star_platina

天氣濕濕，阿星又鹹鹹濕濕，寫多一段先～

Miss Tang XI

阿星見Miss Tang雙手交叉抱住胸前，就摸下佢個面仔，問佢係咪凍，佢攬住阿星隻手喺佢幼滑嘅面上面磨，然後話：「唔凍。」好，既然唔凍，咁阿星就要開始拖Miss Tang散步。拖住竉物散步係需要一啲適應性訓練嘅，一開始嘅時候阿星揸住Miss Tang個頸圈扣住嘅鋼鍊，要佢著住衫打開啲鈕拖住嚟行，行咗兩個圈，阿星見Miss Tang都開始放低交叉胸前嘅雙手，就叫佢除咗件外套交俾阿星揸住，繼續散步。呢個時候嘅Miss Tang已經只係著住一對白色波鞋喺度行，空中花園有少少微風，吹起Miss Tang又短又飄逸嘅秀髮，阿星見到佢兩點已經因為半夜嘅涼風而劇烈抗議。阿星擰轉身，用冇揸住鐵鍊嘅左手再次摸摸佢面珠，摸到佢塊面都已經開始有啲凍，再問佢凍唔凍，佢啲雞皮已經走哂出嚟，但係仍然話唔凍。阿星唯有話：「夜晚開始涼啦，太涼你冷親聽日返唔到工，阿星又唔捨得啦。」講完之後將Miss Tang件黑色薄外套幫佢著返。然後再同Miss Tang話：「要散步幾時都得，你聽話嘅話阿星自然會獎勵，知冇？」Miss Tang聽完點點頭，著返好件薄外套，跟住阿星行返去阿星個單位，係呀，頭先已經攞咗件替換嘅衫去阿星度換，聽朝會同阿星一齊去同Elly食早餐。

阿星開咗個熱水爐俾Miss Tang冲個熱水涼，其實榴槤之國嘅半夜並冇大家想像中咁熱，甚至乎喺清晨6-7點嘅時候會得21-22度，有涼意添。Miss Tang冲完涼就到阿星，冲個熱水涼就好快嘅啫，係要俾佢休息一陣然後先同佢一齊返去上堂好啲。冲完涼，阿星準備去梳化度瞓，雖然間屋係三房兩廁，除咗阿星間房之外，其他兩間房只得張床褥，擺放咗阿星嘅簡單行李同埋啲衫褲。既然價錢差唔多，梗係租間似樣嘅apartment啦，你又估下阿星租一個3房2廁，開放式厨房，大概1,047平方呎嘅單位要幾多錢呢？答案係大概港幣3,200蚊左右啦，喺呢度算係比較高少少價錢㗎啦，service apartment係咁上下。

張又大又舒服嘅床俾咗Miss Tang瞓，阿星唯有坐喺梳化瞇一陣啦。你問阿星點解唔同Miss Tang一齊瞓？一嚟阿星同佢未係好熟，二嚟阿星又唔係真係渴到係女仔都上嘅，三嚟一陣要返學，喺度食唔好喺度揾食啦，係咪？阿星坐喺梳化，食支煙，望住個魚肚白，望下望下，就瞓著咗。
（待續）😬

star_platina

引用:

原帖由 holland1988 於 24/5/2021 20:49 發表

明白, 可能佢哋覺得外地嚟嘅華人有一種吸引力…

係，佢哋好中意聽阿星講廣東話，話阿星講得好好聽，想阿星一路同佢哋講，不過阿星覺得自己講英文好過講廣東話😬

star_platina

引用:

原帖由 holland1988 於 24/5/2021 23:42 發表

咁阿星師兄之前又喺英國🇬🇧咁耐, 英文一定好到mother tongue 咁啦…
話時話, 喺英國果時多唔多溝鬼妹?

可能又可以開個新post講吓你嘅經歷… 😆😆 ...

查實阿星一講英文就俾鬼佬笑喺倫敦返嚟，因為阿星啲英文有好多俚語，係東倫敦口音，會講一啲叫cockney嘅英文，例如車係car，cockney就會叫做jam jar，然後樓梯stairs就係apples and pears，講大話tell a lie就變成tell a pork pie，所以如果話You said there is a car upstairs must be telling a lie就會變成Ya said there's a jammie up the pears musta telling a pork pie mate.

阿星係一個好內斂嘅人，通常係啲鬼妹揾阿星，阿星係唔揾鬼妹嘅😬

star_platina

引用:

原帖由 holland1988 於 25/5/2021 01:03 發表

呢啲俚語冇番十年八載真係學唔到…

你咁講法咪暗示成日都同啲鬼妹有”星球大戰”… 😆😆😆

花啲時間就學到㗎啦，阿星唔多聰明，用嘅時間比人多啲咁解啫。

某大戰某大戰，小戰啫😬

star_platina

引用:

原帖由 Katrinacat 於 25/5/2021 01:13 發表

你又知係夜瞓？

或者我喺地球另一邊🤔

估計阿吉貓喺GMT-8，阿吉貓係晏晝食飯睇阿星啲故仔；如果阿吉貓喺GMT+13，阿吉貓係一早起身即刻睇阿星啲故仔。咁阿吉貓係邊款？😬

star_platina

一早起身寫故仔先～

Miss Tang XII

阿星唔知瞓咗幾耐，然後覺得隻右腳有啲重，有啲痺，有啲活動困難。麻痺嘅感覺，就好似針拮咁，一路由腳板拮拮拮，拮到上大脾，果種感覺好鬼得人驚，好似有鬼抆住隻腳咁，嚇死阿星，然後阿星張開眼。

你瞓覺嘅時候，永遠唔知瞓醒會有咩事發生，而且當你屋企多咗個陌生人嘅時候，更加有可能發生一啲你冇預料過嘅事。阿星張開眼嘅時候，冇錯係有舊嘢責咗喺阿星隻右脾度，呢舊嘢，就係阿星頭先帶返嚟嘅Miss Tang。阿星戴返個眼鏡望清楚佢，發覺Miss Tang伏喺阿星隻腳上面瞓得好舒服，有時阿星好奇怪，Miss Tang好似一啲都唔怕阿星，阿星只係同佢見過幾面，而且佢仲要喺阿星面前露出狐狸尾巴，但係佢都仍然會揾阿星拖佢去散步，仲咁大膽跟阿星返屋企瞓，唔知佢係大胆定係對人冇戒心。阿星隻腳真係痺，忍唔住郁動一下，Miss Tang跟住就醒咗，佢望下阿星，然後用手抹抹咀，哼，仲要瞓到流口水。
「做咩唔喺床度瞓？」阿星望住佢。
Miss Tang俾阿星望到有啲唔自在：「喺床度瞓唔著。」
難得阿星讓張床俾你，早知自己瞓，踢你出嚟瞓梳化啦。Miss Tang見阿星望住佢，應該以為阿星係對佢眼甘甘，即刻用手指做梳咁樣叉下啲清爽嘅短髮，整理下佢。呢個時候，Elly打短訊嚟，問阿星起咗身未，阿星答佢起咗啦，然後佢問阿星攰唔攰，話買早餐上嚟俾阿星同Miss Tang食好唔好，咦，你點知Miss Tang喺度呢？Elly嘅答案真係一語中的：「你一定唔忍心玩壞佢，帶咗佢返屋企俾佢休息啦，你今日仲要同我哋一齊上堂呀，尋晚玩得好夜？」某某某，真係某嘢暪得過Elly，阿星唯有直認尋晚玩得夜，然後Elly覆咗句：「你真係，都唔睇時候做嘢嘅，買多杯咖啡俾你好冇？」唉，你話阿星點捨得呃Elly呢？

Miss Tang問邊個揾阿星，阿星話俾佢知係Elly，佢會買早餐上嚟，Miss Tang即刻面色都變埋，話要著衫走。阿星望下佢，你咁驚做乜？Elly知道你喺度啦，佢知道你尋晚喺度瞓，買埋早餐上嚟俾你啦。Miss Tang企咗喺度，望住阿星，阿星應該未剃鬚嘅，應該有啲鬚根，係有型咗少少嘅，冇辦法。「你同Elly其實係咩關係？」Miss Tang望住阿星問。
「你唔係諗住Elly係阿星女朋友啩？」阿星點著咗支薄荷煙，吸咗一啖，慢慢吐出煙圈。
「我唔覺得你哋係，不過啲關係好奇怪。」Miss Tang諗咗一陣然後得出一個咁嘅結論。
「啱呀，阿星同佢係同事，亦都係關係好親密嘅人，佢同另外一位同事都係阿星嘅情人。」阿星一路吸煙，一路講。
「你究竟有幾多個情人嫁？」Miss Tang好好奇。
「冇啦，呢度得Elly同埋另外一位叫Cassy嘅女仔啫。」阿星講得輕描淡寫。
「其他地方仲有？」Miss Tang真係好驚訝，阿星咁嘅貓樣，邊度走咁多女仔嚟？
「以前嘅事嚕，你好想知咩？」阿星整熄咗支煙，起身行咗去厨房斟咗三杯水，一杯俾Miss Tang，一杯自己飲，仲有一杯，當然係留俾一陣上嚟嘅Elly啦，仲問？
（待續）😬

star_platina

引用:

原帖由 boar36 於 25/5/2021 08:39 發表
早晨 Star 師兄，一早又有更新睇，感覺非常清爽。好想知邊個喺無間道 ......   睇嚟出現新 3P 或 4P 嘅場面不遠矣 !!

suport support 繼續寫  ........  務必要令你啲 fans 睇到硬哂軚 ...

師兄真係抬舉，竟然用清爽嚟形容，阿星就係果個無間度，今日瞓呢度，聽日瞓果度。呢啲PPPPP咁激烈嘅場面阿星未試過，唔玩咁多，可以專注女角同阿星嘅交流，多啲調情多啲交心😬

star_platina

引用:

原帖由 boar36 於 25/5/2021 11:30 發表
Star 師兄，我都喺隨便噏吓咁啫，期待更精彩嘅更新

阿星都係同師兄噏下笑下啫，師兄捧場，阿星老虎都寫啦😬

star_platina

又食飯，天氣濕濕，阿星又鹹鹹，寫啲嘢就鹹鹹濕濕～

Miss Tang XIII

Elly買咗阿星最中意食嘅扁嘅豬腸粉配豆腐卜同埋炸肉卷上嚟，一式三份，大家食一樣嘅嘢，唔使爭。Elly同阿星一路食一路傾偈，Miss Tang望住阿星同Elly，突然間開聲：「點解你哋可以咁容易就一齊嘅？」阿星同Elly互望咗一眼，然後阿星輕輕拍拍佢嘅手，同Miss Tang講：「當你知道你中意嘅人同你只能夠維持一段短暫嘅關係，你就會想喺果段唔知幾時會完嘅時間入面盡量對對方好，明唔明？」
Miss Tang沉默咗一陣，最後係阿星叫佢快啲食嘢然後梳洗出門去對面馬路嘅訓練中心上埋今日嘅堂。

今日上堂都係講埋要做ISO9001所需要嘅其他步驟，阿星亦都照原定計劃開著個遙控器，等Miss Tang喺課堂上受到突如其來嘅刺激。Elly今日好乖，全日幫阿星整理埋啲notes，而Miss Tang就一路喺度忍受阿星嘅突擊遙控器開關檢查，一路幫導師做助教，阿星見Elly望住阿星嘅眼神表現出期待同羨慕，知道Elly渴望個玩具放入佢度而唔係放入Miss Tang入面，呢個係意料之外，阿星都冇預計過要冷落Elly咁殘忍，所以阿星用手執住Elly嘅手，然後同佢講：「今晚同阿星去食飯，夜啲走好冇？」Elly聽到之後雙眼有好短暫嘅一瞬間流露出期待，然後眼神一瞬即逝，回復平時嘅滋油淡定。Elly搖搖頭，反轉手同阿星十指緊扣，好温柔咁同阿星講：「我唔能夠時常陪喺你身邊，有佢喺度，如果我唔得閒咗，你都冇咁悶。」阿星唔係要呢啲呀，你發下脾氣好似Cassy咁，要阿星氹下錫下好冇？你咁樣，阿星點捨得你唔開心？
（待續）😬

[ 本帖最後由 star_platina 於 2021-10-23 13:28 編輯 ]

star_platina

收工都咁靜焗，阿星多事寫多段先～

Miss Tang XIV

Elly最後連阿星屋企都冇上，喺阿星樓下停車場攞咗車就走咗，全程只係抱咗一下，蜻蜓點水咁錫咗Elly一啖就上咗車同阿星拜拜。Elly嘅無聲無息，表達咗佢對阿星嘅不滿，係沉默抗議，係無聲反抗，對於阿星貪玩冷落Elly，佢好唔開心，阿星個心好唔舒服。Miss Tang跟住阿星同Elly去攞車，全程一粒聲都唔出，直到Elly離開咗之後，Miss Tang終於開口：「Elly係咪唔中意我呀？」你咁樣望住阿星，叫阿星點樣答你呢？

阿星去咗食煙，因咩事？咪就係阿Elly嘅無聲離别令阿星飯都冇食。阿星車咗Miss Tang返屋企，安慰佢，話Elly唔係唔中意佢，只係有啲唔開心啫。安撫完Miss Tang，阿星攬咗佢一下，然後Miss Tang好細聲咁問阿星：「你仲會唔會帶我去散步呀？」你咁楚楚可憐咁，唔通阿星話唔會咩？呢個時候，最好打個短訊問下Cassy，始終佢哋係好姊妹，或者知道阿星應該點做。

Cassy飛咗去冬蔭之國傾生意，後日先返嚟，阿星打過去，佢即刻就接電話。
「掛住我冇？」電話嘅另一邊傳嚟Cassy爽朗嘅笑聲。
「做咩唔開心？因為Elly？」Cassy聽到阿星嘅語氣，但係你點知係因為Elly?
「唏，佢乜都同我講㗎啦，我一早知道啦。」你知就好，咁阿星點樣氹返Elly好？
Cassy喺電話嘅另外一邊笑，好似考第一嘅小學生俾同學仔圍住問點樣可以考到第一咁：「我教你氹返佢，你點樣氹返我先？」你話點就點啦，你係阿星嘅軍師，你話事。
（待續）😬