上一頁下一頁
發新話題
打印

[原創作品] 【圖文並茂】換妻遊戲 (公主獵人外傳) 29/8 已更新 | 424# & 426# - 427# | 休刊公告

 
收藏  |  訂閱
464  339.0k

路過推Post, 得唔得先.

引用:
原帖由 lpj88 於 2021-9-18 20:43 發表 查看引用來源
路過推Post, 得唔得先.
梗係得啦!
多謝師兄支持,咁有心追故
我會努力係今個月內交貨!
中秋節快樂呀!



[ 本帖最後由 熱愛啪啪啪 於 2021-9-29 19:43 編輯 ]

慣性延遲

引用:
原帖由 熱愛啪啪啪 於 2021-10-1 08:34 發表 查看引用來源
慣性延遲
Sorry師兄 我遲左
依家交住啲利息先!

小弟表示萬二分抱歉!今次遲左出故... 對唔係咁多位!依家還住少少利息俾大家先!

為左表示歉意,以及希望令各位讀者更容易理解尼緊依個登場女角色同正故之間嘅關連,以下劇情為「公主獵人」主線嘅續集,而並非換妻遊戲嘅更新,敬請留意。

唔知咩原因,D女人總係對其他人既感情事特別有興趣,仲要問得咁深入。本來我都唔想同佢講得咁清楚,只不過諗諗下,樂怡由細到大都成日俾佢呀哥睇到咁實,做得豪哥個細妹,好明顯以前應該冇乜機會享受過同男人拍拖既樂趣。睇見佢咁,我唯有好心講多少少俾佢聽,等佢自己慢慢幻想下啦。雖然我講得俾樂怡聽既都只係一少部份既精華摘要,不過講講下,腦海入面又即時浮現番以前讀書時期拍拖既點點滴滴。

講起第一個女朋友,佢係我既中學同學。佢個名叫做張凱晴,Alice。通常D人都係叫佢做愛麗絲或者凱晴。讀書時期大多數人都會嗌對方全名又或者花名,而唔會淨係嗌英文名咁見外,我亦都唔例外。至於我當初係點樣識到佢,依樣就真係有排講。






係中三果年,我同佢本來只係普通既同級同學,雖然係學校入面好多時都會見到對方,但大家就一句計都冇傾過,不過估唔到,就係因為一次既義工活動,我同凱晴終於都有進一步既發展。

本來過左咁耐,理論上我應該唔會仲記得咁清楚,不過因為之後俾佢考得多,所以對於大家當初係點識,第一句同對方講左咩,一開始到底係點樣撩大家傾計,我地送過咩禮物俾對方等等既細節我都仍然記得五六成。

果次既義工活動,我地既服務對象係一班屋邨入面既獨居長者,而我地要做既就只係上門探訪預先安排好既幾個單位,陪下D公公婆婆傾計,之後再順便送D日常用品同埋食物俾佢地咁。我仲記得果日係星期六,因為唔洗番學,之後星期日係公眾假期又唔洗番。於是,我最後就應承左去幫手。以前既我無論係出去打波又好,行街食飯睇戲都好,基本上我點都會搵埋我果三四個兄弟一齊出去,勝在人多熱鬧D。不過,講到做義工,佢地果幾條友就一定耍手擰頭,絕對冇可能會叫得郁。

如我所料,星期六果日最後都係得我一個自己去原定既集合地點等其他唔係好熟既同學。不過唔知咩原因,我果朝竟然睇錯左時間。明明全世界都係約十點正黃大仙港鐵站D3出口集合,但我就好白痴咁以為係約九點,結果我八點五十分就到左黃大仙,早左足足成個鐘頭。

係果個時候,我即刻望一望周圍,睇下會唔會有D熟悉既面孔,話唔定真係咁好彩會俾我遇到一個同我一樣咁白痴會早左咁多到既熟人。可惜丫,答案係冇既。果一刻,我係心入面即刻爆晒粗,鬧緊自己點解可以柒到咁,本來有多半個鐘頭訓,本來可以遲多半個鐘頭先出門口,本來可以夾到個時間岩岩好,但係我就偏偏咁低能居然睇錯時間。冷靜完之後,我逼於無奈唯有去附近既商場睇下有冇野行。

估唔到,最後奇蹟真係出現。就係我行到上去間M記度買左個早餐搵緊位坐低醫肚果陣,我竟然見到一個好熟悉既面孔係度食緊野,依個人就係張凱晴。見到有同路人,我D鬥志即刻番番晒尼,不過為左避免尷尬,所以最後我只係同凱晴打左個招呼,點一點頭就去左去第二張枱坐。

一直以尼,佢都係一個好純品,對所有人都非常友善既好女仔尼。加上成績好,操行又好,咁所以,凱晴名符其實真係一個品學兼優既模範學生。講到外表,即使佢個樣未係屬於全級最靚果幾個,不過,凱晴有一樣野就絕對係鶴立雞群,果樣就係佢個胸。只係中三,佢既上圍已經發育得比其他人好,上圍十足兩個漲卜卜既奶黃包咁。

嘆完早餐,仲有大約十分鐘先到原定既集合時間。原本我都仲想坐到淨番兩三分鐘先慢慢行過去,但望見凱晴已經起行,為左可以借依個機會撩佢吹下水,當識多個朋友咁,於是,我就唯有跟埋佢一齊早少少行過去。

可惜天意弄人,就係我跟住佢出去冇幾耐,有一個同我地同級既女仔居然走左過尼搵凱晴。結果,我就俾依個女仔截左糊,眼白白睇住凱晴跟第二個人走左。一路行我一路望住依兩個女仔既背影,唔覺唔覺,跟住佢地行好快就行番番去果個D3出口,亦即係所有義工既集合地點。果然,凱晴真係果次探訪活動既其中一個義工,可惜,另外果個女仔原來都一樣係。果陣我真係以為注定同依個愛麗絲公主有緣無份。

不過集齊晒全世界人之後,負責帶隊果個老師就帶住我地去左間中心入面,簡單講講果日既流程,例如係安排左邊幾個中心職員幫我地手,到底義工有D咩要負責,有D咩要學等等。但可能大部份人都未熱身,咁所以明顯睇得出佢地的確係冇乜朝氣可言,個個都好似未訓醒咁。只不過,當個老師一講提到大家既分組名單果陣,所有人即刻瞬間精神番晒,然後好留心咁聽下最後個分組係咪如佢地所願可以同番自己個friend一齊,定抑或好慘咁俾人打散呢?

聽到依個帶隊老師既分配,我肯定佢有用心編排過D人手。事關絕大部份既人都編番番去同自己既同班同學一組,唔洗拆開。人手分配方面,平均每組人都有四個人。分好晒之後,冇幾耐大家又開始繼續同隔離果個人雞啄唔斷咁傾閒計。至於我,真係點估都估唔到自己竟然會好彩成咁。最後,可能係因為個老師覺得我反正都係一個人,分去邊組其實都冇乜分別。結果,我居然俾個老師編左去同凱晴一組,果種失而復得既感覺的確好難忘。

而我地果組入面,除左有佢個friend之外,另外仲有一個師姐負責做team leader帶住我地。本來知道可以同凱晴一組我都已經夠晒開心,但果種興奮既心情都未平伏完,之後仲要俾我知道負責帶我地組果個師姐竟然索到成個仙女咁。睇見周圍其他組果D男仔係咁用佢地既羨慕目光望住我果陣,係果一刻,我覺得自己已經係人生大贏家,無論一陣點悶點辛苦都好,我一定唔會有半句怨言。

講到其他組既team leader,除左有一個中心職員幫手之外,其他大多數都係師姐尼,係我印象中,好似都係得兩個師兄幫手。不過單憑外表,我地組個team leader真係冇得輸。一般去得做義工,通常都會著得簡單D,例如係上面著件t-shirt,下面就著條長褲,方便走動。天氣熱D既,又或者女仔貪靚少少,好多時最多都只係隨隨便便著條短褲,炫耀下條長腿就算,唔會太講究個儀容。

不過,我地果個師姐就特別D,我估佢應該係一早就知道果次既上門探訪唔會辛苦得去邊,要落手落腳去搬搬抬抬既機會亦都唔多,咁所以佢先至會咁大膽著住條白色裙仔出活動都唔怕會俾人話。



[ 本帖最後由 AiUehara 於 2021-10-2 16:48 編輯 ]




我仲記得果時基本上個帶隊老師講左D乜我都冇乜點留心聽過,全程都係佢有佢講,我有我昅果個師姐同埋凱晴。當然啦,昅女都要昅得有技巧,唔可以太過明目張膽,於是我趁住其他人企晒係度好專心聽緊briefing,而同一時間個老師又唔係好留意到我果陣,我就慢慢縮埋左一邊隨心所欲”睇風景”。最後,我企既位置岩岩好就俾前面果幾道人牆擋住左個老師既視線,於是,因為咁佢就好難望得晒在場所有既義工。

即使果陣只係中三,但我已經覺得D姐姐真係特別有吸引力。無論係個樣,定抑或係三圍,一舉手一投足,各方面都非常令人着迷。等到頸都長,果個老師同埋個職員將佢地要講既野都講晒之後,大家終於可以執野起程。

師姐:Hello~ 我叫寶兒呀!(細細聲向住我、凱晴同凱晴個friend三個人揮手打招呼)
師姐:我一陣應該點樣稱呼你地好呢~?
我:我叫呀風。(心懷不軌咁向佢伸出友誼之手,乘機抽下佢水)
寶兒:你好你好。(笑晒口好友善咁同我握手)
凱晴:我叫凱晴呀~
寶兒:Hello 凱晴。
凱晴個friend:我叫荔枝。
寶兒:Hello~ 你好呀~
寶兒:咁一陣就請大家多多指教啦~
凱晴:多多指教~

行出間中心,全世界人就開始跟住個中心職員行去個屋邨入面,個職員一路行,一路同我地係咁易簡單介紹下附近有D咩特別既建築物同埋設施。唔洗幾耐,我地好快就行到去個大門口前面既空地。最後再補充多一兩句,肯定我地唔會失禮人之後,所有義工就正式開始跟住自己組既team leader行動。

我:Hello 凱晴。
凱晴:Hello~
我:係呢,點解荔枝會叫做荔枝既?
凱晴:哦~~ 因為佢叫黎子慧,英文名係”Lai Tsz” Wai,咁所以我地咪叫佢做荔枝囉。
我:原來係咁...
凱晴:咁你呢?你個風係邊個風呀?
我:風景個風。
凱晴:哈哈,你唔講我都唔知,我頭先仲以為係山峰個峰添。
我:唔係呀~ 不過我都知你講果個峰真係會多人用D。
凱晴:Um… 但你依家果個都幾好丫~ 唔洗寫咁多筆劃丫嘛...
我:係喎~ 你個凱晴應該好多筆劃架喎~
凱晴:係架。
我:哈哈~ 你係慘D既~
我:你係凱旋門個凱,晴天個晴呀可?
凱晴:係呀,全中。
凱晴:勁喎~
我:OK啦...
我:因為我以前都有個小學同學叫凱晴,所以咪估下你係咪都係用依個囉~
凱晴:哦~~

係大家慢慢上緊去個單位既果段時間入面,我終於都可以同凱晴正正式式咁傾計。最先由講大家個名開始,之後到講埋自己住係邊,以前讀邊間小學,屋企有咩人等等。凱晴份人真係好nice好好傾,果一刻既氣氛比我預期中好,一D尷尬既感覺都冇。眨下眼,我地四個人就上到去第一個探訪既單位。

去到個門口前面,寶兒諗都唔洗諗就一野噤左落去人地個門鐘度,完全冇半點猶豫。只係等左幾秒鐘,個戶主好快就出尼應門。

寶兒:早晨呀,陳婆婆~ (好熱情咁打招呼)
陳婆婆:早晨早晨~
陳婆婆:嘩... 咁多靚仔靚女既~
凱晴:你好呀,婆婆。
陳婆婆:你好你好~ 尼啦,入尼坐啦。

寶兒遞一遞手,示意我地行入去先,佢殿後。隔左咁耐,我都已經唔係好記得陳婆婆間屋係咩樣,不過印象中都係幾逼下,單位可用面積空間唔多,而且周圍都擺左好多野,於是,有得坐既地方確實唔多。但亦因為咁,我同凱晴最後就坐得好貼,幾乎大髀掂大髀咁滯。至於寶兒,佢就好主動咁坐左係陳婆婆隔離同佢傾計,順便介紹埋我地個名。本來我初頭都有D擔心唔知同依個老人家有咩話題講,又唔知有D咩係唔應該講。不過,當寶兒介紹到荔枝個名果陣,陳婆婆就笑得好開心,然後問我地荔枝點解會叫荔枝。

就係咁,原本沉靜既氣氛就因為一個花名而打破左。過左咁耐,好多野基本上我已經唔記得,不過可能果陣係咁大個仔第一次俾女圍,仲要係靚女,咁所以我對於寶兒同凱晴兩個人曾經發生過既野都仍有少少印象。至於陳婆婆,因為佢同我一樣都係姓陳,加上係第一個去探訪既單位,所以記憶就相對深刻D。

我地係陳婆婆間屋逗留左大約十五至二十分鐘,聽佢分享完以前既威水史同埋依家生活過得好唔好果D話題之後,寶兒見時候唔早,差唔多要準備要去另外一個單位做探訪。

臨走之前,本應我地要將中心準備好既日用品同自家制既紀念品轉交俾陳婆婆表達下心意,但寶兒留意到我地好似冇左件事咁,個個都成碌木咁怕怕羞羞唔敢郁,於是,寶兒就索性自己郁手,親自將D野拎俾陳婆婆。

有禮物收,老人家梗係開心,就算唔係咩貴重野,但都已經哄到個老人家笑到見牙唔見眼,係咁講多謝多謝,覺得我地太客氣,跟住仲話如果第日有機會再過尼探佢既話,其實搵佢傾下計都已經好開心,唔洗咁破費。

同陳婆婆講完拜拜之後,我地就跟住寶兒準備去第二個單位做探訪。不過出左門口冇耐,寶兒就搭一搭我膊頭好細聲咁同我講;

寶兒:唔洗咁怕醜喎~ 下次大膽D啦!
我:好~
寶兒:加油呀。
我:嗯。

因為寶兒同我講既野唔係多,所以佢果句說話我記到依家。過左咁耐,講得出既野真係唔多,唯獨係佢同凱晴既野先可以話係仲有少少記憶。就好似你問我之後去果幾個單位做過D乜,個老人家係呀公定係呀婆,佢地間屋係點既樣等等,依D我就全部唔記得晒。不過,果次真係過得幾充實,幫到人之餘又識到女女,總好過成日踎係屋企咁無聊,依個係真。

最後,個義工活動終於到左尾聲,所有小組都準時係原定時間番番去個中心集合。臨尾大家係個活動室入面坐埋一齊輕輕分享完自己係果次活動既得著同感受之後就開始各自解散。原本係臨走前,我仲諗住同寶兒講聲多謝先走,只不過,睇見佢完左個活動都仍然有咁多人搵佢傾計,望落似乎排隊都未輪到我。於是,我好快就打放棄左依個念頭準備轉身走人。

就係依個時候,我見到凱晴一個人係咁望住個地下好似搵緊野咁,但就唔見荔枝既蹤影。

我:你唔見左野呀?
凱晴:係呀~ (唔開心樣)
我:咩尼架?我幫你一齊搵啦。
凱晴:下?! 唔洗啦~
我:兩個人四隻眼點都容易搵D既...
凱晴:Um… 咁好啦,唔該晒你呀~ 呀風。
我:唔洗~ 咁你唔見左D咩呀?
凱晴:我搵緊我隻肉桂狗公仔呀...



凱晴:我記得頭先上樓之前都仲掛緊係個袋度既,但岩岩番到尼就發覺唔見左喇。
凱晴:都唔知跌左係邊。
我:依度又唔見喎... (裡裡外外都幫佢望過一次)
凱晴:我頭先都有周圍睇過,但好似又唔係好覺眼。
我:不如我同你番轉頭睇下會唔會跌左係街啦。
凱晴:Um… 我都有咁諗過。
凱晴:但你得唔得閒架?我驚阻到你喎~
我:唔會啦~ 我有的是時間。
凱晴:多謝你呀~ 好彩有你咋...
我:客咩氣丫!
我:係呢,唔見荔枝陪你既?(一齊行出去)
凱晴:佢趕住番工呀,所以頭先一完佢就走左喇。
我:咁佢都好趕時間下喎~
凱晴:應該係喇。
我:但佢就咁扔低你一個有D衰囉...
凱晴:唔緊要啦,佢都唔想既~
凱晴:不過好彩依家有你咋,如果唔係得我一個都唔知點算呀。
我:你咁信我呀?!
我:話唔定有我係你隔離你會仲危險呢…
凱晴:哈哈~ 我估唔會既~
凱晴:係喎,咁如果真係漏左係人地間屋入面咁點算好呀?
我:哦~ 簡單啦!
我:咪噤鐘叫佢地開門,然後俾我地入去反轉佢間屋搵清楚先囉!
凱晴:下?! 你講真架?
我:梗係唔係啦,講下啫~
凱晴:我頭先有一秒鐘真係信你會咁做呀...
凱晴:嚇得我丫~
我:傻架咩~ 你傻啫... 我唔係傻既~
凱晴:你先係最傻果個呀!

我地一邊講無聊野,一邊留意住個地下,睇下會唔會真係有機會頭先係街跌左而佢自己又唔知道。我同凱晴係最低果層沿路望過一次之後都冇收穫,於是我地就搵番頭先搭過既果部𨋢上去陳婆婆果層樓繼續搜索。部𨋢入面冇,我地就逐層逐層慢慢搵,好彩,我仲有少少印象頭先去過邊層,如果唔係咁多層真係搵到天黑都未搵完。

凱晴:你咁叻既?咁都仲記得邊層。
我:好彩架咋,只係頭先咁岩望到。
凱晴:勁喎...
我:多謝。
我:咦?! 地下果舊係唔係呀?
凱晴:咦!? 好似係喎~

果然,皇天不負有心人,就係我同凱晴岩岩行到入去條走廊果陣,係走廊既中間位置真係有舊白色物體係地下。係果刻,凱晴已經唔理咁多,衝左過去睇下咩尼先算。最後,又真係咁好彩俾佢搵得番隻公仔。

凱晴:呀風!!!
我:好野~!
凱晴:Yeah~ 搵番喇~~
凱晴:好彩有你陪我搵呀咋。
我:濕濕碎啦~ 我都冇做過D咩。

凱晴:終於搵番喇... 多謝你呀~ 呀風。



[ 本帖最後由 AiUehara 於 2021-10-2 16:52 編輯 ]

我知道失而復得既感覺旁人真係好難理解得到,不過,見到佢果個開心到飛起既樣,我就覺得成件事即刻抵番晒,不枉我特登陪佢番轉頭搵。

完左果次活動之後,每次係學校入面經過見到凱晴果陣,我地都會對住對方微笑。就係咁,當D豬朋狗友一見親我果個嘴角含春樣都會笑我一次,而另外果D未聽過我講過我同凱晴係點識既就會即刻問我地係點識,係邊度識既,點解次次我地都會對住對方笑。

依家每次諗番起佢地果陣果個羨慕之餘同時又後悔當初冇跟埋我一齊去既眼神,真係好好笑。不過,緣份既野真係話尼就尼,你估都估唔到。果陣揀科,我冇特別惆悵自己應該揀咩科,反正我知背野一定唔岩我,文科太悶,實會讀到變化石,而理科好似亦都唔係好岩我,就算果陣身邊個個都話男仔讀理科會吃香D,出路會好D,但我自問又唔係有咁大興趣。於是,我隨心得尼又經過好一段時間既考慮,最後就用左個排除法,揀左商科係我既首選,理科係次選依個順序。結果,我就順理成章成為左一個商科人。

到左中四果一年,所有人都開始要分科上堂,分文、理、商三大科。但估唔到,因為一個商科,就將我同凱晴拉埋左一齊。當知道佢都係入左商科果陣,我真係興奮到淨係諗點之後應該用咩方法溝佢,低調得尼而佢又會落搭呢?

話晒可以同自己鍾意既女仔做到同班同學,尼緊果幾年仲會日日都見到大家,如果咁都溝唔到佢既話就真係抵我一世做光棍啦。我記得果陣大約係開左學兩個幾月,同自己班D男仔基本上都已經玩到熟晒,不過女仔果邊,有好多都唔係特別熟,而且大多數都有自己既圈子,各有各玩,咁所以都幾難埋到堆。

但好彩,之後上堂間唔中都會安排我地分組做小組討論,就一個問題達成共識之後就出去匯報,有時仲要係大組,唔係三四個果圍威喂果D咁頹。於是,慢慢我就開始同凱晴果個圈子既女女玩得熟左,包括荔枝。唔洗幾耐,甚至有部份女仔已經察覺到我背後有D咩企圖。其實諗番起,我都要多謝果幾個八婆仔。唔係多得佢地果陣成日係度推波助瀾,擺明車馬咁制造機會俾我埋凱晴身,可能我都仲要用多好多時間先至夠膽同自己鍾意既人表白。

隨住我同凱晴相處既日子多左,我地既關係就愈來愈好,唔知由幾時開始,我地已經唔係普通既同班同學咁簡單,而係發展到就算放左學都仍然會有好多野講既朋友。果陣我地肯定左大家都係一樣用同一個電話台之後,我同佢就成日同對方SMS。如果番到屋企有電腦用既話,我地就直接用MSN吹水,始終有D動態訊息,特殊效果,甚至打出尼識得閃下閃下既字都只係MSN先至會有。



講起MSN,每次當你既聯絡人一登入依個通訊軟件,你既電腦熒幕右下角就會即刻彈左個框框出尼通知你知咩人在線上可以傾計。咁所以以前放左學最開心既,除左有得打波,打機或者睇電視之外,另一樣就係俾你等到你最想佢上線既人上線。

我記得大概係開左學半年多D,我終於都同凱晴發展到果種瞹眛關係,想表白但又唔敢講出口既階段。可惜,紙永遠都係包唔住火,有時有D野真係想瞞都瞞唔到,就算乜都冇做過,班入面總係會有D八婆仔特別八卦,特別大反應,結果就搞到凱晴都唔係好敢同我表態。

大家拖拖拉拉去到中五果一年,有一日我放左學之後因為要陪班friend落canteen買下午茶醫肚,然後仲要去圖書館還書,所以就搞到遲左少少先走。而為左可以追番D時間,於是我就急急腳行番屋企,就算個交通燈公仔係紅色都好,我見冇車尼都一樣照衝。不過,就係我去到第二個燈位,準備一等到D車過晒就衝過去果陣,突然之間,有個人係後面捉住我隻手;

凱晴:喂!
我:咦!? 咁岩既?(捉住我既果個人就係凱晴)
凱晴:小心呀~
我:嘻嘻...
凱晴:作死你呀!頭先有車尼緊架~
我:我見到呀,不過咁遠~ 驚咩喎...
凱晴:咁都係危險架嘛...
凱晴:你咁急趕住去邊呀... (仍然捉住我隻手腕唔放)
我:咪趕住番屋企囉... 我等緊個女仔同我MSN架!
凱晴:邊個尼架~? (成個怕醜樣出晒尼)
我:唔知呢, 不過果個女仔咁岩就捉實左我囉~
凱晴:(即刻鬆開隻手)
我:(主動捉實番佢隻手,十指緊扣)
凱晴:邊個俾你拖到咁實架?! (成個人冧晒)
我:Um… 我囉~
我:可唔可以呀?
凱晴:你話呢?
我:...
凱晴:...
我:...
凱晴:...
我:...
凱晴:...
凱晴:...

就係咁,我都未尼得切問佢可唔可以俾我做佢男朋友就已經拖住左佢隻手仔。之後我地成為左男女朋友既消息唔洗三日就已經通晒天,全班都知道晒。每次當見到我行埋去凱晴度果陣,班白痴仔都會帶頭起哄;Wu~~~

不過,既然愈來愈多人都知道我同凱晴既野,咁我果陣時就索性唔諗咁多,膽粗粗係全世界人面前關心佢,照顧佢。跟住之後既每一日,我都一定會風雨不改咁等埋佢一齊番學放學。如果佢遲走,我就留底等埋佢,如果到我遲走既話,凱晴當然亦都會等埋我先一齊走。話晒係第一次拍拖,果陣好多野真係咩都唔識,想做又唔夠膽做,制造驚喜依D野更加係完全冇概念,一D頭緒都冇。

同凱晴一齊左大約兩個幾月,班入面果D豬朋狗友基本上已經習慣晒我地兩個成日當眾放閃光彈,雖然有時佢地仍然會嫌我地太過痴纏,明明番學又見,放學又見,但無論去到邊,我同凱晴都依然會出雙入對。只不過,當大家都睇慣晒之後,慢慢就冇再好似之前咁留意我地既一舉一動。某程度上,個人真係自在左好多,起碼唔洗再理其他人既目光。

講到讀書時期最難忘既回憶,對於我尼講,絕對唔係考預科又或者果陣時要準備考A-Level緊唔緊張,而係第一次脫離青頭仔行列,幫凱晴破處既經歷。至於依件咁盛大既事,就要由我地兩個岩岩夠18歲,仲要拎埋成人身份證既情人節果一晚講番起。我自問同凱晴一齊左咁耐都規行矩步,加上佢本身個性格真係太純品太乖,所以我亦唔敢對佢亂尼。果時既我已經逐漸學識點樣氹女仔,例如係花多左少少心思去買野氹對方開心,又或者係講一D對方會覺得好冧既甜言蜜語等等。

其實我可以成為凱晴既初戀真係一件好幸福既事,事關佢真係一個好好既女仔。每次係情人節之前,凱晴都會照舊同我講番叫我果日唔洗特登買花送俾佢,原因係佢覺得為左一個節日而送花係一件好唔環保既事,一來D花好貴,二來為左我地一時既開心而剝奪一朵花既生命其實真係好殘忍,咁所以,每一年既情人節佢都會千叮萬囑叫我唔好咁做,如果唔係佢一定會打死我咁話喎。

不過果一年,到左最後我都係聽左果D豬朋狗友既意見,係情人節果日,我決定買定紮細細地既假花送俾凱晴。雖然我都預左會俾佢話我,但睇見條街個個女仔都有紮花拎住,唯獨自己個女朋友好似好慘咁兩手空空乜都冇咁,個種感覺真係幾慘。就算佢到頭來都係要嬲,我都依然覺得係值得既。就係咁,去到花舖拎番前幾日訂好左既花之後我就冒住生命危險拎住紮花去朗豪坊等凱晴。

果一晚,凱晴打扮得好靚。上身一件白色既窄身V領t-shirt,而下身就係一條粉藍色既短裙仔。果件睇見都單薄既V領t-shirt間接令佢露左條乳溝出尼,非常吸睛。雖然露得唔係多,不過對於果陣既我尼講,佢已經全世界最索果個。始終凱晴平日都好少著到咁低胸,果晚著到咁出尼,佢真係俾足面我。

凱晴:喂吔~ 我咪話左唔好買花囉...
我:放心啦,假花尼架~
我:全部都係用紙造,又唔會死,又唔洗淋水,擺幾耐都得,保證環保。(遞紮花俾佢)
凱晴:唉~ 真係俾你激死。(拎起紮花輕輕力扑左我額頭一下)
凱晴:多謝。
我:唔洗客氣~ 最緊要你鍾意。
凱晴:拿,送俾你架。(係個袋入面拎左條手繩出尼俾我)
我:嘩... 你自己織架?
凱晴:係呀。
我:多謝~
我:到我喇。(係背囊拎左兩個刻左對方個名既木制鎖匙扣俾凱晴)
凱晴:多謝~ 係你刻架?
我:唔係呀,人地刻既。
凱晴:車...
我:不過個款係我諗架~
我:我個風字係咪好霸氣先?
我:你睇下中間果條蟲仔。
凱晴:Um... 麻麻地啦~ (恥笑緊我)
我:咩麻麻地呀... 係型。
我:不過講起你依個晴字就真係唔講得笑。左邊一個圓碌碌既太陽,而右邊個月字呢,就變成依個尖不甩既月亮。
我:你睇下,可唔可愛。
凱晴:我想要個晴字喎,我覺得晴字果塊好似靚D。
我:唔得,因為我要你掛住我,所以你一定要keep住風字果塊。
凱晴:好啦好啦...
凱晴:咁我依家就將你掛係我個身度啦,好冇?(將個鎖匙扣掛緊係個袋既出面)
我:梗係好~

同佢食完飯之後,我地就係附近行左陣街,順路搵左D地方影下相咁。行左一個鐘頭左右,我見凱晴都開始有少少攰,於是我就直接單刀直入,話佢知我係附近book左間房,睇下佢想唔想同我一齊上去攤抖下。當然,依個只係一個藉口,背後有咩陰謀真係唔洗講都知。好彩,凱晴亦蠢唔晒,一問完之後佢就已經知道我想點,而且仲好爽快咁笑笑口應承左我。講起凱晴,佢真係純品到一個登峰造極既境界,無論我之前點樣暗示,又或者手多多咁對佢摸手摸腳,就連佢個波同屁股我都揸過好多次,但凱晴都依然會非常堅持自己既原則,只要未夠18歲,佢都一定唔會俾我搞佢。咁所以,等依一日尼真係等到我頸都長埋。

凱晴:你恨到啦~ 咸濕仔!
我:嘻嘻... 係架~
凱晴:蠱蠱惑惑...
我:話晒今日係情人節喎... 試問我又點捨得咁早就送你番屋企呢?
我:我一早就準備定個壓軸節目俾你架喇~
凱晴:你真係好曳。
我:我認呀~

係果個時候,我開始拖住凱晴隻手係人群堆入面穿插,然後慢慢向住果間我預先book定既平價酒店進發,共度春宵。我地一路行緊,凱晴就一路攬到我隻手實一實,當去到樓下果陣,佢甚至將個胸壓埋落我手踭度。話晒果陣咁大個仔都未試過用手踭頂人個胸,果種感覺真係興奮到依家諗番起都歷歷在目。果一刻,佢既身體反應已經話晒俾我知佢真係幾緊張下。

俾完我地張身份證個職員睇,再交低埋按金,我同凱晴依兩個岩岩夠秤冇耐既中學生就拎住張匙卡上去爆房。我地上到去搵到間房之後,一閂埋道門放低晒D野,我就開始手多多咁係凱晴個屁股仔周圍摸尼摸去,慢慢撩起佢把慾火。不過話晒都係第一次,所以果陣我都唔敢表現得咁狼死,仲要扮到好溫柔咁一路輕輕力錫,一路讚佢靚。邊似得依家咁,一打完車輪就即刻除晒個女仔D衫衫褲褲,然後直接噤低對方砌佢。

即使果時我內心有幾飢渴都好,但我依然盡量抑壓住自己。係咁易挑逗左佢幾下,跟住我就係後面慢慢將隻手伸埋入去凱晴件衫度幫佢做身體檢查。當期時,好似發現新大陸既我發覺原來女仔既肌膚真係咁好摸,絕對可以話係滑不溜手咁滯。對於果時既我尼講,果種觸感簡直就係前所未有,單單有得直接冇野隔住咁摸同揸其實都已經夠晒奢侈啦。

上一頁下一頁
發新話題
前往最後回覆