star_platina

引用:

原帖由 cc19880910 於 3/5/2021 21:10 發表

我老婆36D-E，我知F有幾大

其實都係一個號碼，大唔一定好，細又唔一定差，最緊要自己中意就好😬

star_platina

引用:

原帖由 更年大叔 於 3/5/2021 22:23 發表

過獎了

遲下要師兄都分享下故事😬

star_platina

引用:

原帖由 6inch5 於 4/5/2021 02:15 發表
頂丫，竟然峰迴路轉到咁樣完左

故事有戲劇性，要吊癮先得人中意睇嘛，如果吊到師兄癮，即係話阿星寫作有啲進步啦，多謝指點😬

star_platina

晨早流流，講下古仔先😬

Cassy X

阿星終於由堅離地返到嚟堅貼地喇：「你話咩好唔好話？」Cassy望住阿星，好似見到啲不知名生物咁，佢一路望住阿星一路扁嘴：「你其實有冇專心聽我講嘢嫁？」堅係冇，你唔係唔知下話？「我問你，我哋兩個叫兩分share嚟食好冇呀，你有冇聽我講嘢嫁？」哦，冇所謂啦，總之阿星食一大份食得夠飽就得啦。最後阿星叫咗頭盤加正餐加甜品另加紅酒半支咖啡三四杯，同阿Cassy食咗個悠長嘅午餐。食完都已經兩點幾，阿星望下錶，係時候返去公司等開會喇。唔知係咪酒不醉人人自醉嘅關係，聽完Cassy嘅故事之後，阿星已經非常之了解Cassy，大概已經有對策點樣治佢，治療佢呀，你諗咗去邊？正準備起身多謝有人請食晏然後拍拍屁股走人嘅時候，Cassy就開口喇：「收工之後我哋再去第二度繼續飲吖？」唔係化，仲嚟？

大家估下阿星最後有冇同野性動人嘅Cassy去飲下場呢？上回講到，Cassy撩阿星食完個悠長午餐之後再去第二度繼續飲。咁美麗動人嘅銷售經理Cassy同阿星一人一半飲咗一支意大利紅酒之後已經開始紅都面哂，返去公司嘅時候大家都冇避忌，一齊搭升降機返上去。升降機入面都幾多人，Cassy同阿星兩個夾到沙甸魚咁企咗喺升降機入面，阿星同Cassy俾人迫到手臂貼住手臂，唔知點解，大家嘅手就係咁磨下磨下十指緊扣埋一齊喇。十七樓好快就到，啲人一層出三兩個，去到十五樓嘅時候只剩番阿星同Cassy兩個喺度十指緊扣互相凝視對方。阿星承認，Cassy係一個好靚嘅女仔，性感，大膽，中意笑。身材迫爆就唔在講，喺Cassy深邃嘅眼神入面你會見到一啲頭腦簡單嘅女仔冇嘅嘢，有啲倔強，有啲堅毅，仲有一絲絲嘅孤高同寂寞。繼妹妹之後，阿星再次發現呢種孤高同寂寞嘅眼神，比較當年仍然稚嫩嘅妹妹，Cassy多咗好多分成熟女人嘅味道。嘩，阿星你講到佢咁好，你有冇動心先？同你講阿星唔動心係呃你嘅，有個咁性感野性嘅女仔對你表示喎，點會冇一點點動心呢？但係請留意，Cassy係有個拍咗好耐拖而又成日要飛嘅男朋友嘅，尋晚喺佢屋企三言兩語已經了解咗好多有關佢嘅事，孤獨，寂寞，不安，欠缺安全感，好勝，主動，等等等等。Cassy需要嘅，係學會將不安感排除，令到安全感由內而外咁產生，孤獨同寂寞自然會因為安全感越嚟越强烈而被消除。十指緊扣令到Cassy安心，阿星好想幫佢，想呢個咁靚嘅女仔笑得更加甜。

Cassy首先行出升降機，扣住阿星嘅手慢慢鬆開，兩個人嘅手指一隻一隻咁慢慢分離，直到阿星嘅食指同佢嘅中指勾到最後一刻，最後分開咗。Cassy擰轉頭望住阿星微微一笑，然後好輕快咁走咗入佢自己嘅房度。係呀，Cassy有自己嘅房㗎，細細嘅一間房，一個人自己坐，幾孤獨。阿星同埋佢哋幾個同總裁開會，傾埋啲會發展嘅未來方向嘢，一傾就傾咗三個鐘，做咗啲腦激盪，不過激盪嘅唔止阿星個腦，仲有小星星。話說開會，當然大家圍爐食爐端燒咁坐埋一齊。一張長方枱嘅一邊係總裁同埋CEO，另一邊就係項目經理，阿星同埋Cassy。喺總裁一路講緊今年期待榴槤國同周邊國家嘅生意額嘅同時，Cassy嘅雙手一路好努力咁喺佢嘅手提電腦度整理筆記，當佢唔需要打筆記嘅時候，佢嘅左手並冇停低休息，而係放咗落枱下面嘅阿星隻右腳大脾上面，係咁用食指喺度撩。小姐，條褲雖然都著咗幾個月，但都係幾千蚊貨色，你啲手指又長又有水晶甲又盛，阿星條西褲好快會俾你撩咗個窿出嚟喎！但係呢啲時候阿星又點出得聲呢？而且仲要回答總裁嘅問題同講下一啲可行嘅方案，根本冇辦法唔俾隻衰妹乘虛而入，你唔好俾阿星入，入咗你就知死！

（待續）😬

star_platina

引用:

原帖由 timLeung88 於 4/5/2021 07:48 發表
早晨師兄乜咁早呀，又準備為人民服務，今日又有咩睇呢？🧐🧐

師兄都堅早，又出咗一段，慢慢欣賞😬

star_platina

引用:

原帖由 825 於 4/5/2021 10:48 發表
星 C兄 努力呀

多謝師兄，晏晝繼續😬

star_platina

引用:

原帖由 sam959818 於 4/5/2021 12:26 發表
星師兄在這裡很少能看到這樣美妙溝女互動人生，很多都是性奴隸，只是尋求性發洩欲海中浮沉，男與女之間應該也有情感互動產生情慾，先可以情慾交替魚如得水大家開心，到分手也有情感，知心之友永遠難忘。 ...

森師兄好有感觸，都有一啲傷感嘅往事？感情昇華需要有好多覺悟；愛，係咪又一定要擁有呢？相知相識已經非常難能可貴，相愛相扶持就更加難得，阿星有幸，與女孩們相遇，作為佢哋人生嘅過客。😬

star_platina

引用:

原帖由 timLeung88 於 4/5/2021 12:27 發表
師兄下午繼續精彩吧，Thank！👏👏👏

如果阿星寫得切，希望每日早午兩段故事，令大家笑住返工，笑住食晏😬

star_platina

引用:

原帖由 cx829 於 4/5/2021 12:44 發表


yes. too much contact or being together may ruin the special thing. lol isn't it so ironic?
the experience, the feeling is more than what can be described with words. lol
ur stories remind me of m ...

Haha, glad that this story brings back some of your fond memories. Life is like a box of chocolates, you'd never know what you will get until you unwrap their clothes 😬

star_platina

食個靚飯，睇個靚故仔，大家有請：

Cassy XI

終於開完個異常難捱嘅會議，會議嘅議題並唔難應付，難在Cassy喺度搞搞震，喺阿星大脾上面撩撩貢。開完會，阿星執埋啲嘢，準備寫埋個計劃書，項目經理已經走咗，CEO同總裁都去埋飲酒，剩返阿星星期五收咗工都仲喺度搏殺。係呀，阿星平時係唔會咁勤力嘅，不過份嘢始終都要做，遲做早做，不如做埋佢費事心掛掛。你問Cassy去咗邊？佢落咗樓下買咖啡同晚餐俾阿星囉，見到阿星咁勤力，Cassy都自動請纓話買外賣俾阿星食，一去就去咗成粒鐘，行埋街先上嚟啩？都成八點幾啦，阿星真係有啲餓，行出去斟杯唔多好飲嘅咖啡機咖啡，一路飲，一路諗究竟Cassy去咗邊，定係改變主意已經返咗屋企呢？如果佢已經返咗屋企，就應該講聲阿星知話佢走咗啦，阿星自己揾嘢食，唔使喺度白等啦嘛。打咗短訊俾佢都冇回覆，唔知係咪有啲咩事呢？阿星個好似白鴿咁大嘅腦入面開始有少少掛住佢，揸住杯咖啡都唔知飲咗啲咩。然後公司嘅門打開咗，有個女人好論盡咁行入嚟，一包二包咁，咦，Cassy嚟喎。

見你咁多嘢，阿星即本過嚟幫你攞。「你去邊樹搞咁耐？」「買嘢你食囉。好多嘢食呀，你快啲幫我攞住支酒先！」Cassy係一個非常之醒目嘅女仔，如果唔係都唔可以做到銷售經理啦。佢一個人落樓下嘅商場度買咗一份印度炒飯、一份土耳其串燒、一份凱撒沙律、兩支紅酒、仲有兩隻玻璃杯咁多嘢，就係冇咖啡。「我杯咖啡呢？」「冇呀。」「吓？」「唔好飲咖啡啦，飲紅酒，午飯時你飲果隻嚟嫁，有兩支。我仲同佢哋買咗兩隻酒杯添，你睇？」然後舉起兩隻玻璃杯喺阿星面前搖一搖。好，算俾你叻返次，買紅酒買埋酒杯，喺公司兩個人飲，你都諗得週到啦獅子座。阿星一路食土耳其串燒，一邊飲紅酒一路做文案，Cassy自薦話幫手，阿星講份嘢應該係阿星自己處理，但係佢話有一部分嘅內容係有關銷售嘅，佢有責任幫手打，所以兩個人就喺阿星張枱度開夜車喇。除咗啲打字嘅“逹達”聲之外，基本上阿星同Cassy都冇乜交談，偶然阿星望下佢，就會發現佢原來望住阿星，當大家有眼神接觸嘅時候，阿星就會見到佢對眼喺度放電。然後阿星聽到Cassy打喊露，知道佢都已經好攰，就同佢講不如收工啦，阿星返屋企先做啦，使唔使車你返去？Cassy企喺身開始執嘢，笑住同阿星話：「唔使啦，今晚我可以自己揸，不過我想你送我。」你揸一架車阿星揸一架車咁送你返屋企阿星又真係未試過喎，好，送下先得。

（待續）😬