i_m_lulu

經過幾次擺廳後, 妓女認為客人也為佢花過唔少錢, 認為十爺對佢認真啦, 便可以作為入幕之賓也, 入幕之前, 十爺要大排筵席, 好似娶老婆一樣, 仲要為妓女房內換晒傢俬, 尤其係張床...表視從今之後只有十爺才可訓得..在電影 ' 胭脂扣 ' 張國榮成為梅艷芳的温心老契, 有一幕講張為梅房間內換大床.

大寨通常將一些古老大宅改裝, 四大天王寨, 詠樂, 倚紅, 賽花, 歡得...格局別有洞天, 樓高四層, 門前有招牌, 兩邊有對聯, 多由風流名士親筆. 地下一層是神廳, 後面是大廚房, 為每夜執寨廳的飲宴而設. 二樓三樓都是亞姑房間, 四樓是寨廳. 既然二樓三樓乃是阿姑房間, 地方有限, 勉強可以間格四十個房, 而當時大寨的妓女, 連羅底橙合計不下七八十人之多, 亦既係話一房要住二妓, 能夠獨佔一房者, 是一等一的紅牌阿姑.

在塘西全盛期間, 大寨妓女多至近百...闊佬擺廳最忌就係 ' 身後蕭條 '. 何解? 執廳規矩, 飲宴客人圍席而坐, 妓女不得並排而坐, 而係坐在客人身後, 如果妓寨不夠妓女供應, 坐在後排者寥寥三數, 場面冷落, 闊佬們都覺極之無面, 而身邊傍友一見此等蕭條景況, 一定向妓寨咋形, 為保招牌, 大寨必備有 ' 後補阿姑 ' 充數.
這些後補阿姑原子寨內龜爪(打手), 鴇母, 等之遠親近鄰的女兒, 準備向青樓謀出路, 但因未夠年齡, 發育未全, 暫時末能向政府領取老舉牌(公娼執照), 惟有暫時寄居妓寨, (其實當時也算犯法) 一於學下野完. 每當執廳唔夠人充場, 就頂上.

i_m_lulu

大寨人事有規有矩, 事頭婆..妓院持牌人, 每次向政府績牌都要證明寨內阿姑健康良好, 無迫良為娼記錄. 事頭婆出身一點都唔簡單, 黑白兩道都打得通. 鴇母(龜婆), 大寨媽媽生受聘於事頭婆, 負責發掘, 監管, 訓練妓女. 對於抗命者會作出很多毒招虐待她們. 例如扯開妓女衭頭, 放隻貓仔入去, 然後隔着衭打貓, 佢地唔係打人淨係打貓, 無犯法吹佢唔帳. 師爺, 大寨文書..代妓女寫情信比啲客人, 也作些哀艷情詩, 客人便覺得妓女們又靚又好才學, 想唔幫襯都唔得. 有一首由寨中師爺代阿姑所寫嘅情詩真係哀怨至極:

" 徘佪別後意惶惶, 淚染紅銷暗自傷, 對影方知形漸瘦, 離魂偏覺夢初長, 滿胸憔悴歸南滿, 燈下幾回愁寂寂, 一枕相思寄異鄉, 多情最會斷人腸. "

如此詩意怎教老襯們唔尼啦.... 廳躉, 大寨公關...專負責聯絡拉攏闊佬, 對客人喜好習慣一清二楚. 四粒佬...樓面侍應, 以前每個樓面計客人一元, 六四分賬..寨佔六毫, 侍應佔四亳. 其時一毫叫 ' 一粒 '...故稱樓面為四粒. 寮口嫂....妓院女雜役, 服侍恩客在妓女房間打水圍, 倒茶送菜..因客人在妓女面前要表現闊佬, 故此打嘗很多.

i_m_lulu

當年塘西大寨外觀.

Screenshot from 2021-11-03 21-05-20.png (564.09 KB)

2021-11-3 21:13

i_m_lulu

Screenshot from 2021-11-06 18-56-09.png (571.23 KB)

2021-11-6 18:56

i_m_lulu

Screenshot from 2021-11-06 18-57-38.png (447.37 KB)

2021-11-6 18:58

giraffe2

引用:

原帖由 i_m_lulu 於 2021-9-6 22:35 發表
以下係一篇本人十多年前在網上東湊西拼，抄抄襲襲得來的垃圾文章。你可能喺第二度已經睇過全部，或者一部份。我只係想喺呢度再分享一下。先至聲明，本人並非作者。戴咗頭盔先。

本文上半部由古代至滿清（奇怪無咗民國），下半部 ...

目前出土最早的女性自慰器出自西漢中山靖王劉勝的墓室之中。
據正史資料顯示，劉勝有妻妾上百，為了在陰間也能應付那麼多的女人，他把「假陽具」也帶入了墓室之中，而且一帶就帶上好幾種。
不過從設計的原理上來說，倒沒有太多的差異，都屬於銅器中空，內中可置入溫水，很形象，連龜頭上怒張的筋絡都刻畫出來，動感十足。
青銅假陽具
更強的是「假陽具」的尾部還有一個突起的小疙瘩，用以刺激女性的陰蒂。
此外，又有出土的宋代假陽具六件，這些假陽具的尺寸比起漢代製品更為粗大，並且作出了改良。


原文網址：https://kkne.ws/VdQ7m9

i_m_lulu

俗語講..牡丹花下死, 做鬼也風流. 為了一夕消魂連命都唔要, 何況係錢? 在塘西流連多是腰纏萬貫, 富家子弟. 又有些是軍中權將. 據王書奴著 ' 中國娼奴史 ' 談及廣東大寨之妓女分為: 老舉和琵琶仔, 老舉是而破身的妓女, 而琵琶仔則為處女之身, 從少就由妓院中從外買回, 經過尊人訓練, 代價而沽. 而這些琵琶仔的初夜往住是很多嫖客爭相目標. 一般價錢由三千到五千, 視乎這名琵琶仔的資色和藝色.

相信很多人都聽過燒銀紙故事, 有名塘西名妓叫楚雲, 同時有兩個男人為她早已揮金如土, 想趕盡其他追求者, 最後只剩下兩人...艾力少, 星加坡富商之子, 另一位是柴爺, 香港中年商家, 本欲帶楚雲埋街, 但半路殺出個艾力少..簡直恨在心頭. ' 你地不如鬥多銀紙, 邊個多我就跟邊個囉 '....楚雲係塘西典型睇錢至上的亞姑, 所以提出此議.

經過兩方同意, 就在金陵洒家訂個最大的廳, 當日...二人各帶三名公證到場..艾力少的隨從挽兩個大皮喼, 打開全部一百元紅低, 而柴爺動用四名咕喱抬了個金山木槓, 內裡全是十元和五十元..雙方公證開始數錢..數到手軟都係數得少部份..而艾力少開始唔耐煩..' 好X悶呀..鬥數銀紙唔好玩, 不如鬥燒銀紙啦...柴爺, 你點睇.' 此時柴爺當然不能失面於美人之前, ' 好! 就燒銀紙吧. ' 嘩 ! 消息傳開, 整個塘西亞姑和飲客都紛紛趕至, 一時間坐無虛席, 連附近商户也來看熱鬧.
酒家馬上抬上兩個巨大聚寶盤, 是人家用來燒冥鏹的, 如今竟用來燒銀紙...此時廳內各人都屏息以待, 雅雀無聲. 艾力少燒一張紅底, 頂大爺就燒十張青蟹, 在公證人眼下開始鬥燒...在埸人等, 有些看得目定口呆, 也有些暗自傷神..一般打工仔當時人工只是三四十元一個月, 眼看他們一手已燒掉兩個多月人工, 那只有搖頭嘆氣. 燒銀紙由晚上十二時一直到早上八時, 柴爺的金山槓已所餘無幾, 但龍大少還有半喼紅底, 看來勝負已分.
嘻嘻....艾力少非常得意. 這時柴爺掏出支票簿, 大筆一揮, 他的跟班馬上出發要在柴爺彈盡糧絕之前趕回. 就當頂大爺槓中的銀紙還剩幾十之前, 另一大木槓剛剛趕到. 此時艾力少面如土色, 因身家遠在新加坡..鞭長莫及, 此時再找救兵也唯時而晚了, 就這樣眼光光睇住柴爺挽著楚雲而去.

天壇

引用:

原帖由 i_m_lulu 於 2021-9-6 22:35 發表
以下係一篇本人十多年前在網上東湊西拼，抄抄襲襲得來的垃圾文章。你可能喺第二度已經睇過全部，或者一部份。我只係想喺呢度再分享一下。先至聲明，本人並非作者。戴咗頭盔先。

本文上半部由古代至滿清（奇怪無咗民國），下半部 ...

謝過樓主
要假以時日
細味輕嘗

i_m_lulu

塘西成為英雄地, 使人散盡家財之處是此地提供除色之外..是有賭和毒. 好多二世祖訓到中午一兩點, 妓院又無咁早開門..唯有磨係酒樓嘆下午茶..等妓寨開門. 成個下午流流長, 唯有約埋幾條友聚賭, 當時塘西酒家都設有牌局, 麻雀, 天九, 排九..一應皆全. 還有煙局...鴉片煙, 通常係飽餐之後在召妓之前最為合時, 一槍在手, 吞雲吐霧, 不知世間為何物. 而且聽聞大煙可以提高性能力, 故此..嫖賭酒吹, 是當年塘西的特色.
電影胭脂扣中, 把這種醉生夢死的生活表露無遺, 張國榮最後也敗盡家當, 潦倒終老.

除了高消費的大寨外, 也有低廉的妓院..專供些月入一百幾的低下層工人既細寨, 二四寨(又稱炮寨).
' 二四寨' 之名因與錢有關. 清朝時還用銀兩, 此等妓女日夜接客, 日間每嫖一次為二元, 夜則四元. 故有二四寨之名, 相比大寨和小寨就平得多. 二四寨守衛好嚴, 內裡妓女大多都是欠債被賣到此, 不會有太大自由, 有所謂 '看雞佬' 看守. 嫖客光顧此等妓院大多是速戰速決, 此類二四寨位於近海旁一帶, 係一般苦力, 工人的洩慾之地. 塘西老舉階級分得好清楚, 你在炮寨做過, 大寨是永不錄用的.

i_m_lulu

煙籠寒水月籠沙
夜泊秦淮近酒家
商女不知亡國恨
隔江獨唱後庭花

杜牧這首泊秦淮寫盡六朝煙粉地, 秦淮河畔紙醉金迷生活, 縱使國家處於憂患之時, 百物消條但唯獨此地可以使人忘記煩腦, 找到片刻慰籍.

在二三十年代的塘西歲月真是達到頂峰, 雖然當時中國仍然是內戰連年, 水深火熱, 百姓生活是朝不保晚, 但這片方寸之地卻是夜夜笙歌, 醉生夢死.
但凡事總有結束的一天, 一九三二年英國實行禁娼, 香港作為英屬殖民地也要相應追隨, 當時港督貝璐爵士頒布法令, 要所有洋妓在六月三十日全面停業, 但由於華人妓女數目眾多, 所以給予三年寬限期, 到期後完全禁娼. 當年有很多洋妓集中在中環荷李活道, 雲咸街, 灣仔春園街一帶, 一聲令下, 立刻廢娼, 一時群鶯亂舞...而華人妓女則有三年期限, 據當時華民政務處的資料, 華人妓女有一萬有多, 如果一旦禁絕, 怕她們會立刻流離失所加重社會負, 所以有三年時間, 後她們另尋出路. 在這三年期間, 停止發給妓女新牌, 並不許跳槽.