩咩?

想,只係我幾乎日日都陪妳,邊度有時間去睇醫生呢?

呢度有個醫生電話,你打去安排啦,嗰日你放日假啦。

Kaka…

咩呀?

想同妳傾傾啲嘢?

乜嘢?

(超過字數,分兩集)

[ 本帖最後由 dcat20 於 2022-8-4 07:06 編輯 ]

3.9.4上二

一次,Kaka問,叫你去做驗身做乜咁耐唔見你行動,你唔想同我咩咩?

想,只係我幾乎日日都陪妳,邊度有時間去睇醫生呢?

呢度有個醫生電話,你打去安排啦,嗰日你放日假啦。

Kaka…

咩呀?

想同妳傾傾啲嘢?

乜嘢?

我服侍得妳滿唔滿意?

好滿意,唔滿意都唔會對你咁好啦。我都講過,同我交易嗰啲,全部上床就上床,邊度好似同你拍拖咁去街、用口招呼番你,仲諗住同你有徹底接觸呢啲?我從來未試過咁嘅。如果我唔係滿意你點會咁?

妳唔係沉船啩?

做咩?驚我煩住你?

唔係。

放心,我會把控嘅。你正話有咩想同我講?

初初,我同妳傾條件嘅時候,咪話一個星期可以俾3–5日妳嘅?

係吖,而家你個個星期陪足我5日。你係咪覺得陪得我太多,想有番啲私人空間?

唔係咁嘅意思,我都鍾意妳嘅,陪妳一啲壓力都冇,真嘅。

咁同我做你享唔享受?

我都講過鍾意同妳做,享受嘅。不過…

講啦。

我驚講出嚟唔係幾好意思…

有咩照直講。

我想搵多啲錢,我想一個星期有兩日去做吓part-time…

有第個僱主照顧你?

唔係,妳放心。我只不過想搵番份part-time office工。

做乜要搵part-time office工呢?賺得幾多錢呢?你可以同我講,我俾多啲你。

唔好意思嘅。

有咩咁唔好意思?反正我網店生意好咗,都想搵個人幫吓手。我俾多少少錢你,一個星期返5日,2/3時間同我拍拖、做愛,1/3時間幫我網店攪吓admin。

妳對我咁好…

老老實實,我唔想你做其他人,所以想霸住你。我呢大半年網店生意上咗軌道,搵多咗錢,所以可以對你好啲。網店啲嘢好簡單、易做,每個月可以俾多2萬你,你好好對我、俾安全感我,得唔得?

妳想我點樣俾安全感?事事報告嗎?

我知道你有其他女仔或者客人我都冇辦法管得住你,但我希望你有咩都唔怕老實話我知,我可以接受,但唔可以呃我或者隱瞞。

佢開出俾多2萬,其實正中我下懷。盈盈而家每個月俾4萬我,另包食包住生活費。我應承Kaka的話,就可以多2萬,加上佢本來俾我嘅3萬,我每個月有9萬,時間冇用多我嘅,我淨係要服侍得佢開開心心。

好,我應承。

咁而家你咩感情狀況?

我有一個女朋友,就係我講過嗰個乖乖女。佢同我一齊嘅時候係處女,我係佢第一個,亦一直係佢唯一一個。其它同我食吓散餐嗰啲女仔,已經分咗手喇。我淨係同女朋友唔戴套,所以好乾淨。

你同佢同居?

唔係,我同我姨住。

你姨?

其實係我爸嘅情婦,我爸有幾個情婦,我親生阿媽亦都係情婦嚟。

Kaka對我身世好感興趣,我就利用呢點去作嘢。

我姨同我爸好多年前有一手,佢哋近期遇番。為咗造機會同借口俾佢哋見面,我爸早幾年安排我入去我姨公司做。我一路唔想做嗰份工,後來識咗妳,妳照顧我,我就辭工。之後借口想搬出去,就去阿姨屋企住。佢間屋好大,話係我包租婆。其實又係我爸安排我做煙幕,等佢有時借口嚟探我見我姨。

哦…你爸都幾風流。

冇錯,我姨話我爸好犀利。

難怪…你遺傳咗佢啲嘢。

Kaka冇質疑我同盈盈關係,我就咁蒙混過關。

佢問我同女朋友感情點樣,我話佢好愛我、好付出,試過想同我生仔去綁住我。我俾佢打動,所以一路同佢一齊。

有諗住結婚?

佢一路話想結。

你唔想?

結咗我仲可以同妳做呢啲咩?

我淨係星期一至五日頭可以同你一齊,你同佢講話你返工都得啫。

我驗身嗰日咩人都唔想見,上午睇完醫生,下晝自己一個人去咗拜神。攞到報告嗰日直接去Kaka屋企。

嗰日係我同佢嘅關係突破到下一個階段嘅日子。

根據佢嘅安排,我驗身冇事,佢就會同我零阻隔接觸,之後開始每個月俾多2萬。

我哋做過唔少次,但嗰次,我哋除哂衫,喺床度擁抱、接吻、愛撫、口交嘅時候,感覺寧舍激動,好似拍拖一段時間嘅男女朋友終於要做愛咁樣。

第一次,我擒上佢身上嘅時候,細佬係冇戴套㗎。

我俾你咁,無非都係想見到你射。你點都要射嘢,做幾耐都好,做到射為止。

好。

細佬頭接觸到肉縫,感覺佢下面已經濕到沼澤咁。佢碌大眼,話自己冇試過同交易嘅男人咁㗎,問我愛唔愛佢。

愛。

我哋肉緊咁攬實對方,吸啜對方條脷。

佢條脷軟綿綿,好錫。

我下身向前推,肉棍就緩緩插入去Kaka嘅裂縫裏面。

冇薄膜嘅阻隔,細佬俾佢啲水滋潤住,感受裏面滑潺潺同溫暖,好陶醉…

佢碌大眼、O住咀叫,媽呀…好有感覺…

(未完待續)

[ 本帖最後由 dcat20 於 2022-8-5 15:26 編輯 ]

引用:
原帖由 lulu1238899 於 2022-8-3 19:10 發表 
好正,睇到自己好似入kaka咁
最緊要讀者睇得投入、有代入感。

* * *

3.9.4中一

嗰次我轉換唔同姿勢,冇戴套喺Kaka裏面活動咗差不多半個鐘,佢到咗幾轉,我仲未有想射嘅感覺。

佢要我喺佢後面屌入去。

我本身唔太愛好狗仔式。跪喺軟林林嘅床褥上面,靠腰同膝頭發力唔係咁享受。但我知道有啲女仔鍾意,Yoyo同盈盈有時都會要求我喺後面入,我會配合吓。

佢跪喺度拮起個蘿,俾我從後面高少少嘅角度向裏面隊,可以頂到佢陰道前壁同埋子宮頸前穹窿。

我嘢嘢大幅度咁越過佢成條陰道,撞擊個窿嘅盡頭。佢亢奮咁大嗌,好快就嚟料,啲水直接噴落張床,然後成身軟哂咁倒下、趴喺床上喘氣。

佢話,我夠哂皮喇,又話唔戴套會敏感啲嘅?做咁耐都唔射。

由佢啦咁。

唔得,我話咗要睇你射嘢。

我睇嚟要好猛烈屌多陣至可以,妳頂得順?

頂唔順都會頂,我俾你唔戴套都係諗住你會易啲射嘢,一定要見到你射嘢。

好。

我將佢反轉,趴喺佢身上,手兜到佢兩膊後面抱實佢同時抱住佢頭,一邊啜佢軟綿綿嘅脷,一邊用盤骨急速猛力發力,每一吓都打樁咁,成碌頂入去、成支出番嚟咁鋤佢。

吖…吖…

我激動起嚟又試神志錯亂,嗌,我愛妳…

呢句一出口,佢好激動咁抱緊我大嗌。

然後冇耐佢又震多次。

估計佢已經噴乾哂水,冇得再噴喇。

終於,我有想射嘅感覺。

射得入去嘛?

射。

唔驚?

驚,但係好想。Kaka神情恍惚咁答。

嗰刻我亦喪失哂理智,乜都唔理,搏命鋤佢肉洞。

呀…呀…

射嗱?

係…嚟喇。

佢雙腿即刻鉗實我,唔俾我離開佢身體。

細佬喺佢身體裏面抽搐,啲嘢源源不絕注射入去,好甘暢。

同一時間佢個妹亦喺度壓縮,吸啜、壓迫細佬,好溫馨。

佢好感動。終於,俾你射咗入去喇。

係。

佢兜隻手落去個妹裏面撩吓,攞番上嚟聞吓。

好多、好杰。

同Kaka跨越過層隔膜之後,唔使兩個月,佢表現出沉船嘅現象。

初初,每次性愛嘅時候,佢都非常激動。

我一插入去,未點樣活動,佢已經反應非常肉緊。

好鍾意妳碌嘢喺我裏面,我哋已經好親密喇。

我都鍾意俾妳啲水直接包住。

我可唔可以叫你做老公?

叫吖。

老公,佢叫我,然後錫吓我,跟住話,我愛你。

我諗佢都係講呢啲嘢嚟助吓慶啫,就配合吓。

老婆,我愛妳。

我幫你生一個,好唔好?

好。

佢開始影我哋床上嘅慾照。

我任佢影,淨係唔俾佢影樣。

佢鍾意影我硬咗嘅細佬、影細佬插咗入佢個妹。佢又影番自己對奶、lin lin、個妹,連佢含L嘅樣都影。

做完愛喺佢同佢老公張床上面傾偈嘅時候,佢send番啲相俾我。

等你返去睇住啲相掛住我。

好。

我諗住佢覺得激所以咁樣玩。

有次,做完愛後,我哋喺床上溫馨嘅時候,佢話最近覺得好煩,同親老公講嘢就炆。

佢咩事令妳炆呀?

佢冇嘢,係我自己個心煩。有時夜晚、周末,同佢一齊嘅時候,佢喺我旁邊講嘢我都冇耐性,覺得好煩。

咩事令妳咁樣嘅?

覺得佢滿足唔到我,攪到我喺出面搵滿足,就好憎佢…

妳不嬲有玩開㗎,以前有冇試過咁樣?

從來冇試過咁…

點會咁㗎?

以前我玩還玩,就算有少少鍾意,我都好清醒自己只係滿足性需要,唔放太多感情。但今次…我發覺成日諗起你…

佢冇再講落去。我即刻意會到佢想表達乜,個心突一突。

都開心嘅,我都鍾意佢嘅,但又好怕。佢俾錢我,我服侍得佢high而我又享受,咁咪perfect囉。攪到咁複雜有乜好呢?

咁我有咩可以為妳做?

冇,我哋而家咁樣就好。你放心,我唔會要求同你結婚,你養我唔起。只係有時夜晚、周末、假期,我會諗起你,諗你有冇同第啲女仔做。

我抱住佢,話,我都鍾意妳嘅,都有諗起妳嘅,不過,我哋要接受現實我哋嘅關係就係咁樣㗎喇。妳對我好,我好好滿足妳,咁就好。

如果…我想要求你得我一個,會唔會太過份?

我做唔到,唔好意思…但我真係有鍾意妳㗎。如果妳想,最多,妳想知乜嘢我都俾妳知,不過妳唔可以嬲,好冇?

咁…好…我想知道你有冇愛嘅人?

我講咗俾佢知珊姨嘅事。

Rebecca同盈盈嘅事,我之前都講過俾Kaka聽,但係有扭曲、隱瞞。呢次我講珊姨嘅事,基本上都係事實,只不過我省略好多嘢。唯一嘅大話就係,我講到珊姨好似已經走咗一段日子,以後唔會再返嚟咁樣。

我話,我真正愛嘅只有珊姨,其他女仔只係喜歡。妳係我咁耐以來最喜歡㗎喇。我從來冇諗過自己有本錢俾女人養,仲要好似妳咁正嘅女人。我亦未試過同珊姨以外嘅女人做愛有咁感動,所以同妳一齊我覺得好幸福。

我冇安全感。

妳驚乜呢?

驚你欺騙感情。

我哋一開始係交易,假如維持番呢種心態會唔會平衡啲呢?

但係我唔覺意鍾意咗你呢。

我都有,一開始已經有添。不過我哋嘅關係事實係建基喺交易之上,妳唔可以離開妳老公,我亦照顧唔起妳,反而需要妳照顧。妳幫襯我唔淨係為咗做愛,仲同我好似情侶咁拍拖、用口服侍我、俾我唔戴套…最近仲影床照俾我,呢啲我從來冇要求過因為妳係我僱主,我尊重妳。妳主動對我咁好,我好感動㗎。總之我真係有鍾意妳,性方面我做得到嘅都會盡力滿足妳,而我亦享受同妳做,真嘅。

好啦…我知喇,我會把控,放心啦。

(超過字數,今集分兩集出)

[ 本帖最後由 dcat20 於 2022-8-7 14:54 編輯 ]

3.9.4中二

盈盈方面易應付得多。

同番佢同居初期做得比較密,幾乎晚晚做。

過咗兩個星期已經冇咁密,好似之前仲係夫婦嗰陣咁。

我日頭「返工」,夜晚返屋企,食飯、處理吓家頭細務,一、兩個星期行房一、兩次,跟住攬住瞓覺。

有時我冇瞓,扮瞓着唔想講嘢。心裏面諗好多事情,諗起珊姨、Rebecca、Priscilla、Yoyo…

Priscilla終於決定同嗰條友結婚。

臨嫁之前兩個月,有一晚忽然搵我出去傾心事。

我同盈盈講話去同舊同學聚舊。

Priscilla話唔愛呢個人,只係感情上受傷、好攰,需要有個避風港、需要有個人錫。但佢唔開心,最唔開心係同我嘅感情,佢為咗我做到自己咁賤,到頭來發覺我一啲都冇鍾意佢。

妳太多嘢諗啫,我鍾意妳妳一啲都唔覺。

假如我想俾你再屌一次,你想唔想?

我想,但我唔想妳覺得我只係想屌屄但係唔愛妳,之後又唔開心,假如咁嘅話就唔好做喇。

我好想要…好耐冇好好滿足過喇,佢好水皮。

訓練吓佢吖嘛。

有啲嘢冇得訓練㗎嘛,JJ大細、時間…

時間有得訓練㗎。

我講佢知最初同珊姨做都好似一般人咁嘅時間,10分鐘之內就射,隨住做得多,細佬對於刺激越來越冇咁敏感,同埋技巧越來越純熟,時間至越來越耐。

我想再體驗吓你碌嘢插入嚟,你都想唔想再同我做?

想。

於是我同佢喺附近搵到間百佳。

好耐冇同Priscilla做,再次揸佢嬌小嘅波餅仔、塞入去脆弱嘅窿仔嘅時候,忽然諗到佢係我幾條女之中最唔靚,波又細。

但係,佢算係我女朋友嚟㗎,我冇好好愛過佢,我感到傷感。







俊仔…

老婆…

我好鍾意你㗎…

我愛妳…

我結咗婚之後你仲會唔會愛我?

我怕妳會唔開心啫。

屌我吖,好好屌我。

好。

佢結婚前嗰兩個月,我同佢偷食咗5次。

我同盈盈講舊同學結婚前攪聚會,就有借口夜晚出去。

Priscilla嫁之前一晚,喺老公租嘅酒店房瞓,準備聽朝一早新郎哥同兄弟嚟接新娘。

佢使開佢姊妹,叫我鼠上去。

我一上到酒店,遇到佢姊妹落樓。佢姊妹係我哋嘅大學同學,同我亦都同過班,所以識得我同埋知道我同Priscilla拍拖。見到我上去並冇好詫異,平淡咁打聲招呼,話,佢喺上面等緊你。

上到去,我撳鐘。Priscilla開門,一見到面,好激動咁擁抱、勁咀,喉急咁除衫、互摷。摸到大家周身㷫烚烚,涼都冇沖就互相口交。

Suen、舔、舐、啜、吞,急不及待插入。

雖然最近幾次出嚟偷食嘅時候有講過即使佢婚後我哋仲會見面、偷食,我哋仍然有種一未來係個迷嘅不安感。

懷住呢種情緒,冇聽日咁喺床度瘋狂扑,扑都拆天。

我寧舍激動,好少咁想發射。

感覺就快射嗰陣,我問可唔可以射入裏面。佢話唔怕,叫我盡情發洩,有咗入老公數。

我於是肆意注射大大篤精入去。

做完鳩都冇洗就着衫,佢叫我掛住佢。

我話我會,喺門口錫吓佢就落樓。

喺酒店大堂見到佢姊妹坐喺度等我走就返上去。

Priscilla結婚嗰晚請埋Rebecca、Yoyo同我去晚宴。

佢老公都識我嘅,佢知道我同Priscilla啲嘢,知道我同一時間有Rebecca,學校裏面人人都知。佢見到我面色一沉,招呼都唔打。

好耐冇見Yoyo,本想同佢傾吓偈,但我唔想Rebecca唔開心。

同Yoyo冇乜兩句,宴會完就同佢分道揚鑣,我送Rebecca返屋企。

Priscilla婚後一個月左右驗出有咗,之後佢待產嗰段時間我哋有出去偷食。佢個仔出世之後忘於湊仔,我哋就一路冇機會偷食。

見過幾次面,其中一次陪佢去做檢查。

我向Kaka請假,一早去Priscilla屋企附近一間茶餐廳食住早餐等佢。

佢冇同老公一齊嚟過見醫生。

我哋一齊入去做檢查,醫生問都冇問當正我係老公。

檢查完例牌嘢,醫生同我哋講,呢段時間,性生活要小心,唔可以太猛烈,要注意清潔,最好戴套。即使先生同太太都清潔得好仔細,先生啲精液同分泌物都會影響個胎。

驗完身一齊去食晏。我叫歐陸餐,Priscilla食輕盈餐。我哋懷念我哋最初喺大學嘅時候曖昧嘅時候。

佢問,知唔知點解我叫你陪我檢查?

想見我?

都係,但最主要係,我相信個仔係你嘅。我想妳以個仔爸爸嘅身份一齊見醫生,聽佢講乜嘢。

點解咁確定?

你唔信第日可以驗DNA。

好。

你幾好嘢吖,攪大三個女仔唔使負責。

妳估我好想咁?同妳哋幾個一齊生活,生仔、一齊養,係我嘅夢想,但係妳同Yoyo都選擇同第個人一齊。

你夠選擇俾人包養。

食完晏,我哋喺銅鑼灣逛咗陣,我有少少想同佢嚟一劑,但唔想佢覺得我當佢性奴。

於是,佢唔開聲、我唔開口之下,逛吓逛吓嚟到碼頭,就搭渡海小輪去尖沙咀。

喺船上,望住陽光之下嘅維多利亞港出神,個心好靜、好靜。

然後喺平靜之中,見到個心嘅燥動。

想同Priscilla執一劑嘅燥動。

唔係「我」個心平靜、「我」見到、「我」想屌屄、「我」燥動。

而係呢個心靜落嚟,好似個天冇雲、塊鏡咁光滑反映到因為一直以來完全冇節制、放縱咁將細佬塞入女仔兩褪之間嘅裂縫裏面,享受呢種感官經驗,而成為咗心嘅一種慣性,一遇到合適嘅機會就好想再經驗呢種感受。

裏面,有一個「想」得到嘅感受。呢個「想」得唔到滿足,就會震動、會熱,就形成燥動。

喺平靜之中,呢個感受,只係一個感受,唔係「我」嘅感受,係慣性力受阻之下嘅震動…

船到尖沙咀碼頭嘅時候,係大概下午3點幾4點。

我今日請假冇話俾盈盈知,仲有大把時間先至要返到屋企。

我同Priscilla講,送妳返屋企吖?

唔好,怕俾佢撞到,你送我搭車得喇。可以行多陣尖沙咀先,仲早。

我哋行吓行吓,我故意同佢嚟到之前同佢哋幾P間百佳樓下。

行咗咁耐,不如搵個地方休息吓。

好吖。

記唔記得呢度?我指住百佳個招牌,話,我哋試過喺呢度…

上去就上啦,唔好大街大巷手指指。

原來佢都有諗呢啲嘢。

上到去,執房阿姐話兩個鐘起計。

我打算俾錢至發現身上唔夠現錢,Priscilla一副吹啤嘅樣喺佢個Prada手袋攞錢出嚟俾阿姐。

佢見到我望住佢個手袋,話,係佢送。

哦…

你莫講手袋,唇膏都從來冇送過支俾我。

但係我俾到妳滿足喎。

賤人。

我攬住佢錫。

去沖涼,洗乾淨啲。你頭先聽到醫生講啦,要注意清潔,唔係一陣間唔乾淨俾你攪死個仔。

醫生話我啲分泌同精都會影響個胎喎。

咁唔好射入去,下次做要戴套。

好…咁即係,妳想同我再做?

我好想,不過唔可以做太密。我有咗B老公都冇得做,而我同你要睇情況。你有第啲女㗎啦,假如我哋唔方便見面,咁呢幾個月同第個做住先啦。等我生完、復元,就大把機會同你做,想唔想?

好。

(未完待續)

[ 本帖最後由 dcat20 於 2023-1-28 23:52 編輯 ]

上一頁下一頁
發新話題
前往最後回覆