star_platina

引用:

原帖由 timLeung88 於 28/4/2021 20:59 發表
師兄果然真係引人入性，好耐冇見過咁有心機寫嘅故仔，比心機加油啊，可以寫多小小同快啲更新更好！🙏🙏

多謝師兄讚賞。阿星喜歡寫作，雖然文筆有欠通順，故事結構亦都比較鬆散，仍然學習途中，會盡力改善。寫作需要時間，而且整理亦都需時，多餘情節或者對故事無大幫助的枝節都要修飾，希望師兄見諒。阿星會盡力寫出好故事，縱使只係甜故，亦都希望師兄師姐們睇得會心微笑。😬

holland1988

師兄, 我喺discuss 果時已經追看你嘅post, 加油!

anthonychan

期待星哥繼續update

star_platina

引用:

原帖由 holland1988 於 28/4/2021 23:48 發表
師兄, 我喺discuss 果時已經追看你嘅post, 加油!

嘩，師兄，他壇遇故知呀！多謝支持，阿星一定努力😬

star_platina

引用:

原帖由 anthonychan 於 28/4/2021 23:48 發表
期待星哥繼續update

阿安東尼師兄客氣，寫得唔好請指點😬

meow_917

做個追星族，強帖留名

star_platina

引用:

原帖由 meow_917 於 29/4/2021 09:14 發表
做個追星族，強帖留名

阿喵留名，阿星流…………😬

多謝支持，多謝捧場😬

star_platina

Cassy II

食完個迎新飯，阿星一於好少理，同項目經理兩條友去整返支飯後煙先。阿Cassy見阿星兩條麻甩唔直接返上公司，就好奇地問阿星去邊，阿星冇出聲，只喺褲袋入面攞咗包煙出嚟喺銷售經理面前揚一揚示意，佢跟住哦咗一聲，粒聲唔出咁跟住阿星地行去停車場。唔通你又係煙剷？停車場入面有大大小小唔同嘅人堆喺度煲煙，每堆人由兩個到四五個不等，目的都係趁食支煙嘅時間傾下偈，聯絡下感情。阿星以前都會聯，不過通常一聯就聯出事，所以聯下唔聯下就算，多一事不如少一事，少一事不如冇事。阿星同項目經理食煙，見Cassy望住，就問佢係咪要食，項目經理一見，即刻打開包煙，想攞支俾佢，Cassy搖搖頭，笑住同項目經理講：「唔使啦，我食呢支就得。」講完之後伸出佢修長嘅手揸住阿星支…………煙，從阿星咀度拔咗支煙嚟吸咗一啖，然後笑住同阿星話：「我吸兩啖咋，同你一齊食好冇？」你講到咁，又拔咗阿星咀入面支煙，唔通阿星仲可以講唔好咩？

呢個衰妹日日都整兩嘢阿星嘆，唔係見到阿星去食煙就跟住嚟吸兩啖，就係走過嚟阿星間房度，坐喺阿星枱上面露出佢套裝短裙包唔哂嘅長腿。項目經理張枱喺阿星張枱嘅斜對面，成間房只得兩張枱，Cassy唔坐喺佢枱上面，反而坐喺阿星枱上面，項目經理全程眼甘甘，又成日借啲意走埋過嚟三個人一齊傾。又冇所謂嘅，傾計啫，通常傾傾下就話去食煙，然後又係同阿星分一支煙。哼，想同阿星做共犯？

如是者，Cassy一啖阿星一啖，項目經理自己一啖啖煙嘅情況持續咗三個月，一直都相安無事(阿星天真地相信)。直到有一次，總公司嘅總裁飛嚟榴蓮之國開會，事情開始變得複雜化。總裁係德國人，只食德國菜同飲啤酒，而且全人類都要同佢飲，飲得快飲得多先叫做係好。阿星酒量唔算好好，但係都叫做五六品脫啤酒冇難度。要開車返屋企雖然係唔可以飲咁多，不過以阿星嘅駕駛技術，夜晚係冇問題嘅。當時Cassy同項目經理同埋阿星行去停車場攞車，Cassy行到搖搖下，阿星同項目經理都諗住陪佢行去攞咗車先再自己去攞車。阿星故意落後，欣賞一個著住迷你裙另加六吋高踭鞋屁股扭動嘅美妙背影，項目經理見到阿星落後咗，即刻溜後細細聲同阿星話:.「你睇下幾性感？我諗佢醉咗，應該上得啦。」阿星望下佢，心諗你都真係幾猴禽，一陣做到一半佢醒咗告你老强，喺回教國家好似話要切啫啫，你唔係諗住乘人之危下話？就喺呢個時候，Cassy突然之間擰轉頭望住阿星同項目經理，然後話：「我揸唔到車啦，阿星你車我啦！」吓？

（待續）😬

[ 本帖最後由 star_platina 於 2021-5-1 18:08 編輯 ]

hongkongboy2046

引用:

原帖由 star_platina 於 2021-4-29 09:45 發表
Cassy II

食完個迎新飯，阿星一於好少理，同項目經理兩條友去整返支飯後煙先。阿Cassy見阿星兩條麻甩唔直接返上公司，就好奇地問阿星去邊，阿星冇出聲，只喺褲袋入面攞咗包煙出嚟喺銷售經理面前揚一揚示意，佢跟住哦咗一聲，粒聲 ...

咁主動飛埋來，星師兄食唔食呢…？

star_platina

引用:

原帖由 hongkongboy2046 於 29/4/2021 09:57 發表
咁主動飛埋來，星師兄食唔食呢…？

師兄，通常啲飛來嘅豔福背後都有好大抽嘢跟住嚟，免費嘅嘢係最貴，師兄睇落去就會明😬