star_platina

依家係Shanie篇啦～

番外篇5-Event Planner Shanie篇，第8話#1897


番外篇1-榴槤之國黃太篇，第1話#2，最終話#300。（已完結）
番外篇2-獅城創作總監米雪篇，第1話#337，最終話#929。（已完結）
番外篇3-水庫媽媽南茜篇，第1話 #948，最終話#1089。（已完結）
番外篇4-甜美女孩Karry篇，第1話#1098最終話 #1831


揾相原來揾到好多相識嘅女士，雖然有啲只係見過一面，食飯飲嘢，但係阿星會話當中有幾位好可惜冇成為情人，不過人係唔可以太貪心，得一想二，更何況阿星係得七想八九十十一十二十三咁貪心呢？😬

[ 本帖最後由 star_platina 於 2023-1-19 12:30 編輯 ]

star_platina

番外篇1 - 黃太第1話～

黃太1

飛嚟榴槤之國之後都冇乜嘢做，安頓好行李，都係時候飲杯紅酒，揾啲嘢搞下。阿星中意睇交友程式，因為好多古靈精怪嘅嘢睇。睇女就當然啦，不過阿星唔多會同人傾計，一嚟唔太相信相中人係真人；二嚟睇下就好，一揾就好多麻煩嘢。唔放樣尤自可，一放樣就即刻就會有好多人嚟睇嚟八卦。阿星八卦人地放啲咩相，睇下睇下都學到唔少嘢。有時候你睇下人地，人地睇下你，睇下睇下，就會有好多人睇到你，然後知道你係乜水。阿星睇埋睇埋唔少，都有唔少人睇番阿星想知道究竟係乜水睇緊佢哋，而當中嘅一位就係佢，黃太。

阿星成日覺得黃太唔多知自己做緊乜，因為佢同阿星傾咗幾日之後，就係咁問阿星覺得佢點。或者你會話：好多人都會問人地覺得佢會點啦，有幾咁唔閒？大夫，你俾阿星講埋先啦。黃太個樣唔算差嘅，而且睇落都保養得幾好，睇落應該大阿星一兩年。同佢傾落先知，佢起碼大阿星五六年，正式係徐娘。不過冇所謂啦，睇下啫，眼看手勿動就好，都係果句，免費係最貴，傾計吹水冇所謂嘅。

阿黃太問阿星覺得佢點，阿星望下佢個樣，都算係中等之姿，就話俾佢聽外貌都唔錯啦，副膽就唔知喇。然後黃太話阿星：「你都唔知人地講乜嘅！」咁你問阿星覺得你點，阿星有碗話碗，有碟話碟咋喎。你係中等姿色，唔通要阿星讚你靚咩？黃太話：「我係叫你睇下我似唔似呀。」似唔似咩呢？似人妻？你好似係叫黃太喎，唔係人妻唔通老作？黃太話：「我當然係人妻啦，所以我先問你我似唔似嘛。」咁似唔似咩先得㗎？

黃太有啲嬲，雖然只係短訊，但係阿星睇得出黃太嘅言詞係對阿星有不滿。之但係不滿啲咩呢？似唔似啲乜，定佢想阿星話俾佢知佢似邊個明星呢？又唔係吖，雖然黃太嘅外貌喺佢嘅年紀嚟講算係比較後生，真係要俾分嘅話10分滿分都有6分左右嘅。大家唔好話阿星奄尖聲悶，阿星都叫做成日訓練自己嘅審美眼光，幾時？咪就係成日開啲交友程式喺度睇女仔囉。阿星睇人樣都有番咁上下，叫做有一顆觀眼之心，望住人地對眼都睇到唔少嘢。之但係單憑一張相，又真係好難判斷一個人喎，你話如果可以真人面對面，甚至可以哄埋啲或者摸下嘅話，準確性就會大增喇。阿星講緊摸下塊面咋喎，你哋諗咗去邊？

正所謂：

初到貴境樂賦閒
聊天程式遇人妻
女角性格極進取
年紀稍長徐娘去
常問英雄索評分
星星直言惹不滿

金翅唔知乜料鳥！！（特別多謝boar師兄客串打油詩😬）
（待續）😬

[ 本帖最後由 star_platina 於 2021-10-31 10:18 編輯 ]

star_platina

黃太2

黃太問咗好多次佢似唔似，阿星真係完全唔知佢講緊乜，講多兩講，佢終於開口問阿星：「你都唔知人地問緊乜嘅，我係問你我似唔似好淫呀！」 (I am asking you do I look sluty!) 黃太係講英文嘅，阿星同佢都係講英文交流。

係？邊度睇得出呢？況且淫嘅定義好難界定，出面啲人覺得淫嘅女人，可能喺阿星眼中係好平常喎。黃太應該係果啲唔受得人激嘅人，喺阿星一話睇唔出嘅時候，佢第一時間俾咗張好醒神嘅相俾阿星，相入面嘅黃太，同佢大頭相果張，同埋平時俾阿星睇嘅一兩張着住衫影嘅相唔同。黃太基本上仍然有着衫，但係眼神非常之誘人，而且一副戰鬥格，要同阿星打番場友誼波咁款。當然可能當時黃太根本唔係望住阿星，而係望住其他嘢。

黃太嘅眼神，話俾阿星知佢有一雙好淫蕩嘅眼睛，而且仲係唔止眼睛淫蕩，連全身都淫到冇法子。你問阿星點知？因為阿星同佢講咗句：「睇眼神就有少少咁啦，身體淫唔淫真係唔清楚。」咩呢？咁係吖嘛，阿星雖然話係一個觀淫…………觀人於微嘅人啫，都唔敢講話單憑一張相片一個眼神就判定人地夠淫啦嘛。而呢句無心之言所帶嚟嘅後果就係……………多咗好多黃太急於要証明俾阿星睇佢有幾淫嘅相囉。

查實女伴性向係點，對阿星嚟講好小事，只要同阿星傾得埋，有共同目標同方向就得。查實阿星好容易同人傾得埋，雖然阿星人多嘅時候唔多嘢講，但係人少少嘅時候就非常之好傾，而且醫卜星相樣樣都識少少，總會揾到共同嘅話題。阿星講到咁，大家都應該明白，黃太同阿星傾咗幾日，已經好急於想証明自己喇。

正所謂：

人妻多番來提問
查實關鍵一個字
忽地傳來數玉照
英雄擅觀淫於微
如實道出閱後感
豈料無心埋伏筆

金翅比人催到暈鳥！！
（待續）😬

[ 本帖最後由 star_platina 於 2021-10-31 10:19 編輯 ]

star_platina

黃太 3

黃太係個咩人，其實阿星真係唔太清楚，喺阿星同佢講話佢眼神就有幾分淫蕩，但係裡面就唔敢講嘅幾分鐘之後，黃太傳嚟一張揸住一碌大星星嘅相。相入面嘅黃太，解除哂所有束縛，打出一對應該有32B嘅乳房，單住眼，笑瞇瞇，右手揸住一碌大星星。你問阿星點知佢係大星星？唏，大過小星星嘅咪係大星星囉，仲有長星星，短星星，粗星星同幼星星可供選擇添。

唔好講呢啲，講番黃太。阿星望住一張咁樣嘅黃太相，真係搞到小星星都忍唔住想抬高頭嚟望下究竟阿星睇到啲乜。黃太係一個比較骨感嘅女人，以佢嘅年紀嚟講，身材算係保養得好好；瘦啲嘅人睇落係會令人感覺年輕啲，但係去到再老啲嘅時候，瘦又會令人覺得又老又瘦，真係要好好掌握先得。黃太身上並冇多餘嘅贅肉，起碼呢張相阿星睇唔到有，而且雖然唔係豪雨，反而睇落骨肉均勻，唔會太誇張。

黃太已經係一位徐娘，但係都係風韻猶存嘅一類，除咗個揸住大星星都仍然笑得咁俏皮嘅笑容之外，黃太都算係唔錯。阿星問佢張相幾時影嘅，佢嘅回答就係咁：「我夠唔夠淫呀？」夠，夠哂淫，仲有冇再淫啲？黃太可能真係好中意人讚佢，喺阿星讚賞完之後，佢又即刻傳送多兩張相過嚟。係啲咩相，大家心照啦，阿星睇完之後，黃太又問：「我夠唔夠淫唧？」

老實講，呢句說話講一次，或者你會覺得女伴挑逗緊你；講兩次，或者你會話女伴想試探你；講三次四次五次，就會令人懷疑究竟講呢句說話嘅人究竟係咩人：女人？男人？究竟佢係邊一款？

正所謂：

接獲慾照顯個性
手握大物眸半開
身裁骨感無贅肉
照片接二連三發
品評問題又再來
星星迷思一陣陣

金翅遇到件淫物鳥！
（待續）😬

[ 本帖最後由 star_platina 於 2021-10-31 10:19 編輯 ]

star_platina

黃太 4

黃太已經好主動約咗阿星出嚟見面幾次，阿星都好禮貌咁宛拒咗，因為實在令到阿星好懷疑究竟黃太係咪真係黃太，定係查實係黃生？又抑或係黃生要黃太咁做？太多太多古靈精怪嘅可能性喺阿星個青豆咁大嘅腦入面不停浮現，而且黃太成熟但唔多覺有皺紋嘅身形經由佢傳送俾阿星而不停印入阿星個腦入面，令到阿星已經有啲好奇想知道究竟黃太係乜水。

黃太約咗阿星喺首都附近嘅貴價商場入面食晏飲咖啡，而且個商場係阿星非常之熟悉嘅。點解阿星咁熟悉？因為個商場就係喺阿星返嘅公司樓下果個貴價商場囉。阿星去到嘅時候黃太都未到，阿星小心啲，唔喺咖啡店入面坐，喺咖啡店嘅附近徘徊，睇下黃太係乜水先。大家都唔好話阿星細膽，太多嘅疑惑，令到阿星忍唔住要小心謹慎啲，一陣嚟嘅唔係黃太而係“黃太”就真係麻煩，呢啲驚嚇阿星唔多受得。

15分鐘之後，阿星見到黃太著住條簡單嘅一件頭吊帶花裙慢慢行到嚟，行到入咖啡店望咗兩望，唔見阿星坐喺度，自己揾咗個位坐定定，跟住帶返個老花眼鏡就喺度用手機打短訊。一路打一路四圍望，又睇下短訊又笑下咁。阿星嘅爛舊手機都有響咗幾下，都係黃太打嚟問阿星到未，阿星就簡單答佢話仲忙緊，黃太一路問阿星仲要幾耐，話好想快啲見到阿星咁話。阿星望住佢打短訊，應該同時間應付緊阿星以外嘅其他人，估計都係男性。

查實對阿星嚟講，啱啱嚟到榴槤之國，唔係咁心急要揾個女人啫下話，就算係，都唔想揾個要同時間應酬好多個男人嘅女人囉。係㗎，阿星好貪心，如果要識個女伴，都想揾個女伴喺對住自己嘅時候只諗住自己啦，起碼阿星係咁樣諗，都希望女伴有咁嘅共識先好開始。話哂阿星唔係想揾炮友，而且免費嘅嘢係最貴，有過妹妹之前嘅經驗，阿星好明白，要對待女伴真係要好似對自己女朋友，甚至乎當係阿星老婆咁嚟對待先得。

正所謂：

黃太主動提約會
英雄欲拒還是迎
會面約定咖啡室
謹慎刻意遠觀察
女角來電促現身
對應女伴有竅門

金翅要謀定而後動鳥！
（待續）😬

[ 本帖最後由 star_platina 於 2021-10-31 10:20 編輯 ]

star_platina

黃太5

見到黃太咁忙碌喺度打短訊俾唔知幾多個人，阿星都係決定忍一忍，風平浪靜…………即係咁，位女士忙成咁，阿星都真係唔好打擾佢繁忙嘅時間，所以阿星決定都係同佢講聲唔得閒，叫佢自己飲咖啡就算。好多時阿星就係衰在太有禮貌，太有交帶，會俾人覺得阿星又長氣又盛咁；今次都唔例外，阿星打咗個短訊俾黃太，俾咗個簡單嘅藉口話好忙之類，就同黃太話唔好意思，有機會再見，然後轉身就行。唔知係咪阿星動作大，定係個款頭都係太過礙眼，阿黃太竟然喺咖啡店度走出嚟，認得出阿星，仲要即刻走過嚟捉住阿星隻手對住阿星笑，一字話阿星蠱惑，唔過去見佢，然後就好似老婆攬住老公隻手咁，繞住阿星隻手，用佢嘅32B壓住阿星。

榴槤之國咁熱，阿星件恤衫又咁薄，阿星絕對有理由相信，黃太嘅吊帶花裙入面係乜都冇著嘅，點解會咁講呢？喺黃太攬住阿星隻手，將佢壓埋去佢身度嘅時候，有意無意咁將阿星整條手臂磨落佢身上，壓落32B度就唔在講，阿星嘅手背，幾乎都係掂住佢花裙遮住嘅下身度，而且俾黃太捉住，就好似俾隻八爪魚纏住一樣，阿星隻手只係任佢擺佈，完全不得自由，所以阿星隻手由上臂接近手踭位俾黃太攬住壓實之餘，手背亦都因為黃太攬咁實而被迫貼實黃太瘦削而脹卜卜嘅下身磨擦。

黃太感受到阿星嘅手背不受控制咁磨擦佢嘅下身，即刻用力再將阿星嘅手壓落佢嘅32B度，令到阿星手踭到手背都受力而壓向佢，然後黃太對住阿星笑，笑得不懷好意：「你好心急喎，我冇著胸圍同內褲，係咪好淫？」黃太嘅英文，都係果啲獅城榴槤國口音嘅英文，雖然唔純正，但係好流利，而且滲雜好多廣東話嘅“呢”呀，“喎”呀，“咩”呀嘅助語詞，非常之有風味。阿星就咁樣，俾黃太半脅持半引誘咁，拖番入咖啡店飲咖啡。阿星俾人評頭品足都已經係司空見慣，反正阿星夠高，女士們望阿星嘅時候或多或少都係仰望嘅狀態，亦都慣咗俾女士仰望嘅感覺，不過俾人攬到隻手咁實，透過咁薄嘅吊帶裙去感受一個成熟女性嘅身體，阿星又真係未試過。

正所謂：

人妻忙碌短訊間
英雄抽身欲爽約
豈料事敗遭挾持
餓虎擒羊胸壓來
裙子內裏空蕩蕩
如斯感覺頗清新

金翅失手被擒鳥！
（待續）😬

[ 本帖最後由 star_platina 於 2021-10-31 10:21 編輯 ]

koalaau

開新帖好呀，唔使每次轆咁耐先有得睇。

peako

恭喜新鋪開張🎉🎊🎊

star_platina

引用:

原帖由 koalaau 於 27/10/2021 10:14 發表
開新帖好呀，唔使每次轆咁耐先有得睇。

歡迎師兄歸隊，係囉，阿星就係發現好似大家都睇得好辛苦，不如呢度開新鋪，番外篇由頭開始過😬

star_platina

引用:

原帖由 peako 於 27/10/2021 10:22 發表
恭喜新鋪開張🎉🎊🎊

歡迎師兄參觀😬