名伶與名妓 - 優倡隸卒是中國封建思想下的賤民, 在清代凡家中有人從事倡(賣笑, 賣唱, 賣藝, 賣色), 優(做戲, 大戲, 戲班表演)他的三代都不許考功名, 可見他們的社會地位非常低. 在塘西有不明文規定, 伶人不進妓院, 妓女不入戲院, 目的是不想座上客人的身份有被扁低的現像, 大官貴客來捧名伶名妓場是老細身份睇你表演來娛樂自已, 但到了妓院中, 有錢佬同倡優竟是平起平座一同叫雞咁就令班闊佬覺得身份與娼優無異, 故此一般出尼食依行飯既都會識做, 盡量避忌無謂攪串個局.
但有一個名伶就夠膽打破傳統, 令這項規條從此消失, 他就是薛覺先. 當年..大約20年代, 薛覺先是紅遍省港澳, 跟佢搵食戲行之人最少都三幾百人, 當中有靚家班龍虎武師(關德興也在此出身) 有一日這群武師在塘西共和樓食飯, 竟被酒樓豆粉仔背後鬧係拕衰家, 一上酒樓貴客就走, 正賤種! 眾武師不甘受辱馬上還拖, 豆粉仔被打到仆街, 馬上到酒樓商會班馬, 兩百多人包圍共和樓, 靚家班亦從太平戲院中找來幫手, 一時杯碟齊飛, 殺聲震天, 次日報紙頭條大字標題報導, 有與論亦覺得伶人不該被歧視. 此時老渣再也沉不住氣, 每晚就拖行馬在共和樓打躉, 飛盞到各大寨叫局, 而那些紅牌亞姑是老渣粉絲, 又是同病相憐, 故此紛紛應局出寨, 一出就成晚唔返歸, 實行玩怠工, 老渣亦連同戲行之人不響鑼鼓, 務求要戲院和妓院都撕掉這項不明文規條, 最後...妓寨同平安戲院只有就範, 反正妓女和伶人都係肯洗錢之人, 大家互訪得益只係妓寨同戲班, 從此之後...倡優一家親.
但花影恨自殺事件亦因此而起....下次再續.
