star_platina

又係星期一，努力嘅一日，第9話～

米雪 9

一首輕快嘅賽馬拉完，大家嘅情緒都非常之高漲，有人拍手掌，有人俾錢阿星，咩呢？雖則話阿星係為咗娛己啫，但係有錢唔通唔收咩？果位黑衫黑裙黑眼鏡嘅女士一路望住阿星，直到Cassy好開心笑住走埋嚟將手上面嘅電話對住阿星搖兩搖，果位黑衫黑裙黑眼鏡嘅女士就轉身離開咗喇。唏，睇下女人啫，又唔使話阿星鹹鹹濕濕嘅，啱唔啱先？

阿Cassy即刻放條片俾阿星睇，阿星覺得自己拉二胡嘅時候都算叫做有形有格，但係唔知點解阿Cassy硬係講阿星好可愛嘅，查實你係咪將有形（stylish）同可愛（cute）撈亂咗呢？

搞下搞下，飲埋杯kopi冰都差唔多時候，阿星同Cassy執埋啲嘢去會場度揾Cassy個做event planning嘅朋友仔喇。牛車水去新逹會展好近嘅啫，搭MRT話咁快就到，搭車梗係趁機會攬多啲Cassy啦，阿Cassy都幾中意阿星攬住，而且雙手仲會圍住阿星條士啤呔嚟攬，真係温馨。

阿星同Cassy都冇証件出入，去到會展只能夠企喺門口度等佢個朋友仔出嚟接阿星地入去。呢類展覽人來人往，啲人出出入入非常繁忙。然後阿星見到一個好高嘅身影，一個高高瘦瘦，仲要高過Cassy嘅年輕女人，著住一件黑色背心加窄身牛仔褲一路行埋嚟。

Cassy一見到佢，即係舉高手叫佢過嚟，查實佢應該未睇到Cassy之前已經望到阿星一碌杉咁企喺度，所以三兩下已經知道阿星係Cassy打俾佢果時講嘅果個好高嘅座標喇。個好高嘅女仔行到埋嚟，阿星循例都要依起棚唔多美觀而且非常之礙眼嘅牙同佢笑笑，好高嘅女仔一路伸出手同阿星相握，Cassy一路介紹阿星係佢嘅上司，今次過嚟同佢見個面，傾下如果合作搞個展覽嘅話需要做啲咩。Cassy嘅中學同學Shanie，喺獅城度做呢類嘅event planner，即刻帶住阿星同Cassy入去會場參觀。

正所謂：

聽眾表現各迴異
黑衣女士芳蹤杳
啟程前往展覽會
再來親近極溫馨
門前靜候待君臨
互相認識進場館

金翅要觀摩下鳥
（待續）😬

[ 本帖最後由 star_platina 於 2021-11-15 09:43 編輯 ]

boar36

早晨  星爺，寫好了   又來鳥  ........
金翅要觀摩吓鳥！

聽眾表現各迴異
黑衣女士芳蹤杳
啟程前往展覽會
再來親近極溫馨
門前靜候待君臨
互相認識進場館

star_platina

引用:

原帖由 boar36 於 15/11/2021 09:27 發表
早晨  星爺，寫好了   又來鳥  ........
金翅要觀摩吓鳥！

聽眾表現各迴異
黑衣女士芳蹤杳
啟程前往展覽會
再來親近極溫馨
門前靜候待君臨
互相認識進場館 ...

觀多啲好定摩多啲好呢？😬

boar36

又觀 又摩 又揸 就最好啦！

r6654c

引用:

原帖由 star_platina 於 2021-11-15 09:44 發表


觀多啲好定摩多啲好呢？😬

早晨,星爺,總是覺得個位黑衫女仕觀眾,可能是......

star_platina

引用:

原帖由 boar36 於 15/11/2021 10:26 發表
又觀 又摩 又揸 就最好啦！

又係喎，忘記揸添😬

star_platina

引用:

原帖由 r6654c 於 15/11/2021 10:28 發表

早晨,星爺,總是覺得個位黑衫女仕觀眾,可能是......

可能是冇咩事發生嘅事😬

star_platina

尋晚睇完梅艷芳，有啲感觸，好多批評話女主角唔似梅姐，又話飾演哥哥嘅男演員唔似。

阿星想講，呢套戲係一套浪漫嘅真人真事改篇，梅艷芳嘅光芒四射人生，係冇人可以代替，演員們盡咗佢哋最大嘅努力去演繹佢哋手中嘅角色，大家可以換個角度去欣賞佢哋嘅努力，同埋懷念一代巨星嘅人生。

人生並不一定完美，有遺憾，先會顯出人生嘅璀璨。雖然未必人人都同意，但係戲入面哥哥嘅一句對白令阿星印象非常深刻：「有啲人你唔會忍心見到佢老，喺佢哋最靚嘅時候走，可能係最好。」

梅姐離開18年，阿星仍然記得當時喺英國做緊工程，哥哥之後到梅姐，感覺非常震撼。阿星細個坐喺電視機前面睇新秀，睇到梅姐攞奬，睇許冠文嘅探朱古力，睇胭脂扣，睇審死官，睇東方三俠，睇男人四十，每一套電影都印象深刻。

阿星雖然内斂，喺戲院入面都忍唔住流出兩行男人馬尿，緬懷梅姐。😬

[ 本帖最後由 star_platina 於 2021-11-15 12:54 編輯 ]

licklickson

引用:

原帖由 star_platina 於 2021-11-15 11:31 發表
尋晚睇完梅艷芳，有啲感觸，好多批評話女主角唔似梅姐，又話飾演哥哥嘅男演員唔似。

阿星想講，呢套戲係一套浪漫嘅真人真事改篇，梅艷芳嘅光芒四射人生，係冇人可以代替，演員們盡咗佢哋最大嘅努力去演繹佢哋手中嘅角色，大家可以換 ...

Ching果然感性之人，好多人睇完都不禁流下眼淚！

star_platina

引用:

原帖由 licklickson 於 15/11/2021 12:51 發表
Ching果然感性之人，好多人睇完都不禁流下眼淚！

人生嘅不足，造就天后梅艷芳，雖然短暫，但係光芒萬丈，不可代替。

大家睇下，一個有咁多不足咁多遺憾嘅人都尚且做到最好活到最好，我哋有咁多先天嘅優勢，就更加要做好佢。

梅艷芳嘅故事，係一個平凡人努力嘅故事，係大家嘅故事，係每一個香港人嘅故事。