更新多一話先得～
Shanie 6
阿星當然知道Cassy 望住啦，而且感覺到Cassy 對阿星嘅不滿添，阿Cassy 嘅腳喺阿星調戲阿Shanie 嘅時候已經懲罰緊小星星添啦，腳趾用力夾咗小星星一下…………痛！
好啦，既然有人唔中意，阿星又影下你先得。阿星個手機一轉過去，都未開聲話要同Cassy 影相，Cassy 已經擺好姿勢嚟等，仲要縮返隻腳落地打側嚟坐，話側側地三七面先好睇咁話。
Shanie 喺阿星影緊Cassy 嘅時候，慢慢伸手摸住阿星大脾喺度掃，咩事呢？阿星望下Shanie，發現佢嘅眼神異常之俏皮，喺Shanie嘅一雙大眼睛入面，阿星睇到嘅，並唔係欲望，反而係頑皮。睇嚟Shanie 係一個好頑皮嘅女仔，趁阿Cassy 睇唔到嘅時候靜雞雞用手指掃阿星大脾，你真鬼馬。不過唔好，一嚟阿星已經有Cassy 一個咁好嘅紅顔，都冇乜必要揾多個女伴，二嚟雖然Shanie 係一個幾吸引人嘅女性，同Cassy 各有各特色，之但係經歷過之前Michelle 嘅事件之後，都係唔好喇，一陣又乸屎上身，俾人打多巴就唔好喇。
阿星決定唔理Shanie 嘅挑釁，扮成有啲醉睇佢唔到。之但係一個有啲醉意嘅女人，喺決定咗要找一個少少醉嘅男人麻煩嘅時候，又點會咁容易放過佢呢？
待續😬
