star_platina

星期五，米雪第3話～

米雪 3

一夜無話，又到天光。咩呢？一夜無話嘅意思，就係一晚都冇乜特別事情發生過，發生咗嘅係啲普通嘅事情，係阿星同Cassy兩個人熱情如火嘅事情，而且熱情到連張大床嘅床單都鬆哂，阿星嘅背脊花哂，Cassy嘅頭髮亂哂咁啫。一晚嘅熱情如火，一個健康嘅女人，一個正常嘅男人，好多好多平凡但唔得閒嘅事件會發生，令到整件事情變得濕潤，變得激情，變得高温。阿星同Cassy搞搞震之後，兩個人攬住冚住條毛巾仔一覺瞓到天光。航班係晏晝嘅，飛去獅城其實好快啫，到咗之後放低行李就要拖住Cassy出去探險喇。

航程無話，攬住Cassy喺機場度等登機，喺飛機上面好似一對新婚夫妻咁攬攬錫錫有講有笑呢啲指定動作又點少得呢，就係咁，呢程飛機非常之甜蜜，非常之濕滑，非常之令人想入非非。

阿星生得大舊，只能夠坐喺啲腳前面冇遮擋嘅位置，但係阿星本身又孤鬼寒，所以只係買咗兩個經濟客位，同阿Cassy兩個人坐。好彩今日班機唔太滿，果位美麗嘅獅城空中小姐見阿星坐得咁辛苦，非常之好心地問阿星要唔要調位，話因為呢班航班仲有好多位，前面商務位可以俾阿星坐。有商務位坐阿星又唔區呀，即刻起身拖住Cassy準備跟阿空中小姐去，點知空中小姐阻止阿星同Cassy兩個人一齊過去，話：「先生，你嘅朋友唔去得喎，因為你唔夠leg room我哋先會考慮俾你坐商務客位，呢位小姐並冇leg room嘅問題，我哋唔可以俾佢過去喎。」阿星望住呢位美麗嘅獅城空中小姐，聽住佢帶有獅城口音嘅英文，阿星發現美麗嘅空姐嘅表情語氣態度並唔係講笑，所以阿星就開聲同呢位咁美麗嘅獅城空姐理論：「親愛而美麗嘅小姐，阿星好多謝你體諒阿星雙腳太長阻住哂，亦都非常之感謝你有一顆温柔甜蜜嘅心去為阿星安排一個腳空間充足嘅座位，小姐你嘅好心真係非常之少有，喺阿星一個中年男人嘅經驗入面，一定有好多人情不自禁為你迷倒。」

感謝人嘅說話一定唔少得，而且阿星係一個好有禮貌嘅人，感謝人之餘令到人覺得阿星係由心讚佢係阿星嘅拿手本領，而且呢位空中小姐斯文大方又靚女，呢啲口水唔慳得嘅。

正所謂：

一夜纏綿出征去
相處仿如蜜月甜
機位空間欠舒暢
嬌俏空姐來協調
無奈只限上司享
發揮口才好週旋

金翅油腔滑調鳥
（待續）😬

[ 本帖最後由 star_platina 於 2021-11-5 09:43 編輯 ]

star_platina

引用:

原帖由 boar36 於 5/11/2021 09:07 發表
早晨  星爺，寫好了   又來鳥  ........
金翅油腔滑調鳥！   

一夜纏綿出征去
相處仿如蜜月甜
機位空間欠舒暢
空姐主動來協調
無奈只限上司享
發揮口才好週旋 ...

真係要對住師兄寫個服字，妙筆如珠😬

star_platina

引用:

原帖由 boar36 於 5/11/2021 09:31 發表
星爺，改一改佢重過癮啲  ....
空姐主動來協調  ---> 嬌俏空姐來協調

頂，搞到阿星想將個空姐都就地正法添，呀唔係，係想寫下佢嘅故事先啱😬

star_platina

引用:

原帖由 柒七仔 於 5/11/2021 09:32 發表
我相信星師兄嘅誠懇同語言技巧一定可以兩個都upgrade 到嘅😉

當時阿星個誠狠樣同啲口花花嘅語言技巧，即刻俾個空姐嘅上司趕埋落機就有份😬

star_platina

引用:

原帖由 boar36 於 5/11/2021 09:47 發表

嘩  .....  星爺果然勁揪 .......  莫非又比你搞掂深入爆發埋？？

邊得嚟咁多故仔吖，寫埋呢幾個番外篇嘅似是而非嘅故仔就真係冇貨賣啦😬

star_platina

引用:

原帖由 cx829 於 5/11/2021 11:13 發表

Honestly, have u joined the mile high club yet?

No la😬

star_platina

引用:

原帖由 cx829 於 5/11/2021 11:58 發表

you need to. the excitement cannot be explained.
mind u it's prob very difficult to try these days.....

just like changing rooms lol... used to be so fun n easy

Aiya executive lounge is always a good place to dodge away from the crowd la ma😬

star_platina

引用:

原帖由 cx829 於 6/11/2021 12:00 發表

That i haven't tried. can u PM me the lounge u tried?
always thought the resting areas are too open to do anything.

Only done once la, in Mabuhay Club lounge toilet in Manila only😬

star_platina

原來今朝未出文添，米雪第4話～

米雪 4

空中小姐聽到阿星咁唔留手嘅讚美，即刻笑到見牙唔見眼，阿星睇得出，佢嘅笑容唔係平時果啲大方得體嘅公式笑容，而係因為自己好心腸嘅行動得到對方認同，感激同讚美而由內而外咁笑出嚟嘅笑容。皮笑肉不笑同發自內心嘅笑，或者大家好容易就睇得出；但係專業嘅笑同發自內心嘅笑，最大嘅分別，就係除咗雙眼之外，面上嘅微表情連同身體嘅小動作都會掩蓋唔住咁散發出嚟，個空姐咁靚，只睇佢笑都值回票價，何況除咗美麗嘅外貌之外，仲有個美麗嘅內心呢？

之但係阿星讚人，並唔係無條件咁讚嘅，睇到個咁靚嘅空姐笑到咁甜咁漏，就知道係時候有所求喇。阿星見個美麗嘅空姐咁開心，乘機再開聲：「但係美麗嘅小姐，阿星相信你都明白，如果阿星自己過去，冷落咗阿星美麗可人嘅女朋友自己孤單一個而去享受嘅話，阿星又真係唔捨得。」呢個時候當然要讚美埋自己嘅女伴啦，喺自己女伴面前讚美另一位女士，係要有少少咁多多嘅技巧嘅：「美麗嘅小姐你睇下，小姐你嘅好心腸，絕對配得上你美麗嘅儀容；不過阿星嘅女伴，同小姐你一樣，都係一位非常之值得令人愛慕嘅女士，雖然阿星非常之感謝小姐你嘅好意行動，但係如果阿星嘅女朋友要同阿星分開嚟坐，咁阿星為咗女朋友，都係寧願屈就一下雙腳，都要陪佢一齊坐啦。」阿星咁講，大家明唔明阿星講緊乜？

美麗嘅空中小姐聽完阿星嘅一番讚美嘅說話之後，笑得特別甜，然後開聲叫阿星坐番埋去自己位度。阿星拖住Cassy嘅手，慢慢坐番低。Cassy拉拉阿星隻手話：「你過去坐啦，頂住對腳唔舒服㗎，乖啦，一陣落機抱番錫番好冇？」Cassy軟語相求，之但係阿星又唔係一定要坐商務客位嘅，阿星揸住Cassy嘅手，輕輕撫摸下佢嫩滑嘅手背，笑住同佢話：「不如唔好落機先抱番錫番，喺呢度都抱番錫番阿星好冇？」Cassy聽到阿星呢啲時候都咁鬼蠱惑，真係頂唔順阿星，打咗阿星隻手臂一下，然後攬實阿星隻手用力請阿星食波餅。Cassy嘅舉動話俾阿星知，佢感覺到阿星想多啲見住佢。雖然阿星同佢只係一齊咗兩個星期左右，但係兩個人嘅合拍程度簡直係天衣無縫，人地唔知真係會以為Cassy係阿星女朋友，甚至會有機會以為佢係阿星老婆。喺阿星隻手俾Cassy攬住，另一隻手開始想曵曵去攬Cassy嘅時候，果位美麗嘅獅城空中小姐再次返到嚟阿星嘅面前。阿小姐，你見阿星都正準備抱下阿Cassy然後有更進一步嘅行動嘅時候，唔該你等阿星完成埋整套動作先開聲啦。

正所謂：

油腔滑調果奏效
燦爛笑容內心發
不忘稱讚嘉倩美
回到座位好溫馨
嬌俏空姐入眼簾

雖然果位獅城嘅靚女空姐冇阿嘉倩BB咁靚女，不過都係靚女嚟㗎，榴槤國同獅城多靚女就人人都知啦，不過金翅真係唔通氣鳥。
（待續）😬

[ 本帖最後由 star_platina 於 2021-11-8 09:36 編輯 ]

star_platina

引用:

原帖由 r6654c 於 8/11/2021 08:15 發表

早晨,星爺,小星星未有得舒服住,星爺双腿應該可以換位舒服先😛

早呀r師兄，星仔好啦，小星星嘅舒服通常都搞到阿星唔多舒服，真係要換位伸下腳好啲😬