star_platina

引用:

原帖由 jjrlinlin 於 4/5/2021 14:55 發表
個故仔好正呀，快d寫埋落去啦

師兄，古仔正喺邊度，可以具體啲講下嗎？等阿星下個故事再寫好啲😬

jjrlinlin

雖然甜嘅部分冇乜，不過我自己本身鐘意聽故仔，對於點樣由冇關係變有關係，中間有d乜野特別事發生呀，點樣引誘佢or你.....etc. 睇完代入感會高d

star_platina

引用:

原帖由 jjrlinlin 於 4/5/2021 15:08 發表
雖然甜嘅部分冇乜，不過我自己本身鐘意聽故仔，對於點樣由冇關係變有關係，中間有d乜野特別事發生呀，點樣引誘佢or你.....etc. 睇完代入感會高d

冇錯呀師兄，少少鹹多多趣係阿星寫故事嘅理念。甜嘅部份阿星覺得已經足夠，留番啲空間俾大家想像，反而希望喺人物情節交流上面多啲著墨，希望大家睇完會笑出嚟。師兄講得好，有代入感，每個人嘅自身感覺都唔同，如果阿星寫到大家睇完之後都好似阿星咁親歷其境，個故事先會吸引到大家追落去。Cassy同佢啲朋友嘅故事大概橫跨咗兩年左右嘅時間，阿星揀咗啲有趣嘅故事節錄俾大家，喺疫情環境入面希望令到大家能夠一點點嘅歡樂。😬

更年大叔

引用:

原帖由 star_platina 於 2021-5-3 23:17 發表


遲下要師兄都分享下故事😬

我都出左幾篇回憶架喇
無你既故事咁精彩😊

star_platina

引用:

原帖由 更年大叔 於 4/5/2021 17:59 發表

我都出左幾篇回憶架喇
無你既故事咁精彩😊

師兄，有回憶已經精彩，能夠回味已經無窮。唔知阿星仲有冇機會欣賞師兄嘅故事呢😬

mr.manman

引用:

原帖由 star_platina 於 2021-5-4 15:27 發表


冇錯呀師兄，少少鹹多多趣係阿星寫故事嘅理念。甜嘅部份阿星覺得已經足夠，留番啲空間俾大家想像，反而希望喺人物情節交流上面多啲著墨，希望大家睇完會笑出嚟。師兄講得好，有代入感，每個人嘅自身感覺都唔同，如果阿星寫到大家 ...

同埋cassy朋友既故事🤪🤪🤪🤪 3p?

star_platina

引用:

原帖由 mr.manman 於 4/5/2021 20:26 發表
同埋cassy朋友既故事🤪🤪🤪🤪 3p?

師兄慢慢睇就會明，故事有七個部份，七位人物同阿星，以及佢哋之間嘅互動，請耐心欣賞😬

cc19880910

引用:

原帖由 star_platina 於 2021-5-4 20:57 發表


師兄慢慢睇就會明，故事有七個部份，七位人物同阿星，以及佢哋之間嘅互動，請耐心欣賞😬

你嘅故事，計N年前睇過Office 妹妹之後最精彩的

star_platina

引用:

原帖由 cc19880910 於 4/5/2021 21:08 發表

你嘅故事，計N年前睇過Office 妹妹之後最精彩的

咦，師兄記得妹妹嘅故事，多謝欣賞。阿星會盡力寫啲好嘅故事俾大家娛樂同快樂😬

star_platina

今朝好平靜，寫一段先：

Cassy XII

尋晚因為Cassy太醉揸唔到車，要阿星送佢返屋企，阿星都已經識路，公司去佢屋企都係三十分鐘前後，而由佢屋企返阿星度都只係四十五分鐘左右，唔算太耐。Cassy揸住佢部TT，迫爆短裙長腿美女開蓬跑車，夠哂高調；阿星只係揸部高身嘅SUV型車，襯返阿星高人揸高車，低調得嚟夠哂突出。阿星好禮貌咁跟住Cassy車尾，護送佢返屋企，一路幻想喺度揸跑車，跑車車廂又窄，個司機位又窩咗落去，車身又低到差唔多貼地，阿星一大舊塞咗喺個司機位度之後應該起唔返身，落唔到車，變得異常狼狽。路程中一路開咗個電話同佢傾埋啲唔知咩廢話，有講有笑咁揸到佢屋企附近。咦？乜唔係轉呢邊咩？做乜直去㗎？

阿星唯有跟住Cassy架跑車，駛到去一個小山嘅上面，山嘅一邊係好多高尚住宅，獨立屋之類，另一邊望落山可以望到城市嘅夜景，呢度嘅環境清幽怡人，鬼影都唔多隻，偷情真係冇得頂。咪住先，你帶阿星嚟呢度，究竟有乜企圖？正想問Cassy嚟呢度想做乜，佢已經落咗車，行埋嚟阿星架車嘅乘客位度，想打開阿星度車門。由於榴槤之國嘅治安唔係太好，阿星係鎖哂所有嘅車門唔俾任何人喺外面打開車門上到車嘅。Cassy拍拍乘客位嘅車窗，示意阿星開門，阿星做手勢話唔知佢想講乜，Cassy望住阿星，然後喺手袋度攞出部手機出嚟，一路望住阿星，一路打電話。阿星個爛舊手機電話鈴聲響起，當然知道係邊個打嚟，不過部手機放咗喺乘客座位上面，阿星望住Cassy，當然望唔到啦，仲要聽唔到電話響添。Cassy見阿星眼定定冇反應，喺車出面同阿星揮揮手，用手指指住阿星架車嘅乘客座位，示意阿星快啲拎起個電話。阿星繼續望住Cassy話佢知阿星唔知佢講緊乜，然後Cassy收咗線，一路打短訊，係咁打係咁打，然後望住阿星，用手勢示意阿星睇下電話，阿星仍然表示阿星唔知佢想講乜。最後Cassy終於失去耐性，發哂茅咁拍打阿星個乘客位嘅車窗玻璃，一路拍打一路大聲鬧。喂小姐，你拍還拍，唔好咁大力好喎。終於阿星都係要打開個車窗少少，Cassy即刻停止咗拍窗同鬧嘅動作，準備開門上車，不過阿星只係開咗少少車窗，啱啱足夠Cassy伸到佢啲修長嘅手指入嚟。睇嚟Cassy真係好想上車，佢用盡辦法想伸隻手入嚟阿星架車度，直頭好似啲喪屍電影入面啲喪屍咁，死命咁想上車咬食阿星。Cassy又急又鬧，話阿星黐線，做乜唔俾佢上車咁話。阿星係咁望住佢，心諗家下放你入嚟阿星一定渣都冇得剩，等你放下電先算。 Cassy又鬧又拍窗又踩地又攝啲手指入嚟，阿星就係唔開窗俾佢，眼見佢急到想喊咁款，應該差唔多可以平伏佢心情，等佢安靜啲喇啩。阿星揚一揚手，細細聲講：「你收聲就開門！」佢開頭唔係好聽到阿星講乜，阿星講到第三次嘅時候，佢就開始靜落嚟，雙手垂低咗，企定定响度望住阿星。

阿星收起放咗喺乘客座位上面嘅老舊手機，伸手去打開門閂，將門打開，Cassy再冇好急咁衝上車，而係慢慢咁打開門，好斯文咁爬上嚟。車門關上之後，Cassy靜靜咁望住阿星，阿星亦都靜靜咁望住佢，佢嘅眼神好複雜，好多嘢想講，但係唔知道點講。

「你今次好乖，會斯文咁上車，肯聽話靜落嚟，會停止吵鬧，真係非常之好……」阿星用柔和嘅聲線去撫慰Cassy，佢聽到阿星把聲，一路望住阿星一路眼淚不停咁流出嚟。「非常之好，讓啲眼淚同你不安嘅情緒一齊流哂出嚟啦………好…………慢慢…………放鬆…………深呼吸……………然後合上雙眼…………」雖然阿星唔多耍家快速催眠同開眼催眠，不過對一個被打亂咗步伐嘅人施行催眠就非常之容易。Cassy慢慢合上雙眼，呼吸亦都開始變得緩慢均勻，喺冇乜街燈嘅車廂入面，阿星只能夠依靠月色勉強睇到Cassy嘅胸口起伏同聽佢嘅呼吸聲嚟判斷究竟佢係咪進入狀態。今次阿星都唔打算進行深度催眠，事關阿星需要事先徵求Cassy同意要落啲咩催眠嘅提議。今次只係俾佢有一個小小嘅放鬆，令佢積累嘅情緒得以抒解。二十分鐘嘅催眠，讓Cassy喺完成整個過程之後睜開眼嘅一刻面露微笑，喺佢定咗神，望到阿星之後，佢第一句同阿星講嘅說話係：「我個心平靜咗好多，多謝你。」哼哼，知阿星厲害未？

（待續）😬