04329234

好唔開心，只係想分享下

其實真係無諗過自己會遇到同發生呢件事，我諗返係唔係個天玩我，定係俾份小禮物我，定係罰緊我？？

188越黎越無人氣，我諗大家都知，男女比例直頭有人話係99：1，我都當然係相信啦。前身discuss真係可以識到好雲唔同既女仔，但而家真係好難。

我仲記得4月13日，我都幾日無去188，嗰日可能太悶，去左成人徵友區，見到一個女仔出post話想搵人傾計，以前我一直都覺得188已經變成一個唔會有女人會主動出post識人既forum,就算有，講衰啲都係質素比較差既，但嗰日又唔知點解神推鬼X咁pm左你，Kathy，我都係話想搵人傾下計因為工作上真係有時會做到好灰好唔開心。估唔到既係第二日朝早我收到你回既PM。

好快就問左你拎contact, 我同你開始傾計。可能我都衰格，一開頭問你好多你覺得無聊既問題，你之後仲話，如果我再問落去，你就唔會再同我傾。而且我嗰時都有問你，除左我，仲有無其他人add你，其實問黎都多餘，女仔出post就實爆PM，你話add左幾個，啱傾就我同另一個。傾左大半日，唔知點解感覺真係幾好，你串串地，但又會好有反應，唔似係淨係我搵話題你就淨答嗰種....如是者傾到第二日，第三日，知多左好多你表面野，而我都同你講左自己好多黑暗既一面。

到左第三日，即係星期五，我一朝返工搭車就message你，點知你到9：30先覆我，原來係你放假。氹左你好耐，你先俾我同你語音傾左陣。其實雖然係第三日，但感覺真係好好......我唔知啲感覺點黎，但我總係覺得你同其他我之前識既好唔同。言話間，我透露左我想見下你，因為你講左自己住邊，又無人同你食飯，我就借啲意話過黎同你食，當然你一句話，唔會為左我特登換衫落街食飯。其實你知唔知我聽完都會有啲唔開心，我當然知道你會唔想，但你咁講，我又點落台呢？同埋，我都係想見你，先咁講。之後我下午要做野，我地又再text，你話不如星期一俾機會我見你，就陪你返工。我就話兩條線時間唔同，令你覺得我唔想為左見你而走你嗰條線。（其實我點會唔想見你？唔想既話我就唔會話去你度食lunch見下。我其實無乜自信，我本身就唔靚仔，而且進入30之後少左好多運動，身型已經無以前大學時侯咁fit，好驚同你傾左3日咁開心，最後見完我個樣就會消失。所以你當時又誤會左我，我只係無自信見你，而且你知自己都唔差，我更加無勇氣......

最後為左唔想令你唔開心，我就死撐星期一去同你搭地返工，約左8：15頭卡等，你第一眼見你，外型真係好吸引，我敢肯定10個有8個男人都一定會望你，另外兩個一個有女朋友而唔敢望，令一個盲左望唔到。你好瘦，但隻眼都算大，又化左眼妝，even帶住口罩，但我幾肯定你會係一個幾靚既女仔。你著左條one piece裙，再加黑絲，真係好吸引我....成程同你傾搭車，有啲唔自然，可能怕醜，望最多都係望你隻眼，其實想望下你套衫你身形，但又驚俾你發現我望你其他位.....好快到左我地返工既地方，我送左你去搭叮叮，而我就走左，其實你一上車行到最前，我都一直企馬路另一邊望住你，我好想可以繼續陪你搭車，但係我又唔敢，唯有望住你上車，望住架車為止。

之後第二日放工，我又好想見你，我又問你可唔可以同你搭地鐵，你無拒絕我，今次可能第二次，無咁尷尬，望多左你，講多左野，你今日件衫著到勁低，我其實望左兩下。你知我都係一個咸濕既人，雖然你無乜胸，但你依然令我覺得你好性感，我仲嗰時同你講，你究竟有啲咩魔法魔力令我一改以往對女仔睇法。。。到我地去到你屋企個站，你話你陪我等下班車送我走，到最後架車黎，你主動攬左我兩秒。我真係無諗過你會咁做，其實好sweet架！！

故事去到一半，其實我真係好開心，個天好似俾左份好好既禮物我咁樣。。。

同你真係傾左好多野，我地仲講到細個，你初初出黎做野，因為屋企一啲問題，你要日日食M記.....聽到嗰刻個心好唔舒服，好想緊緊咁攬實你，希望你會有好暖既感覺。仲記唔記得有一日，我又陪你搭車，遠處見到你既衣著，我已經俾你深深咁吸引左，你嗰日既衣著，我同你講你98分，你無問點解無100分，不過我個心會想講，我想俾個藉口睇你下次著100分，但其實，你永遠都唔會有100分，因為我一直想見你，你就唔會有100分架，豬！

有次，我話想你陪我，其實我真係無諗過要搞你，自從見左你第一次之後，我知你根本唔係要性嗰種人，所以我真係無諗過要對你做啲咩？我只係想我地有我地既二人空間，我可以攬住你，訓你大脾望下你，同你傾計tum下你笑，我已經覺得好滿足。你話盡量拎假陪我，我聽到真係好開心架......

世事永遠就係咁樣，當你覺得好好，好順既時候，永遠都會有黑暗既日子來臨。。。。。

4月27日，你最後都拎唔到假，我真係知道你有問過同去申請過，最後無得放真係唔係你問題，我唔開心係我真係好期待呢一日，我同我講好down,無心機做野，唔係俾壓力你，我只係想講，我好需要你，好想見你，我先會咁失望。。。。但你反而因為咁樣，消失左！！！

嗰一晚，我個心好亂，我係唔係講錯左啲咩，點解你會唔彩我？我有幾傻你知唔知？我不停去睇個電話，有無message，我同自己講，你跌左個電話，所以先同唔到我講野，你一定會盡快回我，8：00你一定回我message, 仲未有，應該9：00, 10：00。。。。2：00，其實點解仲要呃自己...或者係我嚇親你！我唔應該咁樣去講我唔開心，令你有壓力，我唔敢message你，可能我都預左你唔會回我，我唔想自己再期待。

我曾經諗過去撞你，好想問你發生咩事。就算完，可唔可以話我知點解？但我無勇氣，我越來越覺得會唔會自己一相情願諗多左.....你既質素，我其實就真係襯唔起....呢9日，我諗我聽左300次以上既飛鳥和蟬，點解你既出現會令我聽到呢首歌，我一聽就會諗起你.....

今日，我send左個message俾我，嗰一刻好開心。你無唔記得我，你仲有回我，你問左我好多問題，我都有答你，但到最後结果都係一樣，你又再次消失左.......

唔知你仲記唔記得，我同你講過，我地呢啲工程師，最唔識就係講野，有時想表達啲野都表達唔到.....可能你見到我講左啲咩，你又諗錯左方向。

我真心想同你講下面既野。

正如你所講，你驚我鐘意你，又可能驚自己鐘意我，其實聽到已經好開心。多謝你曾經驚自己鐘意我，起碼唔係憎我先，我個心已經好好多。但係你驚我鐘意你，所以選擇消失我估你都未必對我好有感覺。如果一個女仔對我有感覺，佢唔會捨得我唔開心，我既朋友咁樣講。

同埋，我係真係無一刻有諗過俾壓力你。可能我自己做左啲野同講左啲野，連我自己都唔知之下從而令你有壓力既話，我想同你講聲對唔住，我真係唔係有心架。

你問我我想點，其實我真係好想keep住落去，或者呢個答案唔係你想要既，所以你選擇再次唔回我消失。

最後，多謝你俾我呢23日既故事。雖然好短暫，但我真係好sweet。就算我自己會錯意都好啦，無你既出現，我都唔會有會錯意既機會。陪你坐叮叮， 你攬左我既兩秒，你摸左我塊面一下話我可愛，呢啲我都會記住。好多謝你俾左咁甜既一幕我！

[ 本帖最後由 04329234 於 2021-5-8 02:51 編輯 ]

markluk123abc

謝謝你的分享

formanlo

緣來緣去，施主請放下啦。🙏

地捫香蕉

引用:

原帖由 04329234 於 2021-5-8 01:07 發表
好唔開心，只係想分享下

其實真係無諗過自己會遇到同發生呢件事，我諗返係唔係個天玩我，定係俾份小禮物我，定係罰緊我？？

188越黎越無人氣，我諗大家都知，男女比例直頭有人話係99：1，我都當然係相信啦。前身discuss真係可以識到好 ...

ching 你完全做錯晒, 包括埋e個post.

蛇貴妃

引用:

原帖由 [url=tel:04329234]04329234[/url] 於 2021-5-8 01:07 發表
好唔開心，只係想分享下

其實真係無諗過自己會遇到同發生呢件事，我諗返係唔係個天玩我，定係俾份小禮物我，定係罰緊我？？

188越黎越無人氣，我諗大家都知，男女比例直頭有人話係99：1，我都當然係相信啦。前身discuss真係可以識到好 ...

嘩
靚
大眼
one piece裙
Kathy
齋吹水
高唔高㗎？
會唔會有D似 Jennie - blackpink 入面果件?

04329234

引用:

原帖由 地捫香蕉 於 2021-5-8 14:26 發表



ching 你完全做錯晒, 包括埋e個post.

點解呢？
做唔做錯又點，都已經咁樣，我只係想講出我既感受。

04329234

引用:

原帖由 蛇貴妃 於 2021-5-8 15:55 發表

嘩
靚
大眼
one piece裙
Kathy
齋吹水
高唔高㗎？
會唔會有D似 Jennie - blackpink 入面果件?

165cm, 佢真係靚女，不過算啦。。。
唔知邊個jennie

剛勁的倉務員

已閱，兩秒身體接觸當賺咗。

star_platina

唉，師兄嘅貝塔男病情嚴重，如果唔戒除呢啲徵狀，人生流流長，只會都係遺憾。

04329234

引用:

原帖由 star_platina 於 2021-5-8 17:38 發表
唉，師兄嘅貝塔男病情嚴重，如果唔戒除呢啲徵狀，人生流流長，只會都係遺憾。

貝塔男即係咩？