dcat20

3.7.2下2下

晴晴話，佢咁醜樣，做愛又水皮，你覺得我會鍾意同佢做咩？諗住俾些少甜頭綁住佢，至勉強同佢做一次。

假如第日真係同居、結婚嘅話，就要成日做㗎啦。

呢種男人唔敢做主動。到時佢唔主動、我唔主動，佢偶然要求，我就滿足佢一、兩次。嗰次做完之後，我哋喺床度傾偈嘅時候，睇得出佢好唔安樂。佢冇表達、我亦冇講，但我估佢大概知道自己水皮，有可能驚我有性經驗，會心裏面笑佢。所以就算我真係同佢一齊，佢極有可能唔好意思要求。但係，我想講嘅重點係，我懷疑佢有人格分裂。

點解咁講？

佢一直對我好好、好體貼，成個過程好真實。我諗住我咁嘅年紀，生過仔、離過婚，居然仲遇到人對我咁好，就諗住嫁俾佢就可以安定落嚟。我哋一齊去睇屋，睇啱一間大家都好覺得好適合二人世界。大前日講好去落訂，佢突然失踪，呢幾日我訊息佢唔覆。你覺得佢係咪自卑定思覺失調，定抑或存心玩弄感情吖嗱？

會唔會佢有意外，死咗之類呢？

佢呢幾日WhatsApp仲不停上線、下線。

我對呢個人所知好少，所以好難評論。我覺得有可能佢冇安全感，亦即係自卑，覺得自己冇可能媾到妳咁靚嘅女仔，對呢段關係有疑慮。

我都係咁諗。好彩我冇真係鍾意佢，只係嘥咗啲時間、心機喺佢身上。

仲俾佢白屌一鑊。

你唔講仲好，講起我就覺得唔抵。

好彩妳冇同Michael分手，如果唔係妳生活點算？

係呀，相比起嚟Michael好歹真金白銀付出。

唔通同佢講心？生活先係最重要。

你都咁樣認為？

對妳呢啲失婚、單親媽媽嚟講，邊個俾到實質照顧，妳就好好哋對人啦。

我都係咁話…睇嚟我都要改善吓床上表現。

妳冇需要刻意做啲咩嘢討好佢，唔好hea佢就夠喇。

你唔想我討好佢？

唔係我想唔想，而係冇必要特登，而且妳刻意嘅話佢會覺得妳有蠱惑。自然啲，唔好hea佢就可以㗎喇。

你唔想繼續指導我床上功夫？

妳學嚟係為咗想同佢做嗰陣high啲？

反正都要做，high啲唔係好啲咩？

咁我都已經教咗妳啦，妳每次同佢做嗰陣練習吓咪得囉。

你係驚我同佢玩得開心會鍾意咗佢？

係…

哎吔，係都要我講到咁白…我係想同你練習呀。

我知道。

你唔想咩？

想。

你係咪話嚟緊要去一個咩地方？

冇錯，下星期去成都一個星期。

咁呢幾日我哋爭取機會做幾轉好冇？

好。

你得唔得？你實要交貨俾你條女啦。

我可以。

去成都之前嗰幾日，公司有好多嘢做，日間我抽唔到時間出嚟。夜間小予唔方便出嚟，肥佬會問佢去邊、同邊個。自從520同肥佬嗌咗鑊甘，阿B已經放棄娶小予嘅念頭，但求小予返大陸之前呢兩個月乖乖哋唔好媾仔，所以小予夜晚要留喺肥佬度扮乖，希望返大陸前肥佬會俾啲錢佢。我等佢訊息，假如佢搵到借口出嚟，我就優先陪佢，如果我臨放工佢都冇訊息，我就直接去晴晴度。

小予只抽到一晚出嚟，借口係小S 搵佢行街。嗰晚小予m到，唔可以做。我哋去尖沙咀，食吓嘢、喺海邊行吓，懷緬我哋初相識，我第一次約佢去街就拖佢手。

佢唔敢出嚟太耐，9點半就返去。然後我就去搵晴晴。

嗰個星期我同晴晴玩咗兩晚，小S一晚。

晴晴話佢安全期，反正都俾Micheal射入去，唔爭在益我，任我射，萬一真係有咗就入Michael數。我同晴晴練習我教過佢嘅玩法，佢好鍾意，不過佢話唔會同Michael試。

一來我冇可能開聲要佢試呢樣嗰樣，喺佢心目中，我不嬲冇反應、冇變化，忽然要佢試吓點樣屌、點樣插，佢實懷疑我同第個試過；二來我之所以覺得high，主要係同你做。我都講過我要同愛嘅人做至會有feel，而我根本唔鍾意佢，就算佢肯試呢啲招式，我都唔會鍾意。

妳咪話之前有個做生意嘅人屌到妳高潮嘅？

我唔愛佢，不過佢ok靚仔，而且技術真係好好。佢係我到而家為止唯一一個可以唔愛但係想同佢做嘅人。當時，我覺得佢功夫在你之上，而家你玩法多過佢，技巧同佢不相伯仲。

佢咁厲害？

係咪想我俾佢屌俾你睇吓？

妳想至啩？

的確有諗過。佢話想俾錢睇我俾人屌，叫我搵個男拍檔，當時我唯一諗到嘅就係搵你。我唔係真係咁淫，只係俾嗰個人屌實在好high，二來我嬲你嗰陣咁耐唔搵我，想向你報服。

妳仲冇同嗰個人聯絡？

好耐冇啦。我只同佢做過兩次，間中諗起都覺得精彩。其實我要搵佢係可以搵到，我冇刪到佢微信，有時仲睇到佢朋友圈更新。我都話我唔係真係咁淫，又唔係愛佢，佢又唔係俾錢我，做乜要俾佢屌？喂，你條友唔係想睇我俾佢屌啩？

嗰陣妳同我講嘅時候，我有諗過。

你真係仆街嚟㗎，有咗條女就唔知當我係乜，真係對你徹底心死喇。

妳嬲我？

冇，要嬲幾年前已經嬲夠，嗰陣講到有幾愛我，變心話都冇咁快，仲要無聲無息。

另一晚同小S玩，問佢嗰日同男朋友見面點樣。小S話好後悔介紹咗個人客俾男朋友識，係個富婆，鍾意咗佢男朋友，想用錢同佢男朋友來往。

我聽咗有少少失望，仲以為小S對我有些少愛意，點知佢原來仲愛佢男朋友。

佢話，你愛嘅係小予，根本唔愛我嘅，我好清楚感覺到，就唔想再投放感情喺你度喇。

控制得到嘅咩？

控制唔到，但最少我可以控制到你唔搵我嘅話我唔搵你。

我唔明白，妳明明仲愛妳男朋友…

只係唔忿氣，唔係愛。佢已經傷我好多年，如果我再愛上你，我就傷上加傷。

我無言…事實上，我的而且確抱住淨係玩吓嘅心態同佢上床。我問佢鍾唔鍾意同我做。

佢話，唔鍾意就唔會周時搵你啦，我知道我只係偷人啲嘢玩…呀，遲啲我都會返大陸幾個月。

做乜嘢？

返屋企探吓爸爸媽媽，休養吓。

小予又走，妳又走。

我會比佢早一個月走，但我一定會返香港。我唔同小予，我有生意喺呢度，又適應呢度，生活冇困難。

上成都嗰日，小予話嚟送機，我話同人客一齊去，唔方便佢出現。

一早去小詩屋企，同佢手牽手一齊去機場。小詩全程好開心，笑得好甜蜜。

（未完待續）

[ 本帖最後由 dcat20 於 2022-1-23 14:57 編輯 ]

lulu1238899

其他女都玩過咁多次而家同小詩玩下都無妨呀

dcat20

引用:

原帖由 lulu1238899 於 2022-1-7 11:36 發表
其他女都玩過咁多次而家同小詩玩下都無妨呀

3.7.2下3上

第一次同小詩一齊搭飛機，喺機上，小詩一臉幸福咁繞住我手。

一陣到成都，我哋嘅環境設計師會喺機場接我哋。

妳同佢合作開？有幾熟？

佢係我家姐，亦係我呢生最好嘅朋友。

小詩話呢個係佢爸爸同大婆生嘅女，叫做Amber。佢同呢個同父異母嘅家姐並冇電視劇嗰種兩房人之間嘅鬥爭、不和，相反自細仲好friend。

由我開始鍾意你、同你來往，我一直有同佢講你。上星期我喺閨密面前公開我哋嘅關係，佢戥我高興。

佢有冇講我啲咩？

我俾你啲相佢睇，佢話你唔係超級靚仔，但有魅力。Amber同我從來都唔喜歡後生仔，我哋鍾意成熟、穩重、少少滄桑感嘅類型。你公司第一次嚟我哋度做簡介嗰次，我見到你，已經對你好有好感。

佢挨喺我膊頭上，再細細聲講，想深入探討你。

我捉住佢手。

到而家為止，我當小詩仲係一個小女孩，甚至未錫過佢，怕錫咗之後返唔到轉頭。

我話，嗰陣，我同妳開會，覺得妳好寸。

喺公司，好多人覺得我高高在上。其實我同家姐一樣，私底下好𡃁妹，一陣你見到佢就會知道我哋兩個係傻㗎。我唔想公司啲人知道我哋咁樣，所以工作上就裝酷。

一出到大堂，就聽到把雀躍嘅聲。

小詩。

一個好靚嘅女仔走埋嚟，同小詩喺大堂嘻嘻哈哈一餐之後就笑住咁同我打招呼，介紹都唔使。

我直接叫佢，Amber。

Hi。

我哋跟佢出到機場外面，已經有司機喺度等緊。

唔係去酒店，而係直接去個項目。

小詩爸爸喺成都一個好大嘅湖周圍有好多塊地，打算發展低密度住宅，目標顧客係高收入嘅海歸同年輕夫婦。佢爸爸請頂級嘅跨國顧問設計住宅同公共設施，想搵人同期做環境設計。喺其中一塊地上面起咗個小區做為試驗。

一到達，湖畔景色同建築設計融合到令人發呆，靚過哂我去過嘅所有resorts。

小詩爸爸間公司安排咗兩個單位俾我哋，Amber呢幾晚會喺呢邊同小詩一齊，我自己瞓一間單位。

我有些微失望，雖然對於同小詩一齊依然有顧慮，但男性賀爾蒙令我依然憧憬同小詩一齊瞓。

但我知道咁樣安排係有用意。

佢兩個喺湖邊一路行去我哋住嘅單位嘅方向，一路傾偈傾到忘哂形。我喺佢哋後面，拍攝呢度景色俾小予睇。

佢覆，你同人客一齊？

係。

咁你專心做嘢。

妳做緊咩？

仲有咩做？咪喺佢間屋裏面扮乖。

佢一路喺妳身邊睇實妳？

唔係，佢睇吓股市、喺電腦做吓嘢、同公司開吓視像會議…，我就喺梳化上面睇手機。你要知道我而家嘅處境，訊息要儘量少同簡短。佢唔俾我電話校靜音，如果我手機校靜音，佢會覺得古怪。假如你起勢發訊息嚟，佢會問邊個，我就會好緊張。佢每晚過咗10點半就入房瞓覺，你發你住嘅地方嘅相俾我睇，同埋你人客嘅相俾我睇，我要知佢靚唔靚女，同埋你係咪同第個人一間房…

好。

先去到我住嘅單位放低行李，小詩叫我陪佢同Amber過去佢哋住嗰邊。

行過隔嚟就係佢哋嘅單位，陪小詩、Amber入去，放低行李前先四圍影吓個單位。

呢度最細嘅單位都有兩幾千尺，新婚兩口子住空間都算大。就算我哋三個住哂喺一間裏面都可以有足夠個人空間同私隱。行入是旦一間房，打開裏面度玻璃門，外面係寬敞嘅露台。對住個湖，我好感動，幻想有一間咁樣嘅屋，同小予、小詩，甚至Amber，四個人一齊住，每晚同佢哋輪流做愛。

點解佢爸爸唔可以同幾個阿太一齊生活呢？我陷入想像，幾個女人相處融洽，晚晚同幾個女人同床…攬吓小予、錫吓小詩、拮吓Amber，然後拎番出嚟又拮吓第個…攪個仔或者女出嚟然後我哋一齊養，幾美好…

呢啲畢竟只係男人嘅幻想，現實中邊有女人咁大方？

做乜自己一個走出嚟咁靜？小詩突然喺我身後叫我，打破我沉思。

妳同Amber咁好傾，又講上海話，我搭唔上咀…

你係咪因為安排咗我哋分開單位瞓，所以有啲唔開心？

我心諗，小詩咁挑通眼眉嘅？但我唔認。

佢話，一陣我哋喺呢度啲餐廳食晚飯。食完你先返你間房，將我同你露台之間度門打開，今晚我同Amber返咗房，我就從嗰度過嚟你嗰邊，我想同你一齊過夜。

唔怕Amber知道咩？

唔怕，呢個方法係佢教嘅。佢同我都嚮往愛情，但係爸爸管到咁嚴所以一直冇機會拍拖。我哋都唔明爸爸咁多女人，但係就管到自己啲女咁嚴。Amber知我好鍾意你，佢好支持我，就幫我諗呢條橋出嚟。今次佢嚟陪我幾日，就係為咗幫我哋製造假像，等公司以為我同佢一間房，就唔會諗我同你一齊過夜。我哋食完飯，你自己先返嚟房間休息吓。我同家姐去會所冒個泡，等多啲員工見到我同佢一齊，然後我至同佢返房，執吓嘢、傾吓偈我就過嚟陪你。

其實…有必要攪到咁複雜咩？我哋就咁來往，唔俾妳屋企知就得啦。

我想名正言順成日同你一齊，爸爸遲早都會知道你嘅存在，咁我不如索性製造個存在理由，就係工作上嘅拍檔。

妳估妳爸爸傻嘅？妳咁樣引起佢注意，有可能反而令佢去查。我哋喺出面租酒店，唔係簡單得多咩？唔使攪咁多嘢。

你覺得，就算我哋淨係上嚟睇個項目，唔會令佢知道你嘅存在，於是更加想知道我同你嘅關係咩？我哋喺外面租酒店，唔係更加令人懷疑我哋夜晚一齊瞓咩？而家Amber幫我做煙幕，其實仲好。爸爸頂多向啲員工打聽吓，到時無論佢問邊個部門，佢哋都會話細小姐晚晚同大小姐一齊，你就自己一間屋，佢就唔會再問㗎喇。

咁有信心？

佢好信Amber㗎。

哦。

不過…

乜嘢？

先此聲明，唔好期望可以做愛，我未有心理準備。

放心，我唔會勉強妳做任何妳唔想做嘅嘢。我哋甚至可以唔喺同一間房過夜，妳喺番妳嗰邊瞓都得。

咁我不如索性安排我哋兩間屋喺老遠咪仲更加冇可疑？使乜特登搵兩間屋喺隔嚟。我做咁多嘢都係為咗想夜晚同你一齊，等我可以服侍你沖涼，夜晚攬住你瞓覺。

妳花咁多心思…

我真係冇試過同任何人咁樣㗎，你要信我。

我做乜要唔信妳呢？

想同你一齊沖涼…不過，要睇到時感覺…有啲驚。

唔好勉強，假如妳唔放心，我哋淨係一齊瞓覺。如果妳鍾意，我哋試吓有些少接觸。

好吖…

到呢刻，我哋連接吻都未試過。

我先返出廳，再從正門出嚟，過番自己嗰邊，等佢兩姊妹執好嘢，順便出露台睇吓兩個單位中間係咪真係有度門互通，發現度門好巧妙咁俾植物遮住，正常住客唔會注意，仲要兩邊都開咗門先至通到。咁大型嘅項目裏面，呢個設計係個超唔起眼嘅細節。

我喺屋裏面拍吓視頻俾小予睇，然後攤喺梳化休息，等小詩通知我出屋外面等。

食飯嘅時候，佢哋叫我揀想食乜。我話就佢哋啦，小詩提議食buffet。食嘢嘅時候，小詩刻意叫我，你去幫Amber攞啲三文魚嚟、你幫我哋攞啲芥末嚟…我覺得佢係故意喺Amber面前顯示吓有個男朋友俾佢差遣。

食完嘢，我話去逛一下就返屋，佢哋去左近間酒吧再坐多陣至返去。

呢度仲未公開發售，住客唔多，好多設施好似gym等等仲未有得用。我自己逛一吓，好掛住小予，就返屋裏面。

屋企人、小S同晴晴都有訊息嚟問我點，我俾我喺呢度拍啲相、視頻佢哋睇。

小S覆，話佢過多兩個星期就走，想我返港後，喺佢走之前儘量做多幾次。

我話好。

晴晴話掛住我。

我問，今日有冇見Michael？佢話有。

實有屌啦？

仲問？佢包我無非為咗屌。我同佢一齊從來冇試過拍吓拖，見面實屌㗎。

同晴晴傾吓偈，我發我自己一個喺屋裏面嘅相、視頻，同埋小詩同Amber嘅相俾小予睇，然後我就喺梳化上面瞌着。

俾電話嘈醒。

做乜唔覆我訊息？

我瞓着咗。

哦。我返咗屋裏面喇，想過嚟，發訊息叫你開門你又唔覆。

我而家去。

喺露台啲植物後面打開度門，就見到小詩，即刻拖佢過嚟。

佢抱住我。

今晚我哋終於一齊喇…佢話。

其實我哋喺香港都可以咁樣，唔使攪咁複雜。

你唔覺得喺呢種氣氛之吓，人會大膽啲咩？

要好大膽嘅咩？

你經驗豐富或者唔使，但係我需要。

佢錫我。

終於第一次錫到小詩。

佢唔知道可以濕吻，我就吐條脷入去。

佢好聰明，我喺佢口裏面撩幾撩，佢就識反應。

企喺黑暗嘅角落裏面，激動咁攬實對方，互相吸啜。

（未完待續）

[ 本帖最後由 dcat20 於 2022-1-23 16:30 編輯 ]

lulu1238899

好正,美女在抱,比我連佢家姐搞埋就仲正,支持支持

dcat20

引用:

原帖由 lulu1238899 於 2022-1-11 07:25 發表
好正,美女在抱,比我連佢家姐搞埋就仲正,支持支持

多謝支持。

* * *

3.7.2下3中

抱住小詩嬌小嘅身體，着迷咁啜佢條脷，忘形咁嘆佢嘅初吻，完全唔記得咗兩個單位之間度門一直打開冇閂到，Amber唔知幾時走過嚟八掛，見到我同小詩呢幕。

佢好開心咁拍掌。

小詩怕醜咁擰轉頭同佢家姐講，唔好意思呀，妳幫我咁多，呢幾晚要妳自己一個瞓。

唔緊要呀，我上網同同學傾偈，我哋讀書嗰陣周時自己一個人㗎啦。

然後佢就閂佢嗰邊嘅門，好似話「妳去開心啦」咁樣。

黑暗中，見到小詩紅住面。我拉住佢手入屋，然後坐喺梳化上望住佢。

你咁樣睇住，我覺得唔自然。

呢次係我哋確認關係，仲錫埋咀之後，第一次喺室內獨處，佢眼望我眼，唔知講乜嘢好。

理智上，我仲好猶豫好冇攪佢嘅。但係嚟到咁嘅地步，實在控制唔住。

我捉住佢手，話，我唔知道我哋開始係咪錯。

係，小詩好確定咁講，幼幼嘅雙手遊到我背後抱實我，話，但係我唔理。

於是我再錫過，而佢享受俾我再次入侵。

小詩好快就識得投入，我哋激動咁纏綿到大家都唔捨得停。

佢着咗一條連身長裙，頭先去餐廳食飯嘅時候着嘅，佢一路冇換。

妳打算着住呢條裙瞓覺？

唔會，我瞓覺之前會沖涼㗎嘛。

妳冇攞瞓覺衫過嚟換。

唔使啦。

我意會到佢打算唔着衫瞓覺，就冇問，着手除佢條裙。

佢好怕醜咁任得我除。

除咗條裙，裏面淨低胸圍、底褲，小詩突然問，你會唔會玩厭就唔要我？佢忽然問。

我話，假如妳有疑慮，不如我哋唔好進一步啦。

你打算淨係同我玩吓？

我唔係始亂終棄嗰種人，都想永遠嘅，但現實有好多因素唔係我可以掌控。我俾唔到妳一段完整嘅關係，妳會好痛苦㗎。

你怕我會影響到你家庭？

我覺得必需事前明確，就話，係。

從小到大我都冇一個完整嘅爸爸，佢唔係晚晚都喺我屋企，有時一個星期都唔嚟一次，我都唔覺得係一個問題。

因為妳一出世已經係咁，所以妳可以習慣。但妳媽呢？佢唔痛苦咩？

佢ok呀，佢愛爸爸，知道爸爸亦都愛佢，佢就好滿足。生咗我之後有咗寄托，就更加冇問題。

我冇話講。

小詩望吓我，話，或者…假如我哋生個細路…

佢稍停，睇吓我反應，再繼續講，唔係話而家生，係話假如我好確定你真係好愛我嗰陣，我會想同你生細路…

小詩，我曾經好愛好愛一個人而好痛苦，嗰個人亦都因為好愛我而受咗好多苦。同我一齊嘅代價，妳而家冇辦法想像。我唔想再害人害己。

咩意思？唔喜歡我，唔想同我一齊？

喜歡妳，我哋可以做好好嘅朋友，但唔好進一步喇。

你啱啱先至錫我，仲除我啲衫，而家至嚟講呢啲說話？

唔想將來怨恨啫。

一定怨恨嘅咩？唔俾我哋將來好開心嘅咩？一路都係我主動，我從來冇試過咁樣採取主動，仲要嚟到呢個地步，你至突然咁樣？

佢跟住喊起嚟，仲打我。

小詩，我哋到而家乜嘢都冇做過，我只不過想妳諗清楚，妳都已經咁樣喇。我哋再行落去，好多嘢做咗之後至發覺我哋真係唔work，到時妳點攪呀？

咩叫乜都冇做？你錫咗我，仲除我衫…

小詩定咗咁望住我，突然伸手去後面解圍。

嬌小、企理嘅胸部赤裸裸咁呈現喺我眼前，見到咁嬌嫩嘅乳房，好想好想觸摸，但我忍住。

佢楚楚可憐咁望住我，話，從細，我想得到嘅嘢，只要我努力表現，爸爸都會滿足我，佢唯一唔俾嘅就係我拍拖，所以我自己爭取，唔俾佢管。你係因為我冇經驗，怕我受傷，所以拒絕我，係咪？

唔係拒絕，只係想大家冷靜吓。

所以，你鍾意我？你都想，係咪？

我鍾意妳，只係…

得喇，其它嘅嘢你唔需要講，我唔會理。

講完，佢突然抱緊我，瘋狂咁錫，仲捉住我手埋去佢波波仔度。

摸我啦，好好摸，用你隻手俾啲溫暖我。

印象中，我摸過嘅女仔之中，小詩屬於細。同我有過親密行為嘅女仔，普遍偏向大波。小予周時俾人話大，同佢去買底衫、做spa，唔只一次遇到女sale屎、女技師話佢大、羨慕佢。小予自己亦講過周時喺街俾人𥄫好煩，想去整細啲。

小鈺、晴晴、芬芬都唔細。

同我做過嘅女人當中，香香係最大。佢唔止波大，乳暈亦都大，好性感。佢樣子非常靚，好似好耐以前有個叫做胡恩夢嘅臺灣女星嗰種迷人嘅尤物，身材嬌小、軟綿綿，一抱住佢就當堂有感覺。

香香無輪對lin、個妹都超敏感，刺激吓就成身抽搐、劇震。佢做愛反應亦一流，每次佢都主動爭取快感。起初我哋未了解對方，佢俾我先屌幾吓，然後就上上面用小予嗰種方式一路搖一路磨，對大奶同lin lin不斷hi到我心口，好過癮。佢好似用我嘅肉棍嚟自瀆咁樣，好快成身震、畜生咁喘氣，跟住就衰竭咁跌倒，伏喺我身上歇息。細佬仲插住佢，feel到佢個窿啜吓啜吓，好親密。佢唞兩吓就會叫，到你，我就上上面屌。

做多幾次之後，佢知道我可以做好耐，就冇再用呢種方式，一嚟就直接由我上，教我用唔同插法刺激女人好幾個敏感地帶。

香香話因為我夠大同耐，好多體位、姿勢都可以發揮得好好，所以好肯同我試唔同玩法。

因此我好鍾意同香香玩。我真係鍾意過佢，但佢太迷人，太多男人媾，令人好冇安全感。

有段時間，佢周時叫我去佢屋企煮飯俾我食，間中搵我陪佢出街做啲嘢，又叫我陪佢過澳門、返深圳，感覺明明就好似女朋友。有次屌佢嘅時候，大家感覺寧舍好，我同佢講愛佢之類。佢問我係唔係以為我已經係佢男朋友，我問佢我哋係咩關係，佢話見我幾有男人味同埋做愛幾厲害，先至有心情嗰陣搵我開心吓，但唔好當咗我係佢男朋友。

仲有，佢話，唔怕俾你知道我除咗你之外仲有兩個對手，不過我多數搵你。人哋對我不知幾好，周時請我食好嘢，又送禮物俾我，我對佢哋都冇對你咁好。唔係冇鍾意你嘅，假如我唔鍾意你都唔會搵你做。不過我3個字左右已經夠哂皮，你次次屌成半粒鐘，除非愛你，否則就算使錢搵嗰啲女仔都唔肯做你生意。

有時想撩香香傾多幾句偈，佢都唔多啋，感覺連朋友都不如。但每次佢有需要嘅時候，就會搵我。我冇辦法預計到佢幾時有需要，漸漸感覺有啲冇癮。

之前識嘅女仔當中都有微波嘅。

同過一個叫阿琳嘅𡃁妹拍過一年拖。佢有啲似靚啲嘅周秀娜，不過波波仔就細過周秀娜好多。

小詩對波波同阿琳差唔多，樣子唔夠阿琳靚，但係貴氣、優雅好多。

一路同小詩互相錫、吸啜，一路搓揉佢嬌小、可愛嘅波波、撥弄佢精緻、粉嫩、柔軟嘅的的。

小詩冇俾人掂過，亦冇玩過自己，所以唔知道自己咁敏感，我搓吓、撥吓，就成身興奮。

佢抑壓住，震住咁發出微弱、嬌柔嘅叫聲。

吖…吖…

我隻手慢慢游落去佢下底，從小腹開始摩吓，然後隔住佢條底底先摩吓佢陰阜。佢冇抗拒，我就再游落去。摸到佢個妹，佢當堂成身拉緊。

好驚…

我錫吓佢，另一隻手摸吓佢頭髮，就繼續隔住佢條底底捽佢。

我大概捽到佢粒核，佢成個人震，聲震震咁話，好犀利…吖…吖…

我攝隻手指公入去佢底底嘅褲頭，問佢，除落嚟好嗎？

我怕醜…

我於是好俾心機繼續錫佢，脷、咀唇、面、耳後、頸、膊頭、胳肋底、波波、lin lin、肚仔…一路落到下面，順理成章咁將手指公在攝喺佢褲頭，好輕、好慢咁向下拉低些少。

我望吓小詩，睇佢反應。

佢面紅紅，一臉你諗住點呀嘅表情望住我。我冇理，就一嘢向下扯。

小詩嘅毛毛呈現出嚟，冇修葺，但因為本身唔濃密，感覺企理、乾淨，條罅喺毛毛之間清晰咁見到，線條好簡潔、好靚。

我冇俾人睇過㗎。小詩聲震震咁講。

我知道。

然後我就伏埋去，細心咁舔佢。

（未完待續）

[ 本帖最後由 dcat20 於 2022-1-14 19:06 編輯 ]

lulu1238899

處女小詩點頂得順情場老手,今次有排玩,睇到硬晒,支持出文

dcat20

引用:

原帖由 lulu1238899 於 2022-1-13 07:26 發表
處女小詩點頂得順情場老手,今次有排玩,睇到硬晒,支持出文

😄😄😄

* * *

3.7.2下3下

仔細咁舔小詩粒核，佢既興奮，又害羞。

吖…好尷尬…

佢攞條裙遮住個樣，話，唔好睇我…好醜…

我忽略咗對於咁嬌生慣養、冇經驗嘅小詩，一嘢就舔粒核，係好粗野嘅舉動，佢未必接受到。

假如妳唔鍾意，我停啦好冇？

你已經開始咗，繼續…好舒服…

妳鍾意？

未試過咁樣…好舒服…

我繼續，細心咁舔佢嬌嫩嘅核。

小詩發出柔弱嘅叫聲。

吖…

佢個妹近乎一線，好簡潔。我輕輕反開兩塊花瓣，稍為露出裏面啲嫩肉，哄埋去索吓陣除。小詩未沖涼，陣味依然清新、乾淨，我就舐、吸啜。

呀…佢大嗌一聲，成身拉緊，手抓緊我膊頭。

我不斷舔、舐，佢不停抽搐、震。

感覺佢差不多夠皮，我就上番上面。

小詩紅住面、聲震震問，我可唔可以…睇吓你…

我解褲頭，叫佢自己除。

佢手震震咁將我面褲連底拉低，細佬即時彈出，向佢敬禮。

佢好驚，話，呢個…真係放得入去嘅咩？

女仔嗰度連仔都可以生出嚟，呢個算得乜呢？

但係…感覺好大…會好痛…

妳見過其他人？

梗係冇啦，我從來未試過同人咁樣㗎。

咁妳點知道大？

我唔知…憑感覺…我有個閨密，話開頭幾次做，好似撕裂咁痛。

有啲人做多一兩次就唔痛，有啲人做多幾次至唔痛。

我有啲女仔朋友有男朋友，佢哋都咁講。你咁了解嘅？係咪有好多個女朋友？

出面有好多呢方面嘅資訊㗎嘛。

有幾個女仔朋友好鍾意做，話係人間最開心、舒服嘅事情；有啲就話冇咩感覺，一啲都唔享受。

人人唔同嘅。

係女仔嘅問題？定男仔？

兩方面都有機會㗎，亦視乎兩方面夾唔夾…妳想唔想試吓？

而家？

唔係話而家，係問妳有冇想過試吓。

我唔要試吓，我要真係好確定真係好愛一個人，而嗰個人愛我，我就會完全獻身俾呢個人。我知道現實未必一定可以，但我希望一生一世㗎。

從愛情嘅角度去諗，我覺得呢個想法大方向正確。但係從現實或者性嘅角度，就未必。

從性嘅角度，都未必？係對男人嚟講嗎？

唔淨係男性，對女仔都係。一生只同一個人，拒絕世界嘅可能性，呢個想法係好浪漫。但係冇試過其他人的話，即使自己嗰個好出色，亦唔知道佢原來有幾好。

我講呢番話其實係切身體會。

除咗小予之外，我同唔少女人做過愛，小予唔係最出色嗰個。喺床上最令我瘋魔嘅女人，係香香，小予係第二。

但有時唔一定要number one。即使只係中上，只要有愛，就足以填滿。就算小予喺我嘅性經歷之中只係第二，但佢仍然係我此生最愛，我到而家仍然冇辦法想像冇咗佢嘅話日子點樣過。即使我有其他性對手，佢哋有幾靚、幾索、幾聽話、幾好砌，冇一個可以俾到同小予做嗰種滿滿嘅愛。

我唔算頂級高手，起碼肯定唔係搵食級水準。但做為男朋友或者情人，我知道自己幾ok嘅。呢點係我從同我有過親密關係嘅女人俾我嘅feedback中得知嘅。

我傷害咗May、晴晴、小予，佢哋係都要搵番我。

就算香香唔愛我，佢有性需要仍然首選搵我滿足。

從呢啲事例之中，我知道自己ok嘅。

我知道，同我愛愛好滿足，係小予迷戀我嘅原因之一。

喺我之前，小予結過婚，係酒後俾佢先夫攪大咗奉子成婚嘅，之後老公經常公幹，幾個月至見一次，後來仲帶埋個女嚟咗香港，最後死喺香港。然後佢俾兩個男人包養過，其中一個係張波。

呢啲係我所知道嘅人，除咗呢啲人之外，有時我諗小予仲有冇同過其他人做過，而佢發誓同咗我一齊之後就只同我做，就算舊年佢同幾個男人傾照顧直至今年去咗阿B度住，都冇同人有過親密接觸，而我信佢。

小予為咗生活投靠肥佬，人哋疑心咁重，成日監管，佢都依然搵機會出嚟同我一齊，呢啲唔係愛我係咩？

佢講過唔只一次，我係佢喺床上遇過最厲害同埋令佢最滿足嘅對手，唔可以冇咗我。從每次都係佢主動搵我做愛，同埋做愛時佢嘅反應去睇，我信佢講嘅係真嘅。

有時候我諗，假如，小予除咗我之外冇試過同其他人做過，佢唔會對同我做咁着迷。喺做愛呢件事情上，我算有少少自信嘅。

小詩對於我剛剛嘅言論，表現得迷惑。佢並冇答話，面露迷失嘅表情。

我起身，正打算休番褲，小詩問，我可唔可以掂吓你？

妳掂吖。

佢用纖細嘅玉手輕輕捉住細佬，溫柔咁用手指摩吓個頭，然後揸喺手，細細力捋吓捋吓。

俾佢揸住，好舒服。

好暖…佢話。

不如，我哋去沖涼。

好。

我除哂我啲衫，就拖小詩起床。

佢望住我，話，你身型好睇，你唔高大，亦唔係超級帥，但好好睇。

拖住小詩入沖涼房，佢見我一直硬住，問男人呢度有反應係咪一定要解決、唔解決會好唔舒服？

我話係會唔舒服，不過唔係唔解決唔得。

哦…

妳咁大個女未試過有需要咩？

試過，但我可以忍耐。

唔辛苦咩？

正如你講，唔舒服，不過你係男人，我諗男人難忍過女仔，你都可以忍耐，我係女仔就更加冇都可以。不如，我校水俾你沖涼？

唔係一齊沖咩？

係一齊，我服侍你。

我帶咗消毒藥水嚟，出得trip多，唔放心酒店啲浴缸嘅清潔程度，所以通常都帶定一大樽。自己一個的話，我唔會浸浴。但假如同條女一齊，想玩鴛鴦戲水，就會勁洗吓浴缸先。

小詩同我先用消毒藥水洗吓個浴缸，再企喺浴缸上面用花灑沖身。
佢幫我擦梘液、捽身，掂到我細佬嘅時候，起初有些少猶豫。佢捋幾捋，就開始冇咁靦腆。

不如…我試吓用手幫你解決…

我冇答佢，俾佢纖纖嘅小手繼續捋多陣間，就唧梘液喺佢嬌小嘅波波上面，然後緊抱佢。花灑下，大家嘅身軀貼實，柔順咁磨擦起嚟。

再次吐條脷入去佢口，互相吸啜、吞吐。我兜隻手落去去幼嫩、脆弱嘅妹度，沿住條罅上上下下輕撫。

吖…吖…佢一邊俾我捽，柔弱咁嘆息，一邊繼續捉住我支棍捋。

細佬俾佢纖幼嘅手捉住好舒服。

企喺花灑底下沖到咁上下，就開始開熱水落浴缸。

小詩小心翼翼咁試吓坐落水裏面試水溫，然後叫我背住佢坐喺佢前面。佢從後面幫我捽身、擦背。

妳咁高貴，點可以做呢啲咁卑微、低下嘅功夫呢？

我媽係咁樣服侍爸爸㗎。小詩一邊幫我擦背，一邊繼續講。從小，我媽幫我沖涼嘅時候，話佢係咁樣服侍爸爸嘅，叫我第日遇到心愛嘅男人，都要咁樣去綁住對方嘅心。

乜唔係用煮飯、煲湯呢啲咩？

呢啲都要，但除咗呢啲之外，仲有一樣…

係咩嘢？

小詩從我身後攬實我，等我同佢儘量拉近距離，佢波波仔貼實我背脊，隻手伸上前面捉住細佬就捋起嚟。

呢啲，就係我暫時可以做嘅嘢。只要你愛我，我會將成個身體俾哂你。

我心諗，小詩一直俾我身嬌肉貴嘅感覺，乜佢媽媽教到佢咁識得取悅男人嘅呢？自己做情婦啫，唔係將個女教成咁樣㗎嘛。

妳媽教妳要咁樣嘅咩？

唔係，係我從佢身上領略嘅。我媽唔係因為我爸咁成功、咁有錢所以跟佢一齊，而係打從心裏深愛我爸。因為愛，所以想服侍、奉獻俾我爸，呢份愛令我好感動，從小就好嚮往一生一世愛一個人、完全奉獻俾呢個人嗰種情操…實在太美好喇。而你某啲方面有我爸爸嗰種味道，另外有佢冇嘅英式老派氣質，我就好想擁有你…

小詩…妳對我太多幻想喇，我邊度有妳諗到咁好呀？

我鍾意你就夠啦。

佢一路喺度捋，我忽然起身。

做乜嘢？

我叫佢起身，企喺我前面。然後我坐低喺浴缸，叫佢面向我坐上我上面。

你想…？

冇錯，我想妳面向住我坐喺我上面。

小詩猶豫咗半秒，就坐低。我哋面對面，喺水中緊緊相擁，佢嬌嫩嘅細妹，坐住我已經充血、脹滿嘅肉棍。

妳試吓前前後後搖擺下身。

佢搖幾吓，動作極之柔軟。

係咪咁樣？

冇錯，妳學過跳舞？

係。

哦…繼續照咁樣搖。

於是佢就喺我身上搖擺起嚟。

（未完待續）

[ 本帖最後由 dcat20 於 2022-1-15 11:16 編輯 ]

lulu1238899

好正,,搖搖下就入埋

dcat20

引用:

原帖由 lulu1238899 於 2022-1-14 20:03 發表
好正,,搖搖下就入埋

3.7.2下4

小詩坐喺我身上搖擺，細妹直接接觸到細佬。

終於咁親密接觸，大家都好激動。

我教佢頂實我恥骨，搖擺pad pad令個妹沿住細佬前前後後滑行。

佢試做幾吓，然後問我，咁樣？

冇錯，妳自己調節吓喺姿勢、角度，搵個妳覺得興奮嘅方式。

小詩唔係好明白我講乜，我叫佢即管繼續試驗吓先。

我哋緊密擁抱，一邊接吻、脷交，佢一邊前後搖擺、一邊調節姿勢。我感覺佢掌握到就固定落嚟。

呀…

點樣？

開始有啲感覺，知道你講乜嘢喇。

我錫吓佢。

佢再搖咗冇耐，身體拉緊，雙手繞住我背脊，緊緊抱住、抓實我喘氣。然後突然一嘢全身放鬆，伏喺我身上，停止所有動作唞大氣。

我冇問佢，但知道佢已經到咗。

佢紅住面抬起頭，一臉疑惑問，我哋算唔算已經做咗？

我冇進入去妳身體。

但係我哋接觸到，冇阻隔，咁親密都仲唔算？

如果妳係咁認為，不如我哋索性…

我驚…俾啲時間我吖，我會想俾你㗎，但係…

未確定？

未…

咁我哋唔好做，就咁樣啦。

你暫時唔入去我身體，但可以好似剛剛咁，好嗎？

妳鍾意嗎？

鍾意，頭先真係好美妙，從來冇試過呢種感覺，全身好澎湃、激動，然後突然寧靜、舒暢，飲咗酒都冇咁陶醉。點解會咁樣嘅？你冇入去我身體都已經咁激烈，你入咗去會有幾強勁？

係陰蒂…呢種感覺係陰蒂高潮。

我聽一個有性經驗嘅閨密講過。

妳冇接觸過自己呢個部位咩？

冇刻意…我驚。但我聽過，女同性戀者靠刺激呢度去得到快樂。有個女仔朋友呢度特別敏感，騎單車都可以高潮。

冇錯，就係呢個原理，但係每一個人嘅身體都有些少唔同，所以要自己搵啱姿勢同方式。

多謝你帶俾我前所未有嘅快樂。

呢種快樂，妳可以自己得到，唔需要靠任何人㗎。

但係我想留番淨係同自己愛嘅人分享…

哦？

我好似已經愛上咗你…

我錫下小詩，話，我會愛錫妳。

我可以將頭先嘅經歷講俾Amber知嘛？

唔好啦。

佢係我媽、我爸之外，呢生最好嘅人，我唔可以同爸、媽講呢啲嘢，只可以同佢分享…

可以嘅話，唔好同人講…假如真係好想搵人講，妳咪有啲閨密嘅？

你唔想我同Amber講我同你呢啲事，點解？你怕乜嘢？

冇嘢…起身啦，我哋喺水裏面咁耐，就嚟浸到皺皮喇。

於是我哋放浴缸水，起身，互相幫對方沖幾吓、用同一條毛巾抹番乾身，就出廳。

赤裸住入房，我攞我啲瞓覺衫褲俾小詩着住瞓覺。

小詩話，唔使啦，你已經係我喺呢個世界上最親密嘅人嚟㗎喇，我哋一齊裸睡好冇？

好。

但應承我唔好侵犯我，可以嘛？俾啲時間我，我遲早想俾你嘅。

好。

同小詩赤裸住身體喺被窩裏抱住，佢話今日係佢最開心嘅一日。

我一直硬住，好想發洩，但應承咗唔侵犯佢就只好忍耐。

小詩摸到，問，你硬得咁厲害係咪好想？

係，但係唔緊要。

不如你教我點樣幫你發洩。

唔使啦，等妳好確定嗰陣，我哋直接做愛。

做愛只係遲早，但係做愛之前，我係你女朋友，有責任滿足你，咩都可以同你做，你教我吖。

我唔係好明白，既然係咁，做唔做愛有乜嘢分別？

因為做咗愛，我哋就唔只係男女朋友，你就係我老公，而我就係你情婦，我哋有咩事都會照顧對方。

好…我一路攬實佢，一路諗到老遠。

小詩開始幫我捋，但一來佢唔識點樣令男人舒服，二來我係一定要做愛先可以high嘅。佢整極我都冇想發洩嘅感覺，仲越整我越想做。

於是佢就試吓好似頭先咁坐上嚟，喺上面滑行。

咁樣你會唔會興奮啲？

妳嚟吖。

佢幼嫩嘅妹貼實細佬，暖暖嘅水直接印上嚟，好親密。但係佢見我好似冇咩興奮咁，就問，我點樣可以令你興奮啲？

我興奮呀。

我爸同我媽親密嘅時候，喺房外面都聽佢啲聲。

我未去到高潮啫。

我點令你更興奮呢？

妳試吓身向前傾少少，好似做愛咁，妳做男人，喺我上面向前推。

佢就稍伏低些少，抱住我，繼續用個妹rub我支棍，又或者應該話用肉棒磨佢個陰唇。

結果，佢反而嚟咗一轉，係佢今日內第二轉。我未到之餘反而更加想屌。

小詩跌喺我身上，虛歇喇。

佢浸醉喺滿足中，話，我一定要將呢啲經歷同Amber分享。

講完冇耐，就沉沉咁瞓着。

我意難平，喺床上輾轉反側。

小詩擰轉身，背向住我，我試吓將細佬貼住佢pad pad底下，輕輕hi吓佢個B。

磨吓磨吓，大家啲水撈勻，好high，但係咁樣做令我更難頂，好想就咁篤入去，我夾硬忍住。

囉囉攣，感覺極之折磨，決定起身着衫出出面行吓，睇睇附近。

行到一個喺湖邊嘅廣場，嗰度有一個好大嘅藝術裝置，遠遠見到有個人坐喺一排長櫈上面對住個湖，遠睇似係個女人。好奇心驅使我行過去，經過佢面前睇一眼，果然真係女人，仲好似幾好樣。

我行過咗佢之後，個心忽然百厭起嚟，就返轉頭。咁多地方唔坐，專登坐佢隔嚟。

我睄咗佢幾次，佢應該知我留意佢，但一直望住個湖，好似心事重重。

可能我終於令佢覺得唔安樂，佢忽然起身走開。行咗幾步，又停低拎番轉頭望一望我。

呢刻我至稍為睇清楚佢個樣，係個20幾歲左右，但打扮幾成熟、優雅嘅女人，樣子、身型有小予嘅影子，暗淡嘅燈光底下我眼花些少會以為小予嚟咗呢度。

佢望住我嘅眼神好似想講嘢，但係最終冇講到任何嘢，突然又掉頭繼續行。

我一直望住佢背影，佢行到一排樹之間嘅空隙又試停低，回頭睇住我。

我唔係好確定佢咩意思，即管膽粗粗行過去，睇佢會點。

點知佢企喺度，冇逃跑嘅意圖。我就更確定咁行過去。

你最近搬嚟呢區嘅？佢突然開聲問我。

我係香港人，嚟呢度幾日做嘢嘅。

哦。

佢從兩棵樹之間行入樹林裏面。

頭先同小詩攪到唔湯唔水，喺呢度遇上呢個幾好樣，氣質唔錯嘅優雅女士，令我意想不到。就乜都唔想諗，亦唔理風險，即管跟入去睇吓點吓。

街燈喺樹枝間透入樹林裏面，我越睇呢個女人面孔越諗起小予。佢默不作聲，雙眼充滿慾望咁睇住我好耐，忽然抱住我。

我仲未整理到思緒，佢就問，你身上有冇錢？

見佢有啲貴氣、衣衫又有氣質，一路估住得呢區都係非富則貴。點知佢有可能係雞，再唔係就係騙徒。

佢可能意會到佢突然問我有冇錢，會令我唔知點諗佢，於是講佢嘅背景我知。

我喺呢區住，俾一個有錢人照顧。照顧我嗰個人周時唔喺度，又唔俾我出外面。鄰居都識佢，幫佢監視我，我喺呢區生活就好似坐監一樣。我本來有男朋友，已經大半年冇見。我為咗生活俾而家呢個人包養，我唔愛佢。大半年過住坐監咁嘅生活，佢每星期嚟幾日，我要喺床上滿足佢。但我唔鍾意佢，亦唔鍾意同佢做。佢好操控，令我好想搵個人偷情，一來本身有需要，二來想報服。但我唔敢隨便同呢區啲人搭上，怕俾佢哋告密。你係外來人只係喺度暫住幾日，所以我可以放心。我對你有好感，你俾少少錢我，我同你做愛。

我心諗，想唔到係晴晴嗰種情況嘅翻版。我話，我同人客嚟幾日，好少機會可以自己出嚟。

唔緊要，有機會就多做幾次，冇機會的話一次都好。同咗而家呢個人一齊以嚟，我冇開心過，亦都冇同第二個人做過，一次都冇，生活枯燥到想死。今晚既然遇上你，我好想爭取一次。

我都想嘅，就問，咁，去妳度嗎？

我怕俾鄰居告密，去你度得嘛？

我同人客一齊，唔方便。

咁…不如就地。

心諗咁刺激？我問，我從來冇試過用錢僱用性服務，妳想我俾幾多？

是旦，我只不過唔想同人一夜情，亦唔想談感情，想當自己係妓女同人發生關係。

哦。

佢呢句話令我諗起小予早排同我講過嘅話。

我身上只有幾百港紙…

冇所謂，我想做，你求其是旦俾多少都可以。

（未完待續）

[ 本帖最後由 dcat20 於 2022-8-20 20:36 編輯 ]

lulu1238899

咁奇遇,會吾會系小詩亞媽呀😃